Today News updates : પીએમ મોદીનો અમદાવાદ અને ભુજમાં રોડ શો, મોડી સંખ્યામાં લોકો ઉમટ્યા

અમદાવાદમાં પીએમ નરેન્દ્ર મોદીનો રોડ શો શરૂ થઇ ગયો છે. તે કેસરી કલરની ખુલ્લી કારમાં સવાર થયા છે.રસ્તાની બંને તરફ તિરંગા સાથે વડાપ્રધાનને આવકારવા મોટી સંખ્યામાં લોકો ઉમટી પડ્યા છે.

પીએમ મોદીએ ભૂજમાં 53,400 કરોડ રૂપિયાથી વધુના અનેક વિકાસ પ્રોજેક્ટ્સનું ઉદ્ઘાટન કર્યું છે.

થોડા સમય પહેલા, અહીં હજારો કરોડ રૂપિયાના પ્રોજેક્ટ્સનો શિલાન્યાસ અને ઉદ્ઘાટન કરવામાં આવ્યું હતું. આમાં સૌથી ભવ્ય દાહોદની ઇલેક્ટ્રિક લોકોમોટિવ ફેક્ટરી છે. હું 3 વર્ષ પહેલાં તેનો શિલાન્યાસ કરવા આવ્યો હતો. હવે આ ફેક્ટરીમાં પહેલું ઇલેક્ટ્રિક લોકોમોટિવ તૈયાર થઈ ગયું છે.

દાહોદમાં એક જાહેર સભાને સંબોધતા વડા પ્રધાન મોદીએ કહ્યું, “આજે આપણે ૧૪૦ કરોડ ભારતીયો આપણા દેશને વિકસિત ભારત બનાવવા માટે સાથે મળીને કામ કરી રહ્યા છીએ. સમયની માંગ એ છે કે આપણે દેશની પ્રગતિ માટે જે કંઈ જરૂરી છે તે ભારતમાં જ બનાવીએ. ભારત ઉત્પાદનની દુનિયામાં ઝડપથી પ્રગતિ કરી રહ્યું છે… આજે આપણે સ્માર્ટ ફોનથી લઈને વાહનો, રમકડાં, લશ્કરી શસ્ત્રો અને દવાઓ જેવી વસ્તુઓ વિશ્વભરના દેશોમાં નિકાસ કરી રહ્યા છીએ.”

તેમણે કહ્યું કે, દેશની પ્રગતિ માટે જે કંઈ પણ જરૂરી છે, આપણે તેનું ઉત્પાદન ભારતમાં જ કરવું જોઈએ, આ આજના સમયની માંગ છે. આજે ભારત ઉત્પાદનની દુનિયામાં ઝડપી ગતિએ આગળ વધી રહ્યું છે. દેશને જરૂરી ચીજવસ્તુઓનું ઉત્પાદન હોય કે આપણા દેશમાં બનેલા માલની વિશ્વના વિવિધ દેશોમાં નિકાસ હોય, પરિસ્થિતિ સતત વધી રહી છે.

પ્રધાનમંત્રીએ દેશના વિકાસ પ્રત્યેની તેમની પ્રતિબદ્ધતાનો પુનરોચ્ચાર કર્યો અને કહ્યું, “આજે દેશ નિરાશાના અંધકારમાંથી બહાર આવ્યો છે અને આત્મવિશ્વાસના પ્રકાશમાં ત્રિરંગો લહેરાવી રહ્યો છે. આપણે ૧૪૦ કરોડ ભારતીયો આપણા દેશને વિકસિત ભારત બનાવવા માટે સાથે મળીને કામ કરી રહ્યા છીએ.”

પીએમ મોદીએ કહ્યું કે લોકોના આશીર્વાદની શક્તિથી તેઓ દિવસ-રાત દેશવાસીઓની સેવામાં રોકાયેલા રહ્યા. પ્રધાનમંત્રીએ ભારપૂર્વક જણાવ્યું હતું કે, ‘આ વર્ષોમાં, દેશે એવા નિર્ણયો લીધા છે જે અકલ્પનીય અને અભૂતપૂર્વ છે. દેશે દાયકાઓ જૂની બેડીઓ તોડી છે અને દરેક ક્ષેત્રમાં પ્રગતિ કરી છે.

દાહોદમાં વડાપ્રધાન નરેન્દ્ર મોદી અત્યારે દાહોદમાં છે. ત્યારે જાહેર સભાને સંબોધતા ગુજરાતના મુખ્યમંત્રી ભૂપેન્દ્રપટેલે પીએમ મદોીને બિરસા મુંડાની મૂર્તિથી સન્માનિત કર્યા હતા. અને વિકાસના કાર્યો અંગે વાત કરી હતી.

દાહોદમાં પીએમ મોદીએ પ્રથમ ઇલેક્ટ્રિક લોકોમોટિવ દેશને સમર્પિત કરી કર્યા બાદ અને સાબરમતી વેરાવળ વંદેભારત ટ્રેનને લીલી ઝંડી આપ્યા બાદ વડાપ્રધાન નરેન્દ્ર મોદી ખુલ્લી જીપમાં સભા સ્થળે પહોંચ્યા છે. ખુલ્લી જીપમાં હાથ હલાવી લોકોના અભિવાદન ઝીલ્યાં હતા. હવે થોડીવારમાં સભાને સંબોધશે.

