Pavel Durov: 100 બાળકના પિતા ટેલિગ્રામનો સીઇઓ પાવેલ દુરોવની મહિલાને વિચિત્ર ઓફર, બધો ખર્ચ પણ ઉઠાવશે

Telegram CEO Pavel Durov News: ટેલિગ્રામના સીઈઓ અને રશિયન અબજોપતિ પાવેલ દુરોવ ફરી એકવાર ચર્ચામાં છે. આનું કારણ એ છે કે તેઓ તેમના સ્પર્મ એટલે કે શુકાણું (મેલ રિપ્રોજક્ટિવ સેલ) મફતમાં આપશે જે આ ઇન વિટ્રો ફર્ટિલાઇઝેશન (આઇવીએફ) દ્વારા બાળકો પેદા કરવા માંગ છે.

12 દેશોમાં 100થી વધુ બાયોલોજિકલ બાળકોનો પિતા

આ વર્ષે જુલાઈમાં, પાવેલ ડુરોવે સોશિયલ મીડિયા પર સનસનાટી મચાવી હતી, જ્યારે તેણે દાવો કર્યો હતો કે તેના 12 દેશોમાં 100 થી વધુ બાયોલોજિકલ બાળકો છે.

એટલું જ નહીં, ટેલિગ્રામના સીઈઓએ અલ્ટ્રાવિટા ફર્ટિલિટી ક્લિનિક સાથે પોતાની ભાગીદારી દ્વારા બાળકો પેદા કરવા માંગતી તમામ મહિલાઓ માટે આઇવીએફનો ખર્ચ પણ આવરી લેવાની ઓફર કરી છે.

આઈવીએફ સારવાર મફત કરવાની ઓફર

સ્પર્મ ડોનેશનની જાહેરાત કરતાં ક્લિનિકની ઓફિશિયલ વેબસાઇટે લખ્યું છે કે, તમને એક અનોખી તક આપીને અમે ખુશ છીએ! માત્ર અમારા ક્લિનિકમાં જ તમે આપણા સમયના સૌથી પ્રખ્યાત અને સફળ ઉદ્યમીઓમાંના એક પાવેલ દુરોવના શુક્રાણુનો ઉપયોગ કરીને મફતમાં આઇવીએફ કરાવી શકો છો.

આ વર્ષે જુલાઈમાં પાવેલ દુરોવે એક લાંબી પોસ્ટ શેર કરી હતી અને દાવો કર્યો હતો કે તેણે 15 વર્ષ પહેલા જ પોતાના સ્પર્મ ડોનેટ કરવાનું શરૂ કર્યું હતું. પંદર વર્ષ પહેલાં, મારા એક મિત્રે મને એક વિચિત્ર વિનંતી કરી હતી. તેમણે જણાવ્યું હતું કે પ્રજનન ક્ષમતાની સમસ્યાના કારણે તેમને અને તેમની પત્નીને સંતાન ન થઈ શકે અને તેમણે મને ક્લિનિકમાં સ્પર્મ ડોનેટ કરવા માટે કહ્યું જેથી તેમને બાળકો થઈ શકે. મેં હસવાનું શરૂ કર્યું, પણ પછી મને સમજાયું કે તે ખરેખર ગંભીર હતો.

મારું સ્પર્મ હજી પણ આઇવીએફ ક્લિનિકમાં ઉપલબ્ધ છેઃ ડુરોવ

તેમણે જણાવ્યું હતુંકે, 2024 સુધીમાં મારા સ્પર્મ ડોનેશન થી 12 દેશોના 100 થી વધુ યુગલોને બાળકો પેદા કરવામાં મદદ મળી છે. ઉપરાંત, હું ડોનેશન બન્યાના ઘણા વર્ષો પછી, ઓછામાં ઓછું એક આઇવીએફ ક્લિનિકમાં હજી પણ મારા શુક્રાણુ ઉપલબ્ધ છે, જેનો ઉપયોગ બાળકો પેદા કરવા ઇચ્છતા પરિવારો દ્વારા ખાનગી રીતે કરી શકાય છે. ”

તમને જણાવી દઇયે કે, ઓગસ્ટમાં, પાવેલ દુરોવની ટેલિગ્રામ સંબંધિત પ્રારંભિક તપાસ માટે પેરિસની બહાર બોર્નેટ એરપોર્ટ પર ધરપકડ કરવામાં આવી હતી. રોઇટર્સના જણાવ્યા અનુસાર, તેમણે તેમના વીકે સોશિયલ મીડિયા પ્લેટફોર્મ પર વિરોધી સમુદાયોને દૂર કરવાની સરકારની માંગણીઓનું પાલન કરવાનો ઇનકાર કર્યા પછી 2014 માં રશિયા છોડી દીધું હતું, જે તેમણે વેચી દીધું હતું.