Gujarati News 9 April 2025 : તાઇવાનમાં 5.8 ની તીવ્રતાનો ભૂકંપ

Gujarat Latest News in Gujarati, Gujarati Samachar (ગુજરાતી સમાચાર) 9 April 2025, આજના તાજા સમાચાર: તાઇવાનના ઉત્તરપૂર્વીય ગ્રામીણ યિલાન કાઉન્ટીમાં બુધવારે 5.8 ની તીવ્રતાનો ભૂકંપ આવ્યો હતો, એમ ટાપુના હવામાન વિભાગે જણાવ્યું હતું. રોઇટર્સના અહેવાલ મુજબ, તાત્કાલિક કોઈ નુકસાનના અહેવાલ નથી. પ્રારંભિક અહેવાલો મુજબ, ભૂકંપના કારણે રાજધાની તાઈપેઈમાં ઇમારતો હચમચી ગઈ હતી. હવામાન વહીવટીતંત્રે જણાવ્યું હતું કે ભૂકંપ 72.4 કિમી (45 માઇલ) ની ઊંડાઈએ આવ્યો હતો. તાઇવાનના ફાયર વિભાગના જણાવ્યા અનુસાર, બુધવારે આવેલા 5.8 ની તીવ્રતાના ભૂકંપમાં કોઈ નુકસાન થયું નથી, જેમાં ટાપુના સાયન્સ પાર્કનો પણ સમાવેશ થાય છે જ્યાં તાઇવાનનું સેમિકન્ડક્ટર ઉત્પાદન થાય છે.

ચીને અમેરિકા પર ટેરિફ વધારીને 84 ટકા કર્યો, 10 એપ્રિલથી લાગુ થશે

અમેરિકા અને ચીન વચ્ચે ચાલી રહેલા ટેરિફ વોરમાં હવે નવું અપડેટ આવ્યું છે. હવે ચીને અમેરિકા પર ટેરિફ 34 ટકાથી વધારીને 84 ટકા કરવાની જાહેરાત કરી છે. ન્યૂઝ એજન્સી એપી દ્વારા આપવામાં આવેલી માહિતી પ્રમાણે નવા ટેરિફ રેટ 10 એપ્રિલથી લાગુ થશે. આ પહેલા અમેરિકાએ ચીન પર 104 ટકા ટેરિફ લગાવ્યો છે.

રાજ્યમાં 48 કલાક આકાશમાંથી વરસશે અગન જવાળાઓ

ગુજરાતમાં ઉનાળો એકદમ જામી ગયો છે. લોકો ગરમીથી તોબા પોકારી ગયા છે. ત્યારે આવી સ્થિતિ વચ્ચે ગુજરાતમાં આગામી 48 કલાક સુધી તાપમાનમાં મોટો કોઈ ફેરફાર ન થવાની શક્યાતો હવામાન વિભાગે સેવી હતી. જોકે ત્યારબાદ તાપમાનમાં 2થી 3 ડિગ્રી સુધી મહત્તમ તાપમાનમાં ઘટાડો થવાની શક્યતાઓ સેવી છે.

આ ઉપરાંત આજે બુધવારે હાવમાન વિભાગે કચ્છમાં ગરમીનું રેડ એલર્ટ આપ્યું છે ત્યારે બનસાકાંઠા, પાટણ, મહેસાણા અને સાબરકાંઠામાં હીટવેવની આગાહી કરવામાં આવી છે. આ ઉપરાંત સૌરાષ્ટ્રના રાજકોટ અને મોરબમાં પણ હીટવેવની આગાહી કરવામાં આવી છે.

Apr 09, 2025 18:35 IST
Today News live : ચીને અમેરિકા પર ટેરિફ વધારીને 84 ટકા કર્યો, 10 એપ્રિલથી લાગુ થશે
અમેરિકા અને ચીન વચ્ચે ચાલી રહેલા ટેરિફ વોરમાં હવે નવું અપડેટ આવ્યું છે. હવે ચીને અમેરિકા પર ટેરિફ 34 ટકાથી વધારીને 84 ટકા કરવાની જાહેરાત કરી છે. ન્યૂઝ એજન્સી એપી દ્વારા આપવામાં આવેલી માહિતી પ્રમાણે નવા ટેરિફ રેટ 10 એપ્રિલથી લાગુ થશે. આ પહેલા અમેરિકાએ ચીન પર 104 ટકા ટેરિફ લગાવ્યો છે.



