Advertisment
FE Budget 2026
Co-presented by
Associate Sponsor
ન્યૂઝ Photos

Gujarat Monsoon Tour : ચોમાસામાં ગુજરાતના આ સ્થળોએ જાઓ ફરવા, સૌંદર્યતા જોઈ દિલ ગાર્ડન-ગાર્ડન થઈ જશે

Gujarat Monsoon Tourist Place : ગુજરાતના ચોમાસા માં ફરવા જવાના સ્થળોની વાત કરીએ તો, સાપુતારા, ગીરા ધોધ, પોળો ફોરેસ્ટ, તારંગા, અંબાજી, ગીરનાર સહિતના આ હિલ સ્ટેશનો પણ યાદગાર પ્રવાસ બનાવી શકે છે.

Written byKiran Mehta

Gujarat Monsoon Tourist Place : ગુજરાતના ચોમાસા માં ફરવા જવાના સ્થળોની વાત કરીએ તો, સાપુતારા, ગીરા ધોધ, પોળો ફોરેસ્ટ, તારંગા, અંબાજી, ગીરનાર સહિતના આ હિલ સ્ટેશનો પણ યાદગાર પ્રવાસ બનાવી શકે છે.

author-image
Kiran Mehta
પર અપડેટ કર્યું
New Update
Monsoon Trip Place in Gujarat - 1
Gujarat Monsoon Tourist Place : ચોમાસું શરૂ થઈ રહ્યું છે, ત્યારે ફરવા અને ખાવાની વાત કરીએ તો ગુજરાતીઓને કેવી રીતે ભૂલાય. જો તમે પણ ચોમાસામાં રજાઓમાં ફરવા જવાનો પ્લાન બનાવી રહ્યા છો તો આ સ્થળોની અચૂંક મુલાકાત લેવા જશો, ચોમાસામાં અહીંની કુદરતી સૌંદર્યતા જોઈ તમારૂ દિલ ગાર્ડન-ગાર્ડન થઈ જશે, અને તમારો તથા પરિવારનો પ્રવાસ યાદગાર બની જશે. તો ચાલો જોઈએ ગુજરાતમાં ચોમાસામાં ફરવા જવાના શાનદાર સ્થળો વિશે.(ફોટો - ગુજરાત ટુરિઝમ)
Monsoon Trip Place in Gujarat - 2
સાપુતારા - સાપુતારા ગુજરાતના ડાંગ જિલ્લામાં આવેલુ શાનદાર અને સુંદર હિલ સ્ટેશન છે. ચોમાસામાં અહીંના હર્યા ભર્યા જંગલ, ઊંચા પહાડો, રસ્તા પર આવતા ઝરણા, વાદળોને અડવાની મજા, ધુમ્મસ તમારા પ્રવાસને રંગીન બનાવી દેશે. અહીં તમને પ્રાકૃતિક સુંદરતાનો અદ્દભૂત નજારો જોવા મળશે. સાપુતારા સસ્તામાં કેવી રીતે પહોંચાય તેની વાત કરીએ તો, અહીં નજીકનું રેલવે સ્ટેશન વઘઈ છે, બિલિમોરાથી તમે વઘઈની ટોય ટ્રેનની મુસાફરી પણ કરી શકો છો. જે સાપુતારાથી 52 કિમીના અંતરે આવેલું છે. તમને સુરત, અમદાવાદ, નવસારી, સહિતના મોટા શહેરોથી સરળતાથી બસ પણ મળી જશે. સાપુતારામાં જોવાલાયક સ્થળોની વાત કરીએ તો, તમે અહીં વંડસા રાષ્ટ્રીય ઉદ્યાન, નાગેશ્વર મહાદેવ મંદિર, સ્ટેપ ગાર્ડન, રોઝ ગાર્ડન, પુષ્પક રોપવે સહિતના સ્થળોની મુલાકાત લઈ શકો છો. (ફોટો - ગુજરાત ટુરિઝમ)
