Advertisment
FE Budget 2026
Co-presented by
Associate Sponsor
ન્યૂઝ Photos

ઝારખંડમાં આ 10 સ્થળો ફરવા માટે છે સૌથી શાનદાર, પરિવાર સાથે થશે યાદગાર પ્રવાસ

jharkhand top 10 tourist places : ઝારખંડમાં ફરવાલાયક ઘણા શ્રેષ્ઠ પર્યટન સ્થળો છે. જ્યાં તમે તમારા પરિવાર અને મિત્રો સાથે યાદગાર પ્રવાસનો અનુભવ કરી શકો છો.

Written byAshish Goyal

jharkhand top 10 tourist places : ઝારખંડમાં ફરવાલાયક ઘણા શ્રેષ્ઠ પર્યટન સ્થળો છે. જ્યાં તમે તમારા પરિવાર અને મિત્રો સાથે યાદગાર પ્રવાસનો અનુભવ કરી શકો છો.

author-image
Ashish Goyal
પર અપડેટ કર્યું
New Update
harkhand top 10 places :
jharkhand top 10 places : ઝારખંડ તેની સ્થાપનાના 24 વર્ષ પૂર્ણ કરી રહ્યું છે. 15 નવેમ્બર 2000ના રોજ બિહાર પુનર્ગઠન કાયદા હેઠળ ઝારખંડને ભારતનું 28મું રાજ્ય બનાવવામાં આવ્યું હતું. આ દિવસ ભગવાન બિરસા મુંડાની જન્મજયંતિ તરીકે ઉજવવામાં આવે છે, જેઓ આદિવાસી સમુદાયના મહાન નેતા અને સ્વતંત્રતા સંગ્રામના નાયક હતા. આ ખાસ અવસર પર ઝારખંડના કેટલાક શ્રેષ્ઠ પર્યટન સ્થળો વિશે જાણીએ જ્યાં તમે તમારા પરિવાર અને મિત્રો સાથે યાદગાર પ્રવાસનો અનુભવ કરી શકો છો. (તસવીર : @VisitJharkhand/Twitter)
harkhand top 10 places :
વૈદ્યનાથ ધામ : વૈદ્યનાથ ધામ, જેને બાબા બૈજનાથ ધામ તરીકે પણ ઓળખવામાં આવે છે, તે ઝારખંડના દેવઘરમાં સ્થિત એક પવિત્ર યાત્રાધામ છે. અહીં સ્થિત ભગવાન શિવનું પ્રસિદ્ધ મંદિર 12 જ્યોતિર્લિંગોમાંથી એક છે. અહીં દર વર્ષે લાખોની સંખ્યામાં ભક્તો પૂજા કરવા આવે છે. આ સિવાય આ વિસ્તારની પ્રાકૃતિક સુંદરતા પણ મનને મોહી લે છે. (તસવીર : @VisitJharkhand/Twitter)
harkhand top 10 places :
બેતલા નેશનલ પાર્ક : પલામુ જિલ્લામાં આવેલું આ રાષ્ટ્રીય ઉદ્યાન બેતલા નેશનલ પાર્કના નામથી પ્રખ્યાત છે. તે ઝારખંડનું મુખ્ય વન્યજીવ અભયારણ્ય છે, જ્યાં વાઘ, હાથી, ચિત્તો, રીંછ અને અન્ય ઘણા વન્યજીવો જોવા મળે છે. અહીં પ્રવાસીઓ સફારીનો આનંદ લઈ શકે છે અને વન્યજીવનને નજીકથી જોઈ શકે છે. બેતલા નેશનલ પાર્ક પ્રકૃતિ પ્રેમીઓ માટે એક આદર્શ સ્થળ છે. (તસવીર : @VisitJharkhand/Twitter)
harkhand top 10 places :
બોકારો સ્ટિલ સિટી : બોકારો ઝારખંડનો એક મોટો ઔદ્યોગિક વિસ્તાર છે, જ્યાં ભારતનો સૌથી મોટો સ્ટીલ પ્લાન્ટ આવેલો છે. બોકારોના બિરસા મુંડા પાર્ક, સિટી પાર્ક અને ગૌતમ બુદ્ધ પાર્ક પ્રવાસીઓ માટે મુખ્ય આકર્ષણ છે. ઈ સિવાય અહીં સ્થિત તળાવો અને બગીચા પરિવાર સાથે સમય પસાર કરવા માટે યોગ્ય સ્થળ છે. (તસવીર : @VisitJharkhand/Twitter)
harkhand top 10 places :
