Advertisment
FE Budget 2026
Co-presented by
Associate Sponsor
ન્યૂઝ Photos

Tax Free State In India: ભારતનું આ રાજ્ય કર મુક્ત, પ્રજા પર નથી કોઇ ઈન્કમ ટેક્સ, જાણો કેમ

Tax Free State In India: ભારતના આ રાજ્યને અન્ય રાજ્યોથી અલગ અને વિશેષ અધિકારો મળ્યા છે. આ વિશેષ દરજ્જાને કારણે, કોઈ આવકવેરો નથી, અને તેના નાગરિકોને ભારતીય કર પ્રણાલીમાંથી બહાર રાખવામાં આવે છે.

Written byAjay Saroya

Tax Free State In India: ભારતના આ રાજ્યને અન્ય રાજ્યોથી અલગ અને વિશેષ અધિકારો મળ્યા છે. આ વિશેષ દરજ્જાને કારણે, કોઈ આવકવેરો નથી, અને તેના નાગરિકોને ભારતીય કર પ્રણાલીમાંથી બહાર રાખવામાં આવે છે.

author-image
Ajay Saroya
પર અપડેટ કર્યું
New Update
tax free state in india | income tax
ભારતમાં દરેક રાજ્યમાં અલગ-અલગ પ્રકારના ટેક્સ હોય છે, પરંતુ એક રાજ્ય એવું છે જ્યાં નાગરિકોએ ઈન્કમટેક્સ કે અન્ય કોઈ પ્રકારનો કર ચૂકવવો પડતો નથી. હકીકતમાં અમે વાત કરી રહ્યા છીએ સિક્કિમની. હા, સિક્કિમ એકમાત્ર એવું રાજ્ય છે જ્યાંના નાગરિકોએ સરકારને કોઈ ઇન્કમ ટેક્સ ચૂકવવો પડતો નથી. ભારતીય બંધારણ હેઠળ રાજ્યને વિશેષ દરજ્જો મળે છે, જે તેને ભારતના અન્ય રાજ્યોથી ખાસ બનાવે છે. (Photo: Freepik)
Sikkim Tourism
સિક્કિમ અગાઉ એક સ્વતંત્ર રાજ્ય હતું જેનું 1975માં ભારતમાં વિલિનિકરણ કરવામાં આવ્યું હતું. આઝાદી પહેલા, સિક્કિમ પર નમગ્યાલ વંશનું શાસન હતું અને નાગરિકોની સુરક્ષા માટે 1950માં ભારત-સિક્કિમ સંધિ પસાર કરવામાં આવી હતી. ભારતમાં વિલીનીકરણ સમયે સિક્કિમે એવી શરત મૂકી હતી કે અહીંનું જૂનું ટેક્સ માળખું જાળવી રાખવામાં આવશે. (Photo: Sikkim Tourism)
sikkim
વિલિનિકરણ પછી તે ભારતનું 22મું રાજ્ય બન્યું. આ પછી, સિક્કિમના નાગરિકોએ કેન્દ્ર સરકારને કોઈ આવકવેરો ચૂકવવો પડશે નહીં. આ વિશેષ કર મુક્તિ કલમ 10(26AAA) અને કલમ 371 (F) હેઠળ આપવામાં આવી છે. (Photo: Sikkim Tourism)
sikkim
ભારતીય આવકવેરા અધિનિયમ, 1961 ની કલમ 10(26AAA) મુજબ, સિક્કિમ રાજ્યના નાગરિકોએ તેમની આવકને ધ્યાનમાં લીધા વિના કોઈપણ કર ચૂકવવો પડતો નથી. આ હેઠળ, સિક્કિમમાં કોઈપણ વ્યક્તિની આવક, જેમ કે ડિવિડન્ડ અથવા સિક્કિમમાં મળેલી સિક્યોરિટીઝ પરના વ્યાજને ટેક્સમાંથી મુક્તિ મળે છે. (Photo: Sikkim Tourism)
sikkim
આ ઉપરાંત સિક્કિમના નાગરિકો માટે ભારતીય સિક્યોરિટીઝ અને મ્યુચ્યુઅલ ફંડમાં રોકાણ કરવા માટે પાન કાર્ડની વિગતો આપવી પણ ફરજિયાત નથી. તેમજ સિક્કિમ કલમ 371 (F) હેઠળ વિશેષ રાજ્યનો દરજ્જો ધરાવે છે, જે આ છૂટછાટને કાયદેસર રીતે સુનિશ્ચિત કરે છે. (Photo: Sikkim Tourism)
sikkim
તમને જણાવી દઈએ કે, સિક્કિમની માથાદીઠ આવક ₹ 707081 છે, જે તેને ભારતના સૌથી ધનિક રાજ્યો પૈકીનું એક બનાવે છે. જો કે, કલમ 10(26AAA) હેઠળ આ મુક્તિ માત્ર સિક્કિમમાં રહેતા નાગરિકો માટે છે. જો કોઈ વ્યક્તિ પાસે સિક્કિમની બહારના સ્ત્રોતોમાંથી આવક હોય, જેમ કે ભાડાની આવક અથવા સિક્કિમની બહારના કોઈપણ અન્ય વ્યવસાયમાંથી આવક, તો તે આ કાર મુક્તિ હેઠળ આવતી નથી. (Photo: Sikkim Tourism)
sikkim
ઉપરાંત જો કોઈ સિક્કિમ નિવાસી મહિલા 1 એપ્રિલ, 2008 પછી બિન-સિક્કિમ નિવાસી સાથે લગ્ન કરે છે, તો તેને પણ આ કર મૂક્તિનો લાભ મળતો નથી. આ જોગવાઈને લઈને અદાલતોમાં વિવાદ થયો હતો, પરંતુ 2008માં સુપ્રીમ કોર્ટે તેને માન્ય રાખ્યો હતો. (Photo: Sikkim Tourism)
sikkim
સિક્કિમનો આ કર મુક્ત દરજ્જો માત્ર તેના નાગરિકો માટે જ ફાયદાકારક નથી, પરંતુ રાજ્ય અન્ય ઘણી વિશેષતાઓ માટે પણ પ્રખ્યાત છે. આ ભારતનું પ્રથમ ઓર્ગેનિક રાજ્ય છે, એટલે કે અહીંની તમામ કૃષિ પેદાશો ઓર્ગેનિક છે. ઉપરાંત સિક્કિમ ભારતનું પહેલું રાજ્ય છે જેને ઓપન ડીફેકેશન ફ્રી (ODF) જાહેર કરવામાં આવ્યું છે, એટલે કે અહીં ખુલ્લામાં શૌચ કરવાની કોઈ પ્રથા નથી. આ સાથે સિક્કિમને દેશનું સૌથી સ્વચ્છ રાજ્ય પણ ગણવામાં આવે છે. (Photo: Sikkim Tourism)
ટેક્સ બજેટ india બિઝનેસ