Chandrayaan-3 Landing: ચંદ્રયાન-3 જ્યારે ચંદ્રના દક્ષિણ ધ્રુવ પર લેન્ડિંગ થયુ ત્યારે છેલ્લી 22 સેકન્ડમાં શું થયું? જાણો ઈસરોના મૂન મિશનનો સમગ્ર ઘટનાક્રમ

Chandrayaan-3 Landing On Moon Live Update : છેલ્લા કેટલાક દિવસોથી સમગ્ર વિશ્વનું ધ્યાન ભારતના ચંદ્રયાન 3 મિશન પર હતું. આખરે દુનિયાએ એ ઐતિહાસિક ક્ષણ જોઈ. આ અભિયાનમાં છેલ્લી 22 સેકન્ડ નિર્ણાયક હતી.

August 23, 2023 23:16 IST

છેલ્લા કેટલાક દિવસોથી સમગ્ર વિશ્વનું ધ્યાન ભારતના ચંદ્રયાન 3 મિશન પર હતું.

ચંદ્રયાન 2 ની નિષ્ફળતા પછી, ISROના વૈજ્ઞાનિકોએ ચંદ્રયાન 3 મિશનને સફળ બનાવવા માટે તેમના શ્રેષ્ઠ પ્રયાસો કર્યા અને ભારતીયો તે ઐતિહાસિક ક્ષણના સાક્ષી બન્યા.

વિક્રમ લેન્ડરે સાંજે 5.44 વાગ્યે ચંદ્રયાન મિશનમાં તેની પોઝિશન લીધી.

ચંદ્રયાન 3ના લેન્ડરે પૃથ્વીની 21 અને ચંદ્રની 120 ભ્રમણકક્ષા પૂર્ણ કરી.

ઈસરોના ચંદ્રયાન -3 અવકાશયાને કુલ 55 લાખ કિલોમીટરનું અંતર કાપ્યું,

ચંદ્રયાન-3 જ્યારે ચંદ્રથી 21 કિમી દૂર હતું ત્યારે તે 1.5 કિમી પ્રતિ સેકન્ડની ઝડપે આગળ વધ્યું હતું.

આ પછી તેની સ્પીડમાં વધુ ઘટાડો કરવામાં આવ્યો હતો.

ચંદ્રયાનનો વેગ શૂન્ય થયા પછીની છેલ્લી 22 સેકન્ડ નિર્ણાયક હતી.

ભારતના ચંદ્રયાન-3 ચંદ્રની સપાટી પર 23 ઓગસ્ટ, 2023 બુધવારના રોજ સાંજે 6:04 વાગ્યે સફળ લેન્ડિંગ કર્યું હતુ. આ સાથે ભારતે ચંદ્ર પર પહોંચવાનો ઇતિહાસ રચ્યો.

વિક્રમ લેન્ડરે ચંદ્ર પર સોફ્ટ લેન્ડિંગ કર્યું.

વિક્રમ લેન્ડરના સોફ્ટ લેન્ડિંગ પછી, રેમ્પ ખુલ્યો અને પ્રજ્ઞાન રોવર ચંદ્રની સપાટી પર આવ્યું

આ સાથે, ભારત ચંદ્રના દક્ષિણ ધ્રુવ પર સોફ્ટ લેન્ડિંગ કરનાર પ્રથમ દેશ બન્યો.

તાજેતરમાં, રશિયાએ લુના 25 મિશન દ્વારા ચંદ્રની સપાટી પર ઉતરવાનો પ્રયાસ કર્યો હતો.

જો કે, તેમાં ટેકનિકલ ખામી સર્જાતા રશિયાનું લુના-25 અભિયાન નિષ્ફળ ગયું હતું.

રશિયાનું લુના-25 અભિયાન નિષ્ફળ જતા સમગ્ર દુનિયાની નજર ભારતના ચંદ્રયાન-3 પર હતી.

ભારતના ચંદ્રયાન-3ની સફળતાને લઇ શંકા-આશંકા હતી. જોકે, ઈસરોને વિશ્વાસ હતો કે આ વખતના મૂન મિશનમાં સફળતા મળશે.

વૈજ્ઞાનિકોએ કહ્યું છે કે ચંદ્રયાન 2ની નિષ્ફળતામાંથી આપણે ઘણું શીખ્યા છીએ. ભારતના વૈજ્ઞાનિકો તેમનામાં રહેલા વિશ્વાસ પ્રમાણે જીવ્યા.

ભારતનું ચંદ્રયાન અનેક અવરોધોને પાર કરીને હવે ચંદ્રના દક્ષિણ ધ્રુવ પર સફળ લેન્ડિંગ કરીને ઇતિહાસ રચ્યો છે.

ચંદ્રના દક્ષિણ ધ્રુવ પર અવકાશયાન લેન્ડ કરનાર ભારત વિશ્વનો પ્રથમ દેશ બની ગયો છે.

મિશનની સફળતા બાદ ઈસરોના વડા એસ. સોમનાથે દેશના વડા પ્રધાન નરેન્દ્ર મોદી અને ભારતના લોકોને એક જણાવ્યું - "આપણે હવે ચંદ્ર પર છીએ." (India Now On The Moon)

ચંદ્રયાનના સફળ લેન્ડિંગ બાદ રાષ્ટ્રને સંબોધતા વડાપ્રધાન નરેન્દ્ર મોદીએ કહ્યું કે ભારત માટે આ એક અવિસ્મરણીય ક્ષણ છે. નવા ભારત માટે જીતના શંખનાદની ક્ષણ છે.

સમસ્યાઓના મહાસાગરને પાર કરીને અમે અહીં પહોંચ્યા છીએ. 140 કરોડ લોકોનું સપનું આજે પૂરું થયું હોવાની લાગણી પીએમ મોદીએ વ્યક્ત કરી હતી.

પીએમ મોદીએ એમ પણ કહ્યું કે, આજે દરેક દેશવાસીની જેમ મારું મન પણ આ ચંદ્રયાન મિશન સાથે જોડાયેલું છે. ચંદ્રયાન-3નું ચંદ્ર પર સફળ લેન્ડિંગ એ ભારતની જીતનો શંખનાદ છે.

(તસવીર સૌજન્ય - ISRO)