Monsoon Trip Place in Gujarat - 3
ગીરા ધોધ - ચોમાસામાં ગીરા ધોધ સોળે કળાએ ખીલી ઉઠે છે. ગીરા ધોધ અમદાવાદથી 350 કિમીના અંતરે આવેલો છે. તમે અમદાવાદથી બિલિમોરા ટ્રેનમાં પહોંચી શકો છો, ત્યાંથી તમે ટોય ટ્રેનમાં બેસી વઘઈ પહોંચી શકો છો. ટ્રોય ટ્રેનમાં બેસવાનો પણ એક અનેરો આનંદ છે. ગીરા ધોધ 75 ફૂટ ઊંચે ચટ્ટાન પરથી પડે છે, ચોમાસામાં ધુમ્મસનું વાતાવરણ તેની સુંદરતામાં વધારો કરે છે. અહીં ધોધ પર ઈન્દ્ર ધનુષનો નજારો જોઈ સહેલાણીઓનું મન પ્રફૂલીત થઈ જાય છે. આ સિવાય તમે વઘઈમાં બોટોનિકલ ગાર્ડનની પણ મુલાકાત લઈ શકો છો. (ફોટો - ગુજરાત ટુરિઝમ)
Monsoon Trip Place in Gujarat - 4
ડોન હિલ સ્ટેશન - ગુજરાતમાં સાપુતારા બાદ બીજા કોઈ હિલ સ્ટેશનની વાત કરીએ તો, તે ડોન હિલ સ્ટેશન છે. જે સુરતથી 150 કિમીના અંતરે આવેલુ છે. જ્યારે ડાંગના આહ્વાથી માત્ર 30 કિમીના અંતરે છે. ડોન હિલ સ્ટશન નજીક આહ્વાનું ગદાદ ગામ છે. ચોમાસામાં અહીંનો ગ્રીન ડુંગર જોઈ તમને સ્વર્ગ જેવો અહેસાસ થશે. આ પહાડી ગુજરાત અને મહારાષ્ટ્ર બોર્ડર પર છે. અહીં હર્યા ભર્યા વૃક્ષો, ઝરણા, ધુમ્મસ જોઈ તમારૂ મન પ્રફૂલિત થઈ જશે. તમે અહી નજીકમાં, માયાદેવી ઝરણા, ગીરા ધોધ, પાંડવ ગુફાઓ, મહલ ઈકો કેમ્પસાઈટની પણ મુલાકાત લઈ શકો છો. (ફોટો - ગુજરાત ટુરિઝમ)
Monsoon Trip Place in Gujarat - 5
સ્ટેચ્યુ ઓફ યુનિટી - સ્ટેચ્યુ ઓફ યુનિટીને હવે કોઈ ઓળખની જરૂર નથી. વિશ્વભરમાં આ સ્થળ ફેમશ બન્યું છે. ગુજરાતનું આ સ્થળ ચોમાસામાં ફરવા જવા માટે સુંદર અને શાનદાર સ્થળ છે. અહીં તમે ચોમાસામાં નર્મદા ડેમનો ધોધ જોઈ તમારા પ્રવાસની અવિસ્મરણીય યાદને કેમેરામાં કેદ કરી શકો છો. ધુમ્મસ ભર્યું વાતાવરણ, લાલાછમ વૃક્ષો, અહીંની પ્રાકૃતિક સુંદરતામાં વધારો કરે છે. જો તમે ચોમાસામાં આ સ્થળની મુલાકાત ચુકી ગયા તો અફસોસ રહી જશે. અહીં તમે સરદાર પટેલનુ 182 મીટર ઊંચુ સ્ટેચ્યુ, નર્મદા ડેમ, ખળ ખળ વહેતી નર્મદા નદી, પહાડો, જંગલ સફારી પાર્ક, નજીકમાં નીલકંઠ ધામ પોઈચા, જરવાની ઝરણાં, શૂલપનેશ્વર અભ્યારણ્ય, મહાદેવ મંદિર, નિનાઈ ઝરણા, ફૂલોની ઘાટી, કેક્ટસ અને પતંગીયા ઉદ્યાન અને નદીમાં એક્તા ક્રૂઝની પણ મજા લઈ શકો છો. (ફોટો - ગુજરાત ટુરિઝમ)
