Today News : કતરની રાજધાની દોહામાં ઇઝરાયેલનો હુમલો, હમાસના શીર્ષ નેતાઓને નિશાન બનાવ્યા

Apple Event September 2025 Updates : એપલે પોતાનો પાતળો અને લાઇટ વેટ સ્માર્ટફોન iPhone 17 Air લોન્ચ કર્યો છે. કંપનીએ કહ્યું છે કે પાતળો હોવા છતાં તે ઘણો ટકાઉ છે. Apple iPhone Air માં સિંગલ કેમેરા છે …બધું જ વાંચો

ટી 20 વર્લ્ડ કપ 2026 કાર્યક્રમ : ભારત અને શ્રીલંકામાં રમાનાર 2026નો ટી20 વર્લ્ડ કપ 7 ફેબ્રુઆરીથી 8 માર્ચ વચ્ચે રમાઇ શકે છે. તેમાં 20 ટીમો ભાગ લેશે. આ મેચો ભારતમાં ઓછામાં ઓછા પાંચ સ્થળો પર અને શ્રીલંકામાં બે સ્થળોએ રમાશે …સંપૂર્ણ વાંચો

મંગળવારે ઇઝરાયલે કતરની રાજધાની દોહામાં હમાસના ટોચના નેતાઓેને નિશાન બનાવીને હુમલો કર્યો હતો. ઇઝરાયેલના અધિકારીઓએ આ કાર્યવાહીની પુષ્ટિ કરી છે. માહિતી અનુસાર ઇઝરાયેલની સુરક્ષા એજન્સી શિન બેટે આ કાર્યવાહી હાથ ધરી હતી. ઇઝરાયેલના વડા પ્રધાન નેતન્યાહૂએ આ કાર્યવાહીને એક સ્વતંત્ર કાર્યવાહી ગણાવી હતી. તેમણે સોશિયલ મીડિયા પ્લેટફોર્મ X પર લખ્યું હતું કે હમાસના ટોચના આતંકવાદી નેતાઓ સામે આજની કાર્યવાહી સંપૂર્ણપણે સ્વતંત્ર ઇઝરાયેલની કાર્યવાહી હતી. ઇઝરાયલે તેની શરૂઆત કરી, ઇઝરાયલે તેને સંચાલિત કર્યું અને ઇઝરાયેલ તેની સંપૂર્ણ જવાબદારી લે છે. કતરે સરકારે હુમલાને કાયરતાપૂર્ણ અને આંતરરાષ્ટ્રીય કાનૂનનું ઉલ્લંઘન ગણાવ્યું છે.

ઉપરાષ્ટ્રપતિ પદની ચૂંટણીમાં એનડીએના ઉમેદવાર સીપી રાધાકૃષ્ણને જીત મેળવી છે. આ ચૂંટણીમાં કુલ 767 સાંસદોએ પોતાના મતાધિકારનો ઉપયોગ કર્યો હતો. મતગણતરી દરમિયાન 752 મત માન્ય અને 15 મત અમાન્ય જાહેર કરવામાં આવ્યા હતા. સીપી રાધાકૃષ્ણનને 452 મત મળ્યા હતા, જ્યારે ઇન્ડિયા બ્લોકના ઉમેદવાર બી સુદર્શન રેડ્ડીને 300 મત મળ્યા હતા.

Gujarat Rain : 9 સપ્ટેમ્બર 2025 સુધીમાં રાજ્યમાં સિઝનનો કુલ 107.92 ટકા વરસાદ નોંધાયો છે. જેમાં કચ્છમાં 134.38 ટકા, ઉત્તર ગુજરાતમાં 118.72 ટકા, પૂર્વ મધ્ય ગુજરાતમાં 110.10 ટકા, સૌરાષ્ટ્રમાં 93.36 ટકા અને દક્ષિણ ગુજરાતમાં 110.70 ટકા વરસાદ વરસ્યો છે …વધુ માહિતી

ભારતના 17મા ઉપરાષ્ટ્રપતિ પદની ચૂંટણી માટે સંસદ ભવનમાં મતદાન સમાપ્ત થઇ ગયું છે. આ વખતે મુકાબલો એનડીએ ઉમેદવાર સીપી રાધાકૃષ્ણન અને ઈન્ડિયા એલાયન્સ ઉમેદવાર જસ્ટિસ બી સુદર્શન રેડ્ડી વચ્ચે છે. ભૂતપૂર્વ ઉપરાષ્ટ્રપતિ જગદીપ ધનખડે 21 જુલાઈના રોજ અચાનક સ્વાસ્થ્ય કારણોસર રાજીનામું આપ્યા બાદ આ ચૂંટણી યોજાઈ રહી છે.

