Today News : 'મહારાષ્ટ્રમાં નહીં તો શું મરાઠી પાકિસ્તાન-બાંગ્લાદેશમાં બોલાશે': ભાષા વિવાદ પર સંજય રાઉત

Today Latest News Update in Gujarati 07 July 2025: મહારાષ્ટ્રમાં હિન્દી-મરાઠી વિવાદ વચ્ચે, શિવસેના (UBT) ના નેતા સંજય રાઉતે કહ્યું કે જો મહારાષ્ટ્રમાં નહીં તો મરાઠી ભાષા ક્યાં બોલાશે - પાકિસ્તાનમાં કે બાંગ્લાદેશમાં? અગાઉ, રાઉતે રવિવારે કહ્યું હતું કે મહારાષ્ટ્ર નવનિર્માણ સેનાના પ્રમુખ રાજ ઠાકરે અને શિવસેના (UBT) ના વડા ઉદ્ધવ ઠાકરેના ભેગા થવાથી મુખ્યમંત્રી દેવેન્દ્ર ફડણવીસ સહિત શાસક મહાયુતિના નેતાઓ ગભરાઈ ગયા છે.

શિવસેના (UBT) ના સાંસદ સંજય રાઉતે કહ્યું, "કેટલાક લોકો સંસ્કૃતિ અને મરાઠી ભાષાને સ્વીકારવાનો ઇનકાર કરે છે. જો મહારાષ્ટ્રમાં નહીં તો મરાઠી ભાષા ક્યાં હશે - પાકિસ્તાન, બાંગ્લાદેશ કે નેપાળમાં? જો લોકો ભાષા માટે આંદોલન કરે છે, તો આશિષ શેલાર તેમની સરખામણી પહેલગામના આતંકવાદીઓ સાથે કરે છે, આ ખોટું છે અને તે ભાજપની માનસિકતા દર્શાવે છે."

'વધારાની 10% ટેરિફ લાદશે', ડોનાલ્ડ ટ્રમ્પે બ્રિક્સ દેશોને ધમકી આપી

બ્રાઝિલના રિયો ડી જાનેરોમાં 17મું બ્રિક્સ સમિટ ચાલી રહ્યું છે. બે દિવસીય વાર્ષિક સમિટના પહેલા દિવસે, બ્રિક્સના ટોચના નેતાઓએ વિશ્વ સામેના વિવિધ પડકારો પર ચર્ચા કરી. બીજી તરફ, સોમવારે અમેરિકન રાષ્ટ્રપતિ ડોનાલ્ડ ટ્રમ્પે બ્રિક્સ દેશોને મોટી ધમકી આપી છે. ટ્રમ્પે ચેતવણી આપી છે કે જે પણ દેશ બ્રિક્સની અમેરિકા વિરોધી નીતિઓ સાથે જોડાશે તેના પર 10% નો વધારાનો ટેરિફ લાદવામાં આવશે. તેમણે આ નિવેદન તેમના સોશિયલ મીડિયા પ્લેટફોર્મ ટ્રુથ સોશિયલ પર શેર કર્યું.

ડોનાલ્ડ ટ્રમ્પે લખ્યું, 'જે પણ દેશ બ્રિક્સની અમેરિકા વિરોધી નીતિઓમાં જોડાશે તેના પર 10% વધારાનો ટેરિફ લાદવામાં આવશે. આ નીતિમાં કોઈ અપવાદ રહેશે નહીં. આ બાબત પર ધ્યાન આપવા બદલ આભાર!' ટ્રમ્પનું નામ લીધા વિના બ્રિક્સ જૂથ દ્વારા ટેરિફ વધારાને વખોડી કાઢ્યા બાદ અમેરિકન રાષ્ટ્રપતિએ આ ધમકી આપી છે.

Jul 07, 2025 23:35 IST
ઠાકરે ભાઈઓના મિલનથી મુશ્કેલમાં કોંગ્રેસ, શું મહાવિકાસ અઘાડી વચ્ચે બધું ઠીક નથી?
Maharashtra Politics : 20 વર્ષ બાદ મહારાષ્ટ્રમાં મરાઠી ભાષાના વિવાદના મુદ્દે ઠાકરે બંધુઓ ભેગા થયા હતા. કોંગ્રેસે ઠાકરે સાથે ખભેથી ખભો મિલાવીને ચાલવાનું ટાળ્યું છે તેના ઘણા કારણો છે ...વધુ વાંચો



