Gujarati News 25 February 2025 : દિલ્હીની કોર્ટે લાલુ યાદવ, તેજ પ્રતાપને મોકલ્યા સમન્સ

Gujarat Latest News in Gujarati, Gujarati Samachar (ગુજરાતી સમાચાર) 25 February 2025, આજના તાજા સમાચાર: દિલ્હીની એક અદાલતે ગુરુવારે RJD પ્રમુખ લાલુ પ્રસાદ યાદવના પુત્ર તેજ પ્રતાપ યાદવ અને પુત્રી હેમા યાદવને લેન્ડ ફોર જોબ કૌભાંડમાં સમન્સ જારી કર્યા છે. દિલ્હીની રાઉઝ એવન્યુ કોર્ટે હાઈ-પ્રોફાઈલ લેન્ડ ફોર જોબ કૌભાંડ કેસમાં સીબીઆઈ દ્વારા દાખલ કરવામાં આવેલી અંતિમ ચાર્જશીટની નોંધ લીધી છે. કોર્ટે લાલુ પ્રસાદ યાદવ, તેમની પુત્રી હેમા યાદવ અને પુત્ર તેજ પ્રતાપ યાદવ અને અન્ય આરોપીઓને સમન્સ જારી કરીને 11 માર્ચે હાજર થવાનો નિર્દેશ આપ્યો છે.

આ પહેલા દિલ્હીની કોર્ટે પૂર્વ રેલવે મંત્રી લાલુ પ્રસાદને જમીન-નોકરી કૌભાંડમાં સમન્સ પાઠવ્યા હતા. દિલ્હી કોર્ટે લાલુ પ્રસાદના પુત્ર તેજ પ્રતાપ યાદવ અને પુત્રી હેમા યાદવને પણ નોકરી કૌભાંડ મામલે સમન્સ પાઠવ્યા છે.

શીખ રમખાણ કેસઃ પિતા, પુત્રને જીવતા સળગાવવાના આરોપમાં સજ્જન કુમારને આજીવન કેદની સજા

દિલ્હીની કોર્ટે શીખ વિરોધી રમખાણોના કેસ સોમવારે કોંગ્રેસ નેતા સજ્જન કુમારને આજીવન કેદની સજા સંભળાવી છે. દિલ્હીના સરસ્વતી વિહારમાં બે શીખોની હત્યા કરવામાં આવી હતી. આ કેસમાં સજ્જન કુમારને આજીવન કેદની સજા ફટકારવામાં આવી છે. રાઉઝ એવન્યુ કોર્ટે આ ફેંસલો આપ્યો છે. દિલ્હી પોલીસે આ કેસમાં રેયરેસ્ટ નો રેયર કેસની કેટેગરીમાં માન્યો હતો અને ફાંસીની માંગ કરી હતી. સજ્જન કુમાર પર 1 નવેમ્બર, 1984ના રોજ સરસ્વતી વિહાર વિસ્તારમાં પિતા-પુત્રની હત્યાનો આરોપ હતો.

નલિયામાં સામાન્ય તાપમાન વધ્યું

હવામાન વિભાગે આપેલા તાપમાનના આંકડા પ્રમાણે ગુજરાતમાં 14.6 ડિગ્રીથી લઈને 22.2 ડિગ્રી વચ્ચે લઘુતમ તાપમાન નોંધાયું હતું. નલિયામાં તાપમાનમાં સામાન્ય વધારો થતાં 14.6 ડિગ્રી લઘુતમ તાપમાન સાથે રાજ્યનું સૌથી ઠંડુ શહેર રહ્યું હતું. જ્યારે ઓખામાં 22.2 ડિગ્રી લઘુતમ તાપમાન નોંધાયું હતું. ડીસામાં તાપમાન વધીને 17.4 ડિગ્રી નોંધાયું હતું.

