Mumbai News: મુંબઇમાં 31 ડિસેમ્બરે 17800 વાહન ચાલકો દંડાયા, ₹ 89 લાખ નો દંડ વસૂલાયો

Mumbai Samachar 1 January 2025 Live News In Gujarati: મુંબઇમાં વર્ષ 2025ના પ્રથમ દિવસે હવાની ગુણવતા ઘટી થઇ છે. મુંબઇ શહેરમાં બગડતી એર ક્વોલિટી વચ્ચે બૃહ્દ મુંબઈ મ્યુનિસિપલ કોર્પોરેશન (BMC) એ શહેરમાં GRAP 4 ધોરણો લાગુ કર્યા છે. આનો અર્થ એ છે કે 200 થી વધુ એર ક્વોલિટી ઇન્ડેક્સ ધરાવતા વિસ્તારોમાં પ્રદૂષણ વિરોધી કેટલાક નિયંત્રણો લાદવામાં આવ્યા છે. નબળા AQI ધરાવતા વિસ્તારોમાં તમામ બાંધકામ પ્રવૃત્તિઓ બંધ કરી દેવામાં આવે અને રસ્તાઓ પર પાણીના છંટકાવના મશીનો ગોઠવવામાં આવે તેવી શક્યતા છે.

મુંબઈ શહેરમાં 1 જાન્યુઆરીની સવારે એર ક્વોલિટી ઇન્ડેક્સ 175 નોંધાયો હતો, જે હવાની અત્યંત નબળી ગુણવત્તા દર્શાવે છે. મુંબઇ કોર્પોરેશને શિયાળા દરમિયાન હવા પ્રદૂષણને કાબૂમાં લેવા માટે શહેરમાં સૌથી વધુ AQI ધરાવતા વિસ્તારોમાં GRAP 4 લાગુ કર્યા છે.

મહારાષ્ટ્રના પાલધી ગામમાં જૂથ અથડામણ બાદ કર્ફ્યુ

મહારાષ્ટ્રના પાલધી ગામમાં બુધવારે વહેલી સવારે બે સમુદાયોના લોકો અથડામણ થઇ હતી. જૂથ અથડામણ થતાં ગામમાં 24 કલાકનો કર્ફ્યુ લાદવામાં આવ્યો હતો. મંગળવારે રાત્રે લગભગ 9.30 વાગ્યે અથડામણ શરૂ થઈ હતી અને ઘણી દુકાનોને આગ ચાંપવામાં આવી હતી અને વાહનોને નુકસાન પહોંચાડવામાં આવ્યું હતું. આ ઘટના બાદ 1 જાન્યુઆરીએ સવારે 3 વાગ્યે 24 કલાકનો કર્ફ્યુ લાદવામાં આવ્યો છે.

Jan 01, 2025 23:11 IST
મુંબઈમાં ગરમીનો પારો ઉંચકાયો, હવામાન વિભાગે કરી આગાહી
હવામાન વિભાગના કોલાબા કેન્દ્રમાં બુધવારે મહત્તમ તાપમાન 32.4 ડિગ્રી સેલ્સિયસ, જ્યારે સાંતાક્રુઝ કેન્દ્રમાં મહત્તમ તાપમાન 34.4 ડિગ્રી સેલ્સિયસ નોંધાયું હતું. મંગળવારે બંને કેન્દ્રો પર મહત્તમ તાપમાન સરખું રહ્યું હતું.
જોકે બુધવારે મુંબઈગરાઓને ગરમી સહન કરવી પડી હતી. કોલાબામાં બુધવારે સરેરાશ કરતાં 2.1 ડિગ્રી વધુ મહત્તમ તાપમાન નોંધાયું હતું, જ્યારે સાંતાક્રુઝમાં મહત્તમ તાપમાન 3.6 ડિગ્રી નોંધાયું હતું. રાજ્યમાં સૌથી વધુ મહત્તમ તાપમાન પાલઘરમાં 35.6 ડિગ્રી અને થાણેમાં મહત્તમ તાપમાન 35 ડિગ્રી સેલ્સિયસ નોંધાયું હતું. રાજ્યમાં લઘુત્તમ તાપમાનમાં પણ વધારો થયો છે.
ધુમ્મસ અને વાદળછાયા વાતાવરણના કારણે કેટલાક વિસ્તારોમાં સવાર અને રાત્રિના ઝાકળમાં ઘટાડો થયો છે. આ સ્થિતિ પૂર્વવત થવામાં હજુ બેથી ત્રણ દિવસ લાગશે તેવી આગાહી હવામાન વિભાગે કરી છે.



Jan 01, 2025 23:04 IST
AMUL આઇસ્ક્રીમ હવે આમચી પુણે બનશે!!
GCMMF (ગુજરાત કોઓપરેટિવ મિલ્ક માર્કેટિંગ ફેડરેશન) કે જે અમૂલ બ્રાન્ડથી જાણીતું છે એ હવે પુણેમાં ખેડ ઈન્ડસ્ટ્રીયલ એસ્ટેટમાં આઈસ્ક્રીમ પ્રોજેક્ટ સ્થાપી રહ્યું છે. મહારાષ્ટ્રમાં આઈસ્ક્રીમ માટેનો આ સૌથી મોટો પ્રોજેક્ટ બનવા જઈ રહ્યો છે. પ્રાપ્ત વિગતો અનુસાર, આ પ્રોજેક્ટનું કામ અંતિમ તબક્કામાં છે અને આગામી ઉનાળામાં પ્રોજેક્ટમાંથી આઈસ્ક્રીમનું ઉત્પાદન શરૂ થશે.