Jul 07, 2025 20:00 IST
ગુજરાતના માથે વરસાદની 3 સિસ્ટમ એક્ટિવ, અમદાવાદ-ગાંધીનગરમાં ભારે વરસાદની આગાહી
Gujarat Weather Update: હવામાન વિભાગે આજે ગુજરાતમાં ભારે વરસાદની આગાહી કરી છે. રાજ્યમાં ત્રણ વરસાદી સિસ્ટમ્સ સક્રિય છે. ચોમાસાની ટ્રફ અને બે સાયક્લોનિક સર્ક્યુલેશન સિસ્ટમ્સ સક્રિય થવાને કારણે વરસાદની આગાહી છે. ...વધુ વાંચો



Jul 07, 2025 16:47 IST
દક્ષિણ આફ્રિકાના વિઆન મુલ્ડરના અણનમ 367 રન, દાવ ડિકલેર કરતા બ્રાયન લારાનો 400 રનનો રેકોર્ડ બચી ગયો
Wiaan Mulder World Record, ZIM vs SA : વિઆન મુલ્ડર ટેસ્ટ ઇતિહાસમાં કેપ્ટન તરીકે પોતાની ડેબ્યૂ ઇનિંગમાં ત્રેવડી સદી ફટકારનાર પ્રથમ ખેલાડી બન્યો છે. 334 બોલમાં 49 ફોર અને 4 સિક્સર સાથે અણનમ 367 રન ...સંપૂર્ણ વાંચો



Jul 07, 2025 14:38 IST
Ojas New Bharti 2025: ગુજરાત સરકારમાં વર્ગ-3 અધિકારી બનાવવાની વધુ એક તક, અહીં વાંચો
ઓજસ નવી ભરતી 2025, GSSSB ભરતી 2025 અંતર્ગત ડેન્ટલ ટેક્નિશિયન વર્ગ-3ની પોસ્ટની માહિતી, શૈક્ષણિક લાયકાત, વય મર્યાદા, પગાર ધોરણ, અરજી પ્રક્રિયા સહિતની મહત્વની માહિતી જાણવા માટે ઉમેદવારોએ આ સમાચાર છેલ્લે સુધી વાંચવા. ...અહીં વાંચો



Jul 07, 2025 14:11 IST
today News Live : ગુજરાતમાં બપોરે 2 વાગ્યા સુધીમાં 71 તાલુકામાં વરસાદ
સ્ટેટ ઈમરજન્સી ઓપરેશન સેન્ટર ગાંધીનગર દ્વારા આપેલા આંકડા પ્રમાણે આજે 7 જુલાઈ 2025, સવારે 6 વાગ્યાથી લઈને બપોરે 2 વાગ્યા સુધીમાં રાજ્યના 71 તાલુકામાં વરસાદ નોંધાયો હતો. જેમાં સૌથી વધારે વરસાદ કચ્છ જિલ્લામાં વરસાદ નોંધાયો હતો. જોકે, બપોરે 12થી 2 વાગ્યાના બે કલાકમાં 34 તાલુકામાં વરસાદ નોંધાયો હતો. જેમાં સૌથી વધારે ખેડાના નડિયામાં 0.51 ઈંચ વરસાદ નોંધાયો હતો.



Jul 07, 2025 14:03 IST
today News Live : 'મહારાષ્ટ્રમાં નહીં તો શું મરાઠી પાકિસ્તાન-બાંગ્લાદેશમાં બોલાશે': ભાષા વિવાદ પર સંજય રાઉત
મહારાષ્ટ્રમાં હિન્દી-મરાઠી વિવાદ વચ્ચે, શિવસેના (UBT) ના નેતા સંજય રાઉતે કહ્યું કે જો મહારાષ્ટ્રમાં નહીં તો મરાઠી ભાષા ક્યાં બોલાશે - પાકિસ્તાનમાં કે બાંગ્લાદેશમાં? અગાઉ, રાઉતે રવિવારે કહ્યું હતું કે મહારાષ્ટ્ર નવનિર્માણ સેનાના પ્રમુખ રાજ ઠાકરે અને શિવસેના (UBT) ના વડા ઉદ્ધવ ઠાકરેના ભેગા થવાથી મુખ્યમંત્રી દેવેન્દ્ર ફડણવીસ સહિત શાસક મહાયુતિના નેતાઓ ગભરાઈ ગયા છે.
શિવસેના (UBT) ના સાંસદ સંજય રાઉતે કહ્યું, "કેટલાક લોકો સંસ્કૃતિ અને મરાઠી ભાષાને સ્વીકારવાનો ઇનકાર કરે છે. જો મહારાષ્ટ્રમાં નહીં તો મરાઠી ભાષા ક્યાં હશે - પાકિસ્તાન, બાંગ્લાદેશ કે નેપાળમાં? જો લોકો ભાષા માટે આંદોલન કરે છે, તો આશિષ શેલાર તેમની સરખામણી પહેલગામના આતંકવાદીઓ સાથે કરે છે, આ ખોટું છે અને તે ભાજપની માનસિકતા દર્શાવે છે."



