Advertisment
FE Budget 2026
Co-presented by
Associate Sponsor
ન્યૂઝ Photos

ધરતીના 9 વણઉકેલાયેલા રહસ્યો, જેનો હજુ સુધી વિજ્ઞાન પાસે પણ નથી જવાબ

Unsolved Earth Mysteries: આપણી પૃથ્વી અનેક રહસ્યોથી ભરેલી છે. કેટલીક ઘટનાઓ એવી છે જેના માટે વિજ્ઞાન પણ આજ સુધી કોઈ નક્કર જવાબ આપી શક્યું નથી. રહસ્યમય અવાજોથી લઈને અદ્ભુત કુદરતી ઘટનાઓ સુધી, અહીં 9 વણઉકેલાયેલા રહસ્યો છે જે હજુ પણ વૈજ્ઞાનિકો માટે એક કોયડો છે

Written byAshish Goyal

Unsolved Earth Mysteries: આપણી પૃથ્વી અનેક રહસ્યોથી ભરેલી છે. કેટલીક ઘટનાઓ એવી છે જેના માટે વિજ્ઞાન પણ આજ સુધી કોઈ નક્કર જવાબ આપી શક્યું નથી. રહસ્યમય અવાજોથી લઈને અદ્ભુત કુદરતી ઘટનાઓ સુધી, અહીં 9 વણઉકેલાયેલા રહસ્યો છે જે હજુ પણ વૈજ્ઞાનિકો માટે એક કોયડો છે

