Today News : કતરની રાજધાની દોહામાં ઇઝરાયેલનો હુમલો, હમાસના શીર્ષ નેતાઓને નિશાન બનાવ્યા

Today Latest News Update in Gujarati 9 September 2025: મંગળવારે ઇઝરાયલે કતરની રાજધાની દોહામાં હમાસના ટોચના નેતાઓેને નિશાન બનાવીને હુમલો કર્યો હતો. ઇઝરાયેલના અધિકારીઓએ આ કાર્યવાહીની પુષ્ટિ કરી છે. માહિતી અનુસાર ઇઝરાયેલની સુરક્ષા એજન્સી શિન બેટે આ કાર્યવાહી હાથ ધરી હતી. ઇઝરાયેલના વડા પ્રધાન નેતન્યાહૂએ આ કાર્યવાહીને એક સ્વતંત્ર કાર્યવાહી ગણાવી હતી. તેમણે સોશિયલ મીડિયા પ્લેટફોર્મ X પર લખ્યું હતું કે હમાસના ટોચના આતંકવાદી નેતાઓ સામે આજની કાર્યવાહી સંપૂર્ણપણે સ્વતંત્ર ઇઝરાયેલની કાર્યવાહી હતી. ઇઝરાયલે તેની શરૂઆત કરી, ઇઝરાયલે તેને સંચાલિત કર્યું અને ઇઝરાયેલ તેની સંપૂર્ણ જવાબદારી લે છે. કતરે સરકારે હુમલાને કાયરતાપૂર્ણ અને આંતરરાષ્ટ્રીય કાનૂનનું ઉલ્લંઘન ગણાવ્યું છે.

Sep 09, 2025 23:39 IST
Apple Event 2025 Updates: લોન્ચ થયો સૌથી પાતળો iPhone 17 Air
Apple Event September 2025 Updates : એપલે પોતાનો પાતળો અને લાઇટ વેટ સ્માર્ટફોન iPhone 17 Air લોન્ચ કર્યો છે. કંપનીએ કહ્યું છે કે પાતળો હોવા છતાં તે ઘણો ટકાઉ છે. Apple iPhone Air માં સિંગલ કેમેરા છે ...બધું જ વાંચો



Sep 09, 2025 23:20 IST
ટી 20 વર્લ્ડ કપ 2026 આ તારીખથી શરુ થશે? નરેન્દ્ર મોદી સ્ટેડિયમમાં ફાઇનલ રમાય તેવી સંભાવના
ટી 20 વર્લ્ડ કપ 2026 કાર્યક્રમ : ભારત અને શ્રીલંકામાં રમાનાર 2026નો ટી20 વર્લ્ડ કપ 7 ફેબ્રુઆરીથી 8 માર્ચ વચ્ચે રમાઇ શકે છે. તેમાં 20 ટીમો ભાગ લેશે. આ મેચો ભારતમાં ઓછામાં ઓછા પાંચ સ્થળો પર અને શ્રીલંકામાં બે સ્થળોએ રમાશે ...સંપૂર્ણ વાંચો



Advertisment
Sep 09, 2025 21:59 IST
Today Live News : કતરની રાજધાની દોહામાં ઇઝરાયેલનો હુમલો
મંગળવારે ઇઝરાયલે કતરની રાજધાની દોહામાં હમાસના ટોચના નેતાઓેને નિશાન બનાવીને હુમલો કર્યો હતો. ઇઝરાયેલના અધિકારીઓએ આ કાર્યવાહીની પુષ્ટિ કરી છે. માહિતી અનુસાર ઇઝરાયેલની સુરક્ષા એજન્સી શિન બેટે આ કાર્યવાહી હાથ ધરી હતી. ઇઝરાયેલના વડા પ્રધાન નેતન્યાહૂએ આ કાર્યવાહીને એક સ્વતંત્ર કાર્યવાહી ગણાવી હતી. તેમણે સોશિયલ મીડિયા પ્લેટફોર્મ X પર લખ્યું હતું કે હમાસના ટોચના આતંકવાદી નેતાઓ સામે આજની કાર્યવાહી સંપૂર્ણપણે સ્વતંત્ર ઇઝરાયેલની કાર્યવાહી હતી. ઇઝરાયલે તેની શરૂઆત કરી, ઇઝરાયલે તેને સંચાલિત કર્યું અને ઇઝરાયેલ તેની સંપૂર્ણ જવાબદારી લે છે. કતરે સરકારે હુમલાને કાયરતાપૂર્ણ અને આંતરરાષ્ટ્રીય કાનૂનનું ઉલ્લંઘન ગણાવ્યું છે.



