Ranveer Allahbadia Controversy: 27 મિલિયનથી વધુ ફોલોઅર્સ ધરાવતા 31 વર્ષીય પોડકાસ્ટર અને કન્ટેન્ટ સર્જક રણવીર અલ્હાબાદિયા હાલમાં વિવાદમાં છે. સોમવારે બપોરે કોમેડિયન સમય રૈનાના યુટ્યુબ લેટેન્ટ શો ઇન્ડિયાઝ ગોટ લેટેન્ટ પરની તેની ટિપ્પણી બદલ સોશિયલ મીડિયામાં તે ભારે ટ્રોલ થયો હતો. બાદમાં તેણે આ મામલે માફી માંગી હતી.
“મારી ટિપ્પણી ફક્ત અયોગ્ય જ નહોતી, તે રમુજી પણ નહોતી. કોમેડી મારી ખાસિયત નથી. માફ કરશો,” તેણે સોમવારે બપોરે X પર શેર કરેલા એક વીડિયોમાં આ કહ્યું હતું.
નવેમ્બરમાં શૂટ થયેલા અને ગયા અઠવાડિયે પ્રીમિયર થયેલા આ એપિસોડમાં, અલ્હાબાદિયાએ એક સ્પર્ધકને ઉશ્કેરણીજનક પ્રશ્ન પૂછ્યો – “શું તમે તમારા માતાપિતાને તમારા બાકીના જીવન માટે દરરોજ સેક્સ કરતા જોવાનું પસંદ કરશો કે તેને કાયમ માટે બંધ કરવા જોડાશો?”
થોડી જ વારમાં, આ ભાગ દર્શાવતી ક્લિપ વાયરલ થઈ ગઈ અને કોંગ્રેસ નેતા સુપ્રિયા શ્રીનાતે, ઇન્ફોસિસના ભૂતપૂર્વ સીએફઓ મોહનદાસ પાઈ અને પત્રકાર અને ગીતકાર નીલેશ મિશ્રા સહિત ઓનલાઈન નેટીઝન્સ દ્વારા પોડકાસ્ટર્સની આ અંગે ભારે ટીકા કરવામાં આવી હતી.
“દરેક વ્યક્તિને વાણી સ્વાતંત્ર્ય છે, પરંતુ જ્યારે આપણે બીજાની સ્વતંત્રતા પર અતિક્રમણ કરીએ છીએ ત્યારે આપણી સ્વતંત્રતા સમાપ્ત થાય છે,” મહારાષ્ટ્રના મુખ્યમંત્રી દેવેન્દ્ર ફડણવીસે આ વિવાદને સંબોધતા ઉમેર્યું, “આપણા સમાજમાં, આપણે કેટલાક નિયમો બનાવ્યા છે, અને જો કોઈ તેનું ઉલ્લંઘન કરે છે, તો તે સંપૂર્ણપણે ખોટું છે અને તેમની સામે કાર્યવાહી થવી જોઈએ.”
ટૂંક સમયમાં જ મુંબઈના બે વકીલો, આશિષ રાય અને પંકજ મિશ્રાએ મુંબઈ પોલીસને લેખિત ફરિયાદ કરી. રાષ્ટ્રીય અને મહારાષ્ટ્ર રાજ્ય મહિલા આયોગે દાવો કર્યો કે માતાપિતા, મહિલાઓ અને તેમના શરીરના ભાગો વિરુદ્ધ અશ્લીલ ટિપ્પણીઓ કરવામાં આવી હતી જે અયોગ્ય છે. મુંબઈ પોલીસે પણ તેમની સામે તપાસ શરૂ કરી.
એન્જિનિયર કન્ટેન્ટ સર્જક બન્યો
અલ્લાહબાડિયા ધીરુભાઈ અંબાણી ઇન્ટરનેશનલ સ્કૂલનો ભૂતપૂર્વ વિદ્યાર્થી છે. ડોક્ટર પરિવારમાં જન્મેલ રણવીરે મુંબઈની દ્વારકાદાસ જે. સંઘવી કોલેજ ઓફ એન્જિનિયરિંગમાંથી એન્જિનિયરિંગનો અભ્યાસ કર્યો છે. બીયરબાઇસેપ્સ વેબસાઇટ પર તેણે ક્વોટ કર્યું છે કે, “મને ખબર હતી કે હું તેમના પગલે ચાલવા માંગતો નથી, તેથી એન્જિનિયરિંગ એ આગામી શ્રેષ્ઠ વિકલ્પ લાગતો હતો.
તેણે ઓગસ્ટ 2015 માં કન્ટેન્ટ ક્રિએટર તરીકે પોતાની કારકિર્દી શરૂ કરતી વખતે તે આ ઉપનામથી પ્રચલિત થયો હતો. તેની કન્ટેન્ટ ક્રિએટર યાત્રા ફિટનેસ અને રેસીપી વીડિયોથી શરૂ થઈ હતી અને પછી સ્વ-વિકાસ અને સ્ટાઇલિંગ પરની સામગ્રીનો સમાવેશ થયો અને આખરે 2019 માં પોડકાસ્ટિંગ તરફ આગળ વધ્યા.
અલ્હાબાદિયા પોતાના વિશે લખે છે કે, “હું ખૂબ જ બફારો કરતો હતો, જેના કારણે મારા શિક્ષકો મને નફરત કરતા હતા. લગભગ તે જ સમયે, હું બ્રેકઅપમાંથી પસાર થઈ રહ્યો હતો અને દરરોજ પાર્ટી કરવાની આદતમાં પડી ગયો હતો.” જ્યારે એક વિષયમાં નાપાસ થયો ત્યારે મને જાગવાની તક મળી અને પોતાનું જીવન બદલવાનું નક્કી કર્યું.
