/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Ajay Saroya
પર અપડેટ કર્યું
Follow UsNew Update
/indian-express-gujarati/media/media_files/wp-content/uploads/2025/05/hill-station-trip-1.jpg)
હિલ સ્ટેશન પર ઉનાળાની ગરમીમાં પણ વાતાવરણ ઠંડુ રહે છે. આથી મોટી સંખ્યામાં લોકો ઉનાળા વેકેશનમાં ફરવા માટે હિલ સ્ટેશન વધારે પસંદ કરે છે. જો તમે વેકેશનમાં ફરવા ગયા નથી અને જૂનમાં ફરવા જવાનો પ્લાન બનાવી રહ્યા છો, તો અહીં અમુક કુદરતી સૌંદર્યથી ભરપૂર ગુજરાત નજીક આવેલા હિલ સ્ટેશન વિશે જાણકારી આપી છે. જ્યાં જૂનની ગરમી અને ચોમાસાના વરસાદી માહોલમાં ફરવાની મજા પડે છે. (Photo: Social Media)
/indian-express-gujarati/media/media_files/wp-content/uploads/2025/05/mahabaleshwar-hill-station-1.jpg)
મહારાષ્ટ્રનું બીજું સૌથી પ્રખ્યાત મહાબળેશ્વર હિલ સ્ટેશન સહ્યાદ્રિ પર્વતમાળામાં વસેલું છે. અગાઉ બ્રિટિશ કાળમાં અંગ્રેજો ઉનાળાની ગરમીથી બચવા અહીં ફરવા આવતા હતા. દરિયાની સપાટીથી 1438 મીટર ઉંચાઇ પર આવેલા વિલ્સન હીલ પરથી સૂર્યાસ્તનો આકર્ષક નજારો જોવા મળે છે. કૃષ્ણા નદીનું ઉદગમ સ્થળ મહાબળેશ્વર સ્ટ્રોબેરી અને મલબરી માટે પ્રખ્યાત છે. અહીં વેન્ના તળાવમાં નૌકા વિહાર, પંચગિની, લોકવીક પોઇન્ટ, ઇકો પોઇન્ટ, મહાબળેશ્વરનું મંદિર, પ્રતાપગઢી સહિત ઘણા જોવાલાયક સ્થળ છે. (Photo: Social Media)
/indian-express-gujarati/media/media_files/wp-content/uploads/2025/05/matheran-hill-station-13.jpg)
મહારાષ્ટ્રનું માથેરાન હિલ સ્ટેશન ભારતનું સૌથી નાનું, સુંદર અને સ્વચ્છ પ્રવાસ સ્થળ છે. અંગ્રેજોએ 250 વર્ષ પહેલા વસાવેલું માથેરાન હિલ સ્ટેશન દરિયાની સપાટીથી 800 મીટર ઉંચાઇ પર આવેલું છે. દુનિયાના એવા સ્થળ જ્યાં ખાનગી વાહનોના પ્રવેશ પર પ્રતિબંધ છે તેમા માથેરાનનો સમાવેશ થાય છે. મુંબઇથી 100 કિમી દૂર આવેલા માથેરાન પર ટોય ટ્રેનમાં બેસીને પહોંચી શકાય છે. માથેરાનમાં 38 વ્યૂ પોઇન્ટ છે, જ્યાંથી સૂર્યોદય, સૂર્યાસ્ત અને કુદરતી સૌંદર્યનો અદભુત નજારો જોઇ શકાય છે. માથેરાના હિલ સ્ટેશન પાર્ટનર અને પરિવાર કે મિત્રો સાથે ફરવા માટે શ્રેષ્ઠ સ્થળ છે. (Photo: Social Media)
/indian-express-gujarati/media/media_files/wp-content/uploads/2025/05/mount-abu-hill-station-5.jpg)
માઉન્ટ આબુ રાજસ્થાનનું એક માત્ર હિલ સ્ટેશન. અરવ્લલી પર્વતમાળામાં વસેલા માઉન્ટ આબુનું સૌથી ઉંચુ ગુરુ શિખર દરિયાની સપાટીથી 1722 મીટર ઉંચું છે. ગુરુ શિખર પર ભગવાન દત્તાત્રેયનું મંદિર છે. માઉન્ટ આબુ પર ઘણા સનસેટ પોઇન્ટ છે જ્યાંથી કુદરતી નજારો જોવા મળે છે. માઉન્ટ આબુમાં નકી લેક, અચલગઢ, અર્બુદા માતાનું મંદિર, દેલવાડાના જૈન દેરાસર, પીસ પાર્ક, વન્ય અભ્યારણ સહિત ઘણા જોવાલાયક સ્થળ છે. (Photo: Social Media)
/indian-express-gujarati/media/media_files/wp-content/uploads/2025/05/Saputara-hill-station-10.jpg)
સાપુતારા ગુજરાતનું સૌથી પ્રખ્યાત અને સુંદર હિલ સ્ટેશન છે. સહ્યાદ્રીની પર્વતમાળામાં વસેલું સાપુતારા ચોમાસાના વરસાદમાં સોળે કાળે ખીલી ઉઠે છે. પર્વત સાથે વાત કરતા વાદળો, ધુમ્મસ અને ઠંડી હવા પ્રવાસીઓને અદભુત આનંદ આપે છે. સાપુતારમાં હાથગઢ કિલ્લો, વાંસદા નેશનલ પાર્ક, સાપુતારા તળાવ, નવા નગર, સનસેટ પોઇન્ટ, વનસ્પતિ ઉદ્યાન, ગિરા ધોધ અને સપ્તશૃંગી નગઢ જોવાલાયક છે. (Photo: Social Media)