Advertisment
FE Budget 2026
Co-presented by
Associate Sponsor
ન્યૂઝ Photos

Summer Travel Tips : દક્ષિણ ગુજરાતમાં આવેલ સુંદર સ્થળો, સફરને બનાવશે શાનદાર

Summer Travel Tips : અહીં દક્ષિણ ગુજરાતના કેટલાક બેસ્ટ ટુરિસ્ટ ડેસ્ટિનેશનની વાત કરી છે જ્યાં તમે ગરમીથી રાહતનો અનુભવ કરશો.

Written byshivani chauhan

Summer Travel Tips : અહીં દક્ષિણ ગુજરાતના કેટલાક બેસ્ટ ટુરિસ્ટ ડેસ્ટિનેશનની વાત કરી છે જ્યાં તમે ગરમીથી રાહતનો અનુભવ કરશો.

author-image
shivani chauhan
પર અપડેટ કર્યું
New Update
Dang South Gujarat
ઉનાળાનું વેકેશન (Summer vacation) એટલે ફરવા જવાની સીઝન! પરંતુ અસહ્ય ગરમી પડતી હોવાથી આપણે એવા લોકેશન પસંદ કરીયે છીએ જે ગરમીથી છુટકારો અપાવે અને મુસાફરીને યાદગાર બનાવે. અહીં દક્ષિણ ગુજરાતના કેટલાક બેસ્ટ ટુરિસ્ટ ડેસ્ટિનેશનની વાત કરી છે જ્યાં તમે ગરમીથી રાહતનો અનુભવ કરશો.
Suvali Beach Surat
સુવાલી બીચ, સુરત : ગુજરાત રાજ્યના સુરત સિટીના હજીરામાં આવેલ સુવાલી બીચ ખરેખર સુંદરતા માટે જાણીતો બીચ છે. સુવાલી બીચ એ અરબી સમુદ્રનો એક શહેરી બીચ છે. આમ તો સુવાલી ગામમાં આવેલ બીચ છે જે સુરતના કાળી રેતીનો બીચથી 25 કિલોમીટર દૂર આવેલો છે અને તે ભારતનો સૌથી સ્વચ્છ બીચ છે.
Saputara Lake
સાપુતારા : ડાંગમાં આવેલ સાપુતારાએ હિલ સ્ટેશન છે. જે ખરેખર ગુજરાતનું સ્વર્ગ છે! સાપુતારા એટલે 'સાપોનું નિવાસસ્થાન' અને સર્પગણા નદીના કિનારે સાપની મૂર્તિની આદિવાસીઓ હોળી પર પૂજા કરે છે.
Saputara Paragliding
સાપુતારાને સહ્યાદ્રી પહાડીમાં વસેલું રમણીય સ્થળ છે. આ હિલ સ્ટેશન ન માત્ર ગુજરાતીઓ પરંતુ ભારતભરમાંથી ટુરીસ્ટોને આકર્ષે છે. અહીં ઘણી એડવેન્ચર એકટીવીટીઝ પણ જાણીતી છે. જેમાં પેરાગ્યડિંગ, સ્વિમિંગ, બોટની મજા પણ તમે માણી શકો છો. આ ઉપરાંત અહીં રોપવે અને મ્યુઝિયમ જેવી તમામ જરૂરી સુવિધાઓ અને સુંદર હિલ રિસોર્ટ પણ છે.
Gira Dhodh Falls
ગીરા ધોધ : ગીરા ધોધ એક નેચરલ વોટરફોલ જે ખુબજ સુંદર છે. તેના અદભુત દ્રશ્ય માટે ગરમીથી રાહત મેળવવા લોકો અહીં રજાઓ દરમિયાન ઉમટે છે. આ ધોધની ઉંચાઈ આશરે 200-250 ફૂટ છે, લગભગ આખું વર્ષ તે પાણીથી ભરેલો રહે છે. પરંતુ ચોમાસાની આસપાસ આકર્ષક અને રમણીય નજારો હોય છે. બારેમાસ વરસતો આ ધોધ જિલ્લાના સૌથી મનોહર સ્થળોમાંનો એક છે. જે વાઘાઈ શહેરથી લગભગ 3 કિમી દૂર છે.
National Salt Satyagraha Memorial navsari
દાંડી સ્મારક : દાંડી સ્મારક નવસારીમાં આવેલ છે. રાષ્ટ્રીય મીઠું સત્યાગ્રહ સ્મારક અથવા "દાંડી સ્મારક" દાંડી ગુજરાતમાં એક પ્રાયોગિક પ્રવાસ તરીકે ડિઝાઇન કરવામાં આવ્યું છે જે મહાત્મા ગાંધીની 1930ની દાંડી કૂચની ભાવના અને ઇતિહાસને ઉજાગર કરે છે. મુલાકાતીઓને પ્રસિદ્ધ દાંડી કૂચ અને સત્યાગ્રહના ઇતિહાસને સમજવામાં મદદ કરવા સ્મારકમાં સ્ટેપ બાય સ્ટેપ ગાઈડન્સ આપવામાં આવ્યું છે. જે આખરે બ્રિટિશ સંસ્થાનવાદી શાસનથી ભારતની સ્વતંત્રતામાં પરિણમ્યું હતું.
Dandi kuch History
દાંડી સ્મારકઈતિહાસ : વિશ્વમાં ઘણી ચળવળ થઇ હશે પરંતુ દાંડી કૂચ જેવી કોઈ ચળવળો નથી. 1930માં મહાત્મા ગાંધીએ મીઠાના કર પર બ્રિટિશ સરકારના વલણનો વિરોધ કરવાનો નિર્ણય લીધો હતો. મહાત્માએ અસહકારનો માર્ગ અપનાવ્યો હતો. ગાંધીજીએ સાબરમતી આશ્રમથી દાંડી સુધીની 390 કિલોમીટરની સફર 80 જેટલા સાથીઓ સાથે શરૂ કરી હતી. ત્યારબાદ હજારો લોકો આ ચળવળમાં જોડાયા હતા. ગાંધીજીએ સત્ય અને અહિંસાનો માર્ગ અપનાવ્યો હતો. છેવટે દાંડી પહોંચ્યા ત્યારે એક ચપટી મીઠું લઈને મીઠાના કાયદાનો ભંગ કર્યો હતો. તેઓએ બ્રિટિશ સામ્રાજ્યને હચમચાવી નાખ્યું અને ભારતની આઝાદીનો મેસેજ મોકલ્યો જે સમગ્ર વિશ્વમાં ગૂંજી ઉઠ્યો હતો.
ઉનાળો પ્રવાસ ટ્રેન્ડિંગ ન્યૂઝ