author-image
Ashish Goyal
પર અપડેટ કર્યું
New Update
Unsolved Earth Mysteries
Unsolved Earth Mysteries: આપણી પૃથ્વી અનેક રહસ્યોથી ભરેલી છે. કેટલીક ઘટનાઓ એવી છે જેના માટે વિજ્ઞાન પણ આજ સુધી કોઈ નક્કર જવાબ આપી શક્યું નથી. રહસ્યમય અવાજોથી લઈને અદ્ભુત કુદરતી ઘટનાઓ સુધી, અહીં 9 વણઉકેલાયેલા રહસ્યો છે જે હજુ પણ વૈજ્ઞાનિકો માટે એક કોયડો છે. (Photo Source: Pexels)
Devil’s Kettle
Devil’s Kettle : મિનેસોટામાં એક ધોધ છે જે બે પ્રવાહોમાં વિભાજીત થાય છે. એક પ્રવાહ નદીમાં ભળી જાય છે, પરંતુ બીજો પ્રવાહ રહસ્યમય રીતે એક ખાડામાં અદૃશ્ય થઈ જાય છે અને ફરી ક્યાંય દેખાતો નથી. વૈજ્ઞાનિકોએ પાણીમાં રંગો, પાંદડા અને અન્ય વસ્તુઓ નાખીને તેનો અભ્યાસ કરવાનો ઘણી વાર પ્રયાસ કર્યો છે, પરંતુ હજુ પણ એ સ્પષ્ટ નથી કે આ પાણી આખરે ક્યાં જાય છે.(Photo Source: Pexels)
Hessdalen Lights
Hessdalen Lights : નોર્વેની હેસડેલન ખીણમાં રહસ્યમય ચમકતા પ્રકાશના ગોળા કોઈ દેખીતા કારણ વગર હવામાં તરતા જોવા મળે છે. ક્યારેક આ લાઇટ્સ જમીનની નજીક દેખાય છે, તો ક્યારેક આકાશમાં ઉડતી જોવા મળે છે. વૈજ્ઞાનિકોએ આ પ્રકાશને રેકોર્ડ કર્યો છે, પરંતુ તેઓ હજુ સુધી સમજી શક્યા નથી કે તેનું કારણ શું છે.(Photo Source: Pexels)
Immortal Jellyfish
Immortal Jellyfish : Turritopsis dohrnii નામની જેલીફિશને અમર માનવામાં આવે છે. તે પોતાના કોષોનું નવીકરણ કરીને પોતાને યુવાન સ્થિતિમાં પરિવર્તિત કરી શકે છે. આનો અર્થ એ છે કે તે વૃદ્ધાવસ્થામાં પહોંચ્યા પછી પણ તેનું જીવન ચક્ર ફરીથી શરૂ કરી શકે છે. વૈજ્ઞાનિકો હજુ પણ આ પ્રક્રિયાને મનુષ્યોમાં કેવી રીતે અમલમાં મૂકી શકાય તેનું રહસ્ય સમજવાનો પ્રયાસ કરી રહ્યા છે. (Photo Source: Pexels)
Lake Hillier’s Pink Water :
Lake Hillier’s Pink Water : ઓસ્ટ્રેલિયાના હિલિયર ઝીલનું પાણી આખું વર્ષ ગુલાબી રહે છે. વૈજ્ઞાનિકોના મતે આ રંગ તળાવમાં હાજર ખાસ બેક્ટેરિયા અને ખનિજોને કારણે હોઈ શકે છે, પરંતુ આના કોઈ નક્કર પુરાવા મળ્યા નથી. નવાઈની વાત એ છે કે તળાવનું પાણી બહાર કાઢ્યા પછી પણ તેનો રંગ ગુલાબી રહે છે.(Photo Source: Pexels)
Sailing Stones of Death Valley
Sailing Stones of Death Valley : કેલિફોર્નિયાના ડેથ વેલીમાં વિશાળ પત્થરો રણમાં સરકતા રહે છે અને લાંબા રસ્તાઓ પાછળ છોડી જાય છે. આ પથ્થરો કોઈપણ માનવ કે પ્રાણીની મદદ વગર ઘણા ફૂટ સુધી મુસાફરી કરે છે. વૈજ્ઞાનિકો આ રહસ્યને આંશિક રીતે સમજવામાં સફળ રહ્યા છે અને એવું માનવામાં આવે છે કે બર્ફીલી સપાટી અને હવાની તાકાત મળીને આ પથ્થરોને ખસેડવામાં મદદ કરે છે, પરંતુ આ સિદ્ધાંત સંપૂર્ણપણે સાબિત થયો નથી.(Photo Source: Pexels)
Taos Hum :
Taos Hum : ન્યૂ મેક્સિકોના નાના શહેર ટોસના કેટલાક રહેવાસીઓ કહે છે કે તેઓ સતત એક રહસ્યમય ધીમી ગુંજ (હમિંગ સાઉડ) સાંભળવા મળે છે. આ અવાજ એટલો રહસ્યમય છે કે વૈજ્ઞાનિકો આજ સુધી તેનો સ્ત્રોત શોધી શક્યા નથી. કેટલાક લોકો તેને કુદરતી અવાજ માને છે, જ્યારે અન્ય લોકો કહે છે કે તે કોઈ ગુપ્ત તકનીકનો ભાગ છે.(Photo Source: Pexels)
The Boiling River
The Boiling River : એમેઝોનના ગાઢ જંગલોમાં એક નદી વહે છે, જેનું પાણી અત્યંત ગરમ રહે છે. આ નદી 4 માઈલ લાંબી અને લગભગ 6 ફૂટ ઊંડી છે. તેની ખાસિયત એ છે કે પાણી એટલું ગરમ ​​છે કે તેમાં પડ્યા પછી કોઈ પણ જીવંત પ્રાણી બચી શકતું નથી. વૈજ્ઞાનિકો હજુ સુધી આ નદીના ગરમ થવાનું કારણ સ્પષ્ટ રીતે સમજી શક્યા નથી.(Photo Source: Pexels)
The Siberian Sinkholes :
The Siberian Sinkholes : સાઇબિરીયામાં જમીનમાં અચાનક મોટા ખાડા થઇ જાય છે. વૈજ્ઞાનિકો માને છે કે આ ખાડાઓ પૃથ્વીની અંદર વાયુઓના દબાણને કારણે બન્યા છે, પરંતુ તેમનું અચાનક નિર્માણ અને તેમની ઊંડાઈ હજુ પણ વૈજ્ઞાનિકો માટે એક રહસ્ય છે.(Photo Source: Pexels)
The Yonaguni Monument
The Yonaguni Monument : 1987માં જાપાનના યોનાગુની ટાપુ નજીક દરિયાની અંદર ડાઇવર્સને એક રહસ્યમય રચના મળી, જે પિરામિડ જેવી દેખાય છે. કેટલાક લોકો માને છે કે તે કોઈ પ્રાચીન સભ્યતા દ્વારા બનાવવામાં આવ્યું હશે, જ્યારે કેટલાક વૈજ્ઞાનિકો માને છે કે તે કુદરતી ખડકની રચના છે.(Photo Source: Pexels)
વિશ્વ