Ajay Saroya
પર અપડેટ કર્યું
New Update
/indian-express-gujarati/media/media_files/wp-content/uploads/2025/02/SUV-Car-1.jpg)
એસયુવી કાર ભારતમાં ઝડપથી લોકપ્રિય થઇ રહી છે. એસયુવી કાર ભારતના પેસેન્જર વ્હીકલ સેગમેન્ટમાં 50 ટકાથી વધુ બજાર હિસ્સો ધરાવે છે. એસયુવી કારનું વેચાણ કરવા માટે કાર કંપનીઓ પણ સતત નવા આકર્ષક લુક અને ફીચર્સ સાથે નવી SUV કાર લોન્ચ કરી રહી છે. જો કે કાર ખરીદતી વખતે સેફ્ટી ફીચર્સ પણ ધ્યાનમાં રાખવા જોઇએ. કાર સેફ્ટી ફીચર્સમાં એર બેગ સૌથી મહત્વપૂર્ણ હોય છે. અહીં 6 એર બેગ સાથે આવતી બજેટ ફ્રેન્ડલી 5 એસયુવી કાર વિશે જાણકારી આપી છે. (Photo: Freepik)
/indian-express-gujarati/media/media_files/wp-content/uploads/2025/02/Hyundai-Exter-1.jpg)
હ્યુન્ડાઇ એક્સ્ટર બજે ફ્રેન્ડલી કોમ્પેક્ટ એસયુવી કાર છે, જેમાં 6 એરબેગ્સ સ્ટાન્ડર્ડ આવે છે. બાળકોની સુરક્ષા માટે ISOFIX એન્કરેજ, ડેશ કેમેરા, EBD સાથે એન્ટિ-લોક બ્રેકિંગ સિસ્ટમ, ટાયર પ્રેશર મોનિટરિંગ સિસ્ટમ, વ્હીકલ સ્ટેબિલિટી મેનેજમેન્ટ, રિયર પાર્કિંગ કેમેરા, ઇલેક્ટ્રોનિક સ્ટેબિલિટી કંટ્રોલ અને હિલ સ્ટાર્ટ આસિસ્ટ કન્ટ્રોલ જેવી અન્ય ફીચર્સ આવે છે.
હ્યુન્ડાઇ એક્સ્ટર કારની કિંમત 6 લાખ થી 9.48 લાખ રૂપિયા એક્સ શો રૂમ છે. હ્યુન્ડાઇ એક્સ્ટર પેટ્રોલ અને સીએનજી મોડલમાં ઉપલબ્ધ છે. તેમાં 1.2 લિટર એન્જિન આવે છે, જે 6,000 rpm પર 82 બીએચપી અને 4,000 rpm પર 113.8 એનએમ ટોર્ક જનરેટ કરે છે. તેમાં 5 સ્પીડ મેન્યુઅલ અથવા AMT આવે છે. તો હ્યુન્ડાઇ એક્સટર એસયુવીનું સીએનજી મોડેલ 6000 rpm પર 67.7 બીએચપી અને 4000 rpm પર 95.2 એનએમ જનરેટ કરે છે અને 5-સ્પીડ મેન્યુઅલ ગિયરબોક્સ સાથે મેળ ખાય છે. (Photo: Financial Express)
/indian-express-gujarati/media/media_files/wp-content/uploads/2025/02/Nissan-Magnite.jpg)
નિસાન કંપની ભારતમાં માત્ર બે જ વાહનોનું વેચાણ કરે છે, મેગ્નાઇટ અને એક્સ-ટ્રેઇલ. નિસાન મેગ્નાઇટ એ પ્રથમ કોમ્પેક્ટ એસયુવીમાંની એક છે જે સ્ટાન્ડર્ડ ફીચર્સ તરીકે 6 એરબેગ આપે છે. તેમાં 360 ડિગ્રી કેમેરા, ઓટો-ડિમિંગ ઇન્ટરનલ રિયરવ્યુ મિરર, રિયર પાર્કિંગ કેમેરા, વ્હીકલ ડાયનેમિક કન્ટ્રોલ, ટ્રેક્શન કન્ટ્રોલ સિસ્ટમ, હિલ સ્ટાર્ટ આસિસ્ટ, ઇલેક્ટ્રોનિક બ્રેક-ફોર્સ ડિસ્ટ્રિબ્યુશન (ઇબીડી), ટાયર પ્રેશર મોનિટરિંગ સિસ્ટમ અને ડેશ કેમ સાથે આવે છે.
