Today News : આસામમાં અમિત શાહે રાહુલ ગાંધી પર રાજ્યની સંસ્કૃતિનું અપમાન કરવાનો આરોપ લગાવ્યો

Today Latest News Update in Gujarati 30 January 2026: આસામના ડિબ્રુગઢમાં યોજાયેલા કાર્યક્રમમાં કેન્દ્રીય ગૃહમંત્રીએ કોંગ્રેસ અને રાહુલ ગાંધી પર આકરા પ્રહારો કર્યા હતા. વિપક્ષના નેતા પર રાજ્યની સંસ્કૃતિનું અપમાન કરવાનો આરોપ લગાવ્યો હતો. અમિત શાહે કહ્યું કે રાહુલ ગાંધી એકમાત્ર એવા વ્યક્તિ હતા જેમણે રાષ્ટ્રપતિના એટ-હોમ કાર્યક્રમમાં આસામનો ગમોસા પહેર્યો ન હતો. હું કોંગ્રેસને પૂછવા માંગુ છું કે રાહુલ ગાંધીએ આસામનો ગમોસા કેમ ન પહેર્યા? રાષ્ટ્રપતિ ભવનમાં હાજર તમામ લોકોએ ગમોસા પહેર્યા હતા. રાહુલ ગાંધીની પૂર્વોત્તર સાથે શું દુશ્મની છે? ભાજપ આ ક્ષેત્રની સંસ્કૃતિનું અપમાન સહન કરશે નહીં. 

Jan 30, 2026 19:15 IST
Today News Live: આસામમાં અમિત શાહે રાહુલ ગાંધી પર રાજ્યની સંસ્કૃતિનું અપમાન કરવાનો આરોપ લગાવ્યો
આસામના ડિબ્રુગઢમાં યોજાયેલા કાર્યક્રમમાં કેન્દ્રીય ગૃહમંત્રીએ કોંગ્રેસ અને રાહુલ ગાંધી પર આકરા પ્રહારો કર્યા હતા. વિપક્ષના નેતા પર રાજ્યની સંસ્કૃતિનું અપમાન કરવાનો આરોપ લગાવ્યો હતો. અમિત શાહે કહ્યું કે રાહુલ ગાંધી એકમાત્ર એવા વ્યક્તિ હતા જેમણે રાષ્ટ્રપતિના એટ-હોમ કાર્યક્રમમાં આસામનો ગમોસા પહેર્યો ન હતો. હું કોંગ્રેસને પૂછવા માંગુ છું કે રાહુલ ગાંધીએ આસામનો ગમોસા કેમ ન પહેર્યા? રાષ્ટ્રપતિ ભવનમાં હાજર તમામ લોકોએ ગમોસા પહેર્યા હતા. રાહુલ ગાંધીની પૂર્વોત્તર સાથે શું દુશ્મની છે? ભાજપ આ ક્ષેત્રની સંસ્કૃતિનું અપમાન સહન કરશે નહીં. 



Jan 30, 2026 18:22 IST
Today News Live: એક જ દિવસમાં ચાંદી 66,000 રુપિયા સસ્તી થઇ, સોનામાં પણ 19,000 રુપિયાનો ઘટાડો
સોના-ચાંદીના ભાવમાં શુક્રવારે મોટો ઘટાડો નોંધાયો છે. તાજેતરના દિવસોમાં રેકોર્ડ ઊંચી સપાટીએ પહોંચ્યા પછી MCX પર 5 માર્ચની એક્સપાયરી વાળી ચાંદી તેના ઓલટાઇમ હાઇથી લગભગ 66 હજાર રૂપિયા તૂટ્યું છે. તેવી જ રીતે સોનાના ભાવમાં પણ ભારે ઘટાડો જોવા મળ્યો છે. MCX  પર સોના પર તેના ઓલટાઇમ હાઇથી લગભગ 19577 રૂપિયાનો ઘટાડો જોવા મળી રહ્યો છે.



