Advertisment
FE Budget 2026
Co-presented by
Associate Sponsor
ન્યૂઝ Photos

ગુજરાત વેધર અપડેટ્સ: 11 જિલ્લામા રેડ એલર્ટ, તમામ જિલ્લામાં અતિભારે વરસાદની આગાહી, રોડ રસ્તા જળમગ્ન, ડેમ ઓવરફ્લો

Gujarat Weather Updates 26-08-2024 : ગુજરાત ભરમાં ધોધમાર વરસાદ થઈ રહ્યો છે, 11 જિલ્લામાં રેડ એલર્ટ આપવામાં આવ્યું છે. અન્ય તમામ જિલ્લામાં ઓરેન્જ એલર્ટ છે, તો રાજ્યમાં તમામ જિલ્લામાં ભારે વરસાદ થઈ રહ્યો છે, જેને પગલે રોડ રસ્તા પાણી પાણી થઈ ગયા છે.

Written byKiran Mehta

Gujarat Weather Updates 26-08-2024 : ગુજરાત ભરમાં ધોધમાર વરસાદ થઈ રહ્યો છે, 11 જિલ્લામાં રેડ એલર્ટ આપવામાં આવ્યું છે. અન્ય તમામ જિલ્લામાં ઓરેન્જ એલર્ટ છે, તો રાજ્યમાં તમામ જિલ્લામાં ભારે વરસાદ થઈ રહ્યો છે, જેને પગલે રોડ રસ્તા પાણી પાણી થઈ ગયા છે.

author-image
Kiran Mehta
પર અપડેટ કર્યું
New Update
Gujarat Weather Updates 26-08-2024 - 1
Gujarat Weather Updates 26-08-2024 : ગુજરાત માં મેઘરાજાએ ધમાકેદાર બેટિંગ કરતા દક્ષિણ ગુજરાત સહિતના જિલ્લાઓમાં જળબંબાકાર જેવી સ્થિતિ સર્જાઈ છે, ત્યારે હવામાન વિભાગે આજે 11 જિલ્લાઓમાં રેડ એલર્ટની આગાહી કરતા તંત્ર સાવધાન બની ગયું છે. તમને જણાવી દઈએ કે, રાજ્યના અન્ય તમામ જિલ્લાઓમાં પણ ઓરેન્જ એલર્ટ સાથે અતિભારે વરસાદની આગાહી કરવામાં આવી છે. આ સિવાય રાજ્યમાં દક્ષિણ ગુજરાતમાં ભારે વરસાદને પગલે ઠેર ઠેર પાણી ભરાઈ ગયા છે. નદી, નાળા, ડેમ છલકાઈ ગયા છે, તો રસ્તાઓ જળમગ્ન બની ગયા છે.
Gujarat Weather Updates 26-08-2024 - 2
ગુજરાતમાં ભારે વરસાદ પડી રહ્યો છે. જેના કારણે અનેક નીચાણવાળા વિસ્તારોમાં પાણી ભરાઈ ગયા છે. આ દરમિયાન, હવામાન વિભાગે ગુજરાતમાં 1 સપ્ટેમ્બર સુધી ભારે વરસાદની ચેતવણી જાહેર કરી છે. વલસાડ, સુરત અને નવસારીના પાંચ તાલુકાઓ વાપી, કપરાડા, પારડી, ઉમરપાડા અને ખેરગામ)માં 250-330 મીમી વચ્ચે સૌથી વધુ વરસાદ નોંધાયો છે. સોમવાર અને મંગળવારે વડોદરા, સુરત, ભરૂચ, નવસારી, વલસાડ, અમરેલી, ભાવનગર, આણંદ, રાજકોટ, જામનગર, પોરબંદર, મોરબી, દ્વારકા અને કચ્છમાં ભારે વરસાદની સંભાવના છે. હવામાન વિભાગે આ વિસ્તારોમાં ભારેથી અતિ ભારે વરસાદનું રેડ એલર્ટ જાહેર કર્યું છે.