વડોદરામાં રોડ શો કર્યા બાદ વડાપ્રધાન નરેન્દ્ર મોદી દાહોદ પહોંચ્યા છે. અહીં તેઓ અત્યાધુનિક કારખાનાનું નિરીક્ષણ કર્યું હતું. અને ‘’મેક ઇન ઇન્ડિયા’’ના સ્વપ્નને સાકાર કરતું, ભારતમાં જ બનેલું પ્રથમ ઇલેક્ટ્રિક લોકોમોટિવ દેશને સમર્પિત કર્યું હતું. આ ઉપરાંત તેમણે સાબરમતીથી વેરાવળની વંદેભારત ટ્રેનને પણ લીલી ઝંડી આપી હતી.

કર્નલ સોફિયા કુરેશીની બહેન શાયના સુનસારાએ વડોદરામાં પીએમ મોદીના રોડ શો પર કહ્યું, “અમને પીએમ મોદીને મળીને સારું લાગ્યું. પીએમ મોદીએ મહિલા સશક્તિકરણ માટે ઘણું કર્યું છે. હું પોતે એક મહિલા છું, તેથી હું અનુભવી શકું છું કે મોદીજીએ મહિલાઓનો કેટલો ઉછેર કર્યો છે. સોફિયા મારી જોડિયા બહેન છે. જ્યારે તમારી બહેન દેશ માટે કંઈક કરે છે, ત્યારે તે ફક્ત મને જ નહીં પરંતુ અન્ય લોકોને પણ પ્રેરણા આપે છે. તે હવે ફક્ત મારી બહેન જ નહીં પણ દેશની બહેન પણ છે.”

અમદાવાદમાં પીએમ મોદી મોદી અમદાવાદ એરપોર્ટથી ઇન્દિરા બ્રિજ સુધી ૩ કિમી લાંબો રોડ શો કરશે. 50,000 થી વધુ ભાજપના કાર્યકરો અને લોકો તેમનું સ્વાગત કરે તેવી અપેક્ષા છે. તેઓ ગાંધીનગરમાં રાજભવનમાં રાત્રિ રોકાણ કરશે. 27 મેના રોજ સવારે 10.30 વાગ્યે, પીએમ મોદી ગાંધીનગરમાં ૨ કિલોમીટર લાંબો રોડ શો કરશે. અહીં પણ 30,000 થી વધુ ભાજપના કાર્યકરો તેમનું સ્વાગત કરશે. રોડ શો પછી, તેઓ મહાત્મા મંદિર ખાતે 5,536 કરોડ રૂપિયાના પ્રોજેક્ટ્સનું ઉદ્ઘાટન અને શિલાન્યાસ કરશે. પ્રધાનમંત્રી પ્રધાનમંત્રી આવાસ યોજના હેઠળ રૂ. 1,006 કરોડના ખર્ચે બાંધવામાં આવેલા ૨૨,૦૫૫ મકાનોનું ઉદ્ઘાટન પણ કરશે.

વડાપ્રધાન નરેન્દ્ર મોદી વડોદરા એરપોર્ટ પહોંચ્યા હતા. બાદમાં એરપોર્ટથી એરફોર્સ ગેટ સુધી એક કિલોમીટરનો રોડ શો પૂર્ણ થઈ ગયો છે. આ રોડ શો માત્ર 10 મિનિટમાં પૂર્ણ થઈ ગયો છે. આ દરમિયાન વડાપ્રધાન ક્યાંય પણ ઉભા રહ્યા નહોતા. રોડ શોમાં મોટી સંખ્યામાં શહેરીજનો અને કર્નલ સોફિયાનો પરિવાર હાજર રહ્યો હતો.

ઓપરેશન સિંદૂર બાદ પીએમ મોદી પહેલીવાર ગુજરાત આવ્યા છે. આજે સવારે 10 વાગ્યે વડોદરા એરપોર્ટ ઉપર પહોંચ્યા હતા. જ્યાં તેમનું ભવ્ય સ્વાગત કરવામાં આવ્યું હતું. મોટી સંખ્યામાં લોકો તેમના સ્વાગત માટે ઉમેટી પડ્યા હતા. એરપોર્ટથી તેમનો રોડ શો શરુ થયો છે. રોડ શો દરમિયાન પીએમ મોદીએ લોકોના અભિવાદન ઝીલ્યાં હતા.

