Advertisment
FE Budget 2026
Co-presented by
Associate Sponsor
ધર્મ Photos

શ્રાવણમાં ગુજરાતના આ પ્રસિદ્ધ શિવ મંદિરોનો કરો પ્રવાસ, ભગવાન ભોળાનાથના આશીર્વાદ સાથે કૂદરતી સૌદર્યની મળશે મજા

shravan 2024, શ્રાવણ 2024, ગુજરાત પ્રસિદ્ધ શિવ મંદિરો : ભગવાન શિવનો અતિ પ્રિય આ મહિનામાં શિવ મંદિરોમાં ભક્તિમય વાતાવરણ સાથે પૂજા અર્ચના થાય છે. ત્યારે અહીં ગુજરાતના જાણિતા શિવ મંદિરો વિશે જણાવીશું જ્યાં તમે શ્રાવણ મહિનામાં ભોળાનાથના દર્શન કરવા જઈ શકો છો.

Written byAnkit Patel

shravan 2024, શ્રાવણ 2024, ગુજરાત પ્રસિદ્ધ શિવ મંદિરો : ભગવાન શિવનો અતિ પ્રિય આ મહિનામાં શિવ મંદિરોમાં ભક્તિમય વાતાવરણ સાથે પૂજા અર્ચના થાય છે. ત્યારે અહીં ગુજરાતના જાણિતા શિવ મંદિરો વિશે જણાવીશું જ્યાં તમે શ્રાવણ મહિનામાં ભોળાનાથના દર્શન કરવા જઈ શકો છો.