Gujarat Weather Updates 26-08-2024 - 3
ગુજરાત સરકારે જણાવ્યું હતું કે, શનિવારે વલસાડ તાલુકાના નીચાણવાળા વિસ્તારોમાંથી 300 લોકોને ખસેડવામાં આવ્યા હતા. નવસારીના એક્ઝિક્યુટિવ મેજિસ્ટ્રેટ (ડિઝાસ્ટર) એએમ ગામીતે જણાવ્યું હતું કે, “નીચાણવાળા વિસ્તારોમાં પૂર આવ્યા બાદ બીલીમોરા શહેરમાં કુલ 17 લોકોને અન્ય સ્થળોએ ખસેડવામાં આવ્યા હતા. વહીવટીતંત્ર પણ પૂર્ણા અને કાવેરી નદીઓના વધતા જળ સ્તર પર ચાંપતી નજર રાખી રહ્યું છે.”
Gujarat Weather Updates 26-08-2024 - 4
ગુજરાત ઇમરજન્સી ઓપરેશન સેન્ટર (SEOC)ના ડેટા અનુસાર, રવિવારે 193 તાલુકાઓમાં વરસાદ થયો હતો. ખેરગામ ઉપરાંત, અન્ય તાલુકા કે જેમાં 100 મીમીથી વધુ વરસાદ પડ્યો છે તેમાં નર્મદાના ડેડિયાપરા (199 મીમી), વલસાડના કપરાડા (178 મીમી), નર્મદાના સાગબારા (175 મીમી), વલસાડ (167 મીમી) અને ધરમપુર (160 મીમી નો સમાવેશ થાય છે નો સમાવેશ થાય છે. રાજકોટમાં 153 મીમી, ડાંગમાં 143 મીમી, નવસારીના વાંસદામાં 137 મીમી, ડાંગના વઘઈમાં 135 મીમી વરસાદ નોંધાયો હતો.
Gujarat Weather Updates 26-08-2024 - 5
આ બાજુ મૂળી તાલુકાના સરાથી ધાંગધ્રા તરફ જવાના રસ્તે કારાપાણી ની નદી ઓવર ફ્લો થતા બોલેરો કાર સહીત બે યુવાનો નદીમાં ફસાયા હોવાની પ્રાથમિક માહિતી મળી હતી. જેની જાણ તંત્રને થતા ઘટના સ્થળે પહોંચી નદીમાં ફસાયેલા યુવાનોને રેસ્ક્યુ કરાયું હતુ.
Gujarat Weather Updates 26-08-2024 - 6
તો સુરત ઉપરવાસમાં ભારે વરસાદ થતાં તાપી નદી બંને કાંઠે વહી રહી છે. ઉકાઈ ડેમ માથી 2 લાખ 47 હજાર 261 ક્યુસેક પાણી છોડવામાં આવ્યું છે. તાપી નદી પરના કોઝવે ની હાલની સપાટી 9.90 મીટર, કોઝવમાંથી 2 લાખ 84 હજાર 142 ક્યુસેક પાણી પસાર થઈ રહ્યું છે. ઉકાઈ ડેમની હાલની સપાટી 336.44, ઉકાઈમાં પાણી ની આવક 2 લાખ 47 હજાર 261 છે. જેટલી આવક એટલુ જ પાણી તાપી નદીમાં છોડવામાં આવ્યું, ડેમ ભયજનક 345 ફૂટથી હજુ 9 ફૂટ બાકી છે. રૂલ લેવલ જાળવવા માટે પાણી છોડાયું છે, નદી કિનારાના વિસ્તારોમાં એલર્ટ આપવામાં આવ્યું છે. તો હજુ બે દિવસ ભારેથી અતિ ભારે વરસાદની આગાહી બાદ તંત્ર એલર્ટ મોડ પર છે.
