Gujarati News 10 March 2025 : ધમકીભરી નોટ મળ્યા બાદ મુંબઈથી ન્યૂયોર્ક જતી ફ્લાઈટનું ઈમરજન્સી લેન્ડિંગ

Gujarat Latest News in Gujarati, Gujarati Samachar (ગુજરાતી સમાચાર) 10 March 2025, આજના તાજા સમાચાર: મુંબઈથી ન્યૂયોર્ક જઈ રહેલી એર ઈન્ડિયાની ફ્લાઈટ (AI119)ને ધમકી પત્ર મળ્યો છે. આ પછી ફ્લાઈટનું ઈમરજન્સી લેન્ડિંગ કરવું પડ્યું હતું. ફ્લાઈટને મિડ ફ્લાઈટ પરત કરવી પડી હતી. એર ઈન્ડિયાના એક નિવેદન અનુસાર, વિમાનને ધમકી મળ્યા બાદ સુરક્ષા પ્રોટોકોલનું પાલન કરીને ફ્લાઇટ સવારે 10.25 વાગ્યે મુંબઈ ઈન્ટરનેશનલ એરપોર્ટ પર સુરક્ષિત રીતે લેન્ડ થઈ હતી. 11 માર્ચે સવારે 5 વાગ્યાની ફ્લાઈટ રિશેડ્યૂલ કરવામાં આવી છે.

બિહારમાં ધોળા દિવસે 25 કરોડ રૂપિયાની લૂંટ

બિહારના આરામાં તનિષ્કના જ્વેલરી શોરૂમમાં બદમાશોએ 25 કરોડ રૂપિયાની લૂંટ ચલાવી હતી, જે બાદ પોલીસે બે બદમાશોને એન્કાઉન્ટરમાં ઇજાગ્રસ્ત કર્યા છે. તસ્કરોએ શો-રૂમમાં ધોળે દહાડે લૂંટ ચલાવી સોના-ચાંદીના હીરાના દાગીના તેમજ રોકડ રકમ લઇ ફરાર થઇ ગયા હતા. મીડિયા રિપોર્ટ અનુસાર આરોપીઓનું એન્કાઉન્ટર થયું છે, જેમાં તેમને ગોળી વાગી છે અને બંનેની ધરપકડ કરી લેવામાં આવી છે.

મધ્યપ્રદેશમાં ભયાનક માર્ગ અકસ્માત, 7 લોકોના કરૂણ મોત

મધ્યપ્રદેશના સિધીમાં એક ભયાનક માર્ગ અકસ્માત થયો છે. આ માર્ગ અકસ્માતમાં 7 લોકોના દુઃખદ મોત થયા હતા, જ્યારે 13 લોકો ઘાયલ થયા હોવાનું પણ કહેવાય છે. આ અકસ્માત સામસામે અથડાતા સર્જાયો હતો.

માર્ક કાર્ને કે જે કેનેડાના આગામી વડાપ્રધાન બનશે

કેનેડાની લિબરલ પાર્ટીએ માર્ક કાર્નેને તેના નેતા તરીકે ચૂંટ્યા છે અને કેનેડાના વડા પ્રધાન તરીકે જસ્ટિન ટ્રુડોનું સ્થાન લેશે. જસ્ટિન ટ્રુડોએ જાન્યુઆરીની શરૂઆતમાં રાજીનામું આપવાનો તેમનો ઈરાદો જાહેર કર્યો હતો. CTV ન્યૂઝના અહેવાલો અનુસાર, કાર્ને, બેંક ઓફ કેનેડા અને બેંક ઓફ ઈંગ્લેન્ડના ભૂતપૂર્વ ગવર્નર, છેલ્લા બે મહિનાથી નેતૃત્વની રેસમાં સૌથી આગળ રહ્યા પછી થોડા દિવસોમાં કેનેડાના આગામી PM બનશે.

ગુજરાતમાં ગરમી વિશે હવામાન વિભાગે શું કરી આગાહી?

ગુજરાતમાં ઉનાળાની એન્ટ્રીના પગલે હવામાન વિભાગે પણ ગરમી વિશે આગાહી કરવાનું શરુ કરી દીધું છે. ગુજરાતમાં આગામી ચાર દિવસમાં તાપમાન 42 ડિગ્રી સુધી પહોંચવાની શક્યતાઓ હવામાન વિભાગે સેવી છે. ત્યારે સોમવારે સુરેન્દ્રનગર, રાજકોટ, અમરેલી અને કચ્છમાં હિટવેવની પણ આગાહી કરવામાં આવી છે.