author-image
Ankit Patel
પર અપડેટ કર્યું
New Update
Shravan 2024, sawan 2024, Gujarat famous shiva mandir
Gujarat famous Bhadkeshwar Mahadev mandir ભડકેશ્વર મહાદેવ મંદિર, દ્વારકા : દ્વારકા ખાતે જગતમંદિરથી માત્ર 2 કિ.મી.ના અંતરે અરબી સમુદ્રમાં એક પુરાતન શિવલિંગ આવેલું છે. આશરે પાંચ હજાર વર્ષ પહેલાં અરબી સમુદ્રમાંથી સ્વયંભૂ પ્રગટ થયેલા શિવલિંગની સ્થાપના આ મંદિરમાં થઈ હોવાની માન્યતા છે. દિવસમાં એક વખત પાતાળ સરસ્વતી નદી દ્વારા ભડકેશ્વર મહાદેવને અભિષક કરાતો હોવાની માન્યતાને લીધે આ મંદિર ભાવિકો માટે અનોખું ગણાય છે.
Shravan 2024, sawan 2024, Gujarat famous shiva mandir
Gujarat famous Bhavnath Mahadev mandir, ભવનાથ મહાદેવ, જુનાગઢ : ભગવાન શિવજીના ધામની વાત આવે અને જૂનાગઢના ગિરનારની તળેટીમાં આવેલા ભવનાથ મહાદેવનો ઉલ્લેખ ન થાય એવું ક્યારે ન બને. ભવનાથ મહાદેવનું મંદિર ગિરનારની ગોદમાં વસેલું છે. કહેવાય છે કે આ સ્થાન પર ભગવાન શિવ સ્વયંભૂ પ્રગટ્યા હતા. ભોળાનાથ ગિરનારમાં હોવાનું માલૂમ પડતા મા પાર્વતી અહીં આવ્યાં અને તપ કર્યું. બાદમાં 33 કોટી દેવતા આવ્યાને તેમણે પણ તપ કર્યું. આખરે શિવજી સ્વયભૂં ભવનાથના રૂપમાં પ્રગટ થયાને પાર્વતીજીનું શિવજી સાથે મિલન થયું. ભવનાથ મંદિરમાં બે શિવલિંગ છે. નાનું શિવલિંગ સ્વયંભૂ છે. જ્યારે મોટા શિવલિંગની સ્થાપના અશ્વત્થામાએ કરેલી છે.
Shravan 2024, sawan 2024, Gujarat famous shiva mandir
Gujarat famous Galteshwar Mahadev mandir, ગળતેશ્વર મહાદેવ મંદિર, સરનાલ : ગુજરાતના ઐતિહાસિક પર્યટન અને ધાર્મિક સ્થ ળોમાંના ખેડા જિલ્લાીના ઠાસરા તાલુકાનું ગળતેશ્વરનું પણ ખુબ મહત્વ્ છે. તાલુકાના સરનાલ ગામ પાસે મહિસાગર અને ગળતી નદીના સંગમ સ્થા ને આ ધાર્મિક સ્થેળ આવેલું છે. સુપ્રસિધ્ધે ડાકોરના ઠાકોરજીના ધામથી ૧૦ થી 12 કિ.મી.ના અંતરે આવેલા આ ગળતેશ્વર મહાદેવ ખાતે દર વર્ષે લાખો ભાવિક ભક્તો અને પર્યટકો આવતા હોય છે. અનેક વખત અધુરા રહેલા શિખરને પૂર્ણ કરવાના અથાક પ્રયત્નોય થયા હોવા છતાં હાલ આ મંદિર શિખર વગરનું જોવા મળે છે.
Shravan 2024, sawan 2024, Gujarat famous shiva mandir
Gujarat famous Gangeshwar Mahadev mandir: ગંગેશ્વર મહાદેવનું મંદિર, દીવ : દીવનાં ફુદમ પાસે પ્રસિદ્ધ ગંગેશ્વર મહાદેવનું મંદિર આવેલું છે. અહીંયા પાંચ પાંડવોએ પાંચ શિવલીંગની સ્થાપના કરી હોવાનું મનાય છે. આ પાંચ શિવલીંગને સમુદ્રદેવ દરરોજ જલાભિષેક કરે છે. આ મંદિર પાંચ હજાર વર્ષ પૌરાણીક હોવાનું માનવામાં આવે છે.
Shravan 2024, sawan 2024, Gujarat famous shiva mandir
Gujarat famous Koteshwar Mahadev mandir કોટેશ્વર મહાદેવ મંદિર, કચ્છ : કચ્છના લખપત તાલુકા આવેલ કોટેશ્વર મહાદેવ મંદિર પ્રાચીન મંદિર માનવામાં આવે છે. સમુદ્રકાંઠે આવેલું આ સ્થળ અહીંના પુરાણ પ્રસિદ્ધ કોટી શિવલિંગોના કારણે પ્રખ્યાત બન્યું છે. હિંદુ ધર્મ માટે આ યાત્રાનું સ્થળ છે. તે કચ્છને જોડતી ભારતની સરહદે આવેલું અંતિમ ગામ છે. ત્યાંથી દરિયામાં આંતરરાષ્ટ્રિય સરહદ આવેલી છે. સામા કાંઠે કરાચી આવેલું હોવાથી અહીંથી રાત્રે ત્યાંનો પ્રકાશ પણ નિહાળી શકાય છે.
Shravan 2024, sawan 2024, Gujarat famous shiva mandir
Gujarat famous Nageshwar Mahadev mandir નાગેશ્વર જ્યોર્તિલિંગ, દ્વારકા : નાગેશ્વરને 'દારુકાવન' તરીકે પણ ઓળખવામાં આવતું આ મંદિર દ્વારકાથી બેટદ્વારકા જવાના રસ્તા પર આવેલું છે. આ મંદિરમાં ભગવાન શિવજીનું જ્યોતિર્લિંગ આવેલું છે, જે હિન્દુ શાસ્ત્રના 12 જ્યોતિર્લિંગ પૈકીનું એક ગણાય છે. લોકમાન્યતા મુજબ, પુરાતનકાળમાં દારુક નામનો અસુર અહીં રહેતો હતો. તેની પત્ની દારુકા માતા પાર્વતીની ભક્ત હતી અને તેમની કઠિન તપશ્ચર્યા કરી હતી, જેનાંથી પ્રસન્ન થઈને પાર્વતી માતાએ આ વનને તેનું નામ આપતા દારુકાવન તરીકે આ સ્થળ ઓળખાયું હતું.
Shravan 2024, sawan 2024, Gujarat famous shiva mandir
Gujarat famous Nilshkalank Mahadev mandir, નિષ્કલંક મહાદેવ, ભાવનગર : ભાવનગરના કોળીયાક બીચ ઉપર દરિયામાં અંદર આવેલાં નિષ્કલંક મહાદેવના મંદિરે દર્શન કરવા જવાનું મન અચુક થાય. આદિકાળથી દરીયાની વચ્ચે મહાદેવજી અહીં બિરાજમાન છે. રોજે દરિયો મહાદેવજીને પોતાના પાણીમાં સમાવી લે છે અને દરીયાના પાણીથી શિવજીને જળાભિષેક કરાવે છે. અહીં દર્શન કરવા આવતા દર્શનાર્થીઓ પાણીમાં ચાલીને મંદિરે દર્શન કરવા પહોંચે છે. નિષ્કલંક મંદિરે શિવજીનાં પાંચ સ્વયંભૂ લિંગ છે.
Shravan 2024, sawan 2024, Gujarat famous shiva mandir
Gujarat famous Somanath Mahadev mandir સોમનાથ મહાદેવ, ગીર સોમનાથ : દેશનું પ્રથમ જ્યોતિર્લિંગ એટલે ગુજરાતના દરિયાકાંઠે આવેલું સોમનાથ મહાદેવનું મંદિર. ગીર સોમનાથ જિલ્લામાં આવેલું સોમનાથ મહાદેવ મંદિરનું ઐતિહાસિક અને ધાર્મિક રીતે આવગું મહત્વ છે. શ્રાવણ મહિનામાં અહીં ભક્તોનું ઘોડાપૂર ઉમેટે છે અને ભોળાનાથના દર્શન કરીને ધન્યતા અનુભવે છે.
Shravan 2024, sawan 2024, Gujarat famous shiva mandir
Gujarat famous Stambheshar Mahadev mandir, સ્તંભેશ્વર મહાદેવ મંદિર, ભરૂચ : ભરુચ જિલ્લાના કાવી ગામ પાસે દરિયાકાંઠે સ્તંભેશ્વર મહાદેવનું મંદિર આવેલું છે. અહીંથી દરિયો માત્ર 50 મીટર દૂર છે. ભરતી સમયે આખું શિવલિંગ દરિયામાં ડૂબી જાય છે. ધીરે ધીરે પાણી ઓસરતાં ભગવાન શિવ ખુદ પ્રગટ થતાં હોય તેવું અલૌલિક દૃશ્ય રચાય છે. મહાદેવજીનાં દર્શન કરવા દરિયાનાં પાણીમાં ઓટ આવે ત્યાં સુધી રાહ જોવી પડે છે. આ સ્થળ "ગુપ્તતીર્થ" કે "સંગમતીર્થ" તરીકે પણ ઓળખાય છે.
શ્રાવણ તહેવાર ધર્મ ભક્તિ