Anant Radhika Wedding | અનંત રાધિકાના લગ્નમાં કઈ મોટી હસ્તીઓ આપશે હાજરી? ભારત સહિત વિશ્વમાંથી આવશે મહેમાનો

અનંત અંબાણી (Anant Ambani) અને રાધિકા મર્ચન્ટ (Radhika Merchant) 12 જુલાઈના રોજ લગ્નના બંધનમાં બંધાશે. દરેક વ્યક્તિ એ જોવા માટે ઉત્સાહિત છે કે લગ્ન કેટલા ભવ્ય થવા જઈ રહ્યા છે. દંપતીના પ્રિ લગ્નના સેલિબ્રેશન માટે વિશ્વભરમાંથી ઘણી પ્રસિદ્ધ હસ્તીઓ ભારતમાં આવી હતી. અને હવે લગ્ન માટે પણ ઘણા લોકપ્રિય નામોની લિસ્ટ સામે આવી છે, જેઓ આ સેલિબ્રેશનમાં ચાર ચાંદ લગાવી દેશે. કિમ કાર્દાશિયન અને તેની બહેન ખ્લો કાર્દાશિયન, જય શેટ્ટીથી લઈને યુકેના ભૂતપૂર્વ પીએમ ટોની બ્લેર અને બોરિસ જોન્સન જેવી ઘણી પ્રતિષ્ઠિત રાજકીય હસ્તીઓ અપેક્ષિત મહેમાનોની લિસ્ટમાં સામેલ છે.

અનંત અંબાણી અને રાધિકા મર્ચન્ટના લગ્નમાં હોલીવુડની જાણીતી હસ્તીઓમાં મીડિયા રિપોર્ટ મુજબ, કિમ કાર્દાશિયન અને ખલો કાર્દાશિયન જેવા હોલીવુડના લોકપ્રિય નામો અનંત અંબાણી અને રાધિકા મર્ચન્ટના લગ્નમાં સામેલ થશે. એવા પણ રિપોર્ટ મુજબ પ્રખ્યાત ભવિષ્યવાદી પીટર ડાયમંડિસ, જેફ કુન્સ અને લોકપ્રિય સેલ્ફ હેલ્પ કોચ અને ઇન્ફ્યુએન્સર જય શેટ્ટી લવબર્ડ્સના વેડીંગમાં હાજરી આપતી ઘણી આંતરરાષ્ટ્રીય હસ્તીઓમાં સામેલ છે.

લગ્નમાં ભારતમાંથી નહીં પરંતુ સમગ્ર વિશ્વમાંથી રાજકીય જગતના ઘણા મોટા નામો આ કાર્યક્રમમાં હાજરી આપે તેવી શક્યતા છે. આંધ્રપ્રદેશના સીએમ એન ચંદ્રબાબુ નાયડુ, તેમના ડેપ્યુટી પવન કલ્યાણ, આંધ્રપ્રદેશના મંત્રી નારા લોકેશ, પશ્ચિમ બંગાળના સીએમ મમતા બેનર્જી અને યુપીના સીએમ યોગી આદિત્યનાથ ત્યાં હાજર રહેશે.

આ નામો ઉપરાંત, જોન કેરી, ભૂતપૂર્વ યુકે પીએમ ટોની બ્લેર અને બોરિસ જોન્સન, ભૂતપૂર્વ ઇટાલિયન પીએમ માટ્ટેઓ રેન્ઝી જેવા ઘણા આંતરરાષ્ટ્રીય મહાનુભાવો પણ હાજર રહેશે. માલદીવના ભૂતપૂર્વ રાષ્ટ્રપતિ મોહમ્મદ નશીદ, તાન્ઝાનિયાના પ્રમુખ એચઈ સામિયા સુલુહુ હસન, ભૂતપૂર્વ ઑસ્ટ્રિયાના PM સેબાસ્ટિયન કુર્ઝ, કેનેડાના ભૂતપૂર્વ વડા પ્રધાન સ્ટીફન હાર્પર અને ભૂતપૂર્વ સ્વીડિશ PM કાર્લ બિલ્ડટને પણ લગ્નમાં આમંત્રણ આપવામાં આવ્યું છે.

10 જુલાઈના રોજ, એન્ટિલિયા ખાતે શિવ શક્તિ પૂજાનું આયોજન કરવામાં આવ્યું હતું, જેમાં રણવીર સિંહ, જાહ્નવી કપૂર અને અન્ય જેવા બોલિવૂડ સેલિબ્રિટીઓએ હાજરી આપી હતી. અમિત ત્રિવેદીએ કાર્યક્રમમાં રજૂઆત કરી હતી.

અનંત અંબાણી અને રાધિકા મર્ચન્ટનો શુભ વિવાહ 12 જુલાઈ, 2024ના રોજ મુંબઈના જિયો વર્લ્ડ સેન્ટર ખાતે યોજાશે. ત્યારબાદ શુભ આશીર્વાદ સમારોહ થશે. પછી 14 જુલાઈ, 2024 ના રોજ ભવ્ય રિસેપ્શન સાથે બધા સમારોહ સમાપ્ત થશે.