Today News : રાહુલ ગાંધીએ પંજાબના પૂરગ્રસ્ત જિલ્લાઓની મુલાકાત લીધી

Today Latest News Update in Gujarati 15 September 2025: લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ સોમવારે પંજાબના અમૃતસર અને ગુરદાસપુર જિલ્લાના પૂરગ્રસ્ત વિસ્તારોની મુલાકાત લીધી હતી. આ દરમિયાન તેમણે કુદરતી આફતથી અસરગ્રસ્ત લોકો સાથે વાતચીત કરી હતી. અમૃતસર પહોંચ્યા બાદ રાહુલ ગાંધી અમૃતસરના અજનાલાના ઘોનેવાલ ગામ ગયા હતા અને પૂરગ્રસ્ત લોકોને મળ્યા હતા અને નુકસાનનો તાગ મેળવ્યો હતો.

Sep 15, 2025 23:49 IST
રાહુલ ગાંધીએ પંજાબના પૂરગ્રસ્ત જિલ્લાઓની મુલાકાત લીધી
લોકસભામાં વિપક્ષના નેતા અને કોંગ્રેસના સાંસદ રાહુલ ગાંધીએ સોમવારે પંજાબના અમૃતસર અને ગુરદાસપુર જિલ્લાના પૂરગ્રસ્ત વિસ્તારોની મુલાકાત લીધી હતી. આ દરમિયાન તેમણે કુદરતી આફતથી અસરગ્રસ્ત લોકો સાથે વાતચીત કરી હતી. અમૃતસર પહોંચ્યા બાદ રાહુલ ગાંધી અમૃતસરના અજનાલાના ઘોનેવાલ ગામ ગયા હતા અને પૂરગ્રસ્ત લોકોને મળ્યા હતા અને નુકસાનનો તાગ મેળવ્યો હતો.



Sep 15, 2025 23:31 IST
મેથીના દાણા પાણીમાં પલાળી પીવા કે ઉકાળી? એક્સપર્ટ પાસેથી જાણો કયું છે વધારે બેસ્ટ
Health News Gujarati : રસોડામાં રાખવામાં આવેલા મેથીના દાણા ઔષધીથી ભરપૂર હોય છે. મેથીના દાણાનું પાણી એક સરળ ઘરેલું ઉપાય છે, જે યોગ્ય રીતે સેવન કરવામાં આવે તો શુગર કંટ્રોલ, પાચન, હૃદયની તંદુરસ્તી અને ત્વચા અને વાળની તંદુરસ્તી સુધારી શકે છે ...સંપૂર્ણ માહિતી



Advertisment
Sep 15, 2025 22:28 IST
Gujarat Rain : દક્ષિણ ગુજરાતમાં મેઘમહેર યથાવત્, ડાંગના શુબીરમાં 1.73 ઇંચ વરસાદ
Gujarat Rain : ગુજરાત સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરાયેલા વરસાદના આંકડા પ્રમાણે 15 સપ્ટેમ્બર 2025ના રોજ રાજના 8 વાગ્યા સુધીમાં 18 તાલુકામાં વરસાદ વરસ્યો છે ...વધુ માહિતી



Sep 15, 2025 21:02 IST
એશિયા કપ જીતવા પર ACC ચીફ મોહસિન નકવી પાસેથી ટ્રોફી નહીં લે ટીમ ઇન્ડિયા?
Asia Cup 2025 : એશિયા કપ 2025માં ભારત-પાકિસ્તાનની મેચ બાદ માહોલ ગરમાયો છે. પહેલગામ આતંકી હુમલા બાદ પહેલી વખત બંને ટીમો આમને-સામને આવી હતી. મેચ પછી ભારતીય ખેલાડીઓએ પાકિસ્તાનના ખેલાડીઓ સાથે હાથ મિલાવ્યા ન હતા ...અહીં વાંચો



Sep 15, 2025 19:55 IST
મારુતિ સુઝુકીએ લોન્ચ કરી 5 સ્ટાર સેફ્ટી વાળી આ SUV કાર, જાણો કિંમત અને ફિચર્સ
Maruti Victoris : મારુતિ સુઝુકીએ ભારતમાં નવી વિક્ટોરિસ SUV સત્તાવાર રીતે લોન્ચ કરી છે. વિક્ટોરિસે BNCAP અને GNCAP બંને ક્રેશ ટેસ્ટમાં 5-સ્ટાર સેફ્ટી રેટિંગ મેળવી છે ...વધુ માહિતી



