Mumbai Live News: મહારાષ્ટ્રમાં 6 મહિનામાં 1.13 લાખ કરોડ વિદેશ રોકાણ, સમગ્ર દેશમાં ટોચ પર : CM ફડણવીસ

Mumbai Samachar 3 January 2025 Live News In Gujarati: મુંબઇમાં એક મહિલાએ વૃદ્ધ માતાની છરી મારી હત્યા કરી હોવાની ઘટના બની છે. મુંબઇના કુર્લા વિસ્તારમાં એક 41 વર્ષની મહિલાએ તેની વૃદ્ધ માતાની છરી મારીને હત્યા કરી છે. હત્યા કરનાર મહિલાની પોલીસે ધરપકડ કરી કેસ દાખલ કર્યો છે. માહિતી મુજબ મુંબ્રા વિસ્તારની રહેવાસી સાબીરા બાનો (62) ગુરુવારે કુર્લાના કુરેશી નગરમાં રહેતી તેની પુત્રી રેશ્મા કાઝી (41)ના ઘરે ગઇ હતી.

રેશમ એવું માનતી હતી કે, તેની માતા તેની મોટી બહેનને વધારે પ્રેમ કરે છે અને મદદ કરે છે. આ મુદ્દે ગુરુવારે સાંજે બંને વચ્ચે બોલાચાલી થઈ હતી. ગુસ્સામાં રેશમા એ માતા પર છરી વડે હુમલો કર્યો હતો. આ હુમલામાં માતાને છરી વાગતા જીવ ગુમાવ્યો હતો. હત્યા કર્યા બાદ મહિલા પોતે સામે ચાલીને પોલીસ સ્ટેશન પહોંચી હતી, જ્યાં તેણે માતાની હત્યા કર્યાની કબૂલાત કરી હતી. માતાની હત્યાના ગુનામાં પોલીસે કેસ નોંધી શુક્રવારે સવારે તેની ધરપકડ કરી છે.

સાંસદ બજરંગ સોનવર્ણે લગાવ્યા ગંભીર આરોપ

બીડના માસજોગ ગામના સરપંચ સંતોષ દેશમુખ કેસ મામલે ધરપકડ કરાયેલા વાલ્મીક કરાડે બે દિવસ પહેલા પોલીસ સમક્ષ આત્મસમર્પણ કર્યું હતું. જો કે, બીડના સાંસદ બજરંગ સોનવણેએ આરોપ લગાવ્યો હતો કે તેણે જે કારમાં પોલીસને આત્મસમર્પણ કર્યું તે નાયબ મુખ્યમંત્રી અજિત પવારના કાફલાની હતી. એનસીપીના ધારાસભ્ય જીતેન્દ્ર આવાડે પણ તેના પર પ્રતિક્રિયા આપી છે. તેમણે X પર પોસ્ટ કરીને કેટલાક સનસનાટીભર્યા દાવા પણ કર્યા છે.

Jan 03, 2025 11:54 IST
મહારાષ્ટ્ર વિદેશી રોકાણમાં ટોચ પર, 6 મહિનામાં 1.13 લાખ કરોડ રોકાણ આવ્યું : CM ફડણવીસ
મહારાષ્ટ્રમાં છ મહિનામાં જંગી વિદેશી રોકાણ આવ્યું છે. રાજ્યના ઉદ્યોગો વિદેશમાં જઈ રહ્યા હોવાના કારણે મહારાષ્ટ્ર સરકારની સતત ટીકા થઈ રહી છે ત્યારે હવે રાજ્યના મુખ્યમંત્રી દેવેન્દ્ર ફડણવીસે સારા સમાચાર આપ્યા છે. 6 મહિનામાં વિદેશી રોકાણ વાર્ષિક સરેરાશના 95 ટકા જેટલું વધ્યું છે. દેવેન્દ્ર ફડણવીસે માહિતી આપી હતી કે, મહારાષ્ટ્રમાં માત્ર છ મહિનામાં 1 લાખ 13 હજાર 236 કરોડ રૂપિયાનું વિદેશી રોકાણ થયું છે. આપણું મહારાષ્ટ્ર વિદેશી પ્રત્યક્ષ રોકાણ (FDI) આકર્ષવામાં સતત અગ્રેસર રહ્યું છે. સપ્ટેમ્બરમાં પૂરા થયેલા નાણાકીય વર્ષ 2024-25ના બીજા ક્વાર્ટરના આંકડા મુજબ માત્ર છ મહિનામાં મહારાષ્ટ્રમાં 1 લાખ 13 હજાર 236 કરોડ રૂપિયાનું વિદેશી રોકાણ થયું છે. છેલ્લા 4 વર્ષની સરેરાશ પર નજર કરીએ તો મહારાષ્ટ્રમાં વાર્ષિક રૂ. 1,19,556 કરોડનું રોકાણ આવ્યું છે. મતલબ કે આખા વર્ષના રોકાણમાંથી 94.71 ટકા રોકાણ માત્ર 6 મહિનામાં આવી ગયું છે.



