Gujarati News 16 February 2025: ગુજરાતની પાલિકા-પંચાયતની ચૂંટણીમાં સરેરાશ 57 ટકા મતદાન, 18 ફેબ્રુઆરીએ મતગણતરી

Gujarat Latest News in Gujarati, Gujarati Samachar (ગુજરાતી સમાચાર) 16 February 2025, આજના તાજા સમાચાર: ગુજરાતમાં સ્થાનિક સ્વરાજ્યની સંસ્થાઓની બેઠકો માટે રવિવારે યોજાયેલ ચૂંટણી મતદાન શાંતિપૂર્ણ રીતે સંપન્ન થયું છે. ગુજરાતની જૂનાગઢ મ્યુનિસિપલ કોર્પોરેશન (JMC), 68 નગરપાલિકાઓ અને ત્રણ તાલુકા પંચાયતોની ચૂંટણી માટે મતદાન યોજાયું હતું.

ગુજરાતની પાલિકા-પંચાયતની ચૂંટણીમાં સરેરાશ 57 ટકા મતદાન થયું છે. ગત ચૂંટણી કરતા આ વખતે મતદાનમાં 8 ટકાનો ઘટાડો થયો છે. 2018માં યોજાયેલી 75 નગરપાલિકામાં સરેરાશ 65 ટકા મતદાન થયું હતું. હવે 18 ફેબ્રુઆરીએ મતગણતરી હાથ ધરાશે. 1677 બેઠકો પર ચૂંટણી યોજાઇ હતી, જેમા 4374 ઉમેદવારોનું રાજકીય ભવિષ્ય ઇવીએમમાં સીલ થઇ ગયું છે. ચૂંટણી પહેલા વિવિધ 66 નગરપાલિકાઓના 461 વોર્ડ પૈકી કુલ 24 બોર્ડ બિનહરિફ જાહેર થયા હતા.

અમેરિકાથી ડિપોર્ટ 8 ગુજરાતીમાં 6 મહેસાણા અને 2 ગાંધીનગરના

અમેરિકાથી શનિવારે ડિપોર્ટ થયેલા 116 ભારતીયો અમૃતસર એરપોર્ટ પર ઉતર્યા હતા. યુએસથી ડિપોર્ટ થયેલા 116 ભારતીયોમાંથી 8 ગુજરાતી છે, જેમને આજે અમદાવાદ એરપોર્ટ પર લાવવામાં આવ્યા છે. આ 8 ગુજરાતીમાં 6 મહેસાણાના અને 2 ગાંધીનગરના રહેવાસી છે. આ માટે અમદાવાદ એરપોર્ટ પર પોલીસ કાફલા સાથે કડક સુરક્ષા વ્યવસ્થા છે. આ વ્યક્તિઓને કડક સુરક્ષા વચ્ચે પોલીસ તેમના ઘરે પહોંચાડ્યા છે.

Feb 16, 2025 19:51 IST
ગુજરાતની પાલિકા-પંચાયતની ચૂંટણીમાં સરેરાશ 57 ટકા મતદાન
ગુજરાતની પાલિકા-પંચાયતની ચૂંટણીમાં સરેરાશ 57 ટકા મતદાન થયું છે. ગત ચૂંટણી કરતા આ વખતે મતદાનમાં 8 ટકાનો ઘટાડો થયો છે. 2018માં યોજાયેલી 75 નગરપાલિકામાં સરેરાશ 65 ટકા મતદાન થયું હતું. હવે 18 ફેબ્રુઆરીએ મતગણતરી હાથ ધરાશે.



Feb 16, 2025 18:15 IST
ગુજરાતની પાલિકા-પંચાયતની ચૂંટણીમાં શાંતિપૂર્ણ રીતે મતદાન સંપન્ન
ગુજરાતની પાલિકા-પંચાયતની ચૂંટણીમાં શાંતિપૂર્ણ રીતે મતદાન સંપન્ન થયું છે. 5 વાગ્યા સુધીમાં સરેરાશ 55 ટકા મતદાન નોંધાયું છે.



Advertisment
Feb 16, 2025 16:55 IST
ગુજરાતની પાલિકા પંચાયતની ચૂંટણીમાં બપોરે 3 વાગ્યા સુધી 44 ટકા મતદાન
ગુજરાતની પાલિકા પંચાયતની ચૂંટણીમાં બપોરે 3 વાગ્યા સુધીનું સરેરાશ 44 ટકા મતદાન થયું છે.



Feb 16, 2025 13:35 IST
ગુજરાતની પાલિકા પંચાયતની ચૂંટણીમાં બપોર સુધી 31 ટકા મતદાન
ગુજરાતની પાલિકા પંચાયતની ચૂંટણીમાં બપોર સુધી સરેરાશ 31 ટકા મતદાન થયું છે. ઘણા સ્થળોએ મતદાન વખત ઇવીએમમાં ખામી હોવાની ઘટના બની છે. નવસારીના બિલિમોરા પાલિકાના વોર્ડ નંબર 2માં ઇવીએમ ખોટકાયું હતું. ઇવીએમ મશિનમાં ખામી સર્જાતા કોંગ્રેસના ઉમેદવારે હોબાળો મચાવ્યો.



