Lok Sabha Exit Poll Result 2024 : લોકસભા ચૂંટણીના સાતમા તબક્કાનું મતદાન પૂર્ણ થતા જ ન્યુઝ તથા સર્વે એજન્સીઓએ લોકસભા ચૂંટણીને લઈને તેમના એક્ઝિટ પોલ જાહેર કર્યા છે. PMARQ EXIT POLL અનુસાર, NDAને 359 સીટો, ઈન્ડિયા એલાયન્સને 154 સીટો મળી રહી છે. જ્યારે અન્યને 30 બેઠકો મળી રહી છે. તો MATRIZE EXIT POLL મુજબ, NDA ને 353-398 બેઠકો મળવાની ધારણા છે, ઈન્ડિયા ગઠબંધનને 118-133 બેઠકો મળવાની ધારણા છે, જ્યારે અન્યને 43-48 બેઠકો મળવાની ધારણા છે.
એક્ઝિટ પોલ 2024 સર્વે એજન્સીઓ – કોણે શું ભવિષ્યવાણી કરી
લોકસભા ચૂંટણીના સાતમા તબક્કાનું મતદાન પૂર્ણ થયા બાદ કેટલીક સર્વે એજન્સીઓ દ્વારા એક્ઝિટ પોલ દ્વારા પરિણામનું અનુમાન કરવામાં આવ્યું છે, તેમણે સર્વે દ્વારા પરિણામ શું આવશે તેના દાવા કર્યા છે. જેમાં રિપબ્લિક PMARQ એક્ઝિટ પોલ, આજતક-એક્સિસ એક્ઝિટ પોલ, એબીપી-સીવોટર એક્ઝિટ પોલ, ન્યુઝ18 એક્ઝિટ પોલ, ન્યુઝ24 ચાણક્ય એક્ઝિટ પોલ અને MATRIZE એક્ઝિટ પોલનો સમાવેશ થાય છે.
રિપબ્લિક PMARQ એક્ઝિટ પોલ 2024
રિપબ્લીકન PMARQ ના એક્ઝિટ પોલમાં પીએમ નરેન્દ્ર મોદીની લહેર સ્પષ્ટ જોવા મળી રહી છે. તેણે NDAને 359 સીટો, ઈન્ડિયા એલાયન્સને 154 સીટો, જ્યારે અન્યને 30 બેઠકો મળી રહી હોવાની ભવિષ્યવાણી કરી છે.
ગઠબંધન સીટો એનડીએ ગઠબંધન 359 ઈન્ડિયા ગઠબંધન 154 અન્ય 30
MATRIZE એક્ઝિટ પોલ 2024
MATRIZE EXIT POLL મુજબ, NDAને 353-398 બેઠકો, ઇન્ડિયા એલાયન્સને 118-133, જ્યારે અન્યને 43-48 બેઠકો મળવાની ધારણા છે.
ગઠબંધન સીટો એનડીએ ગઠબંધન 353-398 ઈન્ડિયા ગઠબંધન 118-133 અન્ય 43-48
જન કી બાત એક્ઝિટ પોલ 2024
લોકસભા ચૂંટણી 2024 ના જન કી બાત ના એક્ઝિટલ પોલ પરિણામમાં પણ એનડીએ ને બઢત સાથે 362-392, ઈન્ડિયા ગઠબંધનને 141-161 તો, અન્ય ને 10-20 બેઠકો મળવાનો અનુમાન જાહેર કરવામાં આવ્યો છે.
ગઠબંધન સીટો એનડીએ ગઠબંધન 362-392 ઈન્ડિયા ગઠબંધન 141-161 અન્ય 10-20
ઈન્ડિયા ન્યુઝ D-Dynamics એક્ઝિટ પોલ 2024
ડી-ડાયનેમિક્સ દ્વારા પણ લોકસભા ચૂંટણી 2024 નો એક્ઝિટ પોલ જાહેર કરવામાં આવ્યો છે, જેમાં તેણે એનડીએ ને 371, ઈન્ડિયા ગઠબંધનને 125, અને અન્યને 47 બેઠકો મળવાનો દાવો કર્યો છે.
ગઠબંધન બેઠક એનડીએ ગઠબંધન 371 ઈન્ડિયા ગઠબંધન 125 અન્ય 47
ન્યુઝ નેશન એક્ઝિટ પોલ 2024
ન્યુઝ નેશન એક્ઝિટ પોલ 2024 માં પીએમ મોદીના નેતૃત્વવાળા એનડીએ ગઠબંધનને 342-378, તો ઈન્ડિયા ગઠબંધનને 153-169 અને અન્ય ને 21-30 સીટો મળવાનો અંદાજ લગાવવામાં આવ્યો છે.