Monsoon Trip Place in Gujarat - 6
અંબાજી - અંબાજી તીર્થ સ્થાન છે, જે ગુજરાત સહિત દેશભરના લોકો માટે આસ્થાનું કેન્દ્ર છે. પરંતુ ચોમાસામાં અંબાજી ફરવાનો પ્લાન તો બનાવી જ શકો છો. અંબાજી પહાડો અને જંગલથી ઘેરાયેલુ શહેર છે. અહીની પ્રાકૃતિક સુંદરતા અને પહાડો તમારો પ્રવાસ યાદગાર બનાવી દેશે. હાલમાં જ સરકારે અંબાજી નજક ત્રિસુલિયા ઘાટને પિકનીક સ્પોર્ટ તરીકે વિકસીત કર્યું છે. તમે અહી પરિવાર સાથે ક્વોલિટી ટાઈમ પસાર કરી શકો છો. અહીં નજીકમાં તમે ગબ્બર પહાડ, કુંભારીયા જૈન મંદિર, ગૌમુખ ઝરણુ, માનસરોવર, કૈલાશ ટેકરી મહાદેવ મંદિર, ગબ્બર રોપ વેનો આનંદ, કોટેશ્વર, મંગાલ્યા વન સહિત મા અંબા શક્તિપીઠના દર્શન કરી ધન્યતા અનુભવી શકો છો. (ફોટો - ગુજરાત ટુરિઝમ)
Monsoon Trip Place in Gujarat - 7
કિલેશ્વર મહાદેવ, બરડો ડુંગર - સૌરાષ્ટ્રનું આ છૂપુ સ્થળ ચોમાસામાં તેની પ્રાકૃતિક સુંદરતાથી ખીલી ઉઠે છે. કિલેશ્વર મહાદેવ મંદિર, બરડો ડુંગર ચોમાસામાં ફરવા જવા માટેનું સુંદર સ્થળ છે. અહીં તમે બીલનાથ મહાદેવ, જંગલ, પહાડ, ખળ ખળ વહેતી નદીનો અદભુત નજારો તમારા કેમેરામાં કેદ કરી શકો છો. પરિવાર સાથે અહીં પીકનિક મનાવવા જઈ શકો છો. (ફોટો - ગુજરાત ટુરિઝમ)
Monsoon Trip Place in Gujarat - 8
જુનાગઢ, ગીરનાર પર્વત - ચોમાસામાં ફરવાની વાત આવે ત્યારે ગીરનાર પર્વતને કેવી રીતે ભૂલી શકાય. વરસાદમાં ગીરનાર પર્વત પરથી પડતુ પાણી જોઈ તમે આનંદ વિભોર થઈ જશો. ચોમાસામાં ગીરનાર પર્વત લીલોછમ બની જાય છે. લીલુછમ સાસણ જંગલનો અદભુત નજારો, વહેતા ઝરણા, ધોધ, ચોમાસામાં ગીરનારની સુંદરતા વધારી દે છે. અહીં મુલાકાત લઈ તમે નજીકમાં ગીરનાર વન્ય અભ્યારણ્ય, ભવનાથ મહાદેવ મંદિર, ઉપરકોટ કિલ્લો, મહાબત મકબરા પેલેસ, સક્કરબાગ ઝૂની પણ મુલાકાત લઈ પરિવાર સથે પ્રવાસને યાદગાર બનાવી શકો છો. (ફોટો - ગુજરાત ટુરિઝમ)
