Today News : કડી અને વિસાવદર વિધાનસભા પેટા ચૂંટણીનું મતદાન શાંતિપૂર્ણ રીતે સંપન્ન, 23 જૂને પરિણામ

Today Latest News Live Update in Gujarati 19 June 2025: ગુજરાતમાં એક તરફ વરસાદી માહોલ સર્જાયો છે. બુધવારે રાત્રે વરસાદે જોરદાર બેટિંગ કરી છે. ત્યારે બીજી તરફ ગુજરાતમાં કડી અને વિસાવદર વિધાનસભા બેઠકની પેટા ચૂંટણીનું મતદાન શાંતિપૂર્ણ રીતે સંપન્ન થઇ ગયું છે. વિસાવદર બેઠક પર ભાજપના કિરીટભાઈ બાબભાઈ પટેલ, કોંગ્રેસના નિતિન રાણાપરિયા અને આમ આદમી પાર્ટીના ગોપાલ ઈટાલિયા ચૂંટણી મેદાનમાં છે. જ્યારે કડી બેઠક પર કોંગ્રેસના ઉમેદવાર રમેશ ચાવડા, ભાજપના ઉમેદવાર રાજેન્દ્રસિંહ ચાવડા અને આપના ઉમેદવાર જગદીશ ચાવડા વચ્ચે જંગ છે. 23 જૂને મત ગણતરી થશે.

વિસાવદરમાં સરેરાશ 56.00 અને કડીમાં 58.00 ટકા મતદાન

ચૂંટણી પંચ દ્વારા જાહેર કરવામાં આવેલા કડી અને વિસાવદર પેટા ચૂંટણી મતદાનના આંકડા પ્રમાણે કડીમાં સરેરાશ 58.00 ટકા મતદાન થયું હતું. જ્યારે વિસાવદરમાં 56 ટકા મતદાન નોંધાયું હતું.

Jun 19, 2025 23:15 IST
Ahmedabad Plane Crash: દુર્ઘટનાગ્રસ્ત વિમાનના બંને એન્જિન બરાબર કામ કરી રહ્યા હતા? જાણો એર ઇન્ડિયાના CEO એ શું કહ્યું?
air india plane crash: એર ઇન્ડિયાના CEO એ ખાતરી આપી હતી કે તેઓ ઉડ્ડયન ઉદ્યોગ સાથે નજીકથી કામ કરી રહ્યા છે અને અકસ્માત વિશે વધુ માહિતી આપવા માટે સત્તાવાર તપાસ અહેવાલની રાહ જોઈ રહ્યા છે. ...વધુ વાંચો



Jun 19, 2025 21:50 IST
વિસાવદરમાં મતદાન મથકના CCTV બંધ થતાં અરવિંદ કેજરીવાલ ભડક્યા, કહ્યું- ધોળા દિવસે આ શું થઈ રહ્યું છે?
Visavadar by-election: વિસાવદરમાં મતદાન દરમિયાન એક મતદાન મથકના સીસીટીવી બંધ થયા બાદ આમ આદમી પાર્ટી (AAP) એ મોટા આરોપો લગાવ્યા છે. આપના વડા અરવિંદ કેજરીવાલે પોતે ચૂંટણી પંચના હસ્તક્ષેપની માંગ કરી છે. ...સંપૂર્ણ માહિતી



