વડાપ્રધાન નરેન્દ્ર મોદી જગદંબાના શરણે, પાવડી પૂજા-આરતી ઉતારી ધન્યતા અનુભવી
PM Narendra Modi Gujarat Ambaji Temple Visit : વડાપ્રધાન નરેન્દ્ર મોદી બે દિવસના ગુજરાત પ્રવાસે આવ્યા છે. જેમાં પ્રથમ દિવસે શક્તિપીઠ અંબાજી મંદિરમાં શીશ ઝુકાવી માતાજીના આશીર્વાદ મેળવ્યા હતા
October 30, 2023 18:55 IST
1/12
ભારતના વડાપ્રધાન નરેન્દ્ર મોદી બે દિવસના ગુજરાત મુલાકાતે આવ્યા છે. ગુજરાત પ્રવાસની શરૂઆત તેમણે પ્રસિદ્ધ શક્તિપીઠ અંબાજી મંદિરમાં પૂજા-અર્ચના અને દર્શન સાથે કરી હતી. દિલ્હીથી અમદાવાદ એરપોર્ટ પર ઉતર્યા બાદ પીએમ મોદી સીધા અંબાજી મંદિરે પહોંચ્યા હતા. (Photo - PMOIndia)
2/12
વડાપ્રધાન નરેન્દ્ર દિલ્હીથી અમદાવાદ એરપોર્ટ પર ઉતર્યા બાદ સીધા બનાસકાંઠા સ્થિત શક્તિપીઠ અંબાજી મંદિરે પહોંચ્યા હતા. આ દરમિયાન ગુજરાતના મુખ્યમંત્રી ભૂપેન્દ્ર પટેલ પણ તેમની સાથે હતા. અંબાજી મંદિરના પ્રાંગણમાં તેમણે લોકોનું અભિવાદન કર્યુ હતુ. (Photo - PMOIndia)
3/12
પીએમ નરેન્દ્ર મોદીએ અંબાજી મંદિરના ગર્ભગૃહ પરિસરમાં માતાજી સમક્ષ બેસીને આદ્યશક્તિ જગજનનીની શાસ્ત્રોતક વિધિથી પૂજા-અર્ચના કરી હતી. (Photo - PMOIndia)
4/12
અંબાજી મંદિરના ગર્ભગૃહ પરિસરમાં વડાપ્રધાન નરેન્દ્ર માતાાજીના મૂર્તિને સ્નાન કરાવી રહ્યા છે. (Photo - PMOIndia)
5/12
અંબાજી માતાની પૂજામાં માતાજીને ફૂલ અર્પણ કરતા વડાપ્રધાન નરેન્દ્ર મોદી. દેશના 51 શક્તિપીઠોમાં અંબાજી મંદિરનો સમાવેશ થાય છે. (Photo - PMOIndia)
6/12
પીએમ મોદીએ માતાજીની મૂર્તિ સમક્ષ બે હાથ જોડી નમસ્કાર કર્યુ હતુ. એવું કહેવાય છે કે, અહીંયા માતા સતીનું હૃદય પડ્યુ હતુ. તેથી આ શક્તિપીઠનું વિશેષ મહત્વ છે. (Photo - PMOIndia)
7/12
પીએમ મોદીએ માતાજીની આરતી કરી હતી. તેઓ દેશના વડાપ્રધાન બન્યા બાદ ઘણી વખત અંબાજી મંદિરે દર્શન કરવા આવે છે. (Photo - PMOIndia)
8/12
અંબાજી મંદિરના પૂજારીએ વડાપ્રધાન મોદીને પાવડી પૂજા કરાવી હતી. વડાપ્રધાન મોદી અંબાજી માતાજીમાં બહુ આસ્થા ધરાવે છે. (Photo - PMOIndia)
9/12
અંબાજી મંદિરના શિખરને સુવર્ણથી શણગારવામાં આવ્યુ છે. મંદિરની નજીક ગબ્બર પર્વત પર માતાજીની અખંડ જ્યોત પ્રજ્વલિત હોય છે. (Photo - PMOIndia)
10/12
વડાપ્રધાન મોદીએ અંબે માતાને શ્રદ્ધાપૂર્વક નમસ્કાર કર્યા હતા. ભાદરવા મહિનામાં યોજાતો અંબાજી મંદિરનો મેળો વિશ્વ પ્રસિદ્ધ છે. દર વર્ષે લાખો લોકો પગપાળા ચાલીને અંબાજી મંદિરે દર્શન કરવા આવે છે. (Photo - PMOIndia)
11/12
અંબાજી મંદિરના પૂજારીએ વડાપ્રધાન નરેન્દ્ર મોદીને માતાજીની ચૂંદડી ભેટમાં આપી છે. અંબાજી મંદિરમાં ચૈત્ર અને આસો નવરાત્રીમાં ગરબાનું આયોજન કરવામાં આવે છે. (Photo - PMOIndia)
12/12
વડાપ્રધાન નરેન્દ્ર મોદી અંબાજી મંદિરમાં દર્શન કર્યા બાદ ખેરાલુના ડભાડા પહોંચી ગયા છે. અહીં તેમણે 5941 રૂપિયાના વિવિધ વિકાસલક્ષી પ્રોજેક્ટોનું ખાતમુહૂર્ત કર્યુ હતુ. (Photo - PMOIndia)
Loading...