Monsoon Trip Place in Gujarat - 9
પોળો ફોરેસ્ટ - પોળો ફોરેસ્ટ અમદાવાદથી માત્ર 160 કિમીના અંતરે આવેલુ હર્યું ભર્યું જંગલ છે. અહીં ચોમાસામાં નદી, ઝરણા અને જંગલની લીલોતરીનો અદભુત નજારો તેની સુંદરતામાં વધારો કરે છે. ચોમાસામાં પીકનિક માટે લોકો આ સ્થળની પસંદગી જરૂર કરે છે. પોળો ફોરેસ્ટમાં તમે સદાવંત શિવલિંગ ડેરા, સૂર્ય મંદિર, પોળો જૈન મંદિર, સરનેશ્વર મંદિર, વનજ બાંધ, પ્રાચિન શિવ મંદિર, લખેના મંદિર, હરનવ બાંધ, જો તમે અહીં સ્ટે કરવા માંગો છો તો, ગેસ્ટ હાઈસ, રિસોર્ટ પણ મળી જાય છે. પોળો ફોરેસ્ટ ગુજરાતના સાબરકાંઠા જિલ્લામાં ઈડરથી 40 કિમીના અંતરે આવેલુ છે. તમે અહીં પોતાના વાહનથી અથવા પ્રાઈવેટ સટલ જીપ અથવા બસમાં પણ જઈ શકો છો. (ફોટો - ગુજરાત ટુરિઝમ)
Monsoon Trip Place in Gujarat - 10
તારંગા હિલ્સ - તારંગા હિલ્સ ગુજરાતના મહેસાણા જિલ્લામાં આવેલું જૈન તિર્થ સ્થાન છે. તારંગા જૈન મંદિર પહાડ પર બનેલું છે. અહીં તમે ટ્રેકિંગનો આનંદ લઈ શકો છો. ચોમાસામાં આ સ્થળ સોળે કળાએ ખીલી ઉઠે છે. પહાડ અને જંગલોથી ઘેરાયેલા આ સ્થળ પર ચોમાસામાં જવાની મજા જ કઈં અલગ છે. તારંગા કિલ્લાના મુખ્ય દ્વારના ઉત્તર પૂર્વમાં એક ગુફા છે, જ્યાં ચાલતી ઠંડી હવા તમારો પ્રવાસ સુખદ બનાવી દેશે. આ ગુફાને જોગીદાની ગુફા તરીકે પણ ઓળખવામાં આવે છે, જ્યાં સાધુઓએ વર્ષો તપસ્યા કરેલી છે. અમદાવાદથી તારંગા હિલ્સ 130 કિમી ડ્રાઈવ કરી સરળતાથી પહોંચી શકાય છે. (ફોટો - ગુજરાત ટુરિઝમ)
Monsoon Trip Place in Gujarat - 11
વિલ્સન હિલ્સ - વિલ્સન હિલ્સ વલસાડના ધરમપુર નજીક આવેલુ એક રમણિય પર્યટન સ્થળ છે. અહીં તમે ચોમાસા અને ગરમીઓમાં પણ જબરદસ્ત આનંદ લઈ શકો છો. આ પહાડી સમુદ્રથી 2500 ફૂટ ઉપર છે. આ પહાડ પંગરબાપી અભ્યારણ્યથી આવેલી છે. અહીં પહાડ પરથી તમે વશાળ સમુદ્રની ઝલક પણ જોઈ શકો છો. ધુમ્મસ, ઝરણા, ખળ ખળ વહેતી નદીઓનો આનંદ લેતા લેતા તમે અહીં જઈ તમારો પ્રવાસ યાદગાર બનાવી શકો છો. (ફોટો - ગુજરાત ટુરિઝમ)
ચોમાસું ગુજરાતી ન્યૂઝ જીવનશૈલી પ્રવાસ