Advertisment
FE Budget 2026
Co-presented by
Associate Sponsor
ન્યૂઝ Photos

Best Cars With 6 Airbags: ટોચની 5 કાર જેમા છે 6 એરબેગ, કિંમતમાં 10 લાખથી નીચે

Top Cars Below 10 Lakh With 6 Airbags In India: કાર ખરીદતી વખતે એન્જિન માઇલેજ સાથે સેફ્ટી ફીચર્સ પણ મહત્વપૂર્ણ બાબત છે. અહીં ભારતમાં 6 એરબેગ સાથે 5 ટોપ કાર, જે 10 લાખ રૂપિયાથી ઓછા બજેટમાં ખરીદી શકાય છે.

Written byAjay Saroya

Top Cars Below 10 Lakh With 6 Airbags In India: કાર ખરીદતી વખતે એન્જિન માઇલેજ સાથે સેફ્ટી ફીચર્સ પણ મહત્વપૂર્ણ બાબત છે. અહીં ભારતમાં 6 એરબેગ સાથે 5 ટોપ કાર, જે 10 લાખ રૂપિયાથી ઓછા બજેટમાં ખરીદી શકાય છે.

author-image
Ajay Saroya
પર અપડેટ કર્યું
New Update
car safety features
Top Cars Below 10 Lakh With 6 Airbags In India : રોડ ટ્રાન્સપોર્ટ અને હાઇવે મંત્રાલય (MoRTH)નો પ્રારંભિક ઉદ્દેશ્ય તમામ પેસેન્જર વાહનોમાં છ એરબેગ ફરજિયાત બનાવવાનો હતો. જોકે, 2023 માં, કેન્દ્રીય મંત્રી નીતિન ગડકરીએ જાહેરાત કરી હતી કે ભારત ન્યૂ કાર એસેસમેન્ટ પ્રોગ્રામ (BNCAP) ની રજૂઆત સાથે, ફક્ત 6 એરબેગ્સથી સજ્જ કારોને 4 અથવા 5-સ્ટાર સેફ્ટી રેટિંગ મળશે. તેથી, મંત્રાલયે 6 એરબેગ્સ ફરજિયાત ન બનાવવાનો નિર્ણય લીધો. આમ છતાં, ઘણી કાર કંપનીઓ હવે સ્વેચ્છાએ તેમની કારમાં સ્ટાન્ડર્ડ ફીચર તરીકે 6 એરબેગ્સ આપી રહી છે. અહીં 10 લાખ રૂપિયાથી ઓછી કિંમતની 5 ટોપ કાર વિશે માહિતી છે, જે સ્ટાન્ડર્ડ ફીચર તરીકે 6 એરબેગ સાથે આવે છે.
maruti suzuki alto k10
મારુતિ સુઝુકી અલ્ટો કે10 (Maruti Suzuki Alto K10)
મારૂતિ સુઝુકી અલ્ટો કે10 ભારતમાં સૌથી પ્રખ્યાત કાર પૈકીની એક છે. હાલ લોર્ડ અલ્ટો તરીકે પ્રખ્યાત આ હેચબેક હવે સસ્તી કિંમત અને સલામતી પણ આપે છે કારણ કે તે 6 એરબેગથી સજ્જ છે. આ ઉપરાંત, અલ્ટોમાં ઇલેક્ટ્રોનિક સ્ટેબિલિટી પ્રોગ્રામ (ESP), ઇલેક્ટ્રોનિક બ્રેક ડિસ્ટ્રિબ્યુશન સાથે ABS અને રિવર્સ પાર્કિંગ સેન્સર્સ છે. તે તેના સેગમેન્ટમાં ચાર સ્પીકર્સ ધરાવતું પ્રથમ વાહન પણ છે. તે 1-લિટર પેટ્રોલ એન્જિન દ્વારા સંચાલિત છે જે 5500 rpm પર 66 bhp અને 3500 rpm પર 89 Nm ઉત્પન્ન કરે છે. તે 5-સ્પીડ મેન્યુઅલ અથવા AMT ગિયરબોક્સ સાથે આવે છે. મારૂતિ સુઝુકી અલ્ટો કે10ની કિંમત 4.23 લાખ રૂપિયા થી 6.09 લાખ રૂપિયા એક્સ શોરૂમ છે. (Photo: Financial Express)
Maruti Suzuki Eeco
મારુતિ સુઝુકી ઇકો (Maruti Suzuki Eeco)
મારૂતિ સુઝુકી ઇકો પણ લોકપ્રિય પેસેન્જર કાર છે. 3 સીટર લાઇન સાથે ઉપલબ્ધ સૌથી સસ્તી મારૂતિ સુઝુકી Eeco હવે 6 એરબેગથી સજ્જ છે. ઇકો બે સીટિંગ લેઆઉટમાં ઉપલબ્ધ છે - 5 સીટર અથવા 6-સીટર. ઇકોમાં સ્પીડ એલર્ટ સિસ્ટમ, EBD સાથે ABS અને ઇલેક્ટ્રોનિક સ્ટેબિલિટી પ્રોગ્રામ (ESP) અને રિવર્સ પાર્કિંગ સેન્સર છે. તે 1-લિટર પેટ્રોલ એન્જિન સાથે આવે છે જે 5600 rpm પર 81 bhp અને 3000 rpm પર 105.5 Nm ટોર્ક ઉત્પન્ન કરે છે. તે CNGમાં પણ ઉપલબ્ધ છે અને બંને વર્ઝન 5-સ્પીડ મેન્યુઅલ ટ્રાન્સમિશન સાથે આવે છે. મારૂત સુઝુકી ઇકોની કિંમત એક્સ શોરૂમ 5.44 લાખ રૂપિયાથી શરૂ થાય છે ટો વેરિયન્ટ મોડલ 6.70 લાખ રૂપિયા સુધી પહોંચે છે. (Photo: Financial Express)