Sep 15, 2025 18:53 IST
પીએમ મોદીએ કહ્યું - કોંગ્રેસ-આરજેડીના લોકો ઘૂસણખોરોને બચાવવામાં લાગ્યા, બિહારની અસ્મિતાને ખતરામાં મૂકી
PM Modi Rally : પીએમ મોદીએ કહ્યું - કોંગ્રેસ અને આરજેડીએ બિહારના સન્માનથી સાથે-સાથે બિહારની અસ્મિતાને પણ ખતરામાં મૂક્યું છે. આજે સીમાંચલ અને પૂર્વ ભારતમાં ઘૂસણખોરોને કારણે ઘણું મોટું ડેમોગ્રાફિક સંકટ ઉભું થયું છે ...વધુ માહિતી



Sep 15, 2025 16:54 IST
એશિયા કપ 2025 : હેન્ડશેક વિવાદ બાદ પાકિસ્તાન રઘવાયું બન્યું, મેચ રેફરી પર લગાવ્યો આવો આરોપ
Asia Cup 2025 : એશિયા કપ 2025માં ભારત સામે સાત વિકેટથી મળેલી હારને પચાવવી પાકિસ્તાન માટે મુશ્કેલ બની રહી છે, તેથી હવે તેણે મેચ રેફરી એન્ડી પાયક્રોફ્ટને હટાવવાની માંગ કરી છે ...સંપૂર્ણ વાંચો



Sep 15, 2025 15:22 IST
CBSE Exams 2025 : CBSEએ ધો.10મા અને 12 બોર્ડ પરીક્ષાઓ માટે Apaar ફરજિયાતમાં આંશિક મુક્તિ આપી
CBSE Board Exam 2026, Apaar ID Necessary for CBSE Exams: ધોરણ 10મા અને 12મા ધોરણની બોર્ડ પરીક્ષાઓ માટે ઉમેદવારોની યાદી (LOC) ભરવાની પ્રક્રિયામાં Apaar (ઓટોમેટેડ પરમેનન્ટ એકેડેમિક એકાઉન્ટ રજિસ્ટ્રી) ID ને લિંક કરવાની જરૂરિયાતમાં આંશિક મુક્તિ આપી છે. ...સંપૂર્ણ વાંચો



Sep 15, 2025 11:52 IST
Today News Live: ઝારખંડમાં ત્રણ મોટા નક્સલી લીડર્સ માર્યા ગયા
ઝારખંડના હજારીબાગ જિલ્લાના જંગલોમાં 1 કરોડ રૂપિયાથી વધુના સંયુક્ત ઈનામવાળા ઓછામાં ઓછા 3 નક્સલીઓ માર્યા ગયા. પોલીસ અધિક્ષક અંજની અંજને સોમવારે આ માહિતી આપી. સર્ચ ઓપરેશનમાં ત્રણેય નક્સલીઓના મૃતદેહ મળી આવ્યા છે.
સોમવારે સવારે ઝારખંડના હજારીબાગમાં CRPF, ગિરિડીહ અને હજારીબાગ પોલીસની કોબ્રા બટાલિયને સંયુક્ત ઓપરેશનમાં ત્રણ નક્સલીઓને ઠાર માર્યા. આ ત્રણ ટોચના નક્સલી નેતાઓના માથા પર કુલ 1.35 કરોડ રૂપિયાનું ઈનામ હતું. CPI માઓવાદી સેન્ટ્રલ કમિટીના સભ્ય સહદેવ મહતો ઉર્ફે પ્રવેશ 1 કરોડ, SAC સભ્ય રઘુનાથ હેમ્બ્રમ ઉર્ફે ચંચલ 25 લાખનું ઈનામ અને ઝોનલ કમાન્ડર બિરસેન ગંઝુ 10 લાખનું ઈનામ ધરાવતા એન્કાઉન્ટરમાં માર્યા ગયા.



