પીએમ મોદીની મોટી ભેટ, વંદે ભારત સ્લીપરથી લઈને અમૃત ભારત સુધી, 7 નવી ટ્રેનોને લીલી ઝંડી બતાવી

Vande Bharat Sleeper to Amrit Bharat Express : પ્રધાનમંત્રી નરેન્દ્ર મોદીએ આજે 17મી જાન્યુઆરી 2026ના રોજ પશ્ચિમ બંગાળના માલદા ટાઉનથી દેશની પ્રથમ વંદે ભારત સ્લીપર ટ્રેન સહિત સાત નવી ટ્રેનોને લીલી ઝંડી બતાવી હતી. આ પ્રસંગે તેમણે 3,250 કરોડ રુપિયાથી વધારેનાં મૂલ્યનાં રેલવે અને રોડ ઇન્ફ્રાસ્ટ્રક્ચર પ્રોજેક્ટ્સ દેશને સમર્પિત કર્યા હતા. આ પ્રોજેક્ટ્સ રેલવે નેટવર્કને મજબૂત બનાવશે, મુસાફરોને ઝડપી અને આરામદાયક મુસાફરી પ્રદાન કરશે અને ક્ષેત્રીય કનેક્ટિવિટી શાનદાર થશે.

હાવડા અને ગુવાહાટી (કામાખ્યા) વંદે ભારત સ્લીપર ટ્રેન લોન્ચ

પ્રધાનમંત્રીએ માલદા ટાઉન રેલવે સ્ટેશનથી હાવડા-ગુવાહાટી (કામાખ્યા) રૂટ પર પ્રથમ વંદે ભારત સ્લીપર ટ્રેનને લીલી ઝંડી આપી હતી. આ સાથે તેમણે વર્ચ્યુઅલ રીતે ગુવાહાટી (કામાખ્યા) – હાવડા વંદે ભારત સ્લીપર સર્વિસનો પણ શુભારંભ કરાવ્યો હતો. આ નવી સેમી-હાઇ-સ્પીડ ટ્રેન લાંબા અંતરની મુસાફરીને ઝડપી, સલામત અને વધુ અનુકૂળ બનાવશે. તેનાથી હાવડા-ગુવાહાટી (કામાખ્યા) રૂટ પર મુસાફરીનો સમય લગભગ 2.5 કલાકનો ઘટાડો થશે.

4 નવી અમૃત ભારત એક્સપ્રેસ ટ્રેનોને પણ લીલી ઝંડી બતાવી

પીએમ મોદીએ ચાર નવી અમૃત ભારત એક્સપ્રેસ ટ્રેનોને પણ લીલી ઝંડી બતાવી હતી. આ ટ્રેનો સસ્તી અને વિશ્વસનીય લાંબા અંતરની રેલવે કનેક્ટિવિટી પ્રદાન કરશે એવી અપેક્ષા છે.

આ પણ વાંચો - મહારાષ્ટ્રની રાજનીતિનું કિંગ બન્યું ભાજપ, વિપક્ષે જ નહીં સહયોગી દળોને પણ માનવો પડશે દબદબો

આ ટ્રેનો નીચેના રૂટ પર દોડશે

• ન્યૂ જલપાઇગુડી-નાગરકોઇલ અમૃત ભારત એક્સપ્રેસ
• ન્યૂ જલપાઇગુડી-તિરુચિરાપલ્લી અમૃત ભારત એક્સપ્રેસ
• અલીપુરદ્વાર -એસએમવીટી બેંગલુરુ અમૃત ભારત એક્સપ્રેસ
• અલીપુરદ્વાર -મુંબઈ (પનવેલ) અમૃત ભારત એક્સપ્રેસ

अलीपुरद्वार–मुंबई (पनवेल) अमृत भारत एक्सप्रेस के लिए @RailMinIndia और @AshwiniVaishnaw का धन्यवाद। यह उत्तर बंगाल को सीधे देश की आर्थिक राजधानी क्षेत्र से जोड़ने वाली एक परिवर्तनकारी कड़ी है।#VandeBharatSleeper#PurvodayaByRail#AmritBharatExpresspic.twitter.com/vOIgYNT5Dx

— South East Central Railway (@secrail) January 17, 2026

પીએમ મોદીએ 2 નવી એક્સપ્રેસ ટ્રેનોને લીલી ઝંડી બતાવી

• રાધિકાપુર – એસએમવીટી બેંગલુરુ એક્સપ્રેસ 
• બાલુરઘાટ – એસએમવીટી બેંગલુરુ એક્સપ્રેસ

પીએમ મોદીએ પશ્ચિમ બંગાળમાં 4 મોટી રેલવે પરિયોજનાઓનો શિલાન્યાસ કર્યો

આ સાથે પીએમ મોદીએ પશ્ચિમ બંગાળમાં ચાર મોટા રેલવે પ્રોજેક્ટનો શિલાન્યાસ પણ કર્યો હતો, જેમાં બાલુરઘાટ અને હિલી વચ્ચે નવી રેલ લાઇન, ન્યૂ જલપાઈગુડી ખાતે નેક્સ્ટ જનરેશન ફ્રેઇટ મેન્ટેનન્સ સુવિધાઓ, સિલિગુડી લોકો શેડનું અપગ્રેડેશન અને જલપાઈગુડી જિલ્લામાં વંદે ભારત ટ્રેન મેન્ટેનન્સ સુવિધાઓનું આધુનિકીકરણ સામેલ છે.