ગઠબંધન બેઠક એનડીએ ગઠબંધન 342-378 ઈન્ડિયા ગઠબંધન 153-169 અન્ય 21-30
દૈનિક ભાસ્કર એક્ઝિટ પોલ 2024
આ બાજુ દૈનિક ભાસ્કર એક્ઝિટ પોલ 2024 માં તેના સર્વે અનુસાર એનડીએ ને 281-350, ઈન્ડિયા ગઠબંધન ને 145-201 તો અન્ય ને 33-49 સીટો મળી શકે છે.
ગઠબંધન બેઠક એનડીએ ગઠબંધન 281-350 ઈન્ડિયા ગઠબંધન 145-201 અન્ય 33-49
આજતક-એક્સિસ એક્ઝિટ પોલ 2024
આજતક એક્સિસના એક્ઝિટ પોલ પણ એનડીએ ને 381, ઈન્ડિયા ગઠબંધનને 148 , તો અન્યને 14 બેઠકો મળી રહી હોવાનો દાવો કર્યો છે.
ગઠબંધન બેઠક એનડીએ ગઠબંધન 381 ઈન્ડિયા ગઠબંધન 148 અન્ય 14
એબીપી-સીવોટર એક્ઝિટ પોલ 2024
એબીપી સીવોટરે એક્ઝટ પોલમાં પીએમ નરેન્દ્ર મોદીની લહેર ચાલશે અને એનડીએ ને 368, ઈન્ડિયા ગઠબંધનને 167, તો અન્યને 08 બેઠક મળી રહી હોવાનુ જણાવ્યું છે.
ગઠબંધન બેઠક એનડીએ ગઠબંધન 368 ઈન્ડિયા ગઠબંધન 167 અન્ય 08
ન્યુઝ18 એક્ઝિટ પોલ 2024
ન્યુઝ18 એ પણ એનડીએ ને 362, ઈન્ડિયા ગઠબંધનને 134 તો અન્યને 47 બેઠકો મળી રહી હોવાનો દાવો કર્યો છે.
ગઠબંધન બેઠક એનડીએ ગઠબંધન 362 ઈન્ડિયા ગઠબંધન 134 અન્ય 47
ન્યુઝ24 ચાણક્ય એક્ઝિટ પોલ 2024
ન્યુઝ24 ચાણક્ય દ્વારા પણ ચૂંટણીને લઈ એક્ઝિટ પોલ સર્વેમાં એનડીએ ને 400, ઈન્ડિયા ગઠબંધનને 107, તો અન્યને 36 બેઠકો મળી રહી હોવાનું જણાવવામાં આવી રહ્યું છે.
ગઠબંધન બેઠક એનડીએ ગઠબંધન 400 ઈન્ડિયા ગઠબંધન 107 અન્ય 36
ઉલ્લેખનીય છે કે, એક્ઝિટ પોલ પહેલા મલ્લિકાર્જુન ખડગેએ મોટો દાવો કર્યો છે. તેમણે કહ્યું કે ભારત ગઠબંધન 295થી વધુ બેઠકો જીતશે. મારી પાર્ટીના નેતાઓ એક્ઝિટ પોલને લઈને ટીવી ડિબેટમાં પણ ભાગ લેશે. તેમણે કહ્યું કે, અમે દેશ સમક્ષ સત્ય રજૂ કરીશું. લોકસભા ચૂંટણીના સાતમા તબક્કાનું મતદાન પણ સમાપ્ત થઈ ગયું છે.
લોકસભા ચૂંટણી 2024 પરિણામ – 4 જૂને મતગણતરી થશે
સાતમા તબક્કામાં દેશના 7 રાજ્યો અને એક કેન્દ્રશાસિત પ્રદેશની 57 બેઠકો પર મતદાન થયું હતું. હવે 4 જૂને મત ગણતરી થશે અને પરિણામ જાહેર થશે. સમગ્ર દેશમાં સાત તબક્કામાં લોકસભાની ચૂંટણી યોજાઈ છે.
ચાર રાજ્યોમાં વિધાનસભા ચૂંટણીનું પણ પરિણામ 4 જૂન 2024
તમને જણાવી દઈએ કે, લોકસભા ચૂંટણીની સાથે ચાર રાજ્યોમાં વિધાનસભાની ચૂંટણી પણ યોજાઈ ગઈ છે. સિક્કિમ, અરુણાચલ પ્રદેશ, આંધ્ર પ્રદેશ અને ઓડિશામાં પણ વિધાનસભાની ચૂંટણી યોજાઈ છે.
