/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Ajay Saroya
પર અપડેટ કર્યું
Follow UsNew Update
/indian-express-gujarati/media/media_files/wp-content/uploads/2024/04/Dang-hill-station-1.jpg)
/indian-express-gujarati/media/media_files/wp-content/uploads/2024/04/Girmal-Waterfalls.jpg)
/indian-express-gujarati/media/media_files/wp-content/uploads/2024/04/saputara.jpg)
સાપુતારા હિલ સ્ટેશન ગુજરાતના ડાંગ જિલ્લામાં આવેલું છે. સાપુતારાનો અર્થ થાય છે - સાપનું ઘર. સાપુતારા લગભગ 1000 ફુટની ઉંચાઇ પર આવેલું હોવાથી અહીં આકરાં ઉનાળામાં પણ ગરમી ઓછી લાગે છે. સહ્યાદ્રી પર્તવમાળામાં આવેલું સાપુતારામાં સ્ટેપ ગાર્ડન, સનસેટ પોઇન્ટ, સનરાઇટ પોઈન્ટ, ઉંચા પર્વત, જંગલ, ગીરીમલ ધોધ, ડાંગ દરબાર, હાથગઢ કિલ્લો સપ્તશ્રૃંગી દેવી મંદિર અને શબરીધામ, સાપુતારા મ્યુઝિયમ, વાંસદા રાષ્ટ્રીય ઉદ્યાન, સહિત ઘણા બધા જોવાલાયક સ્થળ છે. અહીં પ્રવાસીઓ બોટિંગની મજા અને પેરાગ્લાઈડિંગનો રોમાંચ પણ માણી શકે છે. સાપુતારામાં માનવ સર્જિક તળાવ છે. જેમા પ્રવાસીઓ બોટિંગની મજા માણે છે. (Photo - Gujarat Tourism)
/indian-express-gujarati/media/media_files/wp-content/uploads/2024/04/saputara-hill-station-tourist-places.jpg)
ગુજરાતના ડાંગ જિલ્લામાં સાપુતારા આવેલું છે. સાપુતારાની નજીકનું એરપોર્ટ સુરત છે, જે લગભગ 150 કિમી દૂર છે. તો નજીકનું રેલવે સ્ટેશન બિલીમોરા વાધાઇ રેલવે સ્ટેશન અને ડુંગરઘા રેલવે સ્ટેશન અને કાલા અંબ રેલવે સ્ટેશન છે. અમદાવાદથી સાપુતારા 409 કિમી અને મુંબઇથી 250 કિમી દૂર છે. અમદાવાદ - મુંબઇ રોડ પર બિલીમોરા ઉતરી તમે સરળતાથી સાપુતારા ફરવા જઇ શકો છો. (Photo - Gujarat Tourism)
/indian-express-gujarati/media/media_files/wp-content/uploads/2024/04/Dang-Don-Hill-Station.jpg)
ડોન હિલ સ્ટેશન ગુજરાતનું બીજું પ્રખ્યાત હિલ સ્ટેશન છે. કુદરતના ખોળે વસેલું ડોન હિલ સ્ટેશન પણ ડાંગ જિલ્લામાં આવેલું છે અને આહ્વાથી 30 કિમી દૂર છે. ડોન હિલ સ્ટેશન સહ્યાદ્રી પર્વતમાળામાં 1070 મીટર ઉંચાઇ પર આવેલું છે, જે સાપુતારા કરતા 100 મીટર ઉંચુ છે અને મહારાષ્ટ્રની સરહદથી માત્ર 3 કિમી દૂર છે.
ડોન હિલ જવાના સર્પાકાર રસ્તાઓ પ્રવાસીઓના શ્વાસ થંભાવી દે તેવા છે. ઉંચા પહાડ, ઝરણાં, જંગલ અને ભરપૂર કુદરતી સૌંદર્ય જોઇ પ્રવાસીઓ બધી ચિંતા ભૂલી જાય છે. અહીં એક સ્વયંભૂ શિવલિંગ પણ છે જેના પર ઝરણાનો અભિષેક થાય છે. ઉંચા પર્વત અને ઢોળાવ હોવાથી પ્રવાસીઓને ટ્રેકિંગ કરવાની મજા પડે છે. લોકવાયકા મુજબ અહીં મહાભારતના ગુરુ દ્રોણાચાર્યનું આશ્રમ હતું. સમયાંતરે અપભ્રંશ થઇ આ સ્થળનું નામ ડોન થઇ ગયું. અહીં કુદરતી સૌંદર્ય ઉપરાંત આદિવાસી જીવનની ઝાંખી જોવાની મજા પડશે. (Photo - Gujarat Tourism)
/indian-express-gujarati/media/media_files/wp-content/uploads/2024/04/Don-Hill-Station-tourist-places.jpg)
ડોન હિલ સ્ટેશન જવા માટે નજીકનું એરપોર્ટ સુરતમાં આવેલું છે, જે 120 કિમી દૂર છે. તો વાઘાઇ રેવલે સ્ટેશન સૌથી નજીક છે. વાઘાઇ શહેરથી ડોન હિલ સ્ટેશન 51 કિમી, અમદાવાદથી 409 કિમી અને સુરતથી 164 કિમી દૂર છે. (Photo - Gujarat Tourism)
/indian-express-gujarati/media/media_files/wp-content/uploads/2024/04/wilson-hill-tourist-places.jpg)
વિલ્સન હિલ્સ ગુજરાતના વલસાડ તાલુકાના ધરમપુર તાલુકામાં આવેલું પ્રખ્યાત પ્રવાસન સ્થળ છે. ઉંચા પર્વત અને જંગલથી ઘેરાયેલી વિલ્સન હિલ્સ પ્રવાસીઓને અદભૂત શાંતિનો અહેસાસ કરાવે છે. વિલ્સન હિલ્સ પંગગબારી વન્યજીવ અભ્યારણ્યની નજીક છે અને તે વિશ્વના અમુક હિલ સ્ટેશન પૈકીનું એક છે જ્યાંથી દરિયો જોવા મળે છે. વિલ્સન હિલ્સ 2500 ફુટની ઉંચાઇ પર આવેલું હોવાથી અહીં ઉનાળામાં પણ ગરમી લાગતી નથી. વિલ્સન હિલ્સને મિની સાપુતારા કહેવાય છે. ચોમાસામાં ધુમ્મસ, પર્વત પરથી નીચે પડતા ઝરણા, લીલાછમ પહાડ પ્રવાસીઓને અદભૂત આનંદ આપે છે. (Photo - Gujarat Tourism)
/indian-express-gujarati/media/media_files/wp-content/uploads/2024/04/Wilson-Hills.jpg)
વિલ્સન હિલ્સની નજીકનું એરપોર્ટ સુરત છે અને વલસાડ રેલવે સ્ટેશન નજીક છે. વિલ્સન હિલ્સ અમદાવાદથી 485 કિમી, સુરતથી 130 કિમી, સાપુતારાથી 120 કિમી અને નવસારીથી 80 કિમી દૂર છે. રોડ માર્ગે વલસાડ પહોંચીને વિલ્સન હિલ્સ પહોંચી શકાય છે. હિલ સ્ટેશનની સાથોસાથ ગુજરાતના બીચ પણ સુંદર છે. ગુજરાતના આ ફેમસ બીચ જોઇ તમે ગોવા કે વિદેશ જવાનું ભુલી જશો. જાણવા જેવું અને રસપ્રદ માહિતી સાથેની વધુ ફોટો ગેલેરી જોવા અહીં ક્લિક કરો. (Photo - Gujarat Tourism)