OMG: રેલવે ફાટક પર બાહુબલીનું દ્રશ્ય જોઇ લોકો ચકિત, 112 કિલોની બાઇક ઉંચકી વ્યક્તિ દોડ્યો, જુઓ Viral Video

Railway Crossing Viral Video : બાહુબલી ફિલ્મ મોટાભાગના લોકોએ જોઇ જ હશે. આ ફિલ્મમાં અભિનેતા પ્રભાવના એક્શન અને સ્ટંટ દર્શકોને બહુ ગમ્યા છે. આ ફિલ્મના દર્શોકને બાહુબલી દ્વારા શિવલિંગ મૂર્તિ ખભા પર ઉપાડવાનો સિન સૌથી વધુ ગમ્યો છે. સોશિયલ મીડિયા પર વાયરલ વીડિયોમાં બાહુબલી જેવા દ્રશ્ય રેલવે ફાટક પર જોવા મળ્યા છે. વાયરલ વીડિયોમાં એક વ્યક્તિ ખભા પર 112 કિલોની બાઇક ઉપાડી રેલવે ફાટક પાર કરી લે છે. આ દ્રશ્ય જોઇ લોકોને બાહુબલી ફિલ્મ યાદ આવે છે.

રેલવે ક્રોસિંગ પર એક વ્યક્તિ રાહ જોઈ રહ્યો હતો, તે બાઈક પર ક્યાંક જઈ રહ્યો હતો. રાહ જોતાં જોતાં જ તેણે અચાનક માથું ધુણાવ્યું અને ખભા પર બાઈક ઉંચકી રેલવે લાઈન ક્રોસ કરી લીધી. આ દ્રશ્ય જોનાર લોકો ચોંકી ગયા, ઘણા લોકોએ તે વ્યક્તિનો વીડિયો બનાવ્યો, હવે આ વીડિયો સોશિયલ મીડિયા પર વાયરલ થઈ રહ્યો છે. લોકોનું કહેવું છે કે એવું લાગે છે કે મગજ છટકી જતા વ્યક્તિની અંદરનો બાહુબલી જાગી ગયો છે.

આ વ્યક્તિએ રાહ જોવાના બદલે એક અનોખો રસ્તો અપનાવ્યો છે, જેને જોયા બાદ લોકોની આંખો ફાટી જાય છે. આ વ્યક્તિનો આ વીડિયો સોશિયલ મીડિયા પર વાયરલ થઇ રહ્યો છે, જેમાં નિયમો અને સુરક્ષાને લઇને ચર્ચા શરૂ થઇ ગઇ છે. આ વ્યક્તિએ ખભા પર 112 કિલોની મોટરસાયકલ ઉંચી રેલ્વે ટ્રેક પાર કર્યો હતો. એક્સ પર શેર કરવામાં આવેલી આ વાયરલ ક્લિપમાં આ વ્યક્તિ પોતાની મોટરસાઇકલ સરળતાથી ઉઠાવીને જમીન પર દોડતો જોવા મળી રહ્યો છે. જેમ જેમ વીડિયો આગળ વધે છે, તેમ તેમ આ વ્યક્તિની તાકાત જોઈને દર્શકો ચોંકી જાય છે.

"આ વ્યક્તિ બંધ રેલવે ક્રોસિંગ પર રાહ જોવાને બદલે રેલ્વે ટ્રેક પાર કરવા માટે તેની 112 કિલોની બાઇકને ખભા પર ઊંચકીને વાયરલ થયો હતો. વીડિયોમાં તે બાઇક સાથે ચાલતો જોવા મળી રહ્યો છે જ્યારે અન્ય લોકો રાહ જોઈ રહ્યા છે. કેટલાક ઓનલાઇન યુઝર્સે તેને "બાહુબલી" કહ્યો હતો, જ્યારે અન્ય લોકોએ નિયમો તોડવા અને ઇજાનું જોખમ લેવા બદલ તેની ટીકા કરી હતી. ”

આ ઘટનાની તારીખ અને સ્થળ જાણી શકાયું નથી. આ ક્લિપે લોકોનું ધ્યાન ખેંચ્યું હતું અને ત્યારબાદ સુરક્ષા અંગે ચર્ચા જગાવી હતી. કેટલાક યૂઝર્સને આ વાત રમૂજી લાગી, તો કેટલાકે આ બેફામ સ્ટંટ માટે આ વ્યક્તિની ટીકા કરી હતી. એક યુઝરે લખ્યું કે, IAS ઓફિસરને આટલી ઉતાવળ કેમ છે, તેને પોતાના ડેસ્ક પર રાહ જોઈ રહેલી ફાઇલો પર સહી કરવાનો પણ સમય નથી મળ્યો. અન્ય એક યુઝરે કહ્યું, "પુરુષોનું જીવન કેટલું દુ:ખદ છે… મને ખબર નથી કે તે ડ્રિંક પાર્ટી માટે દોડી રહ્યો છે કે પછી તેને પૈસા કમાવવામાં મોડું થાય છે. ”

એક ત્રીજા યુઝરે કહ્યું, "આવા લોકોને સજા થવી જોઈએ." તેમના લાયસન્સ રદ કરવા જોઈએ. એક ચોથા યુઝરે કહ્યું, "અમે આજે જે બની ગયા છીએ તેના પર અમને ગર્વ છે… શૂન્ય નાગરિક ભાવના… દિવસે દિવસે પાછળ જઈ રહ્યા છેીએ. આ વર્ષે માર્ચ મહિનામાં અન્ય એક વ્યક્તિએ રેલવે ફાટક ખુલવાની રાહ જોવાને બદલે ખભા પર સાયકલ લઈને પાટા ઓળંગ્યા હતા.