US Election 2024 : અમેરિકા રાષ્ટ્રપતિ ચૂંટણી મતદાન, ડોનાલ્ડ ટ્રમ્પ અને કમલા હેરિસ વચ્ચે રોમાંચક મુકાબલો

US Election Results 2024 Updates, અમેરિકા રાષ્ટ્રપતિ ચૂંટણી 2024 લેટેસ્ટ અપડેટ્સ : અમેરિકાની ચૂંટણીમાં નિર્ણાયક ક્ષણ આવી ગઈ છે. રાષ્ટ્રપતિની ચૂંટણી માટે મતદાન શરુ થઇ ગયું છે. ડોનાલ્ડ ટ્રમ્પ અને કમલા હેરિસ વચ્ચે ઘણો રસપ્રદ મુકાબલો છે. દુનિયાની સૌથી જૂની લોકશાહીમાં આ વખતે કોણ જીતવાનું છે તે તો થોડા સમયમાં જ ખબર પડી જશે. આ વખતે અમેરિકાની ચૂંટણીમાં ઘણા મુદ્દાઓનો દબદબો રહ્યો છે. વાત ગેરકાયદે ઇમિગ્રેશન હોય કે ગાઝા યુદ્ધ, ગર્ભપાત હોય કે મોંઘવારી દરેક મુદ્દે વિચારધારાની લડાઈ સ્પષ્ટ જોવા મળી છે.

અમેરિકામાં ભારતીય સમય પ્રમાણે સાંજે 4.30 કલાકે (અમેરિકામાં સવારના 6.00 કલાક)મતદાન શરુ થઇ ગયું છે. ત્યાં રાજ્યો પ્રમાણે અલગ-અલગ સમયે વોટિંગ થાય છે. મોટી વાત એ છે કે અમેરિકાની ચૂંટણીમાં ગમે તે પક્ષ જીતે તેની અસર આખી દુનિયા પર પડશે. વેપાર, અર્થવ્યવસ્થા અને દ્વિપક્ષીય સંબંધોને અસર થવાની જ છે. આવી સ્થિતિમાં ભારત સહિત દરેક દેશની નજર આ ચૂંટણી પર છે.

અમેરિકામાં કુલ 538 ઈલેક્ટોરલ વોટ

અમેરિકામાં કુલ 538 ઈલેક્ટોરલ કોલેજ વોટ છે, જેમાંથી 270 કે તેથી વધુ મેળવનાર ઉમેદવાર વિજેતા બને છે. દરેકની નજર એવા 'સ્વિંગ' રાજ્યો પર છે જ્યાં મતદારોએ હજુ સુધી કોઈ એક પક્ષને મત આપવાનું નક્કી કર્યું નથી. આ સાત સ્વિંગ સ્ટેટ્સમાં વિસ્કોન્સિન, મિશિગન, પેન્સિલવેનિયા, નેવાડા, એરિઝોના, નોર્થ કેરોલિના, જ્યોર્જિયા છે. જેમાં કુલ 93 ઈલેક્ટોરલ વોટ ચૂંટણીનું ભવિષ્ય નક્કી કરવામાં મહત્વની ભૂમિકા ભજવશે.

Nov 05, 2024 23:52 IST
US Election Results 2024 LIVE : અમેરિકામાં કુલ 538 ઈલેક્ટોરલ કોલેજ વોટ
અમેરિકામાં કુલ 538 ઈલેક્ટોરલ કોલેજ વોટ છે, જેમાંથી 270 કે તેથી વધુ મેળવનાર ઉમેદવાર વિજેતા બને છે. દરેકની નજર એવા 'સ્વિંગ' રાજ્યો પર છે જ્યાં મતદારોએ હજુ સુધી કોઈ એક પક્ષને મત આપવાનું નક્કી કર્યું નથી. આ સાત સ્વિંગ સ્ટેટ્સમાં વિસ્કોન્સિન, મિશિગન, પેન્સિલવેનિયા, નેવાડા, એરિઝોના, નોર્થ કેરોલિના, જ્યોર્જિયા છે. જેમાં કુલ 93 ઈલેક્ટોરલ વોટ ચૂંટણીનું ભવિષ્ય નક્કી કરવામાં મહત્વની ભૂમિકા ભજવશે.