Gujarat Weather Updates 26-08-2024 - 7
આ બાજુ તાપી ઉકાઈ ડેમના ઉપરવાસ માંથી સતત પાણીની આવક ને લઈ તાપી નદીમાં પાણી છોડવાની પ્રક્રિયા માં વધારો કરાયો છે. ઉકાઈ ડેમના 15 દરવાજા 10.05 ફૂટ ખોલી તાપી નદીમાં પાણી છોડવામાં આવી રહ્યું છે. તાપી નદીમાં 2 લાખ 47 હજાર 261 ક્યુસેક પાણી છોડવામાં આવી રહ્યું છે, ઉકાઈ ડેમની સપાટી 336.44 ફૂટ પર પોહચી ગઈ છે. તાપી નદી બે કાંઠે વહેતી થતા નદી કિનારે ના ગામોને એલર્ટ કરવામાં આવ્યા છે.
Gujarat Weather Updates 26-08-2024 - 8
તો તાપીમાં વરસાદના પગલે કુકરમુંડાના બાલ્દા થી સતોલા જતો રસ્તો થયો બંધ થયો છે. લોલેવના પુલ ઉપર પાણી ફરી વળતા રસ્તો બંધ થયો છે. રસ્તો બંધ થતાં બે ગામોનો સંપર્ક તૂટી ગયો છે. ગામવાસીઓની મુશ્કેલી વધી ગઈ છે. જિલ્લામાં અવિરત પડી રહેલ વરસાદ વચ્ચે નદી નાળાઓમાં પાણીની ભરપૂર આવક થઈ છે. ડોલવણ થી પસાર થતી પૂર્ણા નદી માં ભરપૂર પાણી આવતા નદી બે કાંઠે વહી. તંત્ર દ્વારા લોકોને નદીમાં માછીમારી કે કોઈપણ કામ અર્થે ન જવા માટે અપીલ કરાય.
Gujarat Weather Updates 26-08-2024 - 9
સુરેન્દ્રનગર જિલ્લાના દસેય તાલુકામાં મેઘમહેર જોવા મળી રહ્યો છે. મૂળીમાં સૌથી વધુ આઠ ઈંચથી વધુ વરસાદ ખાબક્યો છે. સુરેન્દ્રનગર જિલ્લામાં હવામાન વિભાગે સાતમ-આઠમના તહેવારો પર વરસાદની આગાહી કરી હતી. ત્યારે આાગાહી મુજબ જિલ્લામાં વરસાદનું આગમન થયુ છે. જેમાં રવિવાર સાંજ સુધીમાં જિલ્લાના દસેય તાલુકામાં વરસાદ વરસ્યો છે. જેમાં સૌથી વધુ વરસાદ મુળીમાં 210  મિમી એટલે કે  આઠ ઈંચથી વધુ અને સૌથી ઓછો વરસાદ લખતરમાં તાલુકામાં 39 મિમી અડધા ઇંચથી વધુ પડતો છે. વરસાદથી સુરેન્દ્રનગર અને વઢવાણના મેળાના મેદાનમાં પાણી ભરાઈ જતા આયોજકોની ચિંતા વધી છે. આજે જન્માષ્ટમી પર્વ પણ ઝાલાવાડમાં વરસાદ આવે તેવી શકયતા હવામાન વિભાગે વ્યક્ત કરી છે. રવિવારે બપોરના સમયે 1 ઈંચ વરસાદ પડયો હતો. સતત ધીમીધારના ઘરસાદથી શહેરના રસ્તાઓ પર પાણી ભરાઈ ગયા હતા વરસાદી વાતાવરણને લીધે વાતવરણમાં ઠંડક પ્રસરી હતી. બીજી તરફ ઉપરવાસમાં વરસાદ અને નર્મદાના નીરથી સુરેન્દ્રનગરનો ધોળીધજા ડેમ ઓવરફલો થયો છે. અને ભોગાવા નદીમાં તેના નીર વહ્યા હતા
Gujarat Weather Updates 26-08-2024 - 10
રાજ્ય સરકાર પણ સાબદુ બની ગયું છે. મુખ્યમંત્રી ભૂપેન્દ્ર પટેલે ગઈ મોડી રાત્રે રાજ્યના વધુ 7 જિલ્લા કલેકટરો સાથે ટેલીફોનીક વાતચીત કરીને તેમના જિલ્લાની વરસાદી પરિસ્થિતીની વિગતો મેળવી હતી. મુખ્યમંત્રીએ સૌરાષ્ટ્ર વિસ્તારના મોરબી કચ્છ રાજકોટ સુરેન્દ્રનગર ભાવનગર તેમજ દક્ષિણ ગુજરાતના ભરૂચ અને ડાંગ ના કલેકટરો નો સંપર્ક સાધીને તેમને વરસાદી સ્થિતી પર સતત નજર રાખીને લોકોની સલામતી પશુધન રક્ષણ વ્યવસ્થા તેમજ આપદા પ્રબંધન માટે સતર્ક રહેવા સૂચનાઓ આપી હતી.
