Trump Tariffs: ભારતની સોલર કંપનીઓ માટે માઠા સમાચાર, અમેરિકાએ તોતિંગ 125 ટકા ટેરિફ લાદયો

Trump Tariffs On Solar Imports Form India : ભારત પર અમેરિકાના ટેરિફને લઈને ફરી એકવાર મોટા સમાચાર સામે આવ્યા છે. યુએસ કોમર્સ ડિપાર્ટમેન્ટે દક્ષિણ એશિયાના દેશમાંથી આવતા સોલર સેલ અને સોલર પેનલ્સ પર એન્ટિ-સબસિડી કાઉન્ટરવેઇલિંગ ડ્યુટી લાદવાની જાહેરાત કરી છે. ભારત ઉપરાંત ઇન્ડોનેશિયા અને લાઓસ માંથી આયાત કરવામાં આવતી સોલર પ્રોડક્ટ્સ પર પણ આવા ઇમ્પોર્ટ ટેરિફ લાદવામાં આવ્યા છે.

ભારતની સોલર પ્રોડક્ટ પર તોતિંગ 125 ટકા ટેરિફ

અમેરિકન ડિપાર્ટમેન્ટની વેબસાઈટ પર પોસ્ટ કરવામાં આવેલી ફેક્ટ શીટ અનુસાર, ભારત માંથી અમેરિકામાં આયાત કરવામાં આવતા સોલર સેલ અને સોલર પેનલ્સપર હવે 125.87 ટકા ટેરિફ લાદવામાં આવ્યા છે. તો ઇન્ડોનેશિયા અને લાઓસ પર અનુક્રમે 104.38 ટકા અને 80.67 ટકા ટેરિફ વસૂલવામાં આવશે.

સરકારી વેપારના આંકડા દર્શાવે છે કે આ ત્રણેય દેશોની આયાતમાં 4.5 અબજ ડોલરનો હિસ્સો છે, જે 2025 ની કુલ આયાતનો લગભગ બે તૃતીયાંશ હિસ્સો છે.

ન્યૂઝ એજન્સી રોઇટર્સને ટાંકીને સરકારી વેપાર આંકડા દર્શાવે છે કે, આ ત્રણેય દેશોમાંથી કુલ 4.5 અબજ ડોલરની સોલર પ્રોડક્ટ્સ આયાત કરવામાં આવી હતી, જે 2025 ની કુલ આયાતના લગભગ બે તૃતીયાંશ છે. પરિણામે ટ્રમ્પ વહીવટીતંત્રે આરોપ લગાવ્યો હતો કે ભારત, ઇન્ડોનેશિયા અને લાઓસે સોલાર મેન્યુફેક્ચરિંગને અયોગ્ય સબસિડી આપી રહ્યા છે.

ભારતના સંદર્ભમાં અમેરિકાના વાણિજ્ય વિભાગે ખુલાસો કર્યો છે કે, વર્ષ 2024માં દક્ષિણ એશિયાના દેશમાંથી સોલર ઇમ્પોર્ટ 792.6 મિલિયન ડોલરની હતી, જે વર્ષ 2022ની તુલનામાં નવ ગણી વધુ છે.

ટ્રમ્પ વહીવટીતંત્રના 'અમેરિકા ફર્સ્ટ' એજન્ડાને આગળ વધારવા માટે આ નિર્ણયને અમેરિકન ઉત્પાદકો માટે પ્રોત્સાહન તરીકે જોવામાં આવે છે. જો કે, આ ટેરિફની અસર આખરે ગ્રાહકો માટે વધેલા ભાવના રૂપમાં સામે આવી શકે છે.

અમેરિકા જેવી જ વેપાર નીતિ ચીન અપનાવી રહ્યું છે. ચીને મંગળવારે જાપાનની 20 કંપનીઓને એક્સપોર્ટ કન્ટ્રોલ લિસ્ટ અને 20 અન્ય કંપનીઓને વોચ લિસ્ટમાં મૂકી છે. તાઇવાન અંગે જાપાની નેતાઓ દ્વારા અગાઉના નિવેદનો પર ચાલી રહેલા તણાવ વચ્ચે આ પગલું લેવામાં આવ્યું છે, જેને બેઇજિંગ પોતાનું હોવાનો દાવો કરે છે. વધુ વાંચવા અહીં ક્લિક કરો.