'પહેલા અમે ગોળીબાર કરીશું, પછી...' ગ્રીનલેન્ડ પર કબજો કરવાના ટ્રમ્પના નિવેદન પર ડેનમાર્કે આપી ચેતવણી

Donald Trump Greenland Controversy : યુએસ રાષ્ટ્રપતિ ડોનાલ્ડ ટ્રમ્પના ગ્રીનલેન્ડ પર કબજો કરવાના નિવેદનને લઈને અમેરિકા અને ડેનમાર્ક વચ્ચે તણાવ વધી રહ્યો છે. હવે ડેનમાર્કના સંરક્ષણ મંત્રાલય તરફથી કડક ટિપ્પણી કરવામાં આવી છે. મંત્રાલયે સ્પષ્ટ કહ્યું છે કે જો અમેરિકા ગ્રીનલેન્ડ પર હુમલો કરશે તો ત્યાં તૈનાત ડેનિશ સૈનિકો પહેલા ગોળીબાર કરશે, પછી પ્રશ્ન પૂછશે.

આ કડક નિવેદન અંગે ડેનિશ સરકારે 1952થી અમલમાં રહેલા સૈન્યના શાસનને ટાંક્યું હતું. સંરક્ષણ મંત્રાલયે કહ્યું કે સેનાનું આ શાસન આજે પણ અમલમાં છે.

ડેનમાર્કના રક્ષા મંત્રાલયે શું કહ્યું?

હકીકતમાં ડેનિશ અખબાર Berlingske ને રક્ષા મંત્રાલય દ્વારા જણાવવામાં આવ્યું હતું કે, પ્રથમ ગોળીબાર કરવાનો આ આદેશ અમલમાં છે. આ નિયમ હેઠળ, જો કોઈ વિદેશી સૈન્ય ડેનમાર્ક અથવા તેના પ્રદેશમાં ઘૂસણખોરી કરે છે, તો સૈનિકોએ ઉચ્ચ અધિકારીઓના આદેશની રાહ જોયા વિના તરત જ જવાબી કાર્યવાહી કરવાની હોય છે.

નાટોના અંતની વાત જણાવી

આ ઉપરાંત ટ્રમ્પના નિવેદન પર ડેનમાર્ક અને ગ્રીનલેન્ડે વારંવાર કહ્યું છે કે આ વિસ્તાર વેચાણ માટે નથી. ડેનમાર્કના વડાપ્રધાન મેટ ફ્રેડરિકસેને પણ ચેતવણી આપી હતી કે ગ્રીનલેન્ડને કબજો કરવાનો કોઈપણ સૈન્ય પ્રયાસ નાટોના અંતનો સંકેત આપશે. તેમણે કહ્યું કે, જો અમેરિકા બીજા નાટો દેશ પર સૈન્ય હુમલો કરવાનું પસંદ કરે છે, તો બધું અટકી જશે. ”

નોંધનિય છે કે, વોશિંગ્ટનમાં ડેનમાર્ક અને ગ્રીનલેન્ડના પ્રતિનિધિમંડળે અમેરિકન સાંસદો તેમજ ટ્રમ્પ વહીવટીતંત્રના મુખ્ય અધિકારીઓને રાષ્ટ્રપતિ ડોનાલ્ડ ટ્રમ્પના વ્યૂહાત્મક આર્કટિક ટાપુ પર કબજો કરવાના આહવાનથી પીછેહઠ કરવા જણાવ્યું હતું.

જેડી વેન્સ ટ્રમ્પને ગંભીરતાથી લેવાની વાત જણાવી

આ દરમિયાન વાઇસ પ્રેસિડેન્ટ જેડી વાન્સનું પણ નિવેદન આવ્યું છે. તેમણે કહ્યું કે યુરોપિયન નેતાઓએ અમેરિકાના રાષ્ટ્રપતિને ગંભીરતાથી લેવું જોઈએ કારણ કે તેમણે આ મુદ્દાને સંરક્ષણના મુદ્દા તરીકે રજૂ કર્યો હતો.

આ પણ વાંચો | ટ્રમ્પે રશિયા પર 500% ટેરિફ લાદવાના બિલને મંજૂરી આપી, હવે ભારત, ચીન અને બ્રાઝિલની વધી શકે છે મુશ્કેલીઓ

વેન્સે જણાવ્યું હતું કે, "અમે અમારા યુરોપિયન મિત્રોને વિનંતી કરી રહ્યા છીએ કે તે પ્રદેશની સુરક્ષાને વધુ ગંભીરતાથી લે, કારણ કે જો તેઓ તેમ ન કરે તો, સંયુક્ત રાષ્ટ્ર અમેરિકાએ તેના વિશે કંઈક કરવું પડશે."