13 ડિસેમ્બર ફરી બન્યો કાળો દિવસ, 2001ના આતંકવાદી એટેક બાદ ફરી સંસદમાં હુમલો

સંસદની સુરક્ષામાં ચૂક : બુધવારે સંસદમાં અરાજકતા સર્જાઈ હતી જ્યારે કેટલાક યુવાનોએ સંસદની અંદર અને બહાર ગેસ છોડ્યો હતો. આ કેસમાં ચાર આરોપીઓની અટકાયત કરવામાં આવી છે. પોલીસ તપાસમાં વ્યસ્ત છે.

બુધવારે બપોરે સંસદમાં ગૃહની કાર્યવાહી ચાલી રહી હતી. અચાનક એક યુવક દર્શક ગેલેરીમાંથી કૂદીને સાંસદની બેઠક પાસે પહોંચી ગયો.

તરત જ બીજો યુવાન નીચે કૂદી પડ્યો અને બંને એક ડેસ્ક પરથી બીજા ડેસ્ક પર કૂદકો મારતા આગળ વધવા લાગ્યા.

પકડાય તે પહેલા બંનેએ પોતાના બુટમાંથી ધુમાડો કાઢીને છાંટ્યો હતો. થોડી જ વારમાં આખી સંસદ ધુમાડામાં ફેલાઇ ગયો.

આવી જ ઘટના સંસદ પરિસરમાં આ જ ગૃહની બહાર બની હતી. અહીં પણ એક યુવક અને યુવતીએ આ જ રીતે સ્મોક એટેક કર્યો અને સૂત્રોચ્ચાર પણ કરવા લાગ્યા.

થોડી જ વારમાં સંસદ સહિત સમગ્ર દેશમાં હંગામો મચી ગયો.

પોલીસે જે ચાર લોકોની અટકાયત કરી છે તેમના નામ સાગર, મનોરંજન, નીલમ અને અમોલ શિંદે છે. તેમના હુમલા પાછળનો હેતુ હજુ સુધી જાણી શકાયો નથી.

લોકસભાની અંદર હુમલો કરનાર બંને યુવકોને મૈસૂર બીજેપી સાંસદ પ્રતમ સિંન્હા પાસથી પ્રવેશ પાસ મળ્યા હતા.

તમને જણાવી દઈએ કે બરાબર 22 વર્ષ પહેલા આજના દિવસે એટલે કે 13 ડિસેમ્બર 2001ના રોજ સંસદ પર આતંકવાદી હુમલો થયો હતો. આજે સંસદ સંકુલમાં પણ શહીદ થયેલા સુરક્ષા જવાનોને શ્રદ્ધાંજલિ આપવામાં આવી હતી. (તસવીરોઃ પીટીઆઈ)