Advertisment
Jan 30, 2026 13:50 IST
Today News Live: અમદાવાદ એરપોર્ટ પર ઈન્ડિગો ફ્લાઇટનું ઇમર્જન્સી લેન્ડિંગ
અમદાવાદ એરપોર્ટ પર ઈન્ડિગો ફ્લાઇટનું ઇમર્જન્સી લેન્ડિંગ કરાવવામાં આવ્યું છે. કુવૈતથી દિલ્હી જતી આ ફ્લાઈટમાં બૉમ્બ હોવાની ધમકી મળી હતી, જેને પગલે ફ્લાઇટમાં સવાર 180 પેસેન્જર અને લગેજનું ચેકિંગ કરવામાં આવ્યું છે. કુવૈતથી દિલ્હી જઈ રહેલી ઈન્ડિગોની ફ્લાઈટમાં ટિસ્યૂપેપર પર હાઈજેક અને બોમ્બથી ઉડાવી દેવાની ધમકીભર્યું લખાણ મળતાં પ્લેનનું અમદાવાદ એરપોર્ટ પર ઈમર્જન્સી લેન્ડિંગ કરાવવામાં આવ્યું હતું.



Jan 30, 2026 13:27 IST
Today News Live: ઢાકાથી ઉડાન ભરેલા બાંગ્લાદેશી વિમાન 14 વર્ષ પછી પાકિસ્તાનના જિન્ના એરપોર્ટ પર ઉતર્યું
બાંગ્લાદેશ અને પાકિસ્તાન વચ્ચેના સંબંધો ધીમે ધીમે સામાન્ય થઈ રહ્યા છે, અને બંને દેશો વચ્ચે સીધી ફ્લાઇટ્સ ૧૪ વર્ષ પછી ફરી શરૂ થઈ છે. આ નવી પહેલના ભાગ રૂપે, ઢાકાથી પહેલી બાંગ્લાદેશી ફ્લાઇટ ગુરુવારે કરાચીના જિન્ના ઇન્ટરનેશનલ એરપોર્ટ પર ઉતરી.
પાકિસ્તાની એરપોર્ટ ઓથોરિટીના જણાવ્યા અનુસાર, ઢાકાથી કરાચી જતી વિમાન બાંગ્લાદેશ એરલાઇન્સની ફ્લાઇટ (BG-341) ગુરુવારે સાંજે આવી. PAA તરફથી એક નિવેદનમાં કહેવામાં આવ્યું છે કે ૧૪ વર્ષમાં ઢાકાથી આ પહેલી બાંગ્લાદેશી ફ્લાઇટ છે.



Jan 30, 2026 08:15 IST
Today News Live: વિરાટ કોહલીનું ઇન્સ્ટાગ્રામ પરથી અચાનક ગાયબ થયું
વિરાટ કોહલીના ઇન્સ્ટાગ્રામ પરથી અચાનક ગાયબ થવાથી સોશિયલ મીડિયા જગતમાં ખળભળાટ મચી ગયો છે. હા, વિરાટ કોહલીનું ઇન્સ્ટાગ્રામ એકાઉન્ટ ડિએક્ટિવેટ કરી દેવામાં આવ્યું છે. તેનું એકાઉન્ટ હવે સર્ચમાં ઉપલબ્ધ નથી. ઇન્સ્ટાગ્રામ પરથી તેના અચાનક ગાયબ થવાથી વિરાટના ચાહકો ચોંકી ગયા છે. દરેક વ્યક્તિ કારણ જાણવા માંગે છે. ચાહકોએ સોશિયલ મીડિયા પર અનુષ્કા શર્મા પર સવાલ ઉઠાવવાનું શરૂ કર્યું છે.



Jan 30, 2026 07:40 IST
Today News Live: વડા પ્રધાન નરેન્દ્ર મોદીએ આર્થિક સર્વેક્ષણ અહેવાલ પર શું કહ્યું?
PM મોદીએ પોતાની ઇન્સ્ટાગ્રામ પોસ્ટમાં કહ્યું, "  રજૂ કરાયેલ આર્થિક સર્વેક્ષણ અહેવાલ ભારતના સુધારા ગતિનું વ્યાપક ચિત્ર રજૂ કરે છે, જે પડકારજનક વૈશ્વિક વાતાવરણમાં પણ સ્થિર પ્રગતિ દર્શાવે છે. તે મજબૂત મેક્રોઇકોનોમિક ફંડામેન્ટલ્સ, સતત વિકાસ ગતિ અને રાષ્ટ્ર નિર્માણમાં નવીનતા, ઉદ્યોગસાહસિકતા અને માળખાગત સુવિધાઓની વધતી ભૂમિકાને પ્રતિબિંબિત કરે છે."