Sep 09, 2025 19:43 IST
Today Live News : ઉપરાષ્ટ્રપતિની ચૂંટણીમાં NDA ના ઉમેદવાર સીપી રાધાકૃષ્ણનની જીત
ઉપરાષ્ટ્રપતિ પદની ચૂંટણીમાં એનડીએના ઉમેદવાર સીપી રાધાકૃષ્ણને જીત મેળવી છે. આ ચૂંટણીમાં કુલ 767 સાંસદોએ પોતાના મતાધિકારનો ઉપયોગ કર્યો હતો. મતગણતરી દરમિયાન 752 મત માન્ય અને 15 મત અમાન્ય જાહેર કરવામાં આવ્યા હતા. સીપી રાધાકૃષ્ણનને 452 મત મળ્યા હતા, જ્યારે ઇન્ડિયા બ્લોકના ઉમેદવાર બી સુદર્શન રેડ્ડીને 300 મત મળ્યા હતા.



Sep 09, 2025 19:11 IST
Gujarat Rain : રાજ્યમાં વરસાદનો વિરામ, ફક્ત 5 તાલુકામાં જ મેઘમહેર
Gujarat Rain : 9 સપ્ટેમ્બર 2025 સુધીમાં રાજ્યમાં સિઝનનો કુલ 107.92 ટકા વરસાદ નોંધાયો છે. જેમાં કચ્છમાં 134.38 ટકા, ઉત્તર ગુજરાતમાં 118.72 ટકા, પૂર્વ મધ્ય ગુજરાતમાં 110.10 ટકા, સૌરાષ્ટ્રમાં 93.36 ટકા અને દક્ષિણ ગુજરાતમાં 110.70 ટકા વરસાદ વરસ્યો છે ...વધુ માહિતી



Sep 09, 2025 17:51 IST
Today Live News : ઉપરાષ્ટ્રપતિ પદની ચૂંટણી માટે મતદાન સમાપ્ત
ભારતના 17મા ઉપરાષ્ટ્રપતિ પદની ચૂંટણી માટે સંસદ ભવનમાં મતદાન સમાપ્ત થઇ ગયું છે. આ વખતે મુકાબલો એનડીએ ઉમેદવાર સીપી રાધાકૃષ્ણન અને ઈન્ડિયા એલાયન્સ ઉમેદવાર જસ્ટિસ બી સુદર્શન રેડ્ડી વચ્ચે છે. ભૂતપૂર્વ ઉપરાષ્ટ્રપતિ જગદીપ ધનખડે 21 જુલાઈના રોજ અચાનક સ્વાસ્થ્ય કારણોસર રાજીનામું આપ્યા બાદ આ ચૂંટણી યોજાઈ રહી છે.



Sep 09, 2025 16:45 IST
કોણ છે બાલેન શાહ? નેપાળમાં પ્રદર્શનકારી કરી રહ્યા છે પીએમ બનાવવાની માંગણી
Who is Balen Shah : નેપાળ હાલમાં ભારે વિરોધ પ્રદર્શન જોવા મળી રહ્યા છે. લાખો વિદ્યાર્થીઓ અને યુવાનો રસ્તા પર ઉતર્યા છે. નેપાળમાં તેને Gen Z આંદાલન નામ આપવામાં આવ્યું છે. આ કારણે આખરે વડા પ્રધાન કેપી શર્મા ઓલીને તેમના પદ પરથી રાજીનામું આપવું પડ્યું છે ...અહીં વાંચો



Sep 09, 2025 11:55 IST
Today Live News : મને ખબર નથી કે ક્રોસ વોટિંગ શું હોય છે : સુદર્શન રેડ્ડી
ઈન્ડિયા ગઠબંધનના ઉમેદવાર બી સુદર્શન રેડ્ડીએ કહ્યું કે મને પુરો વિશ્વાસ છે કે અમે જીતીશું, હું માત્ર લોકોના અંતરાત્માને જગાડવાની કોશિશ કરી રહ્યો છું. મને નથી ખબર કે ક્રોસ વોટિંગ શું હોય છે.



Sep 09, 2025 11:48 IST
Today Live News : રાહુલ ગાંધીએ મતદાન કર્યું
કોંગ્રેસ નેતા રાહુલ ગાંધી, કેન્દ્રીય મંત્રી શિવરાજસિંહ ચૌહાણ, બીજેપી રાષ્ટ્રીય પ્રમુખ જેપી નડ્ડા, ભાજપ સાંસદ કંગના રનૌત અને કેન્દ્રીય મંત્રી ગિરિરાજ સિંહ સહિત ઈન્ડિયા ગઠબંધન અને એનડીએના અનેક સાંસદોએ મત આપ્યો હતો.



Sep 09, 2025 11:40 IST
RBI Bharti 2025 : રિઝર્વ બેંક ઓફ ઈન્ડિયામાં અધિકારી બનવાની તક, અહીં વાંચો બધી જ માહિતી
RBI Grade B Recruitment 2025 : RBI ભરતી 2025 અંતર્ગત વિવિધ પોસ્ટની વિગતો, શૈક્ષણિક લાયકાત, વય મર્યાદા, મહત્વની તારીખો, પગાર ધોરણ સહિતની અગત્યની વિગતો આ લેખમાં વાંચો. ...અહીં વાંચો



Sep 09, 2025 10:19 IST
Today Live News : ઉપરાષ્ટ્રપતિની ચૂંટણી માટે વડાપ્રધાન નરેન્દ્ર મોદીએ મતદાન કર્યું
ઉપરાષ્ટ્રપતિની ચૂંટણી માટે વડાપ્રધાન નરેન્દ્ર મોદીએ મતદાન કર્યું. મતદાન કર્યા પછી તેઓ સંસદ ભવનમાંથી બહાર નીકળી ગયા.