શેરબજારમાં સાર્વત્રિક તેજી સાથે સેન્સેક્સ નિફ્ટીમાં ઉછાળો આવ્યો છે. ટ્રેડિંગ સેશનની શરૂઆતમાં જ સેન્સેક્સમાં 700 અને નિફ્ટીમાં 225 પોઇન્ટથી વધુ ઉછાળો આવ્યો છે. સેન્સેક્સ પાછલા બંધ 81721 સામે 200 પોઇન્ટના સુધારામાં આજે 81928 ખુલ્યો હતો. ટાટા ગ્રૂપ કંપનીઓના શેરમાં તેજીથી સેન્સેક્સ 700 પોઇન્ટથી વધુ ઉછળ્યો હતો. એનએસઇ નિફ્ટી પાછલા બંધ 24853 સામે ઉંચા ગેપમાં આજે 24919 ખુલ્યો હતો. નિફ્ટી 225 પોઇન્ટ ઉછળી 25000ની મનોવૈજ્ઞાનિક સપાટી કુદાવી ગયો હતો. એશિયન બજારોમાં મિશ્ર વલણ હતું. સેન્સેન્સના ટોપ 5 ગેઇનરમાં ટાટા મોટર્સ અને મહિન્દ્રા મહિન્દ્રા અઢી ટકા લાર્સન 1.7 ટકા, ટાયટન 1.4 ટકા અને ટાટા સ્ટીલ સવા 1 ટકા વધીને ટ્રેડ કરી રહ્યા છે. આજે શેરબજારમાં સાર્વત્રિક તેજી વચ્ચે તમામ ઇન્ડેક્સ વધ્યા હતા. બેંક નિફ્ટી 400 પોઇન્ટ અને નિફ્ટી આઈટી 200 પોઇન્ટ કરતા વધુ વધીને ટ્રેડ કરી રહ્યા છે.

આજે સોમવારે PM મોદી બપોરે ભુજ જશે. પીએમ મોદી ભુજ એરપોર્ટથી સભાસ્થળ સુધીના માર્ગ પર દોઢ કિલોમીટરનો રોડ શો યોજશે, જેમાં 10 હજાર જેટલી મહિલાઓ કેસરી સાડી અને માથે સિંદૂર લગાવીને પીએમ મોદીને આવકારશે. રોડ શો કર્યા બાદ રાજ્યભરના 53,414 કરોડના ખર્ચના વિવિધ 33 વિકાસકાર્યોનું લોકાર્પણ અને ખાતમુહૂર્ત કરશે.

ભારતમાં જ બનેલું પ્રથમ ઇલેક્ટ્રિક લોકોમોટિવ દેશને સમર્પિત કર્યા બાદ 12 વાગ્યે ડોકી સ્થિત સભા સ્થળે પહોંચશે. અહીં વડાપ્રધાન 24 હજાર કરોડથી વધુના વિવિધ વિકાસ પ્રોજેક્ટ્સનો શિલાન્યાસ કરશે અને ઉપસ્થિત જનમેદનીને સંબોધન પણ કરશે.

વડોદરામાં રોડ શો કર્યા બાદ પીએમ મોદી ભારતીય વાયુસેનાના MI 17 હેલિકોપ્ટરમાં સવાર થઇ દાહોદ જવા રવાના થશે. જ્યાં તેઓ સવારે 11.20 વાગ્યે પહોંચશે. રસ્તામાં દેશપ્રેમી નાગરિકોનું અભિવાદન ઝીલતા તેઓ રેલવે કારખાને પહોંચશે.અહીં તેઓ અત્યાધુનિક કારખાનાનું નિરીક્ષણ કરશે.

આજે 26મી મે, સોમવારના દિવસે પીએમ નરેન્દ્ર મોદી વડોદરા આવશે. વડાપ્રધાન મોદી સવારે 10 વાગ્યા આસપાસ વડોદરા એરપોર્ટ પહોંચશે. એરપોર્ટથી એરફોર્સ ગેટ સુધી એક કિલોમીટરનો રોડ શો કરશે. આ રોડ શોમાં શહેર અને જિલ્લાની મોટી સંખ્યામાં બહેનો ઉપસ્થિત રહેશે.

આજે સોમવારે સવારે 10 વાગયે વડાપ્રધાન નરેન્દ્ર મોદી દિલ્હીથી વડોદરા આવશે અને ત્યાર બાદ ત્યાંથી દાહોદ જશે. દાહોદથી ભુજ અને પછી અમદાવાદ આવશે અને ત્યાર બાદ ગાંધીનગર ખાતે રાજભવનમાં રાત્રિ રોકાણ કરશે. દિવસ દરમિયાન તેઓ 4 શહેરમાં 3 રોડશો અને 2 જાહેરસભા યોજશે. સવારના 10થી 7 વાગ્યા સુધી સતત વ્યસ્ત રહેશે.

ઓપરેશન સિંદૂર અંતર્ગત ભારતે પાકિસ્તાન અને પીઓકેમાં એરસ્ટ્રાઈક કરી આંતકીઓને મોતને ઘાટ ઉતાર્યા હતા. ત્યારબાદ ભારત અને પાકિસ્તાન વચ્ચે સ્થિતિ ખૂબજ તંગ બની હતી. જોકે, ઓપરેશન સિંદૂર બાદ વડાપ્રધાન નરેન્દ્ર મોદી પહેલીવાર માદરેવતન ગુજરાતમાં આવી રહ્યા છે. પીએમ મોદી આજે 26 મે અને 27 મે બે દિવસ રહેશે. અને અનેક કાર્યક્રમોમાં ભાગ લેશે, રોડ શો કરશે. જાહેર સભાઓ પણ સંબોધશે.