Advertisment
FE Budget 2026
Co-presented by
Associate Sponsor
ન્યૂઝ Photos

વરસાદમાં બીમાર ના પડવું હોય તો આ 7 શાકભાજી ખાવાની શરુ કરી દો, મળશે ઘણો ફાયદો

Health News Gujarati : જો તમે વરસાદની ઋતુમાં બીમાર ન પડવું હોય તો તમારે તમારી થાળીમાં કેટલાક મોસમી શાકભાજી ઉમેરવા જોઈએ. તેનાથી રોગપ્રતિકારક શક્તિ તો વધે જ છે સાથે સાથે શરીરના દરેક ભાગને પણ મજબૂત બનાવે છે

Written byAshish Goyal

Health News Gujarati : જો તમે વરસાદની ઋતુમાં બીમાર ન પડવું હોય તો તમારે તમારી થાળીમાં કેટલાક મોસમી શાકભાજી ઉમેરવા જોઈએ. તેનાથી રોગપ્રતિકારક શક્તિ તો વધે જ છે સાથે સાથે શરીરના દરેક ભાગને પણ મજબૂત બનાવે છે

author-image
Ashish Goyal
પર અપડેટ કર્યું
New Update
monsoon friendly vegetables
Health News Gujarati : વરસાદની ઋતુમાં ખોરાકથી લઈને આરોગ્ય સુધી ખૂબ કાળજી લેવી પડે છે, કારણ કે આ ઋતુમાં ભેજ અને ગંદકીના કારણે બેક્ટેરિયલ અને વાયરલ ઇન્ફેક્શનનું જોખમ અનેકગણું વધી જાય છે. આવા અનેક રોગોનો ખતરો વધી જાય છે. જો તમે વરસાદની ઋતુમાં બીમાર ન પડવું હોય તો તમારે તમારી થાળીમાં કેટલાક મોસમી શાકભાજી ઉમેરવા જોઈએ. તેનાથી રોગપ્રતિકારક શક્તિ તો વધે જ છે સાથે સાથે શરીરના દરેક ભાગને પણ મજબૂત બનાવે છે. આરોગ્ય ડાયેટ એન્ડ ન્યુટ્રિશન ક્લિનિકના ડાયટિશિયન ડો.સુગીતા મુટરેજાએ જણાવ્યું હતું કે વરસાદની ઋતુમાં ખાવા-પીવાની ખાસ કાળજી લેવી પડે છે. આ સાથે જ શાકભાજીને ઋતુ અનુસાર ખાવા જોઈએ, જેથી સ્વાસ્થ્યને કોઈ નુકસાન ન થાય. (તસવીર - ફ્રીપિક)
monsoon friendly vegetables
ડાયેટિશિયન ડો.સુગીતા મુટરેજાના જણાવ્યા અનુસાર વરસાદની ઋતુમાં બેક્ટેરિયા ઝડપથી વધે છે. આવી સ્થિતિમાં, ખોરાકની ખૂબ કાળજી લેવી પડે છે. સ્વાસ્થ્ય સાથે બાંધછોડ ન કરવી હોય તો રોજીંદા ખોરાકમાં શાકભાજીની પસંદગી ખૂબ જ ધ્યાનથી કરવી જોઇએ. સામાન્ય રીતે ન ખાવામાં આવતા શાકભાજી વિશે તો બધા જ કહેતા હોય છે, પરંતુ વરસાદમાં કયા શાકભાજી ખાવા જોઈએ અને કયા શાકભાજી સ્વાસ્થ્ય માટે સારા છે તે જણાવી રહ્યા છીએ. (તસવીર - ફ્રીપિક)
કારેલા
કારેલા : વરસાદની ઋતુમાં કડવું ખાવુ સ્વાસ્થ્ય માટે સારુ હોઈ શકે છે. કારેલાનો સ્વાદ કડવો હોય છે પરંતુ ચોમાસામાં તે ખૂબ જ સારી અસર કરે છે. તેમાં એન્ટિબાયોટિક ગુણ હોય છે, જે ચેપને રોકવામાં મદદ કરે છે. તેનાથી બીમારીઓ દૂર રહે છે. (તસવીર - ફ્રીપિક)