Gujarat Weather Updates 26-08-2024 - 11
તો છોટા ઉદેપુર જીલ્લા નાં કવાંટ તાલુકામાં આવેલાં રામી ડેમ 100% ભરાઈ જતાં ગઈ કાલ થી ઓવર ફ્લો થઈ વહી રહ્યો છે, જેથી કવાંટ તાલુકા નાં નીચાણ વારા ગામો ને તંત્ર દ્વારા એલર્ટ જાહેર કરવામાં આવ્યાં છે, જયારે સુખી ડેમમાં પણ પાણી ની આવક વધતાં 80 ટકા જેટલો ભરાઈ જતાં નીચાણ વારા મોટીબેજ, અમાદર, વાઘવા, કિકાવાડા, હૂડ, વદેસિયા, નાની રાસલી, ઘૂંટીયા, નાની બેજ, ઠલકી, સિથોલ, ડુંગરવાંટ, ખાંડીયા, કોલિયારી, લોઢણ, ગંભીરપૂરા, ઘૂંટણવડ, પલિયા, સજોડ, અને સિહોદ જેટલાં ગામોને એલર્ટ જાહેર કરવામાં આવ્યાં છે.
Gujarat Weather Updates 26-08-2024 - 12
આ બાજુ ડાંગ જિલ્લામાં સંબેલા ધાર વરસાદ વરસી રહ્યો છે. સમગ્ર ડાંગ જિલ્લામાં આજે છઠ્ઠા દિવસે પણ અવિરત પણે વરસાદ વરસી રહ્યો છે, ડાંગની અંબિકા, પૂર્ણા, ખાપરી અને ગીરા નદી બંને કાંઠે વહેતી થઈ છે. 24 કલાક પૂર્ણ થતા આહવા 10.68 ઇંચ વઘઈ 10.25 ઇંચ સુબીર 8.56ઇંચ અને સાપુતારા 10.84 ઇંચ વરસાદ નોંધાયો છે. મુશળધાર વરસાદ ને કારણે અંબિકા નદી માં ગુંદિયા ગામ નો યુવક તણાઈ ગયો હતો.