Feb 25, 2025 23:28 IST
Today News live : કેન્દ્રીય રેલવે મંત્રી અશ્વિની વૈષ્ણવે દિલ્હી રેલવે સ્ટેશન પહોંચીને વ્યવસ્થાનું નિરીક્ષણ કર્યું
કેન્દ્રીય રેલવે મંત્રી અશ્વિની વૈષ્ણવે દિલ્હી રેલવે સ્ટેશન પહોંચીને વ્યવસ્થાનું નિરીક્ષણ કર્યું. કેન્દ્રીય રેલવે મંત્રી અશ્વિની વૈષ્ણવે જણાવ્યું હતું કે અહીં 36 ટિકિટ કાઉન્ટર બન્યા છે અને સાથે ઓટોમેટિક ટિકિટ વેન્ડિંગ મશીનો પણ લગાવવામાં આવ્યા છે. આના કારણે મુસાફરો સ્ટેશનની બહારથી જ ટિકિટ મેળવી શકે છે. મેં હમણાં જ ઘણા મુસાફરો સાથે વાત કરી છે, તેઓ સંતુષ્ટ છે.



Feb 25, 2025 21:29 IST
Today News live : CBSE બોર્ડની ધોરણ 10 ની પરીક્ષા વર્ષમાં બે વાર લેવાશે, ડ્રાફ્ટને મંજૂરી
સેન્ટ્રલ બોર્ડ ઓફ સેકન્ડરી એજ્યુકેશન (સીબીએસઇ) એ રાષ્ટ્રીય શિક્ષણ નીતિ (એનઇપી) 2020 હેઠળ ચાલી રહેલા સુધારાઓને ચાલુ રાખવા માટે એક મહત્વપૂર્ણ ડ્રાફ્ટને મંજૂરી આપી દીધી છે. શિક્ષણ મંત્રાલયની અધ્યક્ષતામાં મળેલી મહત્વની બેઠકમાં બોર્ડના ડ્રાફ્ટને મંજૂરી આપવામાં આવી હતી, જેમાં 10માં બોર્ડની પરીક્ષા વર્ષમાં બે વખત લેવાની દરખાસ્ત કરવામાં આવી હતી. બોર્ડે સીબીએસઈ ધોરણ 10 ની બોર્ડની પરીક્ષાઓ 2026માં બે વાર લેવાનો પ્રસ્તાવ મૂક્યો છે. શિક્ષણ મંત્રાલયે માનનીય શિક્ષણ પ્રધાનની અધ્યક્ષતામાં એક મહત્વપૂર્ણ બેઠકનું આયોજન કર્યું હતું જેમાં આ નીતિ પરિવર્તન અંગે વિગતવાર ચર્ચા કરવામાં આવી હતી. આ પ્રસ્તાવનો હેતુ વિદ્યાર્થીઓને બોર્ડની પરીક્ષાઓમાં પોતાનું પ્રદર્શન સુધારવાની તક આપવાનો છે, જેથી વિદ્યાર્થીઓ પર દબાણ અને તણાવ ઓછો થાય. શિક્ષણ મંત્રાલયે બોર્ડના આ પ્રસ્તાવને મંજૂરી આપી હતી. વર્ષ 2026થી ધોરણ 10ની બોર્ડની પરીક્ષા વર્ષમાં બે વખત લેવાશે.



Feb 25, 2025 18:01 IST
Today News live : ઓસ્ટ્રેલિયા અને દક્ષિણ આફ્રિકા વચ્ચેની મેચ વરસાદના કારણે રદ
ચેમ્પિયન્સ ટ્રોફી 2025માં ઓસ્ટ્રેલિયા અને દક્ષિણ આફ્રિકા વચ્ચેની ગ્રુપ- બી ની મેચ વરસાદના કારણે રદ કરવામાં આવે છે. રાવલપિંડીમાં રમાનાર આ મેચમાં વરસાદના કારણે ટોસ પણ થયો ન હતો. મેચ રદ થતા બન્ને ટીમોને 1-1 પોઇન્ટ આપવામાં આવ્યા છે.