Jan 03, 2025 11:23 IST
Mumbai Live News updates: તારક મહેતા.. ફેમ સોનુ ભીડ લગ્નબંધને બંધાઇ
તારક મહેતા કા ઉલ્ટા ચશ્મા ફેમ ઝીલ મહેતાના લગ્નનો વીડિયો સોશિયલ મીડિયા પર વાયરલ થઇ રહ્યો છે. સોનુ ફેમ અભિનેત્રી ઝીલ મહેતાએ બોયફ્રેન્ડ આદિત્ય દુબે સાથે લગ્ન કર્યા છે. 27 વર્ષિય ઝીલ મહેતાએ હિન્દુ રીતિ રિવાજ મુજબ લગ્ન કર્યા છે. ઝીલ મહેતા લાલ લહેંગામાં અને આદિત્ય શેરવાનીમાં તૈયાર થયા હતા. બંનેની જોડી સુંદર લાગી રહી છે.
https://www.instagram.com/p/DEPl-rrTRtF/?hl=en



Advertisment
Jan 03, 2025 11:10 IST
Mumbai Live News updates: મરાઠી ન બોલતાં યુવકને માફી મગાવી
કલ્યાણમાં એક મરાઠી પરિવાર સાથે મારામારીનો મામલો તાજો છે ત્યારે મુંબ્રામાં વધુ એક ચોંકાવનારો કિસ્સો સામે આવ્યો છે. ફળ વેચનાર યુવક હિન્દીમાં બોલતાં એને કાન પકડાવીને માફી માંગવા મજબૂર કરાયો હતો. સોશિયલ મીડિયામાં વાયરલ થતાં આ મામલો વધુ ચગ્યો હતો. આ મામલે પોલીસે 10 લોકો સામે ગુનો દાખલ કરવા કાર્યવાહી હાથ ધરી છે.



Jan 03, 2025 10:59 IST
સાંસદ બજરંગ સોનવર્ણે લગાવ્યા ગંભીર આરોપ
બીડના માસજોગ ગામના સરપંચ સંતોષ દેશમુખ કેસ મામલે ધરપકડ કરાયેલા વાલ્મીક કરાડે બે દિવસ પહેલા પોલીસ સમક્ષ આત્મસમર્પણ કર્યું હતું. જો કે, બીડના સાંસદ બજરંગ સોનવણેએ આરોપ લગાવ્યો હતો કે તેણે જે કારમાં પોલીસને આત્મસમર્પણ કર્યું તે નાયબ મુખ્યમંત્રી અજિત પવારના કાફલાની હતી. એનસીપીના ધારાસભ્ય જીતેન્દ્ર આવાડે પણ તેના પર પ્રતિક્રિયા આપી છે. તેમણે X પર પોસ્ટ કરીને કેટલાક સનસનાટીભર્યા દાવા પણ કર્યા છે.



Jan 03, 2025 10:30 IST
મહિલાએ વૃદ્ધ માતાને છરી મારી હત્યા કરી, પોલીસ દ્વારા ધરપકડ
મુંબઇમાં એક મહિલાએ વૃદ્ધ માતાની છરી મારી હત્યા કરી હોવાની ઘટના બની છે. મુંબઇના કુર્લા વિસ્તારમાં એક 41 વર્ષની મહિલાએ તેની વૃદ્ધ માતાની છરી મારીને હત્યા કરી છે. હત્યા કરનાર મહિલાની પોલીસે ધરપકડ કરી કેસ દાખલ કર્યો છે. માહિતી મુજબ મુંબ્રા વિસ્તારની રહેવાસી સાબીરા બાનો (62) ગુરુવારે કુર્લાના કુરેશી નગરમાં રહેતી તેની પુત્રી રેશ્મા કાઝી (41)ના ઘરે ગઇ હતી.
રેશમ એવું માનતી હતી કે, તેની માતા તેની મોટી બહેનને વધારે પ્રેમ કરે છે અને મદદ કરે છે. આ મુદ્દે ગુરુવારે સાંજે બંને વચ્ચે બોલાચાલી થઈ હતી. ગુસ્સામાં રેશમા એ માતા પર છરી વડે હુમલો કર્યો હતો. આ હુમલામાં માતાને છરી વાગતા જીવ ગુમાવ્યો હતો. હત્યા કર્યા બાદ મહિલા પોતે સામે ચાલીને પોલીસ સ્ટેશન પહોંચી હતી, જ્યાં તેણે માતાની હત્યા કર્યાની કબૂલાત કરી હતી. માતાની હત્યાના ગુનામાં પોલીસે કેસ નોંધી શુક્રવારે સવારે તેની ધરપકડ કરી છે.