ચીનની કાર્યવાહીનો જવાબ આપવા ભારત પાસેથી મદદ લેશે ફિલિપાઈન્સ, આવી છે રણનીતિ

World News : ચીનના સતત ઉત્પીડનથી નારાજ ફિલિપાઈન્સે નિર્ણય લીધો છે કે તે ચૂપ નહીં રહે અને તેને જડબાતોડ જવાબ આપશે. આ માટે તે ભારત તરફથી મળેલી સુપરસોનિક એન્ટી શિપ ક્રૂઝ મિસાઈલ બ્રહ્મોસને ચીનની સામે તૈનાત કરશે. ફિલિપાઈન્સે આ મિસાઈલ આ વર્ષે એપ્રિલમાં ભારત પાસેથી લીધી હતી. ફિલિપાઈન્સે જાહેરાત કરી છે કે તે ભારત પાસેથી આવી વધુ મિસાઈલો ખરીદશે. મીડિયા રિપોર્ટ્સ અનુસાર, હાલમાં ફિલિપાઈન્સની પાસે રહેલી બ્રહ્મોસ મિસાઈલ સિસ્ટમમાં ત્રણ બેટરી છે. તેની દરેક બેટરીમાં ચાર લોન્ચર છે. દરેક લોન્ચરમાં ત્રણ મિસાઈલ હોય છે. તેમની રેન્જ 290 કિમી છે.

ભારતે ગત 19 એપ્રિલે આ મિસાઈલો સોંપી હતી

ભારતે 19 એપ્રિલ 2024ના રોજ ફિલિપાઈન્સને બ્રહ્મોસ સુપરસોનિક ક્રૂઝ મિસાઈલો સોંપી હતી. તેના પર 2022 માં હસ્તાક્ષર કરવામાં આવ્યા હતા. આ ડીલ $375 મિલિયનમાં કરવામાં આવી હતી. તેની ડિલિવરીની જાહેરાત પીએમ નરેન્દ્ર મોદીએ મધ્યપ્રદેશના દમોહમાં એક ચૂંટણી રેલીમાં કરી હતી.

ભારતીય વાયુસેનાના C-17 ગ્લોબમાસ્ટર ટ્રાન્સપોર્ટ એરક્રાફ્ટ અને ચાર્ટર્ડ એરક્રાફ્ટે ફિલિપાઇન્સ મરીન કોર્પ્સને મિસાઇલ સિસ્ટમ સોંપી. સાઉથ ચાઈના સીમાં ચીન સાથેના તણાવ વચ્ચે ફિલિપાઈન્સ દ્વારા તેના દરિયાકાંઠાના વિસ્તારમાં વેપન સિસ્ટમની ત્રણ બેટરીઓ તૈનાત કરવામાં આવશે, એમ સૂત્રોએ જણાવ્યું હતું.

ફિલિપાઈન્સનું કહેવું છે કે તે ભારત પાસેથી આવી વધુ બ્રહ્મોસ મિસાઈલો ખરીદીને તેની સેનાને મજબૂત કરશે અને સંરક્ષણ પડકારોનો સામનો કરવા માટે તમામ સંભવિત પદ્ધતિઓ અપનાવશે.

મીડિયા રિપોર્ટ્સ અનુસાર ચીનના હુમલાનો જવાબ આપવા માટે ફિલિપાઈનસે દક્ષિણ ચીન સાગરમાં વિશ્વની સૌથી ઝડપી સુપરસોનિક ક્રૂઝ મિસાઈલ બ્રહ્મોસનો પહેલો બેઝ બનાવ્યો છે. અહીંથી ફિલિપાઈન્સ જ્યારે ઈચ્છે ત્યારે ચીનના યુદ્ધ જહાજો, ડ્રોન, એરક્રાફ્ટ વગેરેને નિશાન બનાવી શકે છે. આ બેઝ ફિલિપાઈન્સના પશ્ચિમી લુઝોનમાં છે.

આ પણ વાંચોઃ- નકલી દસ્તાવેજો સાથે નોકરી મેળવનાર IAS પૂજા ખેડકર એકલી નથી, અન્ય અધિકારીઓ…

સંરક્ષણ સૂત્રોના જણાવ્યા અનુસાર મિસાઈલ સ્ટોરેજ ફેસિલિટીની કેટલીક વસ્તુઓની ડિલિવરી માર્ચ મહિનામાં જ શરૂ થઈ ગઈ હતી, પરંતુ મિસાઈલોની વાસ્તવિક ડિલિવરી એપ્રિલમાં થઈ હતી.

આ પણ વાંચોઃ- શું ડોનાલ્ડ ટ્રમ્પ પર હુમલા પાછળ ઈરાનનો હાથ છે? જનરલ કાસિમ સુલેમાનીનું નામ કેમ આવ્યું?

આ સોદો એ એન્ટિ-શિપ ક્રૂઝ મિસાઇલના કિનારા-આધારિત પ્રકાર માટેનો ભારતનો પ્રથમ મોટો નિકાસ ઓર્ડર હતો. આ મિસાઈલની રેન્જ લગભગ 290 કિલોમીટર છે. બ્રહ્મોસ એરોસ્પેસ એ સંરક્ષણ સંશોધન અને વિકાસ સંગઠન (DRDO) અને રશિયાના NPO મશિનોસ્ટ્રોયેનિયા વચ્ચેનું સંયુક્ત સાહસ છે. ભારતીય સશસ્ત્ર દળોની ત્રણેય પાંખોમાં સુપરસોનિક ક્રૂઝ મિસાઇલો કાર્યરત છે.