Mar 10, 2025 23:20 IST
Today News live : કોંગોમાં બોટ પલટી જતાં ફૂટબોલ ખેલાડીઓ સહિત 25 લોકોનાં મોત
દક્ષિણ-પશ્ચિમ કોંગોમાં એક બોટ પલટી જતાં ઓછામાં ઓછા 25 લોકોનાં મોત નીપજ્યાં છે, જેમાં કેટલાક ફૂટબોલ ખેલાડીઓનો પણ સમાવેશ થાય છે. આ મામલે પ્રશાસન તરફથી જણાવવામાં આવ્યું હતું કે ખેલાડીઓ મેચ રમીને બોટમાંથી પરત ફરી રહ્યા હતા, ત્યારે જ બોટ પલટી ખાઇ ગઇ હતી અને 25 લોકોએ જીવ ગુમાવ્યો હતો.



Mar 10, 2025 21:34 IST
Today News live : દરિયામાં ઓઇલ ટેન્કર અને કાર્ગો શિપ વચ્ચે ટક્કર બાદ આગ, 32 લોકો ઇજાગ્રસ્ત
ઇંગ્લેન્ડના પૂર્વ કિનારે સોમવારે ઓઇલ ટેન્કર અને કાર્ગો જહાજ વચ્ચે જબરદસ્ત ટક્કર થઇ હતી, જેના કારણે બંનેમાં આગ લાગી હતી. આ અકસ્માતમાં અત્યાર સુધીમાં 32 લોકો ઘાયલ થયા છે. આગ લાગ્યા બાદ તરત જ મોટા પાયે બચાવ કામગીરી શરૂ કરવામાં આવી હતી. ગ્રિમ્સબી ઇસ્ટ પોર્ટના ચીફ એક્ઝિક્યુટિવ માર્ટિન બોયર્સે જણાવ્યું હતું કે 13 ઇજાગ્રસ્તોને પહેલા એક બોટ દ્વારા દરિયા કિનારે લાવવામાં આવ્યા હતા, ત્યારબાદ 19 અન્ય લોકોને પાયલટ બોટથી લાવવામાં આવ્યા હતા.



Mar 10, 2025 20:24 IST
Today News live : છત્તીસગઢના ભિલાઈ શહેરમાં ઈડીની ટીમ પર હુમલો
છત્તીસગઢના ભિલાઈ શહેરમાં ઈડીની ટીમ પર હુમલો થયો છે. આ હુમલો ત્યારે થયો જ્યારે અધિકારીઓ રાજ્યના પૂર્વ મુખ્યમંત્રી ભૂપેશ બઘેલના ઘરેથી બહાર જઈ રહ્યા હતા. દરોડા દરમિયાન તેમના સમર્થકો વિરોધ કરતા જોવા મળ્યા હતા. દરોડા બાદ જ્યારે ટીમ બહાર આવવા લાગી તો લોકોએ તેમના પર હુમલો કરી દીધો. ઇડીના સૂત્રોએ જણાવ્યું હતું કે તપાસ એજન્સી આ કેસમાં એફઆઈઆર પણ દાખલ કરી શકે છે.



Mar 10, 2025 17:03 IST
બિહારમાં ધોળા દિવસે 25 કરોડ રૂપિયાની લૂંટ
બિહારના આરામાં તનિષ્કના જ્વેલરી શોરૂમમાં બદમાશોએ 25 કરોડ રૂપિયાની લૂંટ ચલાવી હતી, જે બાદ પોલીસે બે બદમાશોને એન્કાઉન્ટરમાં ઇજાગ્રસ્ત કર્યા છે. તસ્કરોએ શો-રૂમમાં ધોળે દહાડે લૂંટ ચલાવી સોના-ચાંદીના હીરાના દાગીના તેમજ રોકડ રકમ લઇ ફરાર થઇ ગયા હતા. મીડિયા રિપોર્ટ અનુસાર આરોપીઓનું એન્કાઉન્ટર થયું છે, જેમાં તેમને ગોળી વાગી છે અને બંનેની ધરપકડ કરી લેવામાં આવી છે.



Mar 10, 2025 14:39 IST
Today News live : એર ઈન્ડિયાની ફ્લાઈટમાં મળી ધમકીભરી નોટ, લેન્ડિંગ કરવું પડ્યું
મુંબઈથી ન્યૂયોર્ક જઈ રહેલી એર ઈન્ડિયાની ફ્લાઈટ (AI119)ને ધમકી પત્ર મળ્યો છે. આ પછી ફ્લાઈટનું ઈમરજન્સી લેન્ડિંગ કરવું પડ્યું હતું. ફ્લાઈટને મિડ ફ્લાઈટ પરત કરવી પડી હતી. એર ઈન્ડિયાના એક નિવેદન અનુસાર, વિમાનને ધમકી મળ્યા બાદ સુરક્ષા પ્રોટોકોલનું પાલન કરીને ફ્લાઇટ સવારે 10.25 વાગ્યે મુંબઈ ઈન્ટરનેશનલ એરપોર્ટ પર સુરક્ષિત રીતે લેન્ડ થઈ હતી. 11 માર્ચે સવારે 5 વાગ્યાની ફ્લાઈટ રિશેડ્યૂલ કરવામાં આવી છે.



