Donald Rrump: ડોનાલ્ડ ટ્રમ્પ પર ગોળીબાર, શિંજો આબે થી ઈન્દિરા ગાંધી સુધી, આ મોટા નેતાઓ થયા જીવલેણ હુમલા

Donald Trump Shot: અમેરિકાના પૂર્વ રાષ્ટ્રપતિ ડોનાલ્ડ ટ્રમ્પ પર પેન્સિલવેનિયામાં ચૂંટણી રેલી દરમિયાન ફાયરિંગ થયું હતું. ડોનાલ્ડ ટ્રમ્પ આ ફાયરિંગમાં ઘાયલ થયા છે. આ ઘટના બાદ સમગ્ર દુનિયા અચંબામાં છે. ચૂંટણી રેલી દરમિયાન ફાયરિંગમાં ટ્રમ્પની પાર્ટીના એક સમર્થકનું પણ મોત થયું હતું અને અન્ય બે લોકો ઘાયલ થયા હતા. આ પહેલીવાર નથી જ્યારે કોઈ દેશના મોટા નેતા પર આ રીતે હુમલો કરવામાં આવ્યો હોય. આ પહેલા ભારત થી લઈ પાકિસ્તાન અને જાપાનથી લઈને શ્રીલંકા સુધીમાં રાજકીય નેતાઓ પર જીવલેણ હુમલાની ઘણી ઘટનાઓ બની ચૂકી છે. આવો જાણીએ ક્યા દેશમાં ક્યા નેતા નેતા પર જીવલેણ હુમલાની ઘટનાઓ બની

સ્લોવેકિયાના વડાપ્રધાન પર હુમલો

આ વર્ષે મે મહિનામાં સ્લોવેકિયાના વડાપ્રધાન રોબર્ટ ફિકોની ઘાતક હત્યા કરવામાં આવી હતી. હુમલાખોરે ફિકો પર ગોળીબાર કર્યો હતો. આ હુમલામાં પીએમ ગંભીર રીતે ઘાયલ થયા હતા. સ્લોવેકિયન વડા પ્રધાન જ્યારે બ્રેટિસ્લાવાથી લગભગ 180 કિલોમીટર (બ્રાટિસ્લાવાથી 180 કિલોમીટર દૂર) હેન્ડલોઆમાં એક સાંસ્કૃતિક સમુદાય કેન્દ્રમાં સરકારી બેઠક પૂરી કર્યા પછી લોકોનું અભિવાદન કરતા જોવા મળ્યા હતા. પીએમ પર થયેલા હુમલા બાદ પોલીસે કાર્યવાહી કરીને આરોપીને સકંજામાં લીધો હતો.

જાપાનના વડાપ્રધાન શિંજો આબેની ગોળી મારી હત્યા (Shinzo Abe)

જાપાનના પૂર્વ વડાપ્રધાન શિંજો આબેનું પણ 8 જુલાઈ 2022ના રોજ હુમલામાં મોત થયું હતું. શિંજો આબે જ્યારે નારા શહેરમાં એક રેલીમાં પોતાનું ભાષણ આપી રહ્યા હતા ત્યારે હુમલાખોરે તેમને નિશાન બનાવ્યા હતા. હુમલાખોરે તેમના પર બે ગોળી ચલાવી હતી. એક ગોળી તેમની છાતીમાંથી પસાર થઈ ગઈ. આ સાથે જ બીજી ગોળી તેના ગળા પર વાગી હતી. ગોળી વાગ્યા બાદ આબે તરત જ રસ્તા પર પડી ગયા હતા. તેમને તાત્કાલિક હોસ્પિટલમાં લઈ જવામાં આવ્યો હતો પરંતુ તેમનું મૃત્યુ થઇ ગયુ હતું. પોલીસે પૂછપરછ કરી તો હુમલાખોરે જણાવ્યું કે, તે શિન્ઝો આબે પર કોઇ વાતને લઇને ગુસ્સે છે.

