Advertisment
FE Budget 2026
Co-presented by
Associate Sponsor
ન્યૂઝ Photos

મોરબી પુલ દુર્ઘટનાઃ એજન્સીઓ અને સ્થાનિક લોકો બન્યા દેવદૂત, રેસ્ક્યૂ ઓપરેશનની જુઓ તસવીરો

મોરબી પુલ દુર્ઘટના : મોરબીમાં ગઇકાલ રવિવારે સર્જાયેલી પૂલ તૂટવાની ઘટનામાં 132 લોકોના મોત થયા હોવાના સમાચાર મળ્યાં છે.

Written bymansi bhuva

મોરબી પુલ દુર્ઘટના : મોરબીમાં ગઇકાલ રવિવારે સર્જાયેલી પૂલ તૂટવાની ઘટનામાં 132 લોકોના મોત થયા હોવાના સમાચાર મળ્યાં છે.

author-image
mansi bhuva
પર અપડેટ કર્યું
New Update
મોરબીમાં ગઇકાલે 30 ઓક્ટોબરે સાંજે મચ્છુ નદી પર બનેલો 140 વર્ષથી પણ જૂનો અને મોરબીઓની વિરાસત ઝુલતો પુલ તૂટતા ગોઝારી ઘટના સર્જાઇ. આ ઘટનાને પગલે 20 મિનિટની અંદર યુદ્ધના ધોરેણે બચાવ કામગીરી હાથ ધરવામાં આવી છે. છેલ્લા 8 કલાકથી નેવી-એરફોર્સ-આર્મી સહિતની એજન્સીઓ કામે લાગી છે. કંન્ટ્રોલરૂમ દ્વારા હેલ્પ લાઇન નંબર 02822 243300 જાહેર કરવામાં આવ્યો​​​​​ છે.
કચ્છ, રાજકોટ, જામનગર અમદાવાદ, ગાંધીનગર અને વડોદરાથી SDRF અને NDRFની ટીમો તેમજ અનેક જિલ્લાના તરવૈયાઓ બચાવ કામગીરી કરી રહ્યા છે. જે અંતર્ગત આજરોજ સવારે 8.00 કલાક સુધીમાં કુલ 132 મૃતદેહો મળી આવ્યા છે.
રાત્રી દરમિયાન ચાલેલા રેસ્કયુ ઓપરેશનમાાં અત્યાર સધીમાં કુલ 170 લોકોને નેવી-એરફોર્સ-આર્મી સહિતની એજન્સીએ દેવદૂત બની બચાવી લીધાં છે. રાજ્યના ગૃહમંત્રી હર્ષ સંધવીએ જણાવ્યું હતું કે, આખી રાત ચાલેલું સર્ચ ઓપરેશન અંતિમ તબક્કામાં છે.
આ સાથે હજુ 2 વ્યક્તિ લાપતા હોવાના સમાચાર મળ્યા છે. આ ઉપરાંત આ ઘટનામાં અત્યાર સુધીમાં કુલ 11 લોકો ઇજાગ્રસ્ત થયા છે. જેમાંથી 6 ઇજાગ્રસ્તોને સારવાર બાદ હોસ્પિટલમાંથી રજા આપી દેવાઇ છે. જ્યારે 5 લોકો હજુ સારવાર હેઠળ છે.
ઉલ્લેખનીય છે કે, આ ઝુલતા પુલને સહેલાણીઓ માટે નવા વર્ષના દિવસે જ ખુલ્લો મુકાયો હતો. ત્યારે ગઇકાલે રવિવારે સાંજે આ પુલ પર આશરે 400થી વધુ લોકો હિલ્લોળે ચડ્યા હોય તેવા દ્રશ્યો સામે આવ્યા હતા. જેના અમુક ક્ષણ બાદ જ આ ઘટનાએ મોરબી સહિત સમગ્ર ગુજરાત અને નેતાઓને હચમચાવી દીધાં છે.
પ્રત્યક્ષદર્શીઓના મીડિયાને જણાવ્યા અનુસાર, સાંજના 6.45ના સમયે મોટી સંખ્યામાં લોકો પુલ પર હતા, કેટલાક લોકો પુલ હલાવવાની મસ્તી પણ કરી રહ્યા હતા અને અચાનક ત્યારબાદ પુલ ધરાશાયી થયો અને લોકો પુલ સાથે નદીમાં પડ્યા હતા.
મોરબી કેબલ બ્રિજ મોરબી અકસ્માત ગુજરાત