દશમ ફોલ : દશમ ફોલ ઝારખંડનો મુખ્ય ધોધ છે, જે રાંચીથી લગભગ 40 કિલોમીટરના અંતરે સ્થિત છે. આ ધોધ લગભગ 144 ફૂટની ઊંચાઈથી પડે છે અને તેનો અવાજ દૂર દૂર સુધી સંભળાય છે. દશમ ફોલની સુંદરતા અને અહીંનું શાંતિપૂર્ણ વાતાવરણ પ્રવાસીઓને આકર્ષે છે. આ સ્થળ પિકનિક માટે પણ બેસ્ટ છે. (તસવીર: @VisitJharkhand/Twitter)
harkhand top 10 places :
હજારીબાગ : ઝારખંડનું હજારીબાગ લીલાછમ જંગલો, સુંદર તળાવો અને ટેકરીઓ માટે પ્રખ્યાત છે. જંગલી પ્રાણીઓને નજીકથી જોવા માટે અહીં હજારીબાગ નેશનલ પાર્ક એક ઉત્તમ સ્થળ છે. આ સ્થળ વન્યજીવ પ્રેમીઓ માટે એક અદ્ભુત સ્થળ છે, જ્યાં તેઓ પ્રકૃતિની ગોદમાં શાંતિ અને સુકનનો અનુભવ કરી શકે છે. (તસવીર : @VisitJharkhand/Twitter)
harkhand top 10 places :
જમશેદપુર : જમશેદપુર, જેને ટાટા નગર તરીકે પણ ઓળખવામાં આવે છે, તે ઝારખંડનો મુખ્ય ઔદ્યોગિક વિસ્તાર છે. અહીંનો જ્યુબિલી પાર્ક અને દલમા વન્યજીવ અભયારણ્ય મુલાકાતીઓ માટે ખાસ આકર્ષણનું કેન્દ્ર છે. તેમજ જ્યુબિલી લેક અને ભાટિયા પાર્ક પણ કુદરતી સૌંદર્યનો અદ્ભુત નજારો આપે છે. પરિવાર સાથે સમય વિતાવવા માટે જમશેદપુર એક શ્રેષ્ઠ સ્થળ છે. (તસવીર: @VisitJharkhand/Twitter)
harkhand top 10 places :
પતરાતુ વેલી : પતરાતુ વેલી ગાઢ જંગલો અને ટેકરીઓથી ઘેરાયેલી સુંદર ખીણ છે. અહીં તમે કુદરતી સૌંદર્ય અને શાંતિપૂર્ણ વાતાવરણનો આનંદ માણી શકો છો. પતરાતુ ડેમ અને ખીણમાંથી સૂર્યાસ્તનો નજારો અદ્ભુત છે. આ સ્થળ સાહસિક પ્રવાસીઓ અને પ્રકૃતિ પ્રેમીઓ માટે ઉત્તમ છે. (તસવીર: @VisitJharkhand/Twitter)
harkhand top 10 places :
નેતરહાટ : નેતરહાટને ‘છોટાનાગપુરની રાણી’ પણ કહેવામાં આવે છે. આ હિલ સ્ટેશન તેની ઠંડી આબોહવા અને મનોહર દૃશ્યો માટે પ્રખ્યાત છે. અહીંથી તમે સૂર્યોદય અને સૂર્યાસ્તનો સુંદર નજારો જોઈ શકો છો. આ સાથે નેતરહાટની પહાડીઓ અને ગાઢ જંગલો તમારી યાત્રાને વધુ રોમાંચક બનાવશે. આ સ્થળ પ્રકૃતિ પ્રેમીઓ અને ફોટોગ્રાફરો માટે એક ઉત્તમ સ્થળ છે. (તસવીર: @VisitJharkhand/Twitter)
harkhand top 10 places :
પલામુ કિલ્લો : પલામુ જિલ્લામાં સ્થિત આ ઐતિહાસિક કિલ્લો તેની સ્થાપત્ય અને સુંદરતા માટે પ્રખ્યાત છે. આ કિલ્લો નાગવંશી શાસકો દ્વારા બનાવવામાં આવ્યો હતો અને તે ઝારખંડના ભવ્ય ઇતિહાસની ઝલક છે. અહીંના રહસ્યમય વાતાવરણ અને સુંદર દૃશ્યોથી દરેક વ્યક્તિ મંત્રમુગ્ધ થઈ જાય છે. (તસવીર: @VisitJharkhand/Twitter)
harkhand top 10 places :
પારસનાથ પહાડી : પારસનાથ પહાડી ઝારખંડની સૌથી ઊંચી ટેકરીઓમાંની એક છે અને તેને ધાર્મિક સ્થળ તરીકે પણ ઓળખવામાં આવે છે. આ સ્થળ જૈન ધર્મના તીર્થસ્થાન તરીકે પ્રખ્યાત છે. અહીંનું પારસનાથ મંદિર અને આસપાસની ટેકરીઓ એક શાંત વાતાવરણ પ્રદાન કરે છે, જ્યાં તમે પ્રકૃતિની વચ્ચે શાંતિનો અનુભવ કરી શકો છો. (તસવીર : @VisitJharkhand/Twitter)
ઝારખંડ પ્રવાસ india દેશ