Jul 07, 2025 12:24 IST
today News Live : ગુજરાતમાં બપોરે 12 વાગ્યા સુધીમાં 45 તાલુકામાં વરસાદ
સ્ટેટ ઈમરજન્સી ઓપરેશન સેન્ટર ગાંધીનગર દ્વારા આપેલા આંકડા પ્રમાણે આજે 7 જુલાઈ 2025, સવારે 6 વાગ્યાથી લઈને બપોરે 12 વાગ્યા સુધીમાં રાજ્યના 45 તાલુકામાં વરસાદ નોંધાયો હતો. જેમાં સૌથી વધારે વરસાદ કચ્છના ભચાઉમાં 1.89 ઈંચ, ગાંધીધામમાં 1.89 ઈંચ,માંડવીમાં 1.81 ઈંચ વરસાદ નોંધાયો હતો.



Jul 07, 2025 12:21 IST
Gujarat rain : ગુજરાતમાં ચોમાસાનો કુલ સરેરાશ 46.21 ટકા વરસાદ, 31 ડેમ હાઇ એલર્ટ પર
Gujarat monsoon average rainfall data in gujarati : અત્યાર સુધી સિઝનનો સરેરાશ 46.21 ટકા વરસાદ પડી ચૂક્યો છે. જેમાં સૌથી વધુ દક્ષિણ ગુજરાતમાં 50.82 ટકા અને સૌથી ઓછો ઉત્તર ગુજરાતમાં 41.31 ટકા સરેરાશ વરસાદ નોંધાયો છે. ...વધુ વાંચો



Jul 07, 2025 12:14 IST
today News Live : નર્મદા ડેમ 48.15 ટકા ભરાયો, 31 ડેમ હાઇ એલર્ટ પર
SEOCના અહેવાલ મુજબ સવારે 8:00 કલાક સુધીમાં રાજ્યમાં આવેલ નર્મદા ડેમ 48.15 ટકા તેમજ અન્ય 206 જળાશયો કુલ સંગ્રહ ક્ષમતાના 54.50 ટકા જેટલા ભરાઈ ગયા છે. આમ, સમગ્ર રાજ્યમાં વરસાદના પગલે 31 ડેમ હાઇ એલર્ટ, 19 ડેમ એલર્ટ અને 18 ડેમ માટે વોર્નિંગ આપવામાં આવી છે.



Jul 07, 2025 10:52 IST
today News Live : 'વધારાની ૧૦% ટેરિફ લાદશે', ડોનાલ્ડ ટ્રમ્પે બ્રિક્સ દેશોને ધમકી આપી
બ્રાઝિલના રિયો ડી જાનેરોમાં 17મું બ્રિક્સ સમિટ ચાલી રહ્યું છે. બે દિવસીય વાર્ષિક સમિટના પહેલા દિવસે, બ્રિક્સના ટોચના નેતાઓએ વિશ્વ સામેના વિવિધ પડકારો પર ચર્ચા કરી. બીજી તરફ, સોમવારે અમેરિકન રાષ્ટ્રપતિ ડોનાલ્ડ ટ્રમ્પે બ્રિક્સ દેશોને મોટી ધમકી આપી છે. ટ્રમ્પે ચેતવણી આપી છે કે જે પણ દેશ બ્રિક્સની અમેરિકા વિરોધી નીતિઓ સાથે જોડાશે તેના પર 10% નો વધારાનો ટેરિફ લાદવામાં આવશે. તેમણે આ નિવેદન તેમના સોશિયલ મીડિયા પ્લેટફોર્મ ટ્રુથ સોશિયલ પર શેર કર્યું.
ડોનાલ્ડ ટ્રમ્પે લખ્યું, 'જે પણ દેશ બ્રિક્સની અમેરિકા વિરોધી નીતિઓમાં જોડાશે તેના પર 10% વધારાનો ટેરિફ લાદવામાં આવશે. આ નીતિમાં કોઈ અપવાદ રહેશે નહીં. આ બાબત પર ધ્યાન આપવા બદલ આભાર!' ટ્રમ્પનું નામ લીધા વિના બ્રિક્સ જૂથ દ્વારા ટેરિફ વધારાને વખોડી કાઢ્યા બાદ અમેરિકન રાષ્ટ્રપતિએ આ ધમકી આપી છે.



