Nurses Day 2025 : નર્સ ડે 12 મેના રોજ કેમ ઉજવાય છે? જાણો આજના દિવસનો ઇતિહાસ અને મહત્વ

International Nurses Day 2025: નર્સ ડે 12 મેના રોજ ભારત સહિત દુનિયામાં ઉજવાય છે. નર્સ માત્ર ડોક્ટરની સાથે જ ઉભી નથી રહેતી, પરંતુ દર્દીઓની સારવાર પણ કરે છે. ઉલટાનું, તે હંમેશાં પોતાને સેવા માટે સમર્પિત કરીને દર્દીનું મનોબળ વધારે છે. સિસ્ટર દીદી પણ દર્દીને સાજો કરવામાં ડોક્ટર જેટલો જ ફાળો આપે છે. પરંતુ શું તમે જાણો છો કે 12 મેના રોજ આંતરરાષ્ટ્રીય નર્સ ડે કેમ ઉજવવામાં આવે છે? આવો જાણીએ તેના વિશે.

નર્સ્સ ડે શા માટે ઉજવાય છે?

નર્સ ડે પ્રખ્યાત નર્સ ફ્લોરેન્સ નાઇટિંગેલને સમર્પિત છે. વર્ષ 1820માં 12 મેના રોજ ઇટલીમાં નર્સ ફ્લોરેન્સ નાઇટિંગેલનો જન્મ થયો હતો. તેમની યાદમાં દર વર્ષે 12 મેના રોજ આંતરરાષ્ટ્રીય નર્સિસ ડે ઉજવવામાં આવે છે. ફ્લોરેન્સ નાઇટિંગેલને લેડી વિથ ધ લેમ્પ તરીકે પણ ઓળખવામાં આવે છે. પ્રથમ આંતરરાષ્ટ્રીય નર્સ ડે 1974માં નર્સના સન્માન માટે ઉજવવામાં આવ્યો હતો.

આંતરરાષ્ટ્રીય નર્સ દિવસ 2025ની થીમ : International Nurses Day 2025 Theme

દર વર્ષે ઇન્ટરનેશનલ કાઉન્સિલ ઓફ નર્સિસ (આઇસીએન) આંતરરાષ્ટ્રીય નર્સ ડેની થીમ પસંદ કરે છે. વર્ષ 2025માં આ વર્ષના નર્સ ડેની થીમ નર્સ : નેતૃત્વ કરવા માટે એક અવાજ - ગુણવત્તા પ્રદાન કરવી, સમાનતા સુનિશ્ચિત કરવી (Nurses: A Voice to Lead – Delivering Quality, Securing Equity).