Apr 09, 2025 16:48 IST
Today News live : જમીની સ્તરે કેવી રીતે મજબૂત કરવી તે અંગે અમે વિગતવાર ચર્ચા કરી - પવન ખેડા
અમદાવાદમાં કોંગ્રેસના નેતા પવન ખેડાએ કહ્યું કે આઝાદીની ચળવળ પણ ગુજરાતથી શરૂ થઈ હતી અને હવે કોંગ્રેસ પાર્ટી ગુજરાતના માધ્યમથી દેશને એક નવી દિશા બતાવશે. કોંગ્રેસ પાર્ટીને જમીની સ્તરે કેવી રીતે મજબૂત કરવી તે અંગે અમે વિગતવાર ચર્ચા કરી.



Apr 09, 2025 14:51 IST
Today News live : તાઇવાનમાં 5.8 ની તીવ્રતાનો ભૂકંપ
તાઇવાનના ઉત્તરપૂર્વીય ગ્રામીણ યિલાન કાઉન્ટીમાં બુધવારે 5.8 ની તીવ્રતાનો ભૂકંપ આવ્યો હતો, એમ ટાપુના હવામાન વિભાગે જણાવ્યું હતું. રોઇટર્સના અહેવાલ મુજબ, તાત્કાલિક કોઈ નુકસાનના અહેવાલ નથી. પ્રારંભિક અહેવાલો મુજબ, ભૂકંપના કારણે રાજધાની તાઈપેઈમાં ઇમારતો હચમચી ગઈ હતી. હવામાન વહીવટીતંત્રે જણાવ્યું હતું કે ભૂકંપ 72.4 કિમી (45 માઇલ) ની ઊંડાઈએ આવ્યો હતો. તાઇવાનના ફાયર વિભાગના જણાવ્યા અનુસાર, બુધવારે આવેલા 5.8 ની તીવ્રતાના ભૂકંપમાં કોઈ નુકસાન થયું નથી, જેમાં ટાપુના સાયન્સ પાર્કનો પણ સમાવેશ થાય છે જ્યાં તાઇવાનનું સેમિકન્ડક્ટર ઉત્પાદન થાય છે.



Apr 09, 2025 13:43 IST
Today News live : અમદાવાદમાં આરોગ્ય અધિક સચિવ અને સરકારી ડેન્ટલ કોલેજના નિવૃત્ત ડીન લાંચ લેતા ઝડપાયા
લાંચિયા બાબુઓ લાંચ લેવામાં ક્યારે પાછા પડતા નથી ત્યારે વધુ એક લાંચિયા અધિકારી ઝડપાયા છે. અમદાવાદમાં આરોગ્ય અધિક સચિવ દિનેશ પરમાર અને સરકારી ડેન્ટલ કોલેજના નિવૃત્ત ડીન ગિરીશ પરમાર લાંચ લેતા ઝડપાયા છે. ફરિયાદીની તરફેણમાં કામગીરી કરવા ફરિયાદી તથા સાથી ડોક્ટર પાસે 30 લાખની લાંચ માગી હતી. જ્યારે લાંચની રકમના એડવાન્સ 15 લાખ સ્વીકારતા લાંચિયા અધિકારીને ACBએ સફળ છટકું ગોઠવી ઝડપી પાડ્યા હતા.



Apr 09, 2025 13:24 IST
Today News live : પોતાની નિષ્ફળતાને છુપાવવાનો પ્રયાસ કરે છે સરકાર: મલ્લિકાર્જુન ખડગે
કોંગ્રેસ અધ્યક્ષ મલ્લિકાર્જુન ખડગેએ અમદાવાદમાં કોંગ્રેસના 84મા અધિવેશનના છેલ્લા દિવસે કાર્યકરોને સંબોધિત કર્યા હતા. આ સમયગાળા દરમિયાન, તેમણે સંસદમાં વકફ બિલ પસાર કરવાની પ્રક્રિયાથી લઈને મણિપુરમાં હિંસા સુધીના મુદ્દાઓ પર સરકારને ઘેરી હતી. મલ્લિકાર્જુન ખડગેએ કહ્યું કે સરકાર પોતાની નિષ્ફળતા છુપાવવાનો પ્રયાસ કરી રહી છે.