શેખ મુજીબુર રહેમાન (Sheikh Mujibur Rahman)

બાંગ્લાદેશની રચના બાદ દેશની રાજકીય સ્થિતિ ખૂબ જ ઉથલ-પાથલ હતી. પાકિસ્તાન સામે લડીને બાંગ્લાદેશની આઝાદીમાં યોગદાન આપનાર શેખ મુજીબુર રહેમાનની ત્યાં હત્યા કરવામાં આવી હતી. હુમલાખોરોએ શેખ મુજીબુર રહેમાન તેમજ તેના પરિવારની હત્યા કરી છે. જો કે, તે સમયે તેમના પરિવાર પર થયેલા હુમલામાં તેમની બે પુત્રીઓ બચી ગઈ હતી. તે સમયે તેA દેશની બહાર હતા. તમને જણાવી દઇયે કે, બાંગ્લાદેશના પીએમ શેખ હસીના મુજીબુર રહેમાનની પુત્રી છે.

લિયાકત અલી ખાન (Liaquat Ali Khan)

તો બીજી બાજુ ભારતના પાડોશી દેશ પાકિસ્તાનની વાત કરીએ તો અહીં પણ આવી જ એક ઘટના સામે આવી હતી. 16 ઓક્ટોબર, 1951ના રોજ પાકિસ્તાનના તત્કાલીન વડાપ્રધાન લિયાકત અલી ખાનની હત્યા કરવામાં આવી હતી. તે સમયે તેઓ રાવલપિંડીના કંપની બાગમાં એક રેલીને સંબોધિત કરી રહ્યા હતા. લિયાકત અલી ખાનની હત્યાની એક મહત્વની વાત એ છે કે હુમલાખોરે તેમને તે જગ્યાએ નિશાન બનાવ્યા હતા, જે ગુપ્તચર અધિકારીઓ માટે અનામત રાખવામાં આવ્યુ હતુ.

ભારતના પૂર્વ વડાપ્રધાન ઈન્દિરા ગાંધીની ગોળી મારી હત્યા કરાઇ (Indira Gandhi)

જો રાષ્ટ્રપ્રમુખો પર જીવલેણ હુમલાની વાત કરીએ તો ભારતમાં પણ આવી ઘટના બની હતી. ભારતના પૂર્વ વડાપ્રધાન ઈન્દિરા ગાંધી પર પણ આવી જ રીતે હુમલો કરવામાં આવ્યો હતો. 31 ઓક્ટોબર, 1984ના રોજ તેમના બે બોડી ગાર્ડે ગોળી મારીને હત્યા કરી હતી. આ હત્યાકાંડને અંજામ આપનારા હુમલાખોરો ઓપરેશન બ્લુ સ્ટારથી નારાજ હતા.

આ પણ વાંચો | અમેરિકાના પૂર્વ રાષ્ટ્રપતિ ડોનાલ્ડ ટ્રમ્પની રેલીમાં ગોળીબાર, શંકાસ્પદ હુમલાખોર સહિત બેના મોત

શ્રીલંકા પણ આવી ઘટનાથી બચી શક્યું નથી (Ranasinghe Premadasa)

ભારતના પાડોશી દેશ શ્રીલંકા પણ વડા સામે હિંસાની ઘટનાઓમાં પાછળ નથી. દેશના ત્રીજા રાષ્ટ્રપતિ રાણાસિંઘે પ્રેમદાસાની 1 મે, 1993ના રોજ આત્મઘાતી હુમલામાં હત્યા કરવામાં આવી હતી. પ્રેમદાસાને એ જ એલટીટીઇએ નિશાન બનાવ્યું હતું જેણે પૂર્વ વડા પ્રધાન રાજીવ ગાંધીની હત્યા કરી હતી. રાણાસિંઘે પ્રેમદાસા એક રેલીને સંબોધન કરી રહ્યા હતા ત્યારે તેમના પર હુમલો થયો હતો.