Rule Change In December 2024: ડિસેમ્બર 2024 થી ઘણા નિયમમાં ફેરફાર થવાની સાથે સાથે ઘણા નવા નિયમો લાગુ થઇ રહી છે. જેની સીધી અસર તમારા ખિસ્સા પર થવાની છે. ડિસેમ્બર મહિનાથી એલપીજી ગેસ સિલિન્ડર, મોબાઇલ ઓટીપી મેસેજ થી ક્રેડિટ કાર્ડ સંબંધિત નવા નિયમો લાગુ થવાના છે. નિયમમાં ફેરફાર અને નવા નિયમો 1 ડિસેમ્બરથી લાગુ થવાના છે. ચાલો જાણીયે ક્યા નવા નિયમ ડિસેમ્બર 2024 થી લાગુ થવાના છે.
LPG Gas Cylinder Price : એલપીજી ગેસ સિલિન્ડરની કિંમત
એલપીજી ગેસ સિલિન્ડરની કિંમત 1 ડિસેમ્બર, 2024થી બદલાશે. ઓઇલ માર્કેટિંગ કંપનીઓ દર મહિનાની 1 તારીખે એલપીજી ગેસ સિલિન્ડરના ભાવ નક્કી કરી છે. આથી 1 ડિસેમ્બરે રાંધણગેસ સિલિન્ડરના ભાવમાં ફેરફાર થઇ શકે છે. જો એલપીજી ગેસ સિલિન્ડરની કિંમત વધે તો તેની સીધી અસર તમારી બચત પર થશે. નોંધનિય છે કે, ઓક્ટોબર મહિનામાં ગેસ કંપનીઓએ 19 કિલોના કોમર્શિયલ ગેસ સિલિન્ડરની કિંમત 48 રૂપિયા વધારી હતી, જ્યારે ઘરેલું ઉપયોગ માટેના ગેસ સિલિન્ડરની કિંમતમાં કોઇ ફેરફાર કર્યો ન હતો.
SBI Credit Card Rules Change : એસબીઆઈ ક્રેડિટ કાર્ડના નિયમમાં ફેરફાર
જો તમે ડિજિટલ ગેમિંગ પ્લેટફોર્, મર્ચન્ટ પેમેન્ટ ટ્રાન્ઝેક્શન માટે ક્રેડિટ કાર્ડનો ઉપયોગ કરો છો તમારે સાવધાની રાખવી પડશે. હકીકતમાં દેશની સૌથી મોટી સરકારી બેંક એસબીઆઈ એ ક્રેડિટ કાર્ડ યુઝર્સને મોટો ઝટકો આપ્યો છે. એસબીઆઈ કાર્ડની વેબસાઇટ મુજબ 1 ડિસેમ્બર, 2024 થી ક્રેડિટ કાર્ડ્સ ડિજિટલ ગેમિંગ પ્લેટફોર્મ, મર્ચન્ટ સંબંધિત પેમેન્ટ ટ્રાન્ઝેક્શન પર રિવર્ડ પોઇન્ટ મળશે નહીં.
OTP Rule Change : ઓટીપી નિયમ બદલાશે
મોબાઇલ ધારક અને ઓનલાઇન પેમેન્ટ, બેંક ટ્રાન્ઝેક્શન કરનારા લોકો માટે 1 ડિસેમ્બર, 2024થી મહત્વનો નિયમ લાગુ થઇ રહ્યો છે. દેશના ટેલિકોમ સેક્ટર નિયામક TRAI એ ઓનલાઇન ફ્રોડ અને છેતરપીંડિ પર લગામ કસવા માટે ઓટીપી સહિત કોમર્શિયલ મેસેજ માટે નવા ટ્રેસેબિલિટી નિયમ 1 ડિસેમ્બર 2024થી લાગુ કરી રહી છે. નવા ઓટીપી નિયમથી ગ્રાહકને ઓટીપી મેળવવા માટે થોડોક સમય રાહ જોવી પડશે.
Bank Holidays In December 2024 : ડિસેમ્બર 2024માં બેંક હોલિડ
ડિસેમ્બર મહિનામાં બેંક સંબંધિત કામકાજ વહેલાસર પતાવી લેવા પડશે. ડિસેમ્બર વર્ષ 2024નો છેલ્લો મહિનો છે. ડિસેમ્બર 2024માં 16 દિવસ બેંક બંધ રહેવાની છે. તમામ રવિવાર, બીજા અને ચોથા શનિવાર સહિત ઘણી જાહેર રજાઓના કારણે બેંકો બંધ રહેશે. ડિસેમ્બર મહિનાના બેંક રજાની સંપૂર્ણ યાદી અહીં જુઓ
ATF Price Change : એટીએફના ભાવ બદલાશે
એલપીજી ગેસ સિલિન્ડર જેમ દર મહિનાની 1 તારીખે એર ટર્બાઇન ફ્યૂઅલ એટલે કે વિમાન ઇંધણની કિંમત પર બદલાશે. ઓઇલ માર્કેટિંગ કંપનીઓ એટીએફના ભાવમાં વધઘટની સીધી અસર ફ્લાઇટ ટિકિટ પર થાય છે.
