Advertisment
FE Budget 2026
Co-presented by
Associate Sponsor
ન્યૂઝ Photos

આ છે ભારતના 6 ફેમસ ગામો, જેમાં એક ગુજરાતનું ગામ પણ સામેલ, જ્યાં 2025માં કરો ફરવાનો પ્લાન

Best tourism village in india : આપણે ભારતના 6 ફેમસ ગામો વિશે જાણીશું જ્યાં તમારે જવું જોઈએ. તમે તેને તમારી ટ્રાવેલ ડાયરીમાં સામેલ કરી શકો છો અને અહીં ફરવા જઇ શકો છો

Written byAshish Goyal

Best tourism village in india : આપણે ભારતના 6 ફેમસ ગામો વિશે જાણીશું જ્યાં તમારે જવું જોઈએ. તમે તેને તમારી ટ્રાવેલ ડાયરીમાં સામેલ કરી શકો છો અને અહીં ફરવા જઇ શકો છો

author-image
Ashish Goyal
પર અપડેટ કર્યું
New Update
Best tourism village in india
Best tourism village in india : ભારત એક ખૂબ જ સુંદર દેશ છે અને અહીં ફરવા જેવી ઘણી જગ્યાઓ છે. તમે અત્યાર સુધી જે જોયું છે તે પણ ફરવા માટે યોગ્ય છે અને તમે જે ચૂકી ગયા તે પણ જોવા લાયક છે. અત્યાર સુધી આપણે પ્રખ્યાત શહેરો અને કુદરતી સૌંદર્ય ધરાવતા કેટલાક પ્રખ્યાત સ્થળો વિશે વાત કરી છે. પરંતુ આજે આપણે ભારતના 6 ફેમસ ગામો વિશે જાણીશું જ્યાં તમારે જવું જોઈએ. તમે તેને તમારી ટ્રાવેલ ડાયરીમાં સામેલ કરી શકો છો અને અહીં ફરવા જઇ શકો છો. આવો જાણીએ આ 5 ગામો વિશે. (તસવીર - ઇન્સ્ટાગ્રામ)
Kalap village
કલ્પા ગામ, ઉત્તરાખંડ : ઉત્તરાખંડમાં ગઢવાલની પહાડીઓની વચ્ચે વસેલું કલ્પા ગામ પોતાના ઇતિહાસ, સંસ્કૃતિ અને પ્રાકૃતિક સુંદરતા માટે જાણીતું છે. આ ગામ તેના પ્રાચીન મંદિરો માટે પ્રખ્યાત છે, જેમાંથી કેટલાક સદીઓ જૂના છે, તેમના સમૃદ્ધ કલાત્મક વારસા માટે પ્રખ્યાત છે. કલ્પા પરંપરાગત કુમાઉની સ્થાપત્યનો ખજાનો છે, જે જટિલ કોતરણીથી શણગારેલા તેના સ્લેટ-છતવાળા મકાનોમાં પ્રતિબિંબિત થાય છે. (તસવીર - ઇન્સ્ટાગ્રામ)
Khimsar village
ખીમસર, રાજસ્થાન : ખીમસર રાજસ્થાનની બરાબર મધ્યમાં આવેલું એક સુંદર ગામ છે. તે થાર રણથી ઘેરાયેલું છે જે ગામની સુંદરતાને વધુ વધારે છે. ગામમાં તમે રાજપૂતાના સંસ્કૃતિથી પરિચિત થઈ શકો છો. અહીં તમે ડેઝર્ટ સફારીની મજા પણ માણી શકો છો અને આ માટે તમે જીપ કે ઊંટની સવારી કરી શકો છો. રોમાંચના શોખીનો ખાસ કરીને આ ગામને પસંદ કરશે કારણ કે તે તેમને રેતીના ટેકરામાં પડાવ નાખવાની તક આપે છે. (તસવીર - ઇન્સ્ટાગ્રામ)
ziro village
ઝીરો વિલેજ, અરુણાચલ પ્રદેશ : ઝીરો અરુણાચલ પ્રદેશનું એક ગામ છે. લીલીછમ ટેકરીઓથી ઘેરાયેલું, ઝીરો પ્રકૃતિ પ્રેમીઓ અને સાહસના શોખીનો માટે સ્વર્ગ સમાન છે. અહીં ચોખાના ખેતરો જોવા મળે છે, જ્યાં તેની આસપાસ લીલાછમ પહાડો જોવા મળે છે. ઝીરો તેની જીવંત આદિવાસી સંસ્કૃતિ માટે પણ પ્રખ્યાત છે. જ્યાં તેમના તહેવારો, સંગીત અને પરંપરાગત જીવનશૈલીમાં જોવા મળે છે. (તસવીર - ઇન્સ્ટાગ્રામ)
dhordo village
ધોરડો, ગુજરાત : ગુજરાતનું ધોરડો નામ દેશ-વિદેશમાં જાણીતું છે. કચ્છમાં આવેલા આ ગામમાં દર વર્ષે રણોત્સવ યોજાય છે. દેશ-વિદેશથી સફેદ રણ અને કચ્છની સંસ્કૃતિ-પરંપરા માટે મોટી સંખ્યામાં લોકો અહીં આવે છે. સફેદ રણના નજારો ખુબ જ સુંદર લાગે છે. અહીં રણની વચ્ચે ટેન્ટ સિટીમાં રહેવાની એક અલગ જ મજા છે. ધોરડોને વિશ્વના શ્રેષ્ઠ પ્રવાસન ગામોની યાદીમાં સામેલ કરવામાં આવેલું છે. (તસવીર - ઇન્સ્ટાગ્રામ)
Gokarna village
ગોકર્ણ, કર્ણાટક : ગોકર્ણ કર્ણાટક સ્થિત એક તટીય શહેર છે અને ગોવા રાજ્યથી ખૂબ જ નજીક છે. ગોકર્ણનું વાતાવરણ ખૂબ જ શાંતિપૂર્ણ છે. કહેવાય છે કે આ ગામમાં ભગવાન શિવનું એક શિવલિંગ આવેલું છે. આ ભારતનું એ ગામ છે જ્યાં યાત્રાળુઓ તેમજ પ્રવાસીઓ અહીં શાંતિ માટે આવે છે. (તસવીર - ઇન્સ્ટાગ્રામ)
Idukki village
ઇડુક્કી ગામ, કેરળ : ઇડુક્કી કેરળ રાજ્યના પશ્ચિમ ઘાટના સૌથી ઊંચા સ્થળે આવેલું છે. આ ગામ પર્વતોની શાનદાર સુંદરતા અને શાંતિ માટે જાણીતું છે. તે ભારતના શ્રેષ્ઠ ગામોમાંથી એક છે, જેમાં તળાવો, જંગલો, ધોધ, જંગલના માર્ગો વગેરે કુદરતી સુંદરતા ઘણી બધી છે. આ ગામ તેના વિવિધ મસાલાના વાવેતર માટે પણ જાણીતું છે, જે આસપાસની પહાડીઓ પર પથરાયેલું છે. તમે અહીંના સ્થાનિક આદિવાસી લોકો સાથે સારો સમય પસાર કરી શકો છો. (તસવીર - ઇન્સ્ટાગ્રામ)
kutch જીવનશૈલી પ્રવાસ ગુજરાત