Russia Ukraine War: ચેર્નોબિલ પરમાણુ પાવર પ્લાન્ટ પર રશિયન ડ્રોન દ્વારા હુમલો, ઝેલેન્સકીએ આપી ચેતવણી

Russia Ukraine War updates: રશિયા યુક્રેન યુધ્ધ તણાવમાં નોંધપાત્ર વધારો થયો છે. યુક્રેનિયન રાષ્ટ્રપતિ વોલોડીમીર ઝેલેન્સકીએ જણાવ્યું હતું કે એક રશિયન ડ્રોને ચેર્નોબિલ પરમાણુ પાવર પ્લાન્ટના કન્ટેઈનમેન્ટ સ્ટ્રક્ચર પર હુમલો કર્યો હતો, જેનાથી યુદ્ધના વિનાશક જોખમો વચ્ચે નવી ચિંતાઓ ઉભી થઈ છે.

ટ્વિટર (X) પરના એક નિવેદનમાં, ઝેલેન્સકીએ જણાવ્યું હતું કે ડ્રોન દ્વારા કરાયેલા આ હુમલામાં રિએક્ટર 4 ના રક્ષણાત્મક આશ્રયસ્થાનને ટક્કર વાગી હતી, જે 1986 ની કુખ્યાત દુર્ઘટનામાં નાશ પામ્યો હતો. જોકે કિરણોત્સર્ગનું સ્તર સામાન્ય મર્યાદામાં રહ્યું હતું, પ્રારંભિક મૂલ્યાંકન આશ્રયસ્થાનને નોંધપાત્ર નુકસાન સૂચવે છે, અને થોડા સમય પછી આગ બુઝાવવામાં આવી હતી. આંતરરાષ્ટ્રીય પરમાણુ ઊર્જા એજન્સી (IAEA) એ ઘટનાને સમર્થન આપ્યું હતું, જેમાં રિએક્ટરના કિરણોત્સર્ગી અવશેષો ધરાવતા ન્યૂ સેફ કન્ફાઇનમેન્ટ નજીક વિસ્ફોટ થયો હોવાનો અહેવાલ આપ્યો હતો.

ગત 13મી ફેબ્રુઆરીની રાત્રે, લગભગ પોણા બે વાગ્યાના અરસામાં ચોર્નોબિલ સાઇટ પર IAEA ટીમે ભૂતપૂર્વ ચોર્નોબિલ એનપીપીના રિએક્ટર 4 ના અવશેષોનું રક્ષણ કરતા ન્યૂ સેફ કન્ફાઇનમેન્ટમાંથી વિસ્ફોટનો અવાજ સાંભળ્યો હતો. થોડીવારમાં આગ લાગી ભડકી હતી. તેમને જાણ કરવામાં આવી હતી કે એક UAV NSC છત સાથે અથડાયું છે. આ વિગતો IAEA એ સોશિયલ મીડિયા પ્લેટફોર્મ X પર એક પોસ્ટ દ્વારા જણાવી હતી.

એજન્સીના જણાવ્યા અનુસારા, અગ્નિ સુરક્ષા કર્મચારીઓ અને વાહનોએ થોડીવારમાં જ પ્રતિક્રિયા આપી. હાલમાં, NSC ના આંતરિક નિયંત્રણમાં ભંગાણના કોઈ સંકેત નથી. અંદર અને બહાર રેડિયેશનનું સ્તર સામાન્ય અને સ્થિર રહે છે. કોઈ જાનહાનિના અહેવાલ નથી. IAEA પરિસ્થિતિનું નિરીક્ષણ ચાલુ રાખે છે.

ગુરુવારે રાત્રે રશિયાના તાજેતરના ડ્રોન હુમલામાં 133 ડ્રોન છોડવામાં આવ્યા હતા, જેમાં યુક્રેનિયન સૈન્યએ સફળતાપૂર્વક ઘણાને તોડી પાડ્યા હતા, જ્યારે અન્ય તેમના લક્ષ્યોને ચૂકી ગયા હતા. ઝેલેન્સકીની ટિપ્પણીએ ભાર મૂક્યો હતો કે રાષ્ટ્રપતિ વ્લાદિમીર પુતિનના ચાલુ લશ્કરી હુમલાઓ અર્થપૂર્ણ વાટાઘાટોમાં પ્રવેશવાનો કોઈ ઈરાદો દર્શાવતા નથી, પરંતુ વૈશ્વિક સમુદાયને પણ છેતરવાનો સતત પ્રયાસ દર્શાવે છે.

પાકિસ્તાન પર એર સ્ટ્રાઇક - વાંચો લેટેસ્ટ અહેવાલ

ઇતિહાસના સૌથી ખરાબ પરમાણુ અકસ્માતોમાંના એક સાથે લાંબા સમયથી સંકળાયેલા ચેર્નોબિલ સ્થળ પર હવે ચાલુ સંઘર્ષ વચ્ચે નવા જોખમો આવી રહ્યા છે. જે યુધ્ધની સ્થિતિને વધુ આગ આપે એવા સંકેત છે.