Feb 16, 2025 13:30 IST
સિહોરની જીઆઈડીસીમાં બ્લાસ્ટ, 3 શ્રમિકો ઘાયલ
ભાવનગરમાં સિહોર સ્થિત જીઆઈડીસીની એક ફેક્ટરીમાં બ્લાસ્ટ થયો છે. ફેક્ટરીમાં બ્લાસ્ટ થતા 3 શ્રમિકો ગંભીર ઘાયલ થયા છે. ફેક્ટરીમાં બ્લાસ્ટની ઘટના બાદ પોલીસે ઘટનાસ્થળની આસપાસનો વિસ્તાર સીલ કર્યો છે.



Feb 16, 2025 12:03 IST
ગુજરાત પાલિકા પંચાયતની ચૂંટણીમાં 11 વાગે સુધી 16 ટકા મતદાન
ગુજરાતમાં આજે પાલિકા પંચાયતની ચૂંટણી માટે સવારે 7 વાગે મતદાન શરૂ થયુ હતુ. મતદાનના પ્રથમ 4 કલાકમાં 16 ટકા વોટિંગ થયું છે. ગુજરાતમાં આજે 68 નગરપાલિકા, 3 તાલુકા અને 1 મહાનગર પાલિકા બેઠકની ચૂંટણી માટે મતદાન થઇ રહ્યું છે.



Feb 16, 2025 12:00 IST
અમેરિકાથી ડિપોર્ટ 8 ગુજરાતીમાં 6 મહેસાણા અને 2 ગાંધીનગરના
અમેરિકાથી શનિવારે ડિપોર્ટ થયેલા 116 ભારતીયો અમૃતસર એરપોર્ટ પર ઉતર્યા હતા. યુએસથી ડિપોર્ટ થયેલા 116 ભારતીયોમાંથી 8 ગુજરાતી છે, જેમને આજે અમદાવાદ એરપોર્ટ પર લાવવામાં આવ્યા છે. આ 8 ગુજરાતીમાં 6 મહેસાણાના અને 2 ગાંધીનગરના રહેવાસી છે. આ માટે અમદાવાદ એરપોર્ટ પર પોલીસ કાફલા સાથે કડક સુરક્ષા વ્યવસ્થા છે. આ વ્યક્તિઓને કડક સુરક્ષા વચ્ચે પોલીસ તેમના ઘરે પહોંચાડવા રવાના થઇ છે.



Feb 16, 2025 10:59 IST
ગુજરાતમાં પાલિકા પંચાયત ચૂંટણી, પ્રથમ 2 કલાકમાં 4 ટકા મતદાન
ગુજરાતમાં પાલિકા પંચાયત ચૂંટણી માટે આજે મતદાન ચાલી રહ્યું છે. સવારે 7 વાગે મતદાન શરૂ થયાના પ્રથમ બે કલાકમાં 4 ટકા મતદાન થયું છે. ઘણા મત મથકો પર ઇવીએમમાં ખામી સર્જાઇ છે.



Feb 16, 2025 09:34 IST
દિલ્હી રેલવે સ્ટેશન નાસભાગના મૃતકોના પરિવારોને 10 લાખન સહાય
દિલ્હી રેલવે સ્ટેશન પર નાસભાગ થતા 18 લોકોના મોત થયા છે. આ દૂર્ઘટના પ્રત્યે પીએમ નરેન્દ્ર મોદીએ શોક વ્યક્ત કર્યો છે. કેન્દ્ર સરકારે આ નાસભાગમાં જીવ ગુમાવનાર લોકોના પરિવારજનોને 10 લાખ રૂપિયાની સહાય આપવાની ઘોષણા કરી છે. ગંભીર રીતે ઘાયલ થયેલા લોકોને 2.5 લાખ અને સામાન્ય ઇજાગ્રસ્ત લોકોને 1 લાખ રૂપિયાની સહાય આપવામાં આવશે.



Feb 16, 2025 07:55 IST
ગુજરાતમાં પાલિકા પંચાયતની ચૂંટણી માટે મતદાન શરૂ
ગુજરાતમાં સ્થાનિક સ્વરાજ્યની સંસ્થાઓની બેઠકો માટે આજે ચૂંટણી મતદાન શરૂ થઇ ગયું છે. ગુજરાતની જૂનાગઢ મ્યુનિસિપલ કોર્પોરેશન (JMC), 68 નગરપાલિકાઓ અને ત્રણ તાલુકા પંચાયતો અને 1 મહાનગર પાલિકા બેઠકોની ચૂંટણી માટે આજે મતદાન શરૂ થઇ ગયું છે. આજે 1677 બેઠકો પર ચૂંટણી યોજાઇ રહી છે, જેમા 4374 ઉમેદવારોની રાજકીય ભવિષ્ય નક્કી થશે. ચૂંટણી પહેલા વિવિધ 66 નગરપાલિકાઓના 461 વોર્ડ પૈકી કુલ 24 બોર્ડ બિનહરિફ જાહેર થયા છે.