કાકડી
કાકડી : કાકડી સરળતાથી સુપાચ્ય હોય છે. તેમાં પાણીનું પ્રમાણ વધારે હોવાને કારણે તે શરીરને હાઇડ્રેટેડ રાખવામાં મદદ કરે છે. જોકે ખાતા પહેલા તેને સારી રીતે ધોવી જોઈએ. (તસવીર - ફ્રીપિક)
ટામેટા
ટામેટા : ટામેટામાં વિટામિન સી ભરપૂર માત્રામાં હોય છે. તે રોગપ્રતિકારક શક્તિને મજબૂત બનાવવામાં મદદ કરે છે. જોકે તાજા ટામેટાંનો જ ઉપયોગ કરવો જોઈએ. (તસવીર - ફ્રીપિક)
દૂધી
દૂધી : વરસાદની ઋતુમાં દૂધીનું સેવન સ્વાસ્થ્ય માટે ફાયદાકારક છે. દૂધી એક સરળતાથી પચી શકાય તેવું શાક છે. તેમાં પુષ્કળ પ્રમાણમાં ફાઇબર હોય છે. તે પાચનમાં મદદ કરે છે, કારણ કે વરસાદની ઋતુમાં પાચનને લગતી ઘણી સમસ્યા હોય છે, તેથી તે આ ઋતુ માટે ખૂબ ફાયદાકારક સાબિત થઈ શકે છે. (તસવીર - ફ્રીપિક)
બીટરુટ
બીટરૂટ : વરસાદની ઋતુમાં બીટરુટ ખાવાથી ખૂબ લાભ થાય છે. તેમાં રહેલા એન્ટિઓક્સિડેન્ટ, વિટામિન સી અને ફાઇબર રોગપ્રતિકારક શક્તિને મજબૂત બનાવે છે, જેનાથી રોગો સામે રક્ષણ મળે છે. આ સાથે તે શરીરમાં બળતરા ઘટાડવામાં અને હૃદયની તંદુરસ્તી સુધારવામાં પણ મદદ કરે છે. (તસવીર - ફ્રીપિક)
ફ્રેન્ચ બીન્સ
ફ્રેન્ચ બીન્સ - વરસાદની સિઝનમાં ફ્રેન્ચ બીન્સ ખાવાથી સ્વાસ્થ્ય માટે ખૂબ જ લાભ થાય છે. તેમાં વિટામિન્સ, ફાઇબર અને એન્ટિઓક્સિડન્ટ્સ ભરપૂર માત્રામાં હોય છે, જે શરીરને ઘણી રીતે ફાયદો પહોંચાડે છે. તે પાચનમાં સુધારો કરવામાં, વજનને નિયંત્રિત કરવામાં અને હૃદયની તંદુરસ્તી સુધારવામાં મદદ કરે છે. (તસવીર - ફ્રીપિક)
કોળું
કોળું : વરસાદની ઋતુમાં કોળાનું સેવન સ્વાસ્થ્ય માટે ખૂબ જ ફાયદાકારક છે. તે માત્ર રોગપ્રતિકારક શક્તિ જ વધારતું નથી, પરંતુ પાચનતંત્રને પણ સ્વસ્થ રાખે છે અને ઘણા રોગો સામે રક્ષણ આપવામાં મદદ કરે છે. કોળું વિટામિન એ, સી અને ફાઇબરથી ભરપૂર હોય છે. (તસવીર - ફ્રીપિક)
monsoon friendly vegetables
વરસાદની ઋતુમાં ધ્યાનમાં રાખવાની બાબતો : સ્વચ્છતા- વરસાદની ઋતુમાં તમે જે પણ શાકભાજી ખરીદો છો, તેને ગરમ પાણીમાં થોડું મીઠું નાખીને સારી રીતે ધોઈ લો. શાકભાજીને યોગ્ય રીતે ઉકાળવી- શાકભાજીને યોગ્ય રીતે ઉકાળવાથી તેમાં રહેલા બેક્ટેરિયાનો નાશ થાય છે. ગરમ ખોરાક - જેટલું બને તેમ ગરમ રાંધેલો ખોરાક ખાઓ. (તસવીર - ફ્રીપિક)
ચોમાસું જીવનશૈલી health tips વરસાદ