Sep 15, 2025 11:49 IST
GSSSB bharti 20225 : ગુજરાતમાં સરકારી નોકરી માટે અરજી કરવાની બાકી છે? આજે આટલી ભરતીઓ થશે બંધ
gsssb Bharti 2025 last date : ગુજરાત ગૌણ સેવા પસંદગી મંડળ ભરતી અંતર્ગત એક્સ રે આસિસ્ટન્ટ, વર્ગ-3થી લઈને મ્યુનિસિપલ ઈજમનેર વર્ગ-3 સહિતની પોસ્ટની કૂલ 269 જગ્યા માટે આજે 15 સપ્ટેમ્બર 2025, રાતના 11.59 વાગ્યા સુધી ઓનલાઈન અરજી કરી શકે છે. ...વધુ માહિતી



Sep 15, 2025 11:06 IST
Asia Cup 2025 : શું પાકિસ્તાની ખેલાડીઓ સાથે હાથ ન મિલાવવા બદલ ભારતને દંડ થશે? ICC અને ACCનો શું છે નિયમ?
India-Pakistan handshake controversy : ક્રિકેટ દ્વારા ફરી એકવાર ભારતે આખી દુનિયાને સંદેશ આપ્યો કે પાકિસ્તાન સામે રમવું અમારી મજબૂરી છે, પરંતુ અમે ક્યારેય આતંકવાદને સહન કરીશું નહીં અને દુશ્મન દેશને ગળે લગાવવાની ભૂલ કોઈપણ સંજોગોમાં કરવામાં આવશે નહીં. ...વધુ માહિતી



Sep 15, 2025 10:51 IST
Today News Live: આગામી ત્રણ કલાકમાં મુંબઈમાં ભારે વરસાદ! વરસાદ માટે રેડ એલર્ટ
મુંબઈમાં હવામાનનો મિજાજ ફરી એકવાર બદલાયો છે, ઘણા જિલ્લાઓમાં ભારે વરસાદ જોવા મળી રહ્યો છે. હવામાન વિભાગે મુંબઈ માટે પહેલાથી જ ઓરેન્જ એલર્ટ જારી કર્યું હતું, પરંતુ બદલાતા વલણને ધ્યાનમાં રાખીને, હવે તેને રેડમાં બદલી દેવામાં આવ્યું છે. વરસાદને કારણે, મુંબઈના ઘણા વિસ્તારો આ સમયે પાણી ભરાઈ ગયા છે, લાંબા ટ્રાફિક જામ થયા છે અને ટ્રેન સેવાઓ પણ ખોરવાઈ ગઈ છે.
હાલમાં, મુંબઈ સહિત થાણે અને રાયગઢ માટે આગામી 3 કલાક માટે રેડ એલર્ટ છે. ભારે વરસાદ ઉપરાંત, ગાજવીજ સાથે વીજળી પડવાની પણ શક્યતા છે. માર્ગ દ્વારા, હવામાન વિભાગે દિલ્હી-એનસીઆર માટે પણ તેની આગાહી વ્યક્ત કરી છે. આકાશમાં વાદળો હોઈ શકે છે પરંતુ વરસાદની કોઈ શક્યતા નથી. યુપીના ઘણા જિલ્લાઓમાં ચોક્કસપણે વરસાદ પડી શકે છે. પૂર્વી ઉત્તર પ્રદેશમાં પણ વરસાદની આગાહી છે. બિહાર અને ઝારખંડના કેટલાક જિલ્લાઓમાં પણ વરસાદનો છાંટો જોવા મળી શકે છે.



Sep 15, 2025 10:16 IST
Today News Live: ભારત પાકિસ્તાન મેચ બાદ હાથ ના મિલાવવા પર થઈ ફરિયાદ
ક્રિકેટ દ્વારા ફરી એકવાર ભારતે આખી દુનિયાને સંદેશ આપ્યો કે પાકિસ્તાન સામે રમવું અમારી મજબૂરી છે, પરંતુ અમે ક્યારેય આતંકવાદને સહન કરીશું નહીં અને દુશ્મન દેશને ગળે લગાવવાની ભૂલ કોઈપણ સંજોગોમાં કરવામાં આવશે નહીં. આ મેચમાં ભારતીય ટીમના ખેલાડીઓએ પાકિસ્તાની ખેલાડીઓની સંપૂર્ણ અવગણના કરી. તેઓ મેદાન પર આવ્યા, રમ્યા અને કોઈપણ વિવાદ વિના ચાલ્યા ગયા.