Who is Balen Shah : નેપાળ હાલમાં ભારે વિરોધ પ્રદર્શન જોવા મળી રહ્યા છે. લાખો વિદ્યાર્થીઓ અને યુવાનો રસ્તા પર ઉતર્યા છે. નેપાળમાં તેને Gen Z આંદાલન નામ આપવામાં આવ્યું છે. આ કારણે આખરે વડા પ્રધાન કેપી શર્મા ઓલીને તેમના પદ પરથી રાજીનામું આપવું પડ્યું છે …અહીં વાંચો

ઈન્ડિયા ગઠબંધનના ઉમેદવાર બી સુદર્શન રેડ્ડીએ કહ્યું કે મને પુરો વિશ્વાસ છે કે અમે જીતીશું, હું માત્ર લોકોના અંતરાત્માને જગાડવાની કોશિશ કરી રહ્યો છું. મને નથી ખબર કે ક્રોસ વોટિંગ શું હોય છે.

કોંગ્રેસ નેતા રાહુલ ગાંધી, કેન્દ્રીય મંત્રી શિવરાજસિંહ ચૌહાણ, બીજેપી રાષ્ટ્રીય પ્રમુખ જેપી નડ્ડા, ભાજપ સાંસદ કંગના રનૌત અને કેન્દ્રીય મંત્રી ગિરિરાજ સિંહ સહિત ઈન્ડિયા ગઠબંધન અને એનડીએના અનેક સાંસદોએ મત આપ્યો હતો.

RBI Grade B Recruitment 2025 : RBI ભરતી 2025 અંતર્ગત વિવિધ પોસ્ટની વિગતો, શૈક્ષણિક લાયકાત, વય મર્યાદા, મહત્વની તારીખો, પગાર ધોરણ સહિતની અગત્યની વિગતો આ લેખમાં વાંચો. …અહીં વાંચો

ઉપરાષ્ટ્રપતિની ચૂંટણી માટે વડાપ્રધાન નરેન્દ્ર મોદીએ મતદાન કર્યું. મતદાન કર્યા પછી તેઓ સંસદ ભવનમાંથી બહાર નીકળી ગયા.

Nepal Social Media Ban latest updates : નેપાળના સંદેશાવ્યવહાર, માહિતી અને પ્રસારણ મંત્રી પૃથ્વી સુબ્બા ગુરુંગે જાહેરાત કરી કે સરકારે કટોકટી કેબિનેટ બેઠક બાદ સોશિયલ મીડિયા સાઇટ્સ પર પ્રતિબંધ મૂકવાનો નિર્ણય પાછો ખેંચી લીધો છે. …સંપૂર્ણ માહિતી

યુવાનોના હિંસક વિરોધ પછી નેપાળ સરકારે સોમવારે સોશિયલ મીડિયા સાઇટ્સ પર પ્રતિબંધ મૂકવાનો આદેશ પાછો ખેંચી લીધો. પ્રતિબંધ સામેના વિરોધમાં ઓછામાં ઓછા 19 લોકો માર્યા ગયા છે અને 300 થી વધુ ઘાયલ થયા છે.

us visa interview rule changes : બીજા દેશોમાં જઈને અમેરિકાના વિઝા માટે ઈન્ટરવ્યૂ આપતા હતા. ઝડપથી વિઝા મેળવવા માટે આ એક સારો શોર્ટકટ માનવામાં આવે છે. જોકે, હવે ભારતીયોને આ કરવાની મંજૂરી આપવામાં આવશે નહીં. …બધું જ વાંચો

Gujarat Rain Weather Forecast Update Today in Gujarati: છેલ્લા 24 કલાકમાં ગુજરાતમાં પડેલા વરસાદની વાત કરીએ તો રાજ્યમાં 67 તાલુકામાં વરસાદ નોંધાયો હતો. જેમાં સૌથી વધારે વરસાદ કચ્છ જિલ્લામાં નોંધાયો હતો.જોકે, વરસાદ પડવાના વિસ્તારમાં ઘટાડો થયો હતો. …સંપૂર્ણ વાંચો

સ્ટેટ ઈમરજન્સી ઓપરેશન સેન્ટર ગાંધીનગર દ્વારા જાહેર કરવામાં આવેલા વરસાદના આંકડા પ્રમાણે 8 સપ્ટેમ્બર 2025 સવારે 6 વાગ્યાથી લઈને 9 સપ્ટેમ્બર 2025 સવારે 6 વાગ્યાના 24 કલાકમાં ગુજરાતના 67 તાલુકામાં વરસાદ નોંધાયો હતો. જેમાં સૌથી વધારે વરસાદ કચ્છ અને વાવ-થરાદ જિલ્લામાં નોંધાયો હતો.

ભારતની 17મી ઉપરાષ્ટ્રપતિ પદની ચૂંટણી માટે આજે સંસદ ભવનમાં મતદાન થશે. આ વખતે મુકાબલો એનડીએ ઉમેદવાર સીપી રાધાકૃષ્ણન અને ઈન્ડિયા એલાયન્સ ઉમેદવાર જસ્ટિસ બી સુદર્શન રેડ્ડી વચ્ચે છે. ભૂતપૂર્વ ઉપરાષ્ટ્રપતિ જગદીપ ધનખડે 21 જુલાઈના રોજ અચાનક સ્વાસ્થ્ય કારણોસર રાજીનામું આપ્યા બાદ આ ચૂંટણી યોજાઈ રહી છે. સંસદ ભવનમાં સવારે 10 થી સાંજે 5 વાગ્યા સુધી મતદાન યોજાશે.