Sep 09, 2025 08:57 IST
નેપાળ સરકારે Gen Z ના પ્રદર્શન બાદ સોશિયલ મીડિયા પરથી પ્રતિબંધ હટાવ્યો, PM ઓલી શું બોલ્યા?
Nepal Social Media Ban latest updates : નેપાળના સંદેશાવ્યવહાર, માહિતી અને પ્રસારણ મંત્રી પૃથ્વી સુબ્બા ગુરુંગે જાહેરાત કરી કે સરકારે કટોકટી કેબિનેટ બેઠક બાદ સોશિયલ મીડિયા સાઇટ્સ પર પ્રતિબંધ મૂકવાનો નિર્ણય પાછો ખેંચી લીધો છે. ...સંપૂર્ણ માહિતી



Sep 09, 2025 08:51 IST
Today Live News : નેપાળ સરકારે સોશિયલ મીડિયા પરથી પ્રતિબંધ હટાવ્યો
યુવાનોના હિંસક વિરોધ પછી નેપાળ સરકારે સોમવારે સોશિયલ મીડિયા સાઇટ્સ પર પ્રતિબંધ મૂકવાનો આદેશ પાછો ખેંચી લીધો. પ્રતિબંધ સામેના વિરોધમાં ઓછામાં ઓછા 19 લોકો માર્યા ગયા છે અને 300 થી વધુ ઘાયલ થયા છે.



Sep 09, 2025 08:49 IST
US Visa New Rules : અમેરિકાના વિઝા ઝડપી અપાતનો 'શોર્ટકટ રસ્તો' બંધ! ભારતીય વિદ્યાર્થીઓ-વર્કર્સને થશે મોટી અસર
us visa interview rule changes : બીજા દેશોમાં જઈને અમેરિકાના વિઝા માટે ઈન્ટરવ્યૂ આપતા હતા. ઝડપથી વિઝા મેળવવા માટે આ એક સારો શોર્ટકટ માનવામાં આવે છે. જોકે, હવે ભારતીયોને આ કરવાની મંજૂરી આપવામાં આવશે નહીં. ...બધું જ વાંચો



Sep 09, 2025 08:19 IST
Gujarat Rain : કચ્છમાં મેઘાની ધબધબાટી, લખપતમાં 6.26 ઈંચ વરસાદ ખાબક્યો, ગુજરાતમાં ક્યાં કેટલો વરસાદ નોંધાયો
Gujarat Rain Weather Forecast Update Today in Gujarati: છેલ્લા 24 કલાકમાં ગુજરાતમાં પડેલા વરસાદની વાત કરીએ તો રાજ્યમાં 67 તાલુકામાં વરસાદ નોંધાયો હતો. જેમાં સૌથી વધારે વરસાદ કચ્છ જિલ્લામાં નોંધાયો હતો.જોકે, વરસાદ પડવાના વિસ્તારમાં ઘટાડો થયો હતો. ...સંપૂર્ણ વાંચો



Sep 09, 2025 07:50 IST
Today Live News : ગુજરાતમાં 24 કલાકમાં 67 તાલુકામાં વરસાદ
સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે 8 સપ્ટેમ્બર 2025 સવારે 6 વાગ્યાથી લઈને 9 સપ્ટેમ્બર 2025 સવારે 6 વાગ્યાના 24 કલાકમાં ગુજરાતના 67 તાલુકામાં વરસાદ નોંધાયો હતો. જેમાં સૌથી વધારે વરસાદ કચ્છ અને વાવ-થરાદ જિલ્લામાં નોંધાયો હતો.



Sep 09, 2025 07:32 IST
Today Live News : ઉપરાષ્ટ્રપતિ પદની ચૂંટણી માટે મતદાન થશે
ભારતની 17મી ઉપરાષ્ટ્રપતિ પદની ચૂંટણી માટે આજે સંસદ ભવનમાં મતદાન થશે. આ વખતે મુકાબલો એનડીએ ઉમેદવાર સીપી રાધાકૃષ્ણન અને ઈન્ડિયા એલાયન્સ ઉમેદવાર જસ્ટિસ બી સુદર્શન રેડ્ડી વચ્ચે છે. ભૂતપૂર્વ ઉપરાષ્ટ્રપતિ જગદીપ ધનખડે 21 જુલાઈના રોજ અચાનક સ્વાસ્થ્ય કારણોસર રાજીનામું આપ્યા બાદ આ ચૂંટણી યોજાઈ રહી છે. સંસદ ભવનમાં સવારે 10 થી સાંજે 5 વાગ્યા સુધી મતદાન યોજાશે.