Feb 25, 2025 17:14 IST
Today News live : જમ્મુ કાશ્મીર : પર્યટન સ્થળ ગુલમર્ગમાં બરફવર્ષા થઇ
જમ્મુ કાશ્મીરના પર્યટન સ્થળ ગુલમર્ગમાં તાજા બરફવર્ષા થઇ છે.
watch जम्मू-कश्मीर: पर्यटन स्थल गुलमर्ग में लंबे समय के सूखे के बाद ताजा बर्फबारी हो रही है। pic.twitter.com/u3yXu586mW
— ANI_HindiNews (@AHindinews) February 25, 2025



Feb 25, 2025 15:46 IST
Today News live : શીખ રમખાણ કેસઃ પિતા, પુત્રને જીવતા સળગાવવાના આરોપમાં સજ્જન કુમારને આજીવન કેદની સજા
દિલ્હીની કોર્ટે શીખ વિરોધી રમખાણોના કેસ સોમવારે કોંગ્રેસ નેતા સજ્જન કુમારને આજીવન કેદની સજા સંભળાવી છે. દિલ્હીના સરસ્વતી વિહારમાં બે શીખોની હત્યા કરવામાં આવી હતી. આ કેસમાં સજ્જન કુમારને આજીવન કેદની સજા ફટકારવામાં આવી છે. રાઉઝ એવન્યુ કોર્ટે આ ફેંસલો આપ્યો છે. દિલ્હી પોલીસે આ કેસમાં રેયરેસ્ટ નો રેયર કેસની કેટેગરીમાં માન્યો હતો અને ફાંસીની માંગ કરી હતી. સજ્જન કુમાર પર 1 નવેમ્બર, 1984ના રોજ સરસ્વતી વિહાર વિસ્તારમાં પિતા-પુત્રની હત્યાનો આરોપ હતો.



Feb 25, 2025 12:03 IST
Today News live : દિલ્હીની કોર્ટે લાલુ યાદવ, તેજ પ્રતાપને મોકલ્યા સમન્સ
દિલ્હીની એક અદાલતે ગુરુવારે RJD પ્રમુખ લાલુ પ્રસાદ યાદવના પુત્ર તેજ પ્રતાપ યાદવ અને પુત્રી હેમા યાદવને લેન્ડ ફોર જોબ કૌભાંડમાં સમન્સ જારી કર્યા છે. દિલ્હીની રાઉઝ એવન્યુ કોર્ટે હાઈ-પ્રોફાઈલ લેન્ડ ફોર જોબ કૌભાંડ કેસમાં સીબીઆઈ દ્વારા દાખલ કરવામાં આવેલી અંતિમ ચાર્જશીટની નોંધ લીધી છે. કોર્ટે લાલુ પ્રસાદ યાદવ, તેમની પુત્રી હેમા યાદવ અને પુત્ર તેજ પ્રતાપ યાદવ અને અન્ય આરોપીઓને સમન્સ જારી કરીને 11 માર્ચે હાજર થવાનો નિર્દેશ આપ્યો છે.
આ પહેલા દિલ્હીની કોર્ટે પૂર્વ રેલવે મંત્રી લાલુ પ્રસાદને જમીન-નોકરી કૌભાંડમાં સમન્સ પાઠવ્યા હતા. દિલ્હી કોર્ટે લાલુ પ્રસાદના પુત્ર તેજ પ્રતાપ યાદવ અને પુત્રી હેમા યાદવને પણ નોકરી કૌભાંડ મામલે સમન્સ પાઠવ્યા છે.



