Carom seeds Water | ચોમાસામાં અજમાનું પાણી પીવો, નહિ પડો બીમાર

ચોમાસાની ઋતુમાં વરસાદની ઋતુમાં જંતુઓ, બેક્ટેરિયા અને વાયરસની ભરમારને કારણે બીમાર થવાનો ભય રહે છે. મચ્છર જન્ય રોગો પણ વધી જાય છે, બેદરકારીને કારણે ચેપનો ભોગ બની શકીએ છીએ. આવી સ્થિતિમાં, આપણે આપણા ડાયટમાં એવી વસ્તુઓનો સમાવેશ કરવો જોઈએ જે આપણને આ ચેપથી બચાવવામાં અસરકારક સાબિત થાય છે.

અજમો (Carom seeds) એક એવો મસાલો છે, જે દરેક રસોડામાં હાજર હોય છે. વરસાદની ઋતુમાં તેનું પાણી પીવાથી આપણે પાચન સમસ્યાઓ અને ચેપથી બચી શકીએ છીએ. વાસ્તવમાં અજમો એન્ટી-બેક્ટેરિયલ, એન્ટી-ફંગલ, એન્ટી-ઇન્ફ્લેમેટરી અને એન્ટી-ઓક્સિડન્ટ ગુણધર્મોથી ભરપૂર છે. તેથી ફક્ત ચેપ સામે લડવામાં જ મદદ કરતું નથી, પરંતુ શરીરને ડિટોક્સિફાય કરવામાં અને પાચન સુધારવામાં પણ મદદરૂપ સાબિત થાય છે. અહીં જાણો ચોમાસામાં અજમાનું પાણી પીવાથી શું ફાયદા થશે?

પીરિયડ્સ દરમિયાન ફાયદાકારક : ઘણી સ્ત્રીઓને પીરિયડ્સ દરમિયાન પેટમાં દુખાવો અને પેટમાં ખેંચાણ જેવી સમસ્યાઓનો સામનો કરવો પડે છે. હૂંફાળું અજમાનું પાણી પેટના દુખાવામાં ટાડવામાં મદદ કરે છે.

શરીરના ઝેરી તત્વો દૂર કરે : અજમાનું પાણી આપણા શરીરમાંથી ઝેરી તત્વો દૂર કરવામાં પણ મદદરૂપ સાબિત થાય છે. આ આપણને સ્વસ્થ રાખે છે,ઘણા લોકો વરસાદની ઋતુમાં હાડકાંમાં બળતરાથી પીડાય છે. અજમામાં બળતરા વિરોધી ગુણધર્મો હોય છે, જે ફક્ત હાડકાંની બળતરા જ નહીં પરંતુ શરીરના બળતરાને પણ ઘટાડવામાં મદદરૂપ થાય છે.

શરદી અને ખાંસીમાં રાહત : અજમાનું પાણી શરદી અને ખાંસી મટાડે છે, અજમા એન્ટી-ઓક્સિડન્ટ ગુણોથી ભરપૂર છે. આ કારણે તેનું સેવન આપણી રોગપ્રતિકારક શક્તિને મજબૂત બનાવે છે. આ સાથે, તેમાં એન્ટી-બેક્ટેરિયલ અને એન્ટી-ફંગલ ગુણો પણ છે. અજમામાં હાજર આ બધા ગુણોને કારણે, તેનું સેવન આપણને શરદી અને ખાંસીથી બચાવે છે.

પાચનમાં સુધારો : અજમાનું પાણી પીવાથી પાચનશક્તિ સુધરે છે. અજમાનું પાણી ગેસ, અપચો અને કબજિયાત જેવી સમસ્યાઓમાં રાહત મેળવવામાં મદદરૂપ સાબિત થાય છે. અજમામાં થાઇમોલ નામનું તત્વ જોવા મળે છે, જે ખોરાકને સારી રીતે પચાવવામાં મદદ કરે છે, જેનાથી આપણે ગેસ અને અપચોથી સુરક્ષિત રહીએ છીએ. તેના પાણીનું સેવન કરવાથી એસિડિટી અને પેટમાં ભારેપણુંની સમસ્યામાં પણ રાહત મળે છે.