Apr 09, 2025 09:43 IST
Today News live : RBI પોલિસી પહેલા શેરબજાર નરમ, ટાટા ગ્રૂપના શેર ફરી ઘટ્યા
આરબીઆઈની મોનેટરી પોલિસી પહેલા શેરબજાર સેન્સેક્સ નિફ્ટી ડાઉન હતા. સેન્સેક્સ પાછલા બંધ 74227 સામે આજે નીચા ગેપમાં 74103 ખુલ્યો હતો. ટાટા ગ્રૂપના શેર ઉંચા મથાળે વેચવાલીના દબાણથી ફરી ઘટ્યા હતા. જેની અસરે માર્કેટ વધુ તૂટ્યું અને સેન્સેક્સ 500 પોઇન્ટ જેટલું તુટી નીચામાં 73673 સુધી ઘટ્યું હતું. એનએસઇ નિફ્ટી પાછલા બંધ 22535 સામે આજે 22460 ખુલ્યો હતો અને નીચામા 22357 સુધી ઘટ્યો હતો. ટેક મહિન્દ્રા, ટાટા સ્ટીલ, ઇન્ફોસીસ, એચસીએલ ટેક, ટીસીએસના શેર દોઢ ટકાથી 3 ટકા સુધી ડાઉન હતા. બેંક નિફ્ટી 125 પોઇન્ટ અને નિફ્ટી આઈટી 733 પોઇન્ટ ડાઉન હતા.



Apr 09, 2025 09:34 IST
Today News live : PM મોદીએ નવકાર મહામંત્રનો જાપ કર્યો
વડાપ્રધાન નરેન્દ્ર મોદીએ નવી દિલ્હીમાં વિજ્ઞાન ભવનમાં 'નવકાર મહામંત્ર દિવસ' કાર્યક્રમમાં હાજરી આપી હતી. PM મોદીએ અન્ય લોકો સાથે 'નવકાર મહામંત્ર દિવસ' કાર્યક્રમમાં 'નવકાર મહામંત્ર'નો ઉચ્ચાર કર્યો હતો. આ પછી તેમણે લોકોને સંબોધિત કર્યા. તેમણે કહ્યું કે નવકાર મહામંત્રની આ ફિલસૂફી વિકસિત ભારતના વિઝન સાથે જોડાયેલી છે. મેં લાલ કિલ્લા પરથી કહ્યું છે - વિકસિત ભારત એટલે વિકાસની સાથે સાથે વિરાસત પણ. એક ભારત જે અટકશે નહીં, એક ભારત જે અટકશે નહીં. જે ઊંચાઈને સ્પર્શશે પણ તેના મૂળમાંથી કપાશે નહીં.



Apr 09, 2025 09:26 IST
Today News live : નવકાર મહામંત્ર કાર્યક્રમમાં પીએમ મોદીનું સંબોધન
નવકાર મહામંત્ર નમ્રતા, શાંતિ અને સાર્વત્રિક સંવાદિતાને મૂર્તિમંત કરે છે. નવકાર મહામંત્ર દિવસ કાર્યક્રમમાં ભાગ લેવાનો આનંદઃ પીએમ મોદી
Navkar Mahamantra embodies humility, peace and universal harmony. Delighted to take part in the Navkar Mahamantra Divas programme. https://t.co/4f4r6ZuVkX
— Narendra Modi (@narendramodi) April 9, 2025



Apr 09, 2025 08:25 IST
Today News live : આજે બુધવારે હાવમાન વિભાગે કચ્છમાં ગરમીનું રેડ એલર્ટ આપ્યું
આજે બુધવારે હાવમાન વિભાગે કચ્છમાં ગરમીનું રેડ એલર્ટ આપ્યું છે ત્યારે બનસાકાંઠા, પાટણ, મહેસાણા અને સાબરકાંઠામાં હીટવેવની આગાહી કરવામાં આવી છે. આ ઉપરાંત સૌરાષ્ટ્રના રાજકોટ અને મોરબમાં પણ હીટવેવની આગાહી કરવામાં આવી છે.



Apr 09, 2025 08:24 IST
Today News live : અમદાવાદમાં કોંગ્રેસ રાષ્ટ્રીય અઘિવેશન 9.30 વાગ્યે શરુ થશે
અમદાવાદમાં બે દિવસીય કોંગ્રેસ રાષ્ટ્રીય અધિવેશન ચાલી રહ્યું છે. આજે બુધવારે કોંગ્રેસ રાષ્ટ્રીય અધિવેશનનો બીજો દિવસ છે. ત્યારે આજના દિવસે 3000 કરતા વધારે કોંગ્રેસના નેતાઓ સાબરમતી નદીના કિનારે ભેગા થઈને પાર્ટીના એજન્ડા પર મંથન કરશે. આ ઉપરાંત કોંગ્રેસને ફરી બેઠી કરવા માટે મંથન કરશે. આજે ગુજરાત કોંગ્રેસમાં પણ મોટા ફેરફાર થવાની શક્યતાઓ પણ સેવાઈ રહી છે.