Bajaj Chetak C25: બજાજ ઓટોનું સૌથી સસ્તુ ઇલેક્ટ્રિક સ્કૂટર લોન્ચ, 113 કિમી રેન્જ અને એડવાન્સ ફીચર્સ

Bajaj Chetak C25 Price: બજાજ ચેતક સી25 ઇલેક્ટ્રિક સ્કૂટરમાં 2.5 kWh બેટરી આવે છે, જે 113 કિમી સુધીની રેન્જ આપે છે. તેમા હિલ હોલ્ડ આસિસ્ટ છે, જેની મદદથી પહાડી વિસ્તારમાં આ ઇલેક્ટ્રિક સ્કૂટર સરળતાથી ઉપર ચઢી જાય છે. જાણો નવા બજાજ ચેતક સી25 ની કિંમત અને ફીચર્સ

Written byAjay Saroya

Bajaj Chetak C25 Price: બજાજ ચેતક સી25 ઇલેક્ટ્રિક સ્કૂટરમાં 2.5 kWh બેટરી આવે છે, જે 113 કિમી સુધીની રેન્જ આપે છે. તેમા હિલ હોલ્ડ આસિસ્ટ છે, જેની મદદથી પહાડી વિસ્તારમાં આ ઇલેક્ટ્રિક સ્કૂટર સરળતાથી ઉપર ચઢી જાય છે. જાણો નવા બજાજ ચેતક સી25 ની કિંમત અને ફીચર્સ

Ajay Saroya

16 Jan 2026 16:13 IST

New Update

Bajaj Chetak C25 Launch | Bajaj Chetak C25 Price | bajaj electric scooter — Bajaj Chetak C25: બજાજ ચેતક સી25 ઇલેક્ટ્રિક સ્કૂટર લોન્ચ થયું છે. Photograph: (Bajaj)

સ્ત્રોત: Bajaj

1/7

Bajaj Chetak C25 Electric Scooter : બજાજ ચેતક સી25 ઇલેક્ટ્રિક સ્કૂટર લોન્ચ

ઇલેક્ટ્રિક સ્કૂટર ખરીદવાનું વિચારતા લોકો માટે એક સારા સમાચાર આવ્યા છે. બજાજ ઓટો કંપનીએ તેનું સૌથી સસ્તું ચેતક ઇલેક્ટ્રિક સ્કૂટર Bajaj Chetak C25 લોન્ચ કર્યું છે. બજાજ ચેતક સી25 આકર્ષક મોડલ ડિઝાઇન, એડવાન્સ ફીચર્સ અને પાવરફુલ બેટરી રેન્જથી સજ્જ છે.

સ્ત્રોત: Bajaj

2/7

Bajaj Chetak C25 આકર્ષક રેટ્રો લુક

બજાજ Chetak C25 ઇલેક્ટ્રિક સ્કૂટરમાં નિયો રેટ્રો ડિઝાઇન જોવા મળે છે, જેની માટે ચેતક પ્રખ્યાત છે. એટલે કે લુક ડિઝાઇન મામલે તે અન્ય ચેતક મોડલ જેવું છે. આગળનું એપ્રન બહુ સિમ્પલ છે,,જેમા સામાન્ય કર્વ તેને ક્લિન લુક આપે છે. તેમા ર્હાર્સશૂ શેપ LED હેન્ડલેમ્પ આવે છે. સાઇડ પેન્લસમાં નવા ગ્રાફિક્સ જોડવામાં આવ્યા છે, જ્યારે પાછળની બાજુ નવા ટેલલાઇટ ડિઝાઇન આપી છે, જે તેને જુના મોડલ કરતા અલગ લુક આપે છે.

સ્ત્રોત: Bajaj

3/7

Bajaj Chetak C25 મેટાલિક બોડી

બજાજ ચેતક સી25 ભારતમાં એક માત્ર ઇલેક્ટ્રિક સ્કૂટર છે, જેની સંપૂર્ણ મેટાલિક બોડી આવે છે. તેમા 2.5 લીટરની બુટ સ્પેસ મળે છે અને 650 મીમી લાંબી ફુલ લેન્થ સીટ આવે છે, જે રોજિંદા વપરાશ માટે આરામદાયક બનાવે છે. આ સ્કૂટર રેસિંગ રેડ, મિસ્ટી યેલો, ઓશન ટીલ, એક્ટિવ બ્લેક, ઓપલસેન્ટ સિલ્વર અને ક્લાસિક વ્હાઇટ જેવા 6 કલરમાં ઉપલબ્ધ છે.

