/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Ajay Saroya
પર અપડેટ કર્યું
Follow UsNew Update
/indian-express-gujarati/media/media_files/wp-content/uploads/2025/02/Kutch-Rann-Utsav-17.jpg)
ગુજરાતમાં ફરવા માટે ઘણા પ્રખ્યાત સ્થળો છે. ધાર્મિક તીર્થયાત્રા, એડવેન્ચર ટુર, નેચર ટ્રાવેલથી લઇ ડેઝર્ટ ટુર સહિત ગુજરાતમાં ઘણા જોવાલાયક સ્થળો છે. અમુક સ્થળો એવા છે જ્યાં ચોક્કસ સમયગાળા દરમિયાન જ ફરવા જઇ શકાય છે. અહીં આવા જ એક પ્રખ્યાત પ્રવાસ સ્થળ વિશે વાત કરી રહ્યા છે, જે 15 માર્ચે બંધ થવાનું છે. ત્યારબાદ ત્યાં ફરવા જવા માટે તમારે દિવાળી સુધી રાહ જોવી પડશે. (Photo: Gujarat Tourism)
/indian-express-gujarati/media/media_files/wp-content/uploads/2025/02/Kutch-Rann-Utsav-visit-2.jpg)
કચ્છ રણોત્સવ ગુજરાતનું પ્રખ્યાત પ્રવાસ સ્થળ છે. આ રણ ઉત્સવ કચ્છના ઘોરડો ગામમાં યોજવામાં આવે છે, જે ભૂજ શહેરથી 80 કિમી દૂર આવેલું છે. આ વખતે કચ્છ રણોત્સવ 11 નવેમ્બર 2024ના રોજ શરૂ થયું હતું, જે હવે 15 માર્ચ 2025ના રોજ બંધ થશે. એટલે કે કચ્છ રણોત્સવ ફરવા માટે હવે 30 દિવસથી ઓછો સમય બચ્યો છે. (Photo: Gujarat Tourism)
/indian-express-gujarati/media/media_files/wp-content/uploads/2025/02/Kutch-Rann-Utsav-visit-1.jpg)
ગુજરાતમાં વર્ષ 2005થી સતત કચ્છ રણોત્સવ યોજાય છે. ગુજરાતમાં પહેલીવાર પ્રવાસન વિભાગ દ્વારા વર્ષ 1992માં કચ્છોત્સવનું આયોજ કરવામાં આવ્યું હતું. ત્યાર પછી ગુજરાતના તત્કાલિન મુખ્યમંત્રી નરેન્દ્ર મોદીએ વર્ષ 2005માં રણ ઉત્સવનું આયોજન કર્યું હતું. શરૂઆતમાં બે થી 3 દિવસ ચાલનાર કચ્છ રણોત્સવ એટલો લોકપ્રિય થયો હવે કે હવે 3 થી 4 મહિના સુધી ચાલે છે. (Photo: Gujarat Tourism)
/indian-express-gujarati/media/media_files/wp-content/uploads/2025/02/Kutch-Rann-Utsav-18.jpg)
કચ્છ રણોત્સવ દરમિયાન પ્રવાસ દરિયાના ખારા પાણી સુકાઇ બાદ સફેદ મીઠુંની કણથી બનેલા રણમાં ફરવાની મજા માણે છે. સફેદ નમકની કણોના લીધે રાત્રે ચંદ્રના અજવાળામાં આ સ્થળ ચંદ્ર જેવો દેખાય છે. (Photo: Gujarat Tourism)
/indian-express-gujarati/media/media_files/wp-content/uploads/2025/02/Kutch-Rann-Utsav-visit-3.jpg)
કચ્છ રણોત્સવના મુખ્ય આકર્ષણનો વાત કરીયે તો સફેદ મીઠાનું રણ છે. અહીં પ્રવાસીઓના રહેવા માટે ટેન્ટ સિટી ઉભી કરવામાં આવે છે. ઉપરાંત કચ્છના પરંરાગત માટીના ભૂંગામાં રહેવાનો લાહવો મળે છે. કચ્છની લોકસંસ્કૃતિ, સંગીત, લોક નૃત્યુ, પરંપરાગત પોશાક, ભરતકામ, હસ્તશિલ્પ જોવા મળે છે. યાદગીરી માટે પ્રવાસીઓ કચ્છી ભરતકામના વસ્ત્રો અને હસ્તશિલ્પ સાથે લઇ જાય છે. (Photo: Gujarat Tourism)
/indian-express-gujarati/media/media_files/wp-content/uploads/2025/02/Kutch-Rann-Utsav-visit-4.jpg)
કચ્છમાં જોવાલાયક ઘણા સ્થળો છે. જો તમે રણ ઉત્સવમાં જઇ રહ્યા છો તો કચ્છની આસપાસના સ્થળોની મુલાકાત લઇ શકો છો. કાળો ડુંગર, ભુજીયો ડુંગર, આઈના મહેલ, પ્રાગ મહેલ, વિજય વિલાસ પેલેસ, કચ્છ મ્યુઝિયમ, હમીરસર તળાવ, માંડવીનો રમણીય દરિયા કિનારો, માતાનો મઢ, લખપતનો કિલ્લો, નારાયણ સરોવર, કોટેશ્વર મહાદેવ મંદિર વગેરે કચ્છના ફરવા લાયક પ્રખ્યાત સ્થળો છે. (Photo: Gujarat Tourism)