Mar 10, 2025 11:35 IST
Today News live : વાનુઆતુના પીએમએ લલિત મોદીનો પાસપોર્ટ રદ કરવાનો આદેશ કર્યો
ભારતીય તપાસ એજન્સીઓ દ્વારા ગુનેગાર જાહેર કરાયેલા IPLના ભૂતપૂર્વ અધ્યક્ષ લલિત મોદીએ પ્રશાંત મહાસાગરમાં આવેલા ટાપુ દેશ વનુઆતુની નાગરિકતા મેળવી લીધી છે. વનુઆતુના વડાપ્રધાન જોથમ નાપટે સોમવારે સિટીઝનશિપ કમિશનને આઈપીએલના પૂર્વ અધ્યક્ષ લલિત મોદીને આપવામાં આવેલા વાનુઆતુ પાસપોર્ટ રદ કરવાનો નિર્દેશ આપ્યો છે.



Mar 10, 2025 09:17 IST
Today News live : અમેરિકામાં ફરી મોટો પ્લેન અકસ્માત, પેન્સિલવેનિયામાં પ્લેન ક્રેશ
અમેરિકામાં ફરી એક પ્લેન ક્રેશ થયું છે. આ વખતે અકસ્માત પેન્સિલવેનિયામાં થયો હતો. વિમાનમાં 5 લોકો સવાર હોવાનું કહેવાય છે. દુર્ઘટનામાં દરેક વ્યક્તિ ગંભીર રીતે ઘાયલ હોવાનું કહેવાય છે. તેને સારવાર માટે હોસ્પિટલમાં દાખલ કરવામાં આવ્યો છે. અહેવાલો અનુસાર, પેન્સિલવેનિયાના લેન્કેસ્ટર કાઉન્ટીમાં નિવૃત્તિ સમુદાયના પાર્કિંગમાં એક નાનું વિમાન ક્રેશ થયું હતું. મેનહેમ ટાઉનશીપના ફાયર ચીફ સ્કોટ લિટલએ જણાવ્યું હતું કે, વિમાન, સિંગલ-એન્જિન બીકક્રાફ્ટ બોનાન્ઝા, મેનહેમ ટાઉનશીપમાં બ્રેધરન વિલેજ રિટાયરમેન્ટ કોમ્યુનિટીની મિલકત પર લગભગ 3:18 વાગ્યે ક્રેશ થયું હતું.



Mar 10, 2025 09:14 IST
Today News live : મધ્યપ્રદેશમાં ભયાનક માર્ગ અકસ્માત, 7 લોકોના કરૂણ મોત
મધ્યપ્રદેશના સિધીમાં એક ભયાનક માર્ગ અકસ્માત થયો છે. આ માર્ગ અકસ્માતમાં 7 લોકોના દુઃખદ મોત થયા હતા, જ્યારે 13 લોકો ઘાયલ થયા હોવાનું પણ કહેવાય છે. આ અકસ્માત સામસામે અથડાતા સર્જાયો હતો.



Mar 10, 2025 08:37 IST
Today News live : ગુજરાતમાં ગરમી વિશે હવામાન વિભાગે શું કરી આગાહી?
ગુજરાતમાં ઉનાળાની એન્ટ્રીના પગલે હવામાન વિભાગે પણ ગરમી વિશે આગાહી કરવાનું શરુ કરી દીધું છે. ગુજરાતમાં આગામી ચાર દિવસમાં તાપમાન 42 ડિગ્રી સુધી પહોંચવાની શક્યતાઓ હવામાન વિભાગે સેવી છે. ત્યારે સોમવારે સુરેન્દ્રનગર, રાજકોટ, અમરેલી અને કચ્છમાં હિટવેવની પણ આગાહી કરવામાં આવી છે.



Mar 10, 2025 08:37 IST
Today News live : માર્ક કાર્ને કે જે કેનેડાના આગામી વડાપ્રધાન બનશે
કેનેડાની લિબરલ પાર્ટીએ માર્ક કાર્નેને તેના નેતા તરીકે ચૂંટ્યા છે અને કેનેડાના વડા પ્રધાન તરીકે જસ્ટિન ટ્રુડોનું સ્થાન લેશે. જસ્ટિન ટ્રુડોએ જાન્યુઆરીની શરૂઆતમાં રાજીનામું આપવાનો તેમનો ઈરાદો જાહેર કર્યો હતો. CTV ન્યૂઝના અહેવાલો અનુસાર, કાર્ને, બેંક ઓફ કેનેડા અને બેંક ઓફ ઈંગ્લેન્ડના ભૂતપૂર્વ ગવર્નર, છેલ્લા બે મહિનાથી નેતૃત્વની રેસમાં સૌથી આગળ રહ્યા પછી થોડા દિવસોમાં કેનેડાના આગામી PM બનશે.