Advertisment
Jun 19, 2025 20:39 IST
Today News Live : અમદાવાદ વિમાન દુર્ઘટના, 215 મૃતકોના ડીએનએ સેમ્પલ મેચ થયા, 198 મૃતદેહ પરિવારજનોને સોંપાયા
સિવિલ હોસ્પિટલ સુપ્રિન્ટેન્ડેન્ટ ડો.રાકેશ જોશીએ મીડિયા બ્રીફિંગમાં જણાવ્યું હતું કે અમદાવાદ વિમાન દુર્ઘટનામાં 19 જૂન સુધીમાં 215 મૃતકોનાં ડીએનએ સેમ્પલ મેચ થયા છે. જેમાંથી 198 પરિવારોને તેમના સ્વજનોના પાર્થિવ દેહ સોંપાવામાં આવ્યા છે. મીડિયા બ્રીફિંગમાં વધુ વિગતો આપતા ડો.રાકેશ જોશીએ જણાવ્યું હતું કે 5 પરિવારો વહેલી સવાર સુધી સ્વજનોના પાર્થિવ દેહ સ્વીકારવા આવશે, 3 પરિવારો સાથે તંત્ર સંપર્કમાં છે, જ્યારે 9 પરિવારો બીજા સ્વજનના ડીએનએ મેચની રાહ જોઈએ રહ્યા છે.
તેમણે વધુમાં ઉમેર્યું કે 198 મૃતકો કે જેમના પાર્થિવ દેહ પરિવારોને સોંપાયા છે તેમાં 149 ભારતના નાગરિક, 7 પોર્ટુગલના, 32 બ્રિટિશ નાગરિક, 1કેનેડિયન તેમજ 9 નોન- પેસેન્જરનો સમાવેશ થાય છે. 15 જેટલા પાર્થિવ દેહને હવાઈ માર્ગે, જ્યારે 183 જેટલા દેહોને સડક માર્ગે તેમના નિવાસસ્થાને પહોચાડવામાં આવ્યા હતા. હોસ્પિટલમાં સારવાર હેઠળ રહેલા 6 દર્દીઓમાંથી 1 ને ટૂંક સમયમાં રજા આપવામાં આવશે, જ્યારે બાકીના 5 દર્દીઓનું આરોગ્ય સ્થિર છે.



Jun 19, 2025 19:44 IST
Today News Live : કડી અને વિસાવદર વિધાનસભા પેટા ચૂંટણીનું મતદાન શાંતિપૂર્ણ રીતે સંપન્ન
કડી અને વિસાવદર વિધાનસભા બેઠકની પેટા ચૂંટણીનું મતદાન શાંતિપૂર્ણ રીતે સંપન્ન થઇ ગયું છે. વિસાવદર બેઠક પર ભાજપના કિરીટભાઈ બાબભાઈ પટેલ, કોંગ્રેસના નિતિન રાણાપરિયા અને આમ આદમી પાર્ટીના ગોપાલ ઈટાલિયા ચૂંટણી મેદાનમાં છે. જ્યારે કડી બેઠક પર કોંગ્રેસના ઉમેદવાર રમેશ ચાવડા, ભાજપના ઉમેદવાર રાજેન્દ્રસિંહ ચાવડા અને આપના ઉમેદવાર જગદીશ ચાવડા વચ્ચે જંગ છે. 23 જૂને મત ગણતરી થશે.



Jun 19, 2025 18:00 IST
Today News Live : સાંજે 5 વાગ્યા સુધીમાં વિસાવદરમાં 54.61 ટકા અને કડીમાં 54.49 ટકા મતદાન
ચૂંટણી પંચ દ્વારા જાહેર કરવામાં આવેલા કડી અને વિસાવદર પેટા ચૂંટણી મતદાનના આંકડા પ્રમાણે કડીમાં સાંજે 5 વાગ્યા સુધીમાં 54.49 ટકા મતદાન થયું હતું. જ્યારે વિસાવદરમાં 54.61 ટકા મતદાન નોંધાયું હતું.



Jun 19, 2025 17:49 IST
ગુજરાતના ઘણા જિલ્લાઓમાં મુશળધાર વરસાદ, 25 જૂન સુધી મેઘરાજા ધડબડાટી બોલાવશે
Gujarat Weather Forecast: ગુજરાતના ઘણા જિલ્લાઓમાં મુશળધાર વરસાદ પડી રહ્યો છે. ભારે વરસાદને કારણે ગાંધીનગર-અમદાવાદ સહિત અનેક શહેરો પાણીમાં ગરકાવ છે. વલસાડ જિલ્લાના વાપીમાં આજે સવારથી ભારે વરસાદ પડી રહ્યો છે. ...સંપૂર્ણ માહિતી



Jun 19, 2025 16:34 IST
Today News Live : બપોરે 3 વાગ્યા સુધીમાં વિસાવદરમાં 47.67 ટકા અને કડીમાં 46.33 ટકા મતદાન
ચૂંટણી પંચ દ્વારા જાહેર કરવામાં આવેલા કડી અને વિસાવદર પેટા ચૂંટણી મતદાનના આંકડા પ્રમાણે કડીમાં બપોરે 3 વાગ્યા સુધીમાં 46.33 ટકા મતદાન થયું હતું. જ્યારે વિસાવદરમાં બપોરે 3 વાગ્યા સુધીમાં 47.67 ટકા મતદાન નોંધાયું હતું.