Nov 05, 2024 22:54 IST
US Election Results 2024 LIVE : ડોનાલ્ડ ટ્રમ્પે ફ્લોરિડામાં મતદાન કર્યું
ડોનાલ્ડ ટ્રમ્પે ફ્લોરિડામાં પોતાનો મત આપ્યો છે. મીડિયા સાથે વાતચીત દરમિયાન તેમણે કહ્યું કે તેમને પોતાની જીતનો સંપૂર્ણ વિશ્વાસ છે અને અમેરિકાને ફરીથી મહાન બનાવવા માટે પ્રતિબદ્ધ છે. આ સમયે ફ્લોરિડામાં પણ મતદારોની લાંબી લાઇનો જોવા મળી રહી છે.



Advertisment
Nov 05, 2024 22:52 IST
US Election Results 2024 LIVE : અલાસ્કા, વોશિંગ્ટનમાં વોટિંગ શરુ
અમેરિકાના તમામ રાજ્યોમાં હવે ફુલ સ્પીડથી મતદાન શરૂ થઈ ગયું છે. અલાસ્કા અને વોશિંગ્ટનમાં મોટી સંખ્યામાં મતદારો તેમના મતાધિકારનો ઉપયોગ કરી રહ્યા છે. સ્વિંગ સ્ટેટ્સમાં પણ મતદાનની ગતિ વધી ગઇ છે.



Nov 05, 2024 20:42 IST
US Election Results 2024 LIVE : ફાઇનલ એક્ઝિટ પોલના આંકડા
PBS News/NPR/Marist નો એક્ઝિટ પોલ સામે આવ્યો છે જે દર્શાવે છે કે કમલા હેરિસને રાષ્ટ્રપતિની ચૂંટણીમાં ચાર ટકાની લીડ મળી ગઇ છે. જયારે ટ્રમ્પને હજુ પણ પુરૂષ મતદારોમાં વધુ સમર્થન મળે છે. મહિલા વોટરોમાં કમલા હેરિસની લોકપ્રિયતા છે.



Nov 05, 2024 19:55 IST
US Election Results 2024 LIVE : તેલંગાણામાં કમલા હેરિસ માટે 11 દિવસનો યજ્ઞ
તેલંગાણામાં કમલા હેરિસ માટે 11 દિવસના યજ્ઞ રાખવામાં આવ્યો છે. એવા અહેવાલ છે કે ભદ્રાદ્રી કોઠાગુડેમ જિલ્લાના પલવંચામાં શ્યામલા ગોપાલન ફાઉન્ડેશન આ સમયે કમલા હેરિસની જીત માટે પ્રાર્થના કરી રહ્યા છે.



Nov 05, 2024 19:19 IST
US Election Results 2024 LIVE : સ્વિંગ સ્ટેટ પેંસિલ્વેનિયામાં મતદારોની લાંબી કતાર
આ વખતે અમેરિકામાં સાત સ્વિંગ સ્ટેટ છે જે નક્કી કરશે કે વ્હાઇટ હાઉસ પર કોણ શાસન કરશે. જો પેંસિલ્વેનિયાની વાત કરીએ તો અહીં સવારથી જ લાંબી કતારો જોવા મળી રહી છે. બીબીસીના અહેવાલ મુજબ અહીં ઘણા મતદારો કમલા હેરિસનું સમર્થન કરતા જોવા મળે છે.



Nov 05, 2024 18:50 IST
US Election Results 2024 LIVE : વોટિંગ શરૂ થયા બાદ કમલા હેરિસનું પ્રથમ ટ્વિટ
વોટિંગ શરૂ થયા બાદ ડેમોક્રેટ ઉમેદવાર કમલા હેરિસ તરફથી પ્રથમ ટ્વિટ કરવામાં આવ્યું છે. તેમણે કહ્યું છે કે આજે ચૂંટણીનો દિવસ આવી ગયો છે, આપણે એ ન ભૂલવું જોઈએ કે આપણે મત એટલા માટે આપીએ છીએ કારણ કે આપણે આપણા દેશને ખૂબ પ્રેમ કરીએ છીએ. આપણે અમેરિકાના વાયદામાં વિશ્વાસ કરીએ છીએ.