Sep 15, 2025 10:09 IST
'ઇમિગ્રન્ટ ગુનેગારો પ્રત્યે નરમ રહેવાનો સમય પૂરો થયો', ટ્રમ્પે અમેરિકામાં ભારતીય વ્યક્તિની હત્યા પર કાર્યવાહીનું આપ્યું વચન
Indian man killed in Dallas : અમેરિકાના રાષ્ટ્રપતિ ડોનાલ્ડ ટ્રમ્પે રવિવારે ભારતીય મૂળના ચંદ્ર નાગમલ્લૈયાની હત્યાની નિંદા કરી. તેમણે તેને ભયાનક ગણાવી. ટ્રમ્પે ભારપૂર્વક જણાવ્યું કે તેમના શાસન હેઠળ ગેરકાયદેસર ઇમિગ્રન્ટ ગુનેગારો પ્રત્યે નરમ રહેવાનો સમય પૂરો થઈ ગયો છે. ...વધુ વાંચો



Sep 15, 2025 08:08 IST
Today News Live: પશ્ચિમ બંગાળના પ્રવાસે પીએમ મોદી
ભારતીય સેનાના પૂર્વીય કમાન્ડના મુખ્યાલય ખાતે 'કમ્બાઈન્ડ કમાન્ડર્સ કોન્ફરન્સ 2025'નું ઉદ્ઘાટન કરવા માટે વડાપ્રધાન નરેન્દ્ર મોદી રવિવારે કોલકાતા પહોંચ્યા. તેઓ સોમવારે સવારે ફોર્ટ વિલિયમ ખાતે કોન્ફરન્સનું ઉદ્ઘાટન કરશે. દેશની ત્રણેય સેનાઓના ઉચ્ચ અધિકારીઓ ઉપરાંત, સંરક્ષણ પ્રધાન રાજનાથ સિંહ પણ હાજર રહેશે. બાદમાં, વડાપ્રધાન મોદી બિહારના પૂર્ણિયા પહોંચશે. અહીં તેઓ પૂર્ણિયા એરપોર્ટ પર નવા સિવિલ એન્ક્લેવના નવા ટર્મિનલ બિલ્ડિંગનું ઉદ્ઘાટન કરશે. પ્રાદેશિક વિકાસને પ્રોત્સાહન આપવા માટે, પીએમ લગભગ 36,000 કરોડ રૂપિયાના પ્રોજેક્ટ્સનો શિલાન્યાસ અને ઉદ્ઘાટન કરશે. વડાપ્રધાન મોદી બિહારમાં રાષ્ટ્રીય મખાના બોર્ડનું પણ ઉદ્ઘાટન કરશે.



Sep 15, 2025 08:06 IST
Today News Live: ગુજરાતમાં છેલ્લા 24 કલાકમાં 37 તાલુકામાં વરસાદ નોંધાયો
ગુજરાત સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે 14 સપ્ટેમ્બર 2025, સવારે 6 વાગ્યાથી લઈને 15 સપ્ટેમ્બર 2025 સવારે 6 વાગ્યા સુધીમાં 24 કલાકના સમયગાળા દરમિયાન રાજ્યના 37 તાલુકામાં વરસાદ નોંધાયો હતો. જેમાં સૌથી વધારે વરસાદ અમરેલીમાં 1.77 ઈંચ, જાફરાબાદમાં 1.57 ઈંચ વરસાદ નોંધયો હતો.



Sep 15, 2025 08:06 IST
Today News Live: દિલ્હીમાં BMW કાર અકસ્માતમાં નાણા મંત્રાલયના ડેપ્યુટી સેક્રેટરીનું મોત
દિલ્હી કેન્ટ મેટ્રો સ્ટેશન નજીક રિંગ રોડ પર BMW કારે બાઇકને ટક્કર મારતાં નાણા મંત્રાલયના એક વરિષ્ઠ અધિકારીનું મોત થયું અને તેમની પત્ની ગંભીર રીતે ઘાયલ થઈ. મૃતકની ઓળખ નવજોત સિંહ તરીકે થઈ છે. તેઓ નાણા મંત્રાલયના આર્થિક બાબતોના વિભાગમાં ડેપ્યુટી સેક્રેટરી હતા.