Jul 07, 2025 09:46 IST
Gujarat Heavy Rain : ગુજરાતમાં મેઘાની ધબધબાટી, 24 કલાકમાં 209 તાલુકામાં વરસાદ, ડોલવાનમાં 6.18 ઈંચ ખાબક્યો
today 7 July 2025 Gujarat rain fall data in gujarati : છેલ્લા 24 કલાકમાં ગુજરાતમાં પડેલા વરસાદની વાત કરીએ તો રાજ્યમાં 24 કલાકમાં 209 તાલુકામાં વરસાદ પડ્યો હતો. જેમાં સૌથી વધારે વરસાદ તાપી જિલ્લાના ડોલવાનમાં 6.18 ઈંચ ખાબક્યો હતો. ...સંપૂર્ણ વાંચો



Jul 07, 2025 08:15 IST
today News Live : દિલ્હીમાં AQI સુધર્યો
દિલ્હીમાં હવાની ગુણવત્તા સતત અગિયારમા દિવસે 'સંતોષકારક' રહી. શહેરની હવામાં આ વર્ષે અત્યાર સુધીની સૌથી સ્વચ્છ હવા નોંધાઈ છે. રવિવારે દિવસનો સરેરાશ AQI 76 હતો. જુલાઈ અને ઓગસ્ટ મહિનામાં વર્ષ દરમિયાન સૌથી સ્વચ્છ હવા નોંધાઈ હતી.



Jul 07, 2025 08:15 IST
today News Live : પ્રધાનમંત્રી ક્યુબાના રાષ્ટ્રપતિને મળ્યા
બ્રાઝિલમાં સચિવ (આર્થિક સંબંધો) દામ્મુ રવિએ જણાવ્યું હતું કે, “વડાપ્રધાન ક્યુબાના રાષ્ટ્રપતિ મિગુએલ ડિયાઝ-કેનેલને મળ્યા હતા. બેઠક દરમિયાન, ક્યુબાએ ભારતના ડિજિટલ જાહેર માળખા અને UPI ના સંભવિત ફાયદાઓ શોધવામાં નોંધપાત્ર રસ દાખવ્યો. ક્યુબા દ્વારા આયુર્વેદને સંભવિત માન્યતા અને ક્યુબાની આરોગ્યસંભાળ પ્રણાલીમાં તેને એકીકૃત કરવા માટે આયુર્વેદને સમર્થન આપવાની પણ ચર્ચા કરવામાં આવી હતી.”



Jul 07, 2025 08:14 IST
today News Live : દિલ્હી NCRમાં મોડી રાત્રે શરૂ થયેલા ભારે વરસાદ
દિલ્હી NCRમાં મોડી રાત્રે શરૂ થયેલા ભારે વરસાદને કારણે હવામાન ખુશનુમા બન્યું છે. મળતી માહિતી મુજબ, આખી રાત વરસાદ ચાલુ રહ્યો હતો જ્યારે સવારે પણ ભારે વરસાદ પડ્યો હતો. હવામાન વિભાગે આજે દિલ્હી, નોઈડા, ગ્રેટર નોઈડા, ગુડગાંવ, ગાઝિયાબાદ, ફરીદાબાદ માટે યલો એલર્ટ જારી કર્યું છે.



Jul 07, 2025 08:14 IST
today News Live : પંજાબ કેબિનેટની એક મહત્વપૂર્ણ બેઠક યોજાવા જઈ રહી છે
સોમવારે પંજાબ કેબિનેટની એક મહત્વપૂર્ણ બેઠક યોજાવા જઈ રહી છે. આ દરમિયાન ઘણા મહત્વપૂર્ણ નિર્ણયો લેવામાં આવી શકે છે. બેઠક દરમિયાન ડ્રગ્સ દાણચોરી અને સતલજ યમુના લિંક (SYL) અંગે રણનીતિ તૈયાર કરવા પર પણ ચર્ચા થઈ શકે છે. બેઠકમાં ડ્રગ્સ દાણચોરી રોકવા માટે કાયદામાં કડક નિયમો લાવી શકાય છે. સીએમ માન દ્વારા બોલાવવામાં આવેલી કેબિનેટ બેઠક સવારે 10.30 વાગ્યે તેમના નિવાસસ્થાને યોજાશે.



Jul 07, 2025 08:14 IST
today News Live : બ્રિક્સ સમિટમાં પીએમ મોદીએ અનેક મહત્વપૂર્ણ દ્વિપક્ષીય બેઠકોમાં ભાગ લીધો
વડાપ્રધાન નરેન્દ્ર મોદી બ્રાઝિલના ચાર દિવસના પ્રવાસે છે. આ દરમિયાન પીએમ મોદીએ બ્રિક્સ દેશોના સમિટમાં ભાગ લીધો હતો. સમિટ ઉપરાંત તેમણે અનેક મહત્વપૂર્ણ દ્વિપક્ષીય બેઠકોમાં પણ ભાગ લીધો હતો. પીએમ મોદી ઉપરાંત વિદેશ મંત્રી ડૉ. એસ. જયશંકર પણ બ્રાઝિલના રિયો ડી જાનેરોમાં છે.