Nov 05, 2024 18:47 IST
US Election Results 2024 LIVE : સ્વિંગ સ્ટેટ નોર્થ કેરોલિનામાં વોટિંગ શરૂ
અમેરિકાના મોટા સ્વિંગ સ્ટેટ કેરોલિનામાં પણ વોટિંગ શરૂ થઈ ગયું છે. દરેકની નજર આ રાજ્યમાં થઈ રહેલા મતદાન પર છે કારણ કે તાજેતરમાં હેલેન વાવાઝોડાને કારણે ભારે વિનાશ જોવા મળ્યો હતો. જેના કારણે લોકોમાં આક્રોશ હતો કે બિડેન વહીવટીતંત્રે સમયસર જરૂરી પગલાં લીધાં નથી. ટ્રમ્પે 2020માં આ રાજ્ય ચોક્કસપણે જીતી લીધું હતું પરંતુ કટ્ટર હરીફાઈ જોવા મળી હતી.



Nov 05, 2024 17:41 IST
US Election Results 2024 LIVE : ભારત માટે કોણ ફાયદાકારક છે?
આ ચૂંટણી પર ભારતની ચાંપતી નજર છે. ડોનાલ્ડ ટ્રમ્પ કે કમલા હેરિસ કોઇપણ જીતે ભારત પર તેની અસર પડશે. ડોનાલ્ડ ટ્રમ્પની વાત કરીએ તો તેમના સત્તામાં આવવાથી આતંકવાદ પર ભારતની ઝીરો ટોલરન્સ નીતિ મજબૂત થઇ શકે છે. આ ઉપરાંત તેમના આગમનથી ભારતીયો માટે વિઝા નિયમો વધુ કડક બની શકે છે.
કમલા હેરિસની વાત કરીએ તો તે મૂળ ભારતીય હોવાના કારણે માનવામાં આવે છે કે તે ભારતની સંસ્કૃતિને પણ એટલી જ સારી રીતે સમજશે. આ ઉપરાંત વિઝા પર ટ્રમ્પ કરતા તેમની વિચારધારા નરમ છે, તેથી ભારતીયોને તેનો લાભ મળી શકે છે. પરંતુ કેટલીક વખત તેમની આકરી ટીપ્પણી જે રીતે ભારત વિરુદ્ધ રહી છે, તેનાથી સંબંધો પર ચોક્કસ અસર પડી શકે છે.



Nov 05, 2024 17:41 IST
US Election Results 2024 LIVE : ન્યૂ હેમ્પશાયરમાં મતગણતરી શરૂ
કેનેડાની સરહદ નજીક ન્યૂ હેમ્પશાયરમાં મધરાતે મતદાન શરૂ થયું હતું. આ કારણોસર આ વિસ્તારમાં પ્રથમ મતગણતરી પણ શરૂ થઇ ગઇ છે. પ્રારંભિક વલણો બતાવે છે કે ટ્રમ્પ અને કમલા બંનેએ ત્રણ-ત્રણ વોટ જીત્યા છે.



Nov 05, 2024 17:33 IST
US Election Results 2024 LIVE : સર્વેમાં કોણ આગળ છે?
અમેરિકાની ચૂંટણીના પ્રારંભિક સર્વેમાં કમલા હેરિસને થોડી લીડ જોવા મળી રહી છે. ન્યૂયોર્ક ટાઈમ્સના પોલ મુજબ કમલા હેરિસને 49 ટકા વોટ મળતા જોવા મળી રહ્યા છે, જ્યારે ડોનાલ્ડ ટ્રમ્પને 48 ટકા વોટ મળી શકે છે.



Nov 05, 2024 17:32 IST
US Election Results 2024 LIVE : અમેરિકામાં ભારતીય સમય પ્રમાણે સાંજે 4.30 કલાકે વોટિંગ શરુ
અમેરિકામાં ભારતીય સમય પ્રમાણે સાંજે 4.30 કલાકે (અમેરિકામાં સવારના 6.00 કલાક)મતદાન શરુ થઇ ગયું છે. ત્યાં રાજ્યો પ્રમાણે અલગ-અલગ સમયે વોટિંગ થાય છે.



Nov 05, 2024 17:32 IST
US Election Results 2024 LIVE : અમેરિકાની રાષ્ટ્રપતિની ચૂંટણી માટે મતદાન શરુ
અમેરિકાની ચૂંટણીમાં નિર્ણાયક ક્ષણ આવી ગઈ છે. રાષ્ટ્રપતિની ચૂંટણી માટે મતદાન શરુ થઇ ગયું છે. ડોનાલ્ડ ટ્રમ્પ અને કમલા હેરિસ વચ્ચે ઘણો રસપ્રદ મુકાબલો છે. દુનિયાની સૌથી જૂની લોકશાહીમાં આ વખતે કોણ જીતવાનું છે તે તો થોડા સમયમાં જ ખબર પડી જશે.