સ્નાતક થયા પછી, અલ્હાબાદિયાએ ફિટનેસ એપ લોન્ચ કરવાનું નક્કી કર્યું અને યુટ્યુબ પર એપનો પ્રચાર પ્રસાર કર્યો. ઇન્સ્ટાગ્રામ ત્રણ એકાઉન્ટ પર 9.6 મિલિયન ફોલોઅર્સ છે અને બે યુટ્યુબ ચેનલ પર 18.8 મિલિયન ફોલોઅર્સ છે અને તેમણે અભિનેત્રી પ્રિયંકા ચોપરા , કરીના કપૂર ખાન, અભિનેતા-ઉદ્યોગપતિ-અને રાજકારણી આર્નોલ્ડ શ્વાર્ઝેનેગર, આધ્યાત્મિક ગુરુ ગૌર ગોપાલ દાસ અને લેખક અમીશ ત્રિપાઠી સહિત અન્ય લોકોના ઇન્ટરવ્યુ પણ લીધા છે.
તાજેતરમાં જ, અલ્હાબાદિયાએ સ્મૃતિ ઈરાની, નીતિન ગડકરી અને એસ. જયશંકર જેવા કેબિનેટ મંત્રીઓ સુધી પહોંચ મેળવી છે, જે બધા તેમના પોડકાસ્ટ પર દેખાયા છે. ગયા વર્ષે નેશનલ ક્રિએટર્સ એવોર્ડમાં તેમને વડા પ્રધાન નરેન્દ્ર મોદી દ્વારા ‘ડિસર્પ્ટર ઓફ ધ યર’ એવોર્ડ પણ એનાયત કરવામાં આવ્યો હતો .
આ પોડકાસ્ટર ખ્યાતિ, નાણાં, આધ્યાત્મિકતા અને ખાસ કરીને લોકોને તેમના ડર વિશે પૂછવા અને શું તેઓએ મૃત્યુ વિશે વિચાર્યું છે તે અંગેના વિવિધ પ્રશ્નોને આવરી લેવા માટે જાણીતો છે. મૌત કે બારે મેં સોચતે હો?” આ એનો વારંવાર પુછાતો સવાલ છે. આ પ્રશ્ને તેને સોશિયલ મીડિયા પર અનેક મીમ્સનો વિષય પણ બનાવ્યો છે.
ગાયિકા જસલીન રોયલના લોકપ્રિય ગીત “સંગ રહીઓ” ના સત્તાવાર વિડિઓમાં પણ દેખાયા હતો, જેને 2020 માં પ્રીમિયર થયા પછી YouTube પર 87 મિલિયન વ્યૂઝ મળ્યા છે અને 2022 માં ફોર્બ્સ 30 અંડર 30 માં સ્થાન મેળવ્યું હતું.
અલ્હાબાદિયા ટૂંક સમયમાં જાણીતો ચહેરો બન્યો અને ચોંકી જવાય એવી કમાણી કરી રહ્યો છે. તેણે કોલેજ જુનિયર વિરાજ સેઠ સાથે ફરી જોડાણ કરીને ઉદ્યોગ સાહસિકતા તરફ વળ્યો છે. ટૂંક સમયમાં જ તેમણે ઉભરતા પ્રભાવકો અને બ્રાન્ડ્સ વચ્ચેનું અંતર ઓળખી કાઢ્યું અને મોન્ક એન્ટરટેઈનમેન્ટ, એક પ્રતિભા વ્યવસ્થાપન, સોશિયલ મીડિયા વ્યવસ્થાપન અને પ્રભાવક માર્કેટિંગ એજન્સીની સહ-સ્થાપના કરી.
તેના ગ્રાહકોમાં યોર ફૂડ લેબના શેફ સંજ્યોત કીર, હાસ્ય કલાકાર નિહારિકા એનએમ અને સ્વ-શિક્ષિત ફેશન ડિઝાઇનર નેન્સી ત્યાગીનો સમાવેશ થાય છે, જેણે 2024માં કાન્સ રેડ કાર્પેટ પર ધૂમ મચાવી હતી.
શો ઇન્ડિયાઝ ગોટ લેટેન્ટ જે તેના ડાર્ક હાસ્ય અને અલ્હાબાદિયા માટે જાણીતો છે, તે વિવાદોમાં નવો નથી. લગભગ એક દાયકા પહેલા, અલ્હાબાદિયાએ એડવોકેટ જે સાઈ દીપકને “ત્રણ વ્યક્તિઓના નામ આપવા કહ્યું હતું જેમણે ભારત છોડી દેવું જોઈએ અને ક્યારેય પાછા ન આવવું જોઈએ?
Who is Ranveer Allahbadia? Read in English
જેમણે કેટલાક પત્રકારો અને ઇતિહાસકારોના નામ આપ્યા હતા, જેનાથી આક્રોશ ફેલાયો હતો. 2021 માં, તેમને એક લૈંગિકવાદી ટ્વીટ માટે પ્રતિક્રિયા મળી હતી જેમાં સૂચવાયું હતું કે લાંબી કુર્તી અને મોટી કાનની બુટ્ટી પહેરતી સ્ત્રીઓ પુરુષોને “ઘૂંટણિયે પડી જશે”. થોડા સમય અગાઉ “મલપ્પુરમમાં મુસ્લિમ-માત્ર શહેર” વિશે એક વણ ચકાસાયેલ દાવો કરવા બદલ પણ તેની ટીકા થઈ હતી.