Advertisment
Jan 01, 2025 22:51 IST
મુંબઈમાં પ્રદુષણ નિયંત્રણમાં લેવા RMC પ્લાન્ટ બંધ કરવા આદેશ
મુંબઈમાં રેડી મિક્સ પ્લાન્ટ બંધ કરવા માટે આદેશ આપવામાં આવ્યા છે. મહારાષ્ટ્ર પ્રદૂષણ નિયંત્રણ બોર્ડના સચિવ અવિનાશ ઢકનેએ જણાવ્યું કે, મુંબઈમાં પ્રદુષણને નિયંત્રણમાં લેવા માટે કડક પગલાં લેવાશે અને મુંબઈમાં કોઇ પણ નવા વાણિજ્યિક આરએમસી (રેડી મિક્સ) પ્રોજેક્ટને મંજૂરી આપવામાં નહીં આવે. વધુમાં તેમણે એ પણ કહ્યું કે, હાલમાં જે પ્લાન્ટ ચાલી રહ્યા છે એમને પણ બંધ કરવા આદેશ આપ્યા છે. આ પ્રોજેક્ટ બંધ કરવા માટે ત્રણ મહિનાની સમય મર્યાદા આપવામાં આવી છે.
🔹मुंबई महानगरातील वायू प्रदूषण नियंत्रित करण्यासाठी बृहन्मुंबई महानगरपालिकेने कठोर उपायोजना लागू केल्या आहेत. विशेषतः भायखळा आणि बोरिवली पूर्व येथील बांधकामे सरसकटपणे बंद करण्यात आली आहेत. बांधकामे थांबिवल्यानंतर प्रत्यक्ष क्षेत्रावर काय स्थिती आहे, हे जाणून घेण्यासाठी… pic.twitter.com/TobkCPIEGv
— माझी Mumbai, आपली BMC (@mybmc) January 1, 2025
https://platform.twitter.com/widgets.js



Jan 01, 2025 16:33 IST
મુંબઇમાં 31 ડિસેમ્બરે 17800 વાહન ચાલકો દંડાયા, ₹ 89 લાખ નો દંડ વસૂલાયો
મુંબઈ ટ્રાફિક પોલીસે બુધવારે જણાવ્યું હતું કે મંગળવારે નવા વર્ષની પૂર્વ સંધ્યાની ઉજવણી દરમિયાન લગભગ 17,800 લોકોને ટ્રાફિક નિયમોનું ઉલ્લંઘન કરવા બદલ દંડ ફટકારવામાં આવ્યો હતો, જેમાં 153 વ્યક્તિઓનો સમાવેશ થાય છે જેઓ દારૂના નશામાં ડ્રાઇવિંગ કરતા હોવાનું જણાયું હતું. આ ઉપરાંત, ઉલ્લંઘન કરનારાઓ પાસેથી 89.19 લાખ રૂપિયા દંડ વસૂલવામાં આવ્યા હતા. મુંબઇ ટ્રાફિક પોલીસ દ્વારા 2893 ડ્રાઇવરો સામે તેમના વાહનો રસ્તા પર પાર્ક કરવા, 1923 લોકોને હેલ્મેટ વગર ટુ વ્હીલર ચલાવવા અને 1731 લોકોને ટ્રાફિક સિગ્નલ તોડવાના ગુના બદલ દંડ ફટકારવામાં આવ્યો હતો.



Jan 01, 2025 14:14 IST
મુંબઇના થાણેના દમાણી એસ્ટેટમાં આગ લાગી
મુંબઇના થાણે વિસ્તારમાં એક ઈન્ડસ્ટ્રીયલ એસ્ટેટમાં આગ લાગવાની ઘટના બની છે. થાણેના દમાણી એસ્ટેટમાં સવારે સાડા સાત વાગેની આસપાસ આગ લાગી હતી. જો કે સદનસીબે આગ લાગવાથી કોઇ જાનહાની થઇ નથી.



Jan 01, 2025 12:20 IST
મુંબઇમાં હવા પ્રદૂષણ વધતા GRAP 4 લાગુ
મુંબઈ શહેરમાં 1 જાન્યુઆરીની સવારે એર ક્વોલિટી ઇન્ડેક્સ 175 નોંધાયો હતો, જે હવાની અત્યંત નબળી ગુણવત્તા દર્શાવે છે. મુંબઇ કોર્પોરેશને શિયાળા દરમિયાન હવા પ્રદૂષણને કાબૂમાં લેવા માટે શહેરમાં સૌથી વધુ AQI ધરાવતા વિસ્તારોમાં GRAP 4 લાગુ કર્યા છે.