Feb 25, 2025 09:16 IST
Today News live : અમેરિકાની ફરી મોટી કાર્યવાહી, ભારતની 4 કંપની પર પ્રતિબંધ મૂક્યો
અમેરિકાએ સોમવારે ચાર ભારતીય કંપનીઓ પર પ્રતિબંધો લાદ્યા. અમેરિકાની આ કાર્યવાહીમાં ભારત સહિત ઈરાનની 16 કંપનીઓ પર પ્રતિબંધ લગાવવામાં આવ્યો છે. ભારતીય કંપનીઓ પર પ્રતિબંધ મૂકવાનું કારણ ઈરાનના તેલ અને પેટ્રોકેમિકલ ઉદ્યોગમાં તેમની કથિત સંડોવણી છે.



Feb 25, 2025 09:03 IST
Today News live : CAGનો રિપોર્ટ આજે દિલ્હી વિધાનસભામાં રજૂ કરવામાં આવશે
દિલ્હી વિધાનસભાનું વિશેષ સત્ર ચાલી રહ્યું છે. વિશેષ સત્ર 27 ફેબ્રુઆરી સુધી ચાલશે. CAGનો રિપોર્ટ આજે દિલ્હી વિધાનસભામાં રજૂ થઈ શકે છે. આ અહેવાલમાં 'શીશમહેલ'ના નવીનીકરણમાં ગંભીર ગેરરીતિઓનો મુદ્દો ઉઠાવવામાં આવ્યો છે. દિલ્હીના પૂર્વ મુખ્યમંત્રી અરવિંદ કેજરીવાલ '6 ફ્લેગ સ્ટાફ રોડ' સ્થિત એક જ ઘરમાં રહેતા હતા. દિલ્હી વિધાનસભામાં CAGના 14 અહેવાલો રજૂ કરવાના છે. અહેવાલોમાં દારૂના કૌભાંડનો પણ ઉલ્લેખ કરવામાં આવ્યો છે.



Feb 25, 2025 08:27 IST
Today News live : નલિયામાં સામાન્ય તાપમાન વધ્યું
હવામાન વિભાગે આપેલા તાપમાનના આંકડા પ્રમાણે ગુજરાતમાં 14.6 ડિગ્રીથી લઈને 22.2 ડિગ્રી વચ્ચે લઘુતમ તાપમાન નોંધાયું હતું. નલિયામાં તાપમાનમાં સામાન્ય વધારો થતાં 14.6 ડિગ્રી લઘુતમ તાપમાન સાથે રાજ્યનું સૌથી ઠંડુ શહેર રહ્યું હતું. જ્યારે ઓખામાં 22.2 ડિગ્રી લઘુતમ તાપમાન નોંધાયું હતું. ડીસામાં તાપમાન વધીને 17.4 ડિગ્રી નોંધાયું હતું.



Feb 25, 2025 08:25 IST
Today News live : કોલકાતામાં વહેલી સવારે ભૂકંપના આંચકાથી ધરતી ધ્રૂજી
કોલકાતામાં મંગળવારે સવારે રિક્ટર સ્કેલ પર 5.1ની તીવ્રતાનો ભૂકંપ આવ્યો હતો. ભૂકંપનું કેન્દ્ર બંગાળની ખાડીમાં અને 91 કિલોમીટરની ઉંડાઈમાં હતું. નેશનલ સેન્ટર ફોર સિસ્મોલોજી દ્વારા કોલકાતા નજીક આવેલા ભૂકંપની પુષ્ટિ કરવામાં આવી છે. વહેલી સવારે આવેલા ભૂકંપના કારણે લોકોમાં ક્ષણિક ગભરાટ ફેલાયો હતો, પરંતુ કોઈ નુકસાન કે જાનહાનિના તાત્કાલિક અહેવાલો નથી. ઘણા લોકોએ સોશિયલ મીડિયા પર ભૂકંપના સમાચાર શેર કર્યા, જ્યારે કેટલાક લોકોએ વહેલી સવારે અચાનક ભૂકંપના આંચકા અનુભવ્યાની પોસ્ટ કરી.