Bigg Boss 17 : વિક્કી જૈન આ ક્રિકેટ ટીમના માલિક, પત્ની અંકિતા લોખંડેથી ચાર ગણી વધુ સંપત્તિ છે

Bigg Boss 17 : ટેલિવિઝન એક્ટ્રેસ અંકિતા લોંખડે અને વિકી જૈન બિગ બોસ 17માં ખુબ જ લાઇમલાઇટમાં રહે છે. શું તમે જાણો છો કે વિકી જૈન બહુ મોટા બિઝનેસમેન છે. વિકી જૈનની સંપત્તિ અંકિતા લોખંડે કરતાં ચાર ગણી છે.

November 21, 2023 10:26 IST

સલમાન ખાનના શો 'બિગ બોસ 17'માં ફેન્સને ભરપૂર મનોરંજનનો ડોઝ મળી રહ્યો છે. શોમાં તમામ સ્પર્ધકોનું દબદબો છે. જેમાંથી એક અભિનેત્રી અંકિતા લોખંડે અને તેના પતિ વિકી જૈન છે. આ દંપતી લાઈમલાઈટમાં રહેવાની કોઇ તક છોડતું નથી.

અંકિતા અને વિકી મોટાભાગે બિગ બોસના ઘરમાં અંગત બાબતોને લઈને લડતા જોવા મળે છે. તો આ જોડી લોકોનું ખૂબ મનોરંજન પણ કરી રહી છે.

જો રિપોર્ટ્સનું માનીએ તો અંકિતા લોખંડે બિગ બોસ માટે મોટી ફી વસૂલી રહી છે. રિપોર્ટ્સ અનુસાર અંકિતાને દરેક એપિસોડ માટે 12 લાખ રૂપિયા મળે છે. જ્યારે તેના પતિ વિકી જૈનને 5 લાખ રૂપિયા મળે છે.

શું તમે જાણો છો કે વિકી જૈન બહુ મોટા બિઝનેસમેન છે. એક તરફ અંકિતાની કુલ સંપત્તિ 25 કરોડ રૂપિયા છે, જ્યારે વિકી 100 કરોડ રૂપિયાની સંપત્તિનો માલિક છે.

તમને જણાવી દઈએ કે, વિકી જૈનને રમતગમતનો ખૂબ જ શોખ છે અને તે બોક્સ ક્રિકેટ લીગ (BCL) ટીમ મુંબઈ ટાઈગર્સનો સહ-માલિક છે.

આ સિવાય તેઓ મહાવીર ઈન્સ્પાયર ગ્રુપના મેનેજિંગ ડિરેક્ટર છે. આ કંપની બિલાસપુરમાં કોલસાનો વેપાર, વોશરી, લોજિસ્ટિક્સ, પાવર પ્લાન્ટ, રિયલ એસ્ટેટ અને હીરાનો વેપાર કરે છે.