IC 814 : કેપ્ટન દેવી શરણ લાહોરમાં પ્લેન ક્રેશ કરવા માટે તૈયાર હતા? શરણે કર્યો ખુલાસો

ડિસેમ્બર 1999માં ઈન્ડિયન એરલાઈન્સની ફ્લાઈટ IC 814 (IC 814) નું હાઈજેક થવાથી સમગ્ર દેશ ચોંકી ગયો હતો કારણ કે આતંકવાદીઓએ કાઠમંડુથી દિલ્હી જઈ રહેલા પેસેન્જર એરક્રાફ્ટ પર કબજો જમાવ્યો હતો.

આખરે અફઘાનિસ્તાનના કંદહારમાં ઉતરાણ કરતા પહેલા પ્લેનને ઘણા સ્થળોએ લાહોર અને અમૃતસર તરફ વાળવામાં આવ્યું હતું. તાજેતરની વાતચીતમાં, ફ્લાઇટના ઇન્ચાર્જ પાયલોટ કેપ્ટન દેવી શરણે કરૂણ અનુભવ વર્ણવ્યો હતો અને જાહેર કર્યું હતું કે તેઓ પાકિસ્તાનના લાહોરમાં વિમાનને ક્રેશ કરવા માટે તૈયાર હતા કારણ કે ઇંધણના પૂરવઠામાં માત્ર દોઢ કલાક ચાલે તેટલુંજ ઇંધણ હતું.

CNN સાથે વાત કરતા કેપ્ટન શરણે સમજાવ્યું કે કેવી રીતે અપહરણકર્તાઓએ શરૂઆતમાં તેમને ફ્લાઇટ પાકિસ્તાન લઇ જવાની સૂચના આપી હતી. જો કે, જ્યારે તેઓને લેન્ડ કરવાની પરવાનગી ન આપી ત્યારે તેણે ફ્લાઈટને અમૃતસર તરફ ડાયવર્ટ કરી હતી. પરિસ્થિતિ ત્યારે વધી ગઈ જ્યારે અપહરણકર્તાઓ ખતરનાક રીતે ઓછા ઈંધણ પર અમૃતસરથી ઉપડવાની ફરજ પાડી હતી.

ક્રેશ થવાનો ઈરાદો હોવા છતાં શરણે જમીન પર લોકોને જોયા પછી લેન્ડિંગમાં વિલંબ કરવાનો નિર્ણય કર્યો. પરંતુ પાકિસ્તાની એરપોર્ટ સત્તાવાળાઓએ જોખમને સમજીને ફ્લાઇટને સમયસર ઉતરાણ કરવાની મંજૂરી આપી. તે દરમિયાન, (પાકિસ્તાની એરપોર્ટ અધિકારીઓ)ને ખબર પડી કે અમારે આ વિમાન ક્રેશ કરવાનું છે. પછી તેઓએ મને રનવે (ક્લિયરન્સ) આપ્ય ... મારી પાસે લગભગ દોઢ મિનિટનું બળતણ બાકી હતું તેથી સદનસીબે હું રનવે પર ઉતર્યો.'જો કે, શરણ અને તેના મુસાફરો માટે અગ્નિપરીક્ષા હતી. લાહોર એરપોર્ટ પર ઇંધણ ભર્યા પછી, હાઇજેકરોએ વિમાનને સંયુક્ત આરબ અમીરાત (યુએઇ) જવાની માંગ કરી, જ્યાં તેઓએ 26 મુસાફરો અને ફ્લાઇટમાં માર્યા ગયેલા મુસાફરના મૃતદેહને ફ્રી કર્યા હતા.

ફ્લાઇટ આખરે લાહોર પહોંચી ત્યારે લાહોર એરપોર્ટ પર રનવેની લાઇટ બંધ કરી દેવામાં આવી હતી અને રનવે બંધ કરી દેવામાં આવ્યો હતો. બળતણ સમાપ્ત થતાં ક્રેશ લેન્ડિંગ માટે તૈયાર થયા. તે કહે છે, 'હું લાહોર પહોંચ્યો, બધું બંધ હતું. એરપોર્ટનો રનવે બંધ હતો. મારી પાસે કોઈ વિકલ્પ નહોતો. મારી પાસે અમૃતસર પાછા જવા માટે કોઈ બળતણ નહોતું. મારી પાસે માત્ર એક જ વિકલ્પ હતો: પ્લેન ક્રેશ કરવું.

હાઇજેકીંગ કટોકટી લગભગ એક અઠવાડિયા સુધી લંબાઇ હતી, જે દરમિયાન હાઇજેકર્સ અને ભારત સરકાર વચ્ચે ઉગ્ર વાટાઘાટો થઇ હતી. ફ્લાઇટ IC 814 ના બાકીના મુસાફરો અને ક્રૂની સલામત મુક્તિના બદલામાં ભારત સરકાર ભારતમાં કેદ ત્રણ આતંકવાદીઓ-અહમદ ઓમર સઈદ શેખ, મસૂદ અઝહર અને મુશ્તાક અહમદ ઝરગર-ને મુક્ત કરવા સંમત થયા ત્યારે આખરે મડાગાંઠનો અંત આવ્યો હતો.કેપ્ટન દેવી શરણે પાછળથી ફ્લાઇટ ઇનટુ ફિયર પુસ્તક લખ્યું જે અનુભવ સિંહાની નેટફ્લિક્સ વેબ સિરીઝ IC 814: ધ કંદહાર હાઇજેક માટે પ્રેરણા બની હતી. આ શોમાં વિજય વર્મા કેપ્ટન દેવી શરણનું પાત્ર ભજવતા જોવા મળે છે.