/indian-express-gujarati/media/agency_attachments/2025/11/10/2025-11-10t115614773z-ieg-logo-640x480-javed-ahmad-2025-11-10-17-26-13.png){kind=logo}
Ajay Saroya
પર અપડેટ કર્યું
Follow UsNew Update
/indian-express-gujarati/media/media_files/wp-content/uploads/2025/06/polo-forest-hill-vijaynagar.jpeg)
ચોમાસાના વરસાદ બાદ વાતાવરણ ખુલી ઉઠ્યુ છે. વરસાદી માહોલમાં લોંગ ડ્રાઇવ કે હિલ સ્ટેશન પર ફરવાની ઘણા મજા પડે છે. જો કે ચોમાસાના વરસાદમાં ફરવાની સાથે સાથે સાવચેતી પણ રાખવી જરૂરી છે. ભારે વરસાદથી પુર અને ભૂસ્ખલન જેવી કુદરતી આફતોમાં જાન માલને નુકસાન થઇ શકે છે. આથી ચોમાસામાં ફરવા માટે સુરક્ષિત સ્થળોની પસંદગી કરવી જોઇએ. અહીં ગુજરાતમાં ચોમાસામાં ફરવા લાયક સ્થળો વિશે જાણકારી આપી છે, જ્યાં પ્રવાસીઓ ચિંતા વગર ફરવાની આનંદ માણી શકે છે. (Photo: Gujarat Tourism)
/indian-express-gujarati/media/media_files/wp-content/uploads/2025/06/Statue-Of-Unity.jpg)
સ્ટેચ્યુ ઓફ યુનિટી વડોદરા નજીક કેવડિયા ખાતે આવેલું ગુજરાતનું સૌથી પ્રખ્યાત ફરવાલાયક સ્થળ છે. અહીં નર્મદા નદી કિનારે સરદાર વલ્લભભાઇ પટેલની 182 મીટર ઉંચી દુનિયાની સૌથી ઊંચી પ્રતિમા પ્રવાસીઓનું આકર્ષિત કરે છે. ચોમાસામાં બંને કાંઠે વહેતી નર્મદા નદીનું નયનરમ્ય દ્રશ્ય જોઇ પ્રવાસીઓની આંખોને ઠંડક મળે છે. અહીં પ્રવાસીઓ ઉંચા પહાડ, લીલાછમ વૃક્ષો, ખળખળ વહેતી નદી, વાદળ અને ગાઢ ધુમ્મસનો અદભુત નજારો માણી શકે છે. અહીં સરદાર વલ્લભભાઇ પટેલની પ્રતિમા, સરદાર સરોવર ડેમ, બટરફ્લાય ગાર્ડન, આરોગ્ય વન, એકતા ક્રૂઝ, એકતા નર્સરી, ચિલ્ડ્રન ન્યુટ્રિશન પાર્ક, વિશ્વ વન, જંગલ સફારી, યુનિટી ગ્લો ગાર્ડન, રિવર રાફ્ટિંગ, કેક્ટ્સ ગાર્ડન જોવાલાયક સ્થળો છે. (Photo: Gujarat Tourism)
/indian-express-gujarati/media/media_files/wp-content/uploads/2025/06/Taranga-Hill.jpg)
તારંગા હિલ મહેસાણાના સતલાસરણ જિલ્લામાં આવેલું સુંદર અને શાંત હિલ સ્ટેશન છે. ચોમાસાના વરસાદમાં તારંગા હિલ પર પર્વતોએ લીલી ચાદર ઓઢી હોય તેવો આભાસ થાય છે. ત્રણ ટેકરી ધરાવતી તારંગા તીર્થનુ સૌથી ઉંચું શિખર દરિયાની સપાટીથી 1200 ફુટ ઉંચાઇ ધરાવે છે. પહાડ પર ચઢવા માટે સુવ્યવસ્થિત પગથિયા તારંગાને ચોમાસામાં ફરવા માટે સુરક્ષિત સ્થળ બનાવે છે. અહી 1000 વર્ષ જુના મંદિરો, જૈન દેરાસર અને બૌદ્ધ ગુફા દર્શનીય સ્થળ છે. ચોમાસાના ઝરમર વરસાદમાં તારંગા હિલનો કુદરતી નજારો મનમોહક હોય છે. (Photo: Gujarat Tourism)
/indian-express-gujarati/media/media_files/wp-content/uploads/2025/06/polo-forest-8.jpg)
પોળો ફોરેસ્ટ ગુજરાતના સાબરકાંઠામાં વિજયનગર તાલુકામાં આવેલું પ્રખ્યાત હિલ સ્ટેશન છે. ચોમાસાના વરસાદમાં પોળો જંગલ સોળે કળાએ ખીલી ઉઠે છે. અરવલ્લીની ગીરમાળામાં આવેલું પોળો જંગલ પ્રકૃતિ અને ઇતિહાસ પ્રેમીઓ માટે સ્વર્ગ સમાન છે. અહીં ઉંચા પહાડ, ઝરણાં, હરણવ નદી અને તેના પર બંનેલો ડેમ ઉપરાંત 500 વર્ષથી વધુ જુના પ્રાચીન મંદિરો જોઇ પ્રવાસીઓ આશ્ચર્યચકિત થાય છે. વરસાદની સીઝનમાં લીલાછમ જંગલ, વાદળો અને ગાઢ ધુમ્મસ પ્રવાસીઓને રોમાંચક અનુભવ આપે છે. (Photo: Gujarat Tourism)