Budget 2024 : ઇન્કમ ટેક્સ સ્લેબમાં ફેરફાર નહીં, નાણાં મંત્રીએ બજેટમાં કરી આટલી જાહેરાત

આવક વેરો
રિફંડ પ્રક્રિયા માટે લાગતો સમય 93 દિવસથી ઘટાડીને 10 દિવસ કરવામાં આવ્યો છે. આમાંથી રિફંડ ઇશ્યુમાં વેગ આપ્યો છે.આવકવેરા ફાઇલ કરનારાઓની સંખ્યામાં 2.4 ગણો વધારો થયો છે. એક વર્ષમાં ₹ 26.02 લાખ કરોડનું ટેક્સ કલેક્શન થયું છે. જીએસટી કલેક્શન વધીને ₹ 1.66 લાખ કરોડ થયું છે,10 વર્ષમાં ડાયરેક્ટ ટેક્સ કલેક્શનમાં 3 ગણો વધારો થયો છે

FM : સબકા સાથ, સબકા વિશ્વાસ પર ફોક્સ કરાશે. ગરીબ, ખેડૂતો અને યુવાઓ સરકારની પ્રાથિમકતા, સરકાર ગરીબોને ઉત્થાનમાં વિશ્વાસ ધરાવે છે. ગરીબ, મહિલા, યુવા અને ખેડૂતોના સશક્તિકરણ ર ભાર. પીએમ સ્વનિધિ સ્કીમથી 78 લાખ વેન્ડર્સને ધિરાણની મદદ કરાઈ.

34 લાખ કરોડ જનધન મારફતે એકાઉન્ટમાં સીધા ટ્રાન્સફર કરવામાં આવ્યા. નાણાં મંત્રીએ કહ્યું કે, 10 વર્ષમાં 25 કરોડ લોકો ગરીબીમાંથી બહાર આવ્યા છે.

1.4 કરોડ યુવાઓને સ્કિલ ઇન્ડિયા મિશનનો ફાયદો મળ્યો છે.આ ઉપરાંત કહ્યું કે, 390 યુનિવર્સીટી શરૂ કરવામાં આવી છે.

રોજગાર
મત્સ્ય યોજના દ્વારા 55 લાખ લોકોને રોજગાર મળશે. એક કરોડ મહિલાઓ લખપતિ દીદી બની છે. આંગણવાડી કેન્દ્રોને મજબૂત કરવામાં આવશે.

5 નવા સંકલિત એક્વા પાર્કની સ્થાપના કરવામાં આવશે. નેનો યુરિયાનો વ્યાપ વધારાશે આ ઉપરાંત 1361 બજારોને eNAM સાથે જોડવામાં આવશે.

જુલાઈના સંપૂર્ણ બજેટમાં વિકસિત ભારત માટે રોડમેપ આપશે . 2024-25માં રાજકોષીય ખાધને 4.5 ટકાથી નીચે લાવવા પર કામ ચાલુ છે, 2024-25માં રાજકોષીય ખાધ જીડીપીના 5.8 ટકા રહેવાનો અંદાજ છે.

છેલ્લા 3 વર્ષમાં ડાયરેક્ટ ટેક્સ કલેક્શનમાં 3 ગણો વધારો થયો છે, નવી ટેક્સ વ્યવસ્થા હેઠળ અમે 7 લાખ રૂપિયા સુધીની આવક પર ટેક્સ છૂટ આપી છે.