Maruti Suzuki Celerio
મારુતિ સુઝુકી સેલેરિયો (Maruti Suzuki Celerio)
મારુતિ સુઝુકીએ ફેબ્રુઆરીમાં સેલેરિયોને બહુપ્રતિક્ષિત અપગ્રેડ આપ્યું હતું, જે 30,000 રૂપિયા મોંઘી છે, પરંતુ ઓટો કંપનીએ કારના સેફ્ટી ફીચર્સ પણ અપડેટ કર્યા હતા. તમામ સેલેરિયો કાર હવે 6 એરબેગ સાથે આવે છે. તે તેના સેગમેન્ટની પહેલી કાર છે જે હિલ હોલ્ડ આસિસ્ટ, ઇલેક્ટ્રોનિક સ્ટેબિલિટી પ્રોગ્રામ (ESP), EBD સાથે ABS અને રિવર્સ પાર્કિંગ સેન્સર ઓફર કરે છે. તે 1-લિટર 3-સિલિન્ડર પેટ્રોલ એન્જિન દ્વારા સંચાલિત છે જે 66 bhp અને 91.1 Nm ટોર્ક જનરેટ કરે છે, જે 5-સ્પીડ મેન્યુઅલ અથવા AMT ગિયરબોક્સ સાથે જોડાયેલ છે. મારૂતિ સુઝુકી સેલેરિયોની કિંમત 5.64 લાખ રૂપિયા થી 7.37 લાખ રૂપિયા એક્સ શોરૂમ છે. (Photo: Financial Express)
Maruti Suzuki Wagon R
મારુતિ સુઝુકી વેગન આર (Maruti Suzuki Wagon R)
મારૂચિ સુઝુકી વેગનઆર નાણાકીય વર્ષ 2024-25માંસૌથી વધુ વેચાતી કાર હતી અને આ હેચબેકની માંગ સતત વધી રહી છે. વધી રહેલી લોકપ્રિયતા અને ટ્રેન્ડસને ધ્યાનમાં મારુતિ સુઝુકીએ વેગનઆર કારમાં અમુક મહત્વપૂર્ણ સેફ્ટી ફીચર્સ ઉમેર્યા છે. હવે તેમાં છ એરબેગ, EBD સાથે ABS, હિલ હોલ્ડ આસિસ્ટ, ઇલેક્ટ્રોનિક સ્ટેબિલિટી પ્રોગ્રામ અને 3-પોઇન્ટ સીટ બેલ્ટ પ્રમાણભૂત રીતે આવે છે. વેગન આર બે એન્જિન વિકલ્પોમાં ઉપલબ્ધ છે - 1-લિટર અને 1.2-લિટર. પહેલું એન્જિન 91.1 Nm પીક ટોર્ક સાથે 67 bhp અને બીજું એન્જિન 13.7 Nm પીક ટોર્ક સાથે 90 bhp જનરેટ કરે છે. મારુતિ સુઝુકી વેગનઆરની કિંમત એક્સ શોરૂમ 5.65 લાખ રૂપિયા થી 7.36 લાખ રૂપિયા એક્સ શોરૂમ છે. (Photo: Financial Express)
Hyundai Grand i10 Nios
હ્યુન્ડાઇ ગ્રાન્ડ આઇ10 નીઓસ (Hyundai Grand i10 Nios)
હ્યુન્ડાઇ ગ્રાન્ડ આઈ10 નીઓસ એકમાત્ર બિન મારુતિ સુઝુકી કાર છે જે આ યાદીમાં સ્થાન મેળવે છે. હ્યુન્ડાઇના જણાવ્યા અનુસાર, આ હેચબેક 30 થી વધુ સેફ્ટી ફીચર્સથી સજ્જ છે જેમાં 6 એરબેગ્સ, ડ્રાઇવર રીઅર વ્યૂ મોનિટર (DVRM), ઇલેક્ટ્રોનિક સ્ટેબિલિટી કંટ્રોલ (ESC), વ્હીકલ સ્ટેબિલિટી મેનેજમેન્ટ (VSM), હિલ આસિસ્ટ કંટ્રોલ વગેરેનો સમાવેશ થાય છે. ગ્રાન્ડ i10 Nios 1.2-લિટર પેટ્રોલ એન્જિન દ્વારા સંચાલિત છે જે 6000 rpm પર 82 bhp અને 4000 rpm પર 113.8 Nm ટોર્ક જનરેટ કરે છે. તે 5-સ્પીડ મેન્યુઅલ અથવા AMT ગિયરબોક્સ સાથે ઉપલબ્ધ છે. હ્યુન્ડાઇ ગ્રાન્ડ આઈ10 નીઓસ કારની કિંમત એક્સ શોરૂમ 5.98 લાખ રૂપિયાથી 8.38 લાખ રૂપિયા એક્સ શોરૂમ છે. (Photo: Financial Express)
Auto news બિઝનેસ