નિસાન મેગ્નાઇટ એસયુવી કારની એક્સ શો રૂમ કિંમત 6.12 લાખ રૂપિયા થી 11.72 લાખ રૂપિયા સુધી હોય છે. નિસાન મેગ્નાઇટ એસયુવી બે એન્જિન ટ્રિમ્સમાં આપવામાં આવી છે - 1-લિટર નેચરલ એસ્પિરેટેડ પેટ્રોલ અને 1-લિટર ટર્બો. પ્રથમ 6250 આરપીએમ પર 71 બીએચપી અને 3400-3600 આરપીએમ પર 96 એનએમ જનરેટ કરે છે જ્યારે ટર્બો 5000 આરપીએમ પર 98.6 બીએચપી અને 2800 - 3600 આરપીએમ પર 160 એનએમ જનરેટ કરે છે. (Photo: Financial Express)
/indian-express-gujarati/media/media_files/wp-content/uploads/2025/02/Hyundai-Venue-1.jpg)
હ્યુન્ડાઇ વેલ્યૂ ભારતમાં લોકપ્રિય એસયુવી કાર છે. આ એસયુવી કારમાં સ્ટાન્ડર્ડ 6 એરબેગ ઉપરાંત ટોપ મોડેલમાં લેવલ 1 ADAS પ્રોટેક્શન ફંક્શન પણ આવે છે. તેમાં ડેશ કેમેરા, ઇબીડી સાથે એબીએસ, બ્રેક આસિસ્ટ સિસ્ટમ, ટાયર પ્રેશર મોનિટરિંગ સિસ્ટમ, વ્હીકલ સ્ટેબિલિટી મેનેજમેન્ટ, રિયર પાર્કિંગ કેમેરા, ઇલેક્ટ્રોનિક સ્ટેબિલિટી કન્ટ્રોલ અને હિલ સ્ટાર્ટ આસિસ્ટ કન્ટ્રોલ આપવામાં આવ્યું છે.
હ્યુન્ડાઇ વેન્યૂ કાર 3 એન્જિન વિકલ્પોમાં ઉપલબ્ધ છે - 1.2-લિટર નેચરલ એસ્પિરેટેડ પેટ્રોલ, 1-લિટર ટર્બો પેટ્રોલ અને 1.5-લિટર ડીઝલ. ટર્બો પેટ્રોલ અને ડીઝલ અનુક્રમે 118 બીએચપી અને 172 એનએમ અને 114 બીએચપી અને 250 એનએમ ટોર્ક જનરેટ છે. NA એન્જિનનું આઉટપુટ એક્સ્ટરના આઉટપુટ જેટલું જ હોય છે. હ્યુન્ડાઇ વેન્યૂ એસયુવી કારની કિંમત 7.94 લાખ થી 13.53 લાખ રૂપિયા એક્સ શો રૂમ છે. (Photo: Financial Express)
/indian-express-gujarati/media/media_files/wp-content/uploads/2025/02/Skoda-Kylaq-1.jpg)
સ્કોડા કાયલા કોમ્પેક્ટ એસયુવી કારની યાદીમાં સામેલ બેસ્ટ મોડલ છે. સ્કોડા કાયલા કારમાં 6 એરબેગ, હિલ હોલ્ડ કન્ટ્રોલ, ઇલેક્ટ્રોનિક ડિફરન્શિયલ લોકિંગ સિસ્ટમ, ટ્રેક્શન કન્ટ્રોલ સિસ્ટમ, બ્રેક ડિસ્ક વાઇપિંગ જેવા સ્ટાન્ડર્ડ સેફ્ટી ફીચર્સ સાથે આવે છે. સેગમેન્ટમાં પહેલીવાર, ઇબીડી સાથે એબીએસ, રિયરવ્યુ કેમેરા અને પાછળની સીટ માટે આઇએસઓ ફિક્સ જેવા લેટેસ્ટ સેફ્ટી ફીચર્સ પણ આવે છે.
સ્કોડા કાયલા એસયુવી કાર એક જ એન્જિન સાથે આવે છે- 1-લિટર ટર્બો પેટ્રોલ જે 5000 -5500 rpm પર 114 બીએચપી અને 1740 -4000 rpm પર 178 એનએમ જનરેટ કરે છે. તેને 6-સ્પીડ મેન્યુઅલ અથવા 6-સ્પીડ ઓટોમેટિક ટોર્ક કન્વર્ટર સાથે જોડવામાં આવે છે. સ્કોડા કાયલા એસયુવી કારની કિંમત 7.89 લાખ થી 14.40 લાખ રૂપિયા એક્સ શો રૂમ છે. (Photo: Financial Express)
/indian-express-gujarati/media/media_files/wp-content/uploads/2025/02/Kia-Sonet-1.jpg)
કિયા સોનેટ ભારતમાં લોકપ્રિય એસયુવી કાર છે. કિયા સોનેટ અપમાર્કેટ અને સ્પોર્ટી વર્ઝન છે, જે નાના કાર ખરીદદારોને ધ્યાનમાં રાખીને બનાવવામાં આવી છે. તે લેવલ 1 ADAS સહિત હ્યુન્ડાઇ વેન્યૂ જેવા સેફ્ટી ફીચર્સ પ્રદાન કરે છે અને તે 3 પાવરટ્રેનમાં ઉપલબ્ધ છે. કિયા સોનેટ કારની કિંમત 7.99 લાખ થી 15.70 લાખ રૂપિયા એક્સ શો રૂમ છે. (Photo: Financial Express)


/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png)
Follow Us