Gujarat Weather Updates 26-08-2024 - 13
અમદાવાદમાં વહેલી સવાર ના વરસાદ માં જોધપુર થી રાજકોટ જતી શ્રીનાથ ટ્રાવેલ્સ ની લગઝરી બસ પાલડી પરિમલ પાસે ના અંડરપાસમાં ફસાઈ ગઈ હતી. બસ ડ્રાઈવરને ના પાડવા છતાં ડ્રાઈવરે બસ અંદર નાખતા બસ અધવચ્ચે ફસાઈ ગઈ હતી, બસમાં રહેલા 25 જેટલા મુસાફરો ના જીવ તાળવે ચોટી ગયા હતા, આખરે ફાયર ટીમ આવી અને રેસક્યુ કરી દોરડા વડે એક પછી એક પેસેન્જર ને સહી સલામત બહાર કાઢવામાં આવ્યા હતા. સમગ્ર ઘટના માં અંડર બીજ માં પાણી ભરાયેલું સ્પષ્ટ દેખાઈ રહ્યું હોવા છતા ગાડી ચલાવતા ડ્રાઇવર ની બેદરકારી સ્પષ્ટ દેખાય છે, જોવાનું એ રહ્યું કે, પોલીસ દ્વારા શું કાર્યવાહી હાથ ધરવામાં આવશે.
Gujarat Weather Updates 26-08-2024 - 14
તો નવસારીમાં ભારે વરસાદથી ઠેર ઠેર પાણી પાણી જોવા મળી રહ્યું છે. પૂર્ણા નદી 23 ફૂટ ભયજનક સપાટી 23 ફૂટ, અંબિકા 30 ફૂટ જ્યારે ભયજનક સપાટી 28 ફૂટે પહોંચી છે, કાવેરી 15 ફૂટ ભયજનક સપાટી 19 ફૂટ, પૂર્ણા નદી ભયજનક સપાટી નજીક, અંબિકા નદી ભયજનક સપાટીથી બે ફૂટ ઉપર વહી રહી છે, પૂર્ણા નદીના કારણે નવસારી શહેરના બેશક ખાડા રીંગરોડ રંગૂનનગર મિથિલા નગરી વિસ્તારમાં હજુ પણ પૂરના પાણી યથાવત રહ્યા છે. નવસારી શહેરનો રીંગરોડ હજુ પણ પૂરના પાણીથી પ્રભાવિત અવરજવર માટે બંધ કરાયો છે, બીલીમોરા શહેર અંબિકા નદીના કારણે પૂર પ્રભાવિત થયું છે, બંદર રોડ, વાડીયા, વિસ્તારમાં ઘરોમાં પાણી ભરાયા છે, કાવેરીના પુરથી પ્રભાવિત દેસરા વિસ્તારમાં હજુ પાણી યથાવત છે, બીલીમોરા શહેરમાં પૂરની ગંભીર પરિસ્થિતિને પગલે તંત્ર એલર્ટ છે.
Gujarat Weather Updates 26-08-2024 - 15
સાબરકાંઠામાં પણ સાર્વત્રિક વરસાદ જોવા મળી રહ્યો છે. જિલ્લાના તમામ તાલુકાઓમાં શ્રી કારવર્ષા થઈ છે. સૌથી વધુ હિંમતનગરમાં 3.5 ઇંચ વરસાદ, બાકીના તમામ તાલુકાઓમાં દોઢથી બે ઇંચ વરસાદ થયો છે. ગત રાત્રિએ 10 થી લઇ 2:00 વાગ્યા સુધી નોંધાયો વરસાદ, તો હવામાન વિભાગ દ્વારા પહેલેથી જ અપાઈ હતી આગાહી કરવામાં આવી હતી, ભારે વરસાદના પગલે તમામ નદી નાળા તેમજ તળાવમાં થશે પાણીની આવક જોવા મળી શકે છે. આ તરફ અરવલ્લી માલપુર પંથકમાં ધોધમાર વરસાદથી ઠેર ઠેર પાણી પાણી જોવા મળી રહ્યું છે. માલપુર નગરમાં ભારે વરસાદ વરસતા દુકાનોમાં પાણી ભરાયા છે. દુકાનદારો પાણી કાઢતા નજરે પડ્યા હતા. દરવર્ષની જેમ આ વર્ષે પાણી ભરાતા લોકોમાં નારાજગી જોવા મળી રહી છે.
વેધર ન્યૂઝ ગુજરાતી ન્યૂઝ આજનું હવામાન અપડેટ વરસાદ ગુજરાત