Advertisment

સ્ત્રોત: Bajaja

4/7

બજાજ ચેતક સી25 ફીચર્સ

નવા બજાજ ચેતક સી25 ઇલેક્ટ્રિકસ્કૂટરમાં કલર LCD ડિસ્પ્લે આવે છે, જે સ્માર્ટફોન કનેક્ટિવિટી ધરાવે છે, જેનાથી કોલ અને SMS નોટિફિકેશન, ટર્ન બાય ટર્ન નેવિગેશન અને મ્યૂઝિક કન્ટ્રોલ જેવા ફીચર્સ મળે છે. તેમા હિલ હોલ્ડ આસિસ્ટ પણ આવે છે, જેની મદદથી આ ઇવી સ્કૂટર લોકો સાથે 19 ટકા સુધી ચઢાઇ સરળતાથી ચઢી શકે છે. આમ આ બજાજ ઇલેક્ટ્રિક સ્કૂટર શહેરી અને પહાડી વિસ્તારમાં ચલાવવા માટે ઉત્તમ વિકલ્પ છે.

સ્ત્રોત: Bajaj

5/7

Bajaj Chetak C25 બેટરી, મોટર અને રેન્જ

બજાજ ચેતક સી25 ઇલેક્ટ્રિક સ્કૂટરમાં ફ્લોરબોર્ડ નીચે 2.5 kWh ની બેટરી આવે છે, જે 2.2 kW ઇલેક્ટ્રિક મોટરને પાવર આપે છે, કંપનીના કહેવા મુજબ, આ ઇલેક્ટ્રિક સ્કૂટરની બેટરી એક વખત ચાર્જ કર્યા બાદ 113 કિમી સુધીની રેન્જ આપે છે. તેની ટોપ સ્પીડ 55 કિમી પ્રતિ કલાક છે. એટલે કે રોજિંદા અવરજવર માટે બેસ્ટ ઇલેક્ટ્રિક સ્કૂટર છે.

સ્ત્રોત: Bajaj

6/7

બજાજ ચેતક સી25ની ખાસિયત

બજાજ ઓટો કંપનીના કહેવા મુજબ, ચેતક સી25 ઇલેક્ટ્રિક સ્કૂટરની બેટરી 0 થી 80 ટકા સુધી ચાર્જ થવામાં 2 કલાક અને 25 મિનિટ જેટલો સમય લાગે છે. આ ઇલેક્ટ્રિક સ્કૂટર સાથે 750Wનું ઓફ બોર્ડ ચાર્જર આવે છે, જેના વડે બેટરી 0 થી 100 ટકા ચાર્જ થવામાં 4 કલાક જેટલો સમય લાગે છે. સસ્પેન્શનની વાત કરીયે તો તેના ફ્રન્ટમાં ટેલીસ્કોપિક ફોર્ક અે પાછળની તરફ ડ્યુઅલ શોક એબ્જોર્બર આપવામાં આવ્યા છે, જેની મોટર હબ માઉન્ડેટ છે, જે આરામદાયક મુસાફરીનો અનુભવ આપે છે.

Advertisment

સ્ત્રોત: Social Media

7/7

Bajaj Chetak C25 Price : બજાજ ચેતક સી25 કિંમત

ચેતક સી25 બજાજ ઓટોનું સૌથી સસ્તુ ઇલેક્ટ્રિક સ્કૂટર છે. બજાજ ચેતક સી25 ઇલેક્ટ્રિક સ્કૂટરની આરંભિક કિંમત 91,399 રૂપિયા એક્સ શોરૂમ છે. આમ 1 લાખ રૂપિયાથી ઓછી કિંમતના ઇલેક્ટ્રિક સ્કૂટરમાં બજાજ ચેતક સી25 મોડલનો સમાવેશ થાય છે. આ લેટેસ્ટ બજાજ ઇલેક્ટ્રિક સ્કૂટરનું વજન 107 થી 108 કિલો છે, તેમા IP67 રેટેડ સિક્યોરિટી મળે છે. સલામતી માટે આ ઇલેક્ટ્રિક સ્કૂટરમાં ડિસ્ક બ્રેક અને હિલ હોલ્ડ આસિસ્ટ આવે છે.

electric vehicles Auto news બિઝનેસ