Jun 19, 2025 15:51 IST
ભારત અને ઇંગ્લેન્ડ વચ્ચે શુક્રવારથી પ્રથમ ટેસ્ટનો પ્રારંભ, ઇંગ્લેન્ડ સામે કોણ કરશે 3, 4 અને 5 પર નંબર બેટિંગ, જાણો
India vs England 1st Test Match : ભારત અને ઇંગ્લેન્ડ વચ્ચે 5 મેચની ટેસ્ટ સિરીઝની પ્રથમ મેચ 20 જૂનથી લીડ્સમાં રમાશે. આ ટેસ્ટ લીડ્સના હેડિંગ્લી ખાતે રમાશે અને મેચ ભારતીય સમય મુજબ બપોરે 3:30 વાગ્યે શરૂ થશે ...વધુ માહિતી



Jun 19, 2025 13:47 IST
અમદાવાદ પ્લેન ક્રેશ: 6 વર્ષથી ઓછી ઉંમરના બાળકોના DNA મેચ કરવામાં મુશ્કેલીઓ, કેટલાકના દાંત પણ નથી
ahmedabad air india plane crash updates in gujarati : વિમાન દુર્ઘટનાના લગભગ એક અઠવાડિયા પછી પણ, ડીએનએ મેચિંગ દ્વારા મૃતદેહોની ઓળખ થઈ રહી છે. બુધવાર સુધીમાં ઓળખ બાદ 159 મૃતદેહો સંબંધીઓને સોંપવામાં આવ્યા હતા. ...વધુ માહિતી



Jun 19, 2025 12:35 IST
RRB ભરતી 2025 : ITI અને કોલેજ પાસ ઉમેદવારો માટે રેલવેમાં સરકારી નોકરી મેળવવાની જોરદાર તક, અહીં વાંચો બધી માહિતી
RRB Technician Recruitment 2025 : રેલવે ભરતી બોર્ડ અંતર્ગત ટેક્નિશિયનની પોસ્ટની વિગતો, શૈક્ષણિક લાયકાત, પગાર ધોરણ, વય મર્યાદા સહિત, ભરતી અંગેની મહત્વની તારીખો સહિતની મહત્વની માહિતી જાણવા માટે ઉમેદવારોએ આ સમાચાર છેલ્લે સુધી વાંચવા. ...બધું જ વાંચો



Jun 19, 2025 11:45 IST
Today News Live : સવારે 11 વાગ્યા સુધીમાં વિસાવદરમાં 28.15 ટકા અને કડીમાં 28.85 ટકા મતદાન
ચૂંટણી પંચ દ્વારા જાહેર કરવામાં આવેલા કડી અને વિસાવદર પેટા ચૂંટણી મતદાનના આંકડા પ્રમાણ કડીમાં સવારે 11 વાગ્યા સુધીમાં 28.85 ટકા મતદાન થયું હતું. જ્યારે વિસાવદરમાં સવારે 11 વાગ્યા સુધીમાં 28.15 ટકા મતદાન નોંધાયું હતું.



Jun 19, 2025 11:43 IST
Today News Live : ગુજરાતમાં સવારથી 10 વાગ્યા સુધીમાં 90 તાલુકામાં વરસાદ
સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે આજે 19 જૂન 2025, સવારે 6 વાગ્યાથી સવારે 10 વાગ્યા સુધીમાં ગુજરાતમાં 90 તાલુકામાં વરસાદ નોંધાયો હતો. જેમાં સૌથી વધારે વરસાદ સુરતના ઓલપાડમાં 3.39 ઈંચ વરસાદ નોંધાયો હતો. વલસાડના ધરમપુર 3.35 ઈંચ, ભરૂચના હાંસોટમાં 3.19 ઈંચ વરસાદ નોંધાયો હતો.



Jun 19, 2025 10:53 IST
Today News Live : દિલ્હીથી લેહ જઈ રહેલા ઈન્ડિગો વિમાનનું ઈમરજન્સી લેન્ડિંગ, 180 મુસાફરો સવાર હતા
દિલ્હીથી લેહ જઈ રહેલા ઈન્ડિગો વિમાનનું ઈમરજન્સી લેન્ડિંગ કરવામાં આવ્યું છે. મળતી માહિતી મુજબ, ટેકનિકલ ખામીને કારણે વિમાન દિલ્હી પરત ફર્યું છે. આ વિમાનમાં કુલ 180 મુસાફરો સવાર હતા. આ વિમાન દિલ્હી એરપોર્ટથી ઉડાન ભરતાની સાથે જ. મળતી માહિતી મુજબ, ફ્લાઈટ અડધું અંતર કાપી ચૂકી હતી, ત્યારબાદ ટેકનિકલ ખામીને કારણે પાછી ફરી. ગયા અઠવાડિયાથી આવી ઘણી ઘટનાઓ પ્રકાશમાં આવી છે.



Jun 19, 2025 10:33 IST
Ojas New Bharti 2025 : ગુજરાતમાં સરકારી નોકરી મેળવવાની સુવર્ણ તક, ₹40,800 પગાર, વાંચો બધી માહિતી
Ojas GSSSB Recruitment 2025, ઓજસ નવી ભરતી અંતર્ગત આર્કાઈવ્ઝ આસિસ્ટન્ટ, વર્ગ-3 પોસ્ટની વિગત, વય મર્યાદા, શૈક્ષણિક લાયકાત, પગાર ધોરણ, અરજી પ્રક્રિયા સહિતની મહત્વની માહિતી જાણવા માટે ઉમેદવારોએ આ સમાચાર છેલ્લે સુધી વાંચવા. ...સંપૂર્ણ માહિતી



Jun 19, 2025 09:15 IST
Today News Live : ગુજરાત સરકારે એર ઈન્ડિયા પાસે 2.69 કરોડ માગ્યા
રાજ્યના પ્રવક્તા મંત્રી ઋષિકેશ પટેલે જણાવ્યું કે, હોસ્ટેલની ઇમારતને થયેલા નુકશાન પેટે અમે એરઇન્ડિયા કંપની પાસે 2.69 કરોડ માગ્યા છે. કંપનીના ખર્ચથી જ ઇમારતની મરામત કરાવાશે.



Jun 19, 2025 09:12 IST
Ahmedabad Heavy rain : અમદાવાદમાં આખી રાત કડકા ભડાકા સાથે વરસાદ તૂટી પડ્યો, પાણી ભરાયા
Ahmedabad today rain udpates : અમદાવાદમાં ડરાવી નાંખે એવા વીજળીના જોરદાર કડાકા સાથે વરસાદ તૂટી પડતાં નીચાણવાળા વિસ્તારોમાં પાણી ભરાયાની સ્થિતિ સર્જાઈ હતી. ...સંપૂર્ણ માહિતી



Jun 19, 2025 08:41 IST
Today News Live : કડી અને વિસાવદર બેઠક પર કેમ કરવી પડી પેટા ચૂંટણી?
ફેબ્રુઆરીમાં વર્તમાન ધારાસભ્ય કરસનભાઈ પૂંજાભાઈ સોલંકીના નિધનથી કડી બેઠક ખાલી થઈ, જ્યારે ભૂપેન્દ્રભાઈના રાજીનામા બાદ વિસાવદર બેઠક ખાલી થઈ હતી. ચૂંટણી આયોગે આ બંને સીટો પર પેટા ચૂંટણીની જાહેરાત કરી 2 જૂનના રોજ કરી હતી.



Jun 19, 2025 08:40 IST
Today News Live : વિસાવદર ચૂંટણીમાં કોંગ્રેસની મહત્વની ભૂમિકા
વિસાવદરની પેટાચૂંટણી માટે એક તરફ આમ આદમી પાર્ટી (AAP) એ બે મહિના અગાઉ જ ઉમેદવાર જાહેર કરીને પ્રચાર શરૂ કરી દીધો હતો. જ્યારે ભાજપ-કોંગ્રેસે છેલ્લી ઘડીએ ઉમેદવારો જાહેર કર્યા હતા. આ પેટાચૂંટણીમાં મુખ્યત્વે જંગ તો ભાજપ અને આમ આદમી પાર્ટી વચ્ચે હોવાનું મનાઇ રહ્યું છે, પરંતુ કોંગ્રેસની ભૂમિકા પણ અતિમહત્ત્વની છે.



Jun 19, 2025 08:37 IST
Today News Live : કડી અને વિસાવદર વિધાનસભા બેઠકની પેટા ચૂંટણીનું મતદાન શરુ
ગુજરાતમાં કડી અને વિસાવદર વિધાનસભા બેઠકની પેટા ચૂંટણીનું મતદાન શરુ થયું છે. આજે સવારે 7 વાગ્યાથી સાંજના છ વાગ્યા સુધી મતદાનની પ્રક્રિયા ચાલું રહેશે. બન્ને બેઠકના કુલ 5.50 લાખથી વધુ મતદારો